Q. Unauva illiitquhia haffuma Attilliuqniqqut Ikkayut ?
A. Natakat 35 tatvani Nunavut Nunatakutaita Angikutatni (NLCA) maliqqayagiaqqaqtaat ukkua kitut Illiitagiyauhimayut Inuit Timingita attaniqtutiqqaqmata hapkua taima piyungnaktut Inuit tatvani Nunavut Nunatakviita Nunaliitni piyunnautiqqagiangitni attilliuktauyungnaklutik Una Inuk tatvani Inuit Attiliurhimayut Titirait-niitpata ikkayutauyungnakniakmata tatvanga Nunavut Nunatakutaita Angikutatni (NLCA) taimunga una inuk innuraqtitlugu. Inuit angirutihimayaat ukkua NTI-kut taima Illiitagiyauhimayut Inuit Timingat . Hamna attiliurutauyuq hivunirhitjutiqqaqtuq ihumagiyautiaqmat hapkua Inuit inmingnik piunnirhauyut kina Inuinnaunmangata ikkayutiqqagiangani tatva Nunavut Nunatakutaita Angikutatni NLCA).
Q. Qanuq illiitugiyungnaktunga Nunataqqatauhimagiarhamnik tatvani Nunavut Nunatakutaita Angikutatni ( NLCA) ?
A. Piyunnautiqqaqtutit Nunataqqataulutit tatvani Nunavut Nunatakutaita Angikutatni ( NLCA)
a) Kanatamiuttauguvit
b) Innuinauguvit maliqqavlugit Inuit illiitquhiit uvalu attuqpagait .
c) Illiitagiyauhimaguvit ima Inuinnauvluttit .
Q. Attiit aullangitpat tatvani Nunavut Inuit Attilliurviata Tiitiraqtauhimayuni ?
A. Nunavut Inuit Attilliurviata Tiitiraqtauhimayuni munnariyauyuq tapkunanga NTI-kut Attiliurniqqut Havakviatni qarittauyaqqut kattitauhimayut. Tamaita attiliuqtauhimayut Nunavumi Inuit piyunnautiqqaqtut hapkuninga Nunavumi Inuit Attiliurhimayut Naunaipkutinniq.
Ilihimayagiaqqaqtuq una inuk attiliurhimannigumi ima Nunavut Inuk tuhaktitagiaqqaqtait ukkua NTI-kut Attiliurniqqut Havakviat alanguqnigungni una attiit, uvalunin ihuinnarhimanniqqat una attiit tatvani Attiliurhimayut Tiitiraqmi uvalunin Attiliurhimayut Naunaipkutaqmi. Tatva ihuarhiyungnaktat una tiitiraq Attiliuqtauhimayunniq Allanguktirutiit uvalu Ihuarhaitjutiit tiitiraqvigilraqlugit:
Enrolment Change and Correction
Q. Kia una munnarivakpauk Attiliuqniqqut Havaak ?
A. Nunavut Tunngavik Timingat (NTI-kut) munakivagat attiliurhugit kittut Inuit Nunataqqatauhimanniqqata tatvani Nunavut Nunataknikut Attiliukutatni ( NLCA). Una havagiyauyaktuk process NTI-kunin tatvuna Attiliuqniqqut Havakviata ukkua Attangutait uvalu Nunaliitni Attiliuqniqqut Katimayigalaat:
Community Enrolment Committee Terms of Reference
Q. Tahamani nunnaqagiaqqaqingna Nunavut iluani Nunataqqatauhimannahuaqlunga ?
A. Immannaq, pihimainnaguvit hapkuninga piyunnautaitniq Inuit Nunnataqqattauhimayut, hummitkaluakluttit qanuringittuq. Hapkua piyunnautirhat ihivgiuqlugit qullanitit: Q. Qanuq illitugiyunnaqqinga Nunataqqataugiarhamniq tatvani Nunavut Nunatakutaita Angikutatni NLCA?
Q. Tigguarhimaligama Inuinnaqmiq nuttaraqmiq uvalu attilirumagaluaqhugu Nunataqqatauyuni. Qanuq ihuarhitiyungnaqqigu ?
A. Attiliugumagungni una Inuk nuttaraq tigguarhimayat tatvani Nunataqqatauhimayut Nunavut Nunatakutaita Angikutani (NLCA), attiliuriaqqaqtat una Tigguarhimayut Inuinnaqniq Nuttaqanniq Turhiutaita Tiitiqami. Attiliuqaqlugu una tiitiraq, aippaqaguvit attiliuriaqqaqtalu Katimayigalaatnun.
Adopted Inuit Children Application Form
Q. Qanuq havaqqaqat ukkua Nunaliitni Attiliuqniqqut Katimayigalaat ?
A. Ukkua havagiluaqtait Nunaliitni Attiliuqniqqut Katimayigalaat ikkayugahuaklugit NTI-kut munariyaitniq pitjutigivlugit hamna attiliuqahuaqlugit tamaita Inuit attuqlugu una Nakatak 35 tatvani Nunavut Nunatakutaita Angikutatni (NLCA).
Tatva Nunaliitni Attiliuqniqqut Katimayigalaat-qaqtut tamaitni nunaliitni piyagiakaktut katimakataklutik attauhiugaluakmik tamaat 6-sinik tatqirhiutinik uvalu katimayagiakagumik katikatagahuaklutik. Katimatitlugit, ukkua piyagiakakniaktut havagilugit tamaita turhiutauyut attiliuqutirhat ihuarhagahuaklugit nakuattut uvalu killamiurutiginahuaklugit.
Ukkua ihumagiyagiakaktait tapkua CEC-kut Nunaliitni Attiliuqniqqut Katimayigalaat uvalu huli tuhakvigivaligungnaktatit tatvani Nunaliitni Attiliuqniqqut Katimayigalaat Naunaipkutaitni:
Community Enrolment Committee Terms of Reference (pdf)
Q. Una attiliurutimma turhiutiga qinnigaunmat. Qanuq hamna akkihauttigiyungnaqqigu ?
A. Hivullikpamik, una titiraq akkigaktutirhat attiliuqiaqqaqtat uvalu innikat tuyuqlugu tatvunga Attiliuqutinniq Havaktiatnun. Tatva pingahungmata ukkua allatqit titiqqat, naliak huuq pitjutiqqagiaqqaqqat akkigaktutigiyat. Ilviit pitjutigiyaknik, piyagiaqqaqtat una Tittigak D:
Tittigak D: Una tittigak attuqtauvaqtuq una kina inuk qingiyaugangat attiliuquttimiq.
Enrolment Refusal Appeal Form D
Tittigak E: Una tittigak attuqtauvaqtuq kina inuk attiliuqtauhimayugaluaq uvalu allaap innup akkihaktutigiyummanniqqagu una attiliurutigihimaya
Enrolment Refusal Appeal Form D
Form F: Una tittigak attuqtauvaqtuq una kina inuk ungavaktaugangat tatvanga attiliuqniqqut titiqqamit .
Una akkihaktutauyuk tittigak tikkilviuhimalikat tatvunga Attiliuqniqqut Havaktimut, tuyuktaunniaktuk tatvunga Nunavumi Attiliuqniqqut Akkihaktuttinnut Katimayigalaat-nun, ukkua ihumaliuqqutiginiaktat qaqqugu uvalu hummi hamna akkihaktutauyuk nallaqqutauniakmangata. Una tuhaktitjutirhat nallagutirhaitnik tuhaktitjutaunniaktut naliakni nunaliitni, malruknik pingiakninnik nallakniahaktitlugit. Hapkua akkihaktutinnik nallakutauyut angmaummayut kittunnut inuitnun nallagiagumayunnut.
Tamaita hapkua kittit pikkatauyumayut uppauttiluttik pikkataunginnagialgit nallaktitlugit. Ukkua akkihaktutinnik katimayigalaat nallaktut pipkainginnagiakaktut inukmik nallakatauyumakmata hivayauttikut uvalu ahiagut ajikkuttanik alguyaktutituktumik.
Ukkua akkihaktutinnik katimayigalaat nallaktut nallainnagiakaktut uqqauhigiyaunniaktumik naunaiyauttaunniaktunnik, uvalu nakkuattut hamna naunaiyauttauyuk ihumarhutiqhaq nallagiakaktat. Hamna akkiliktutauyuk illauyunnut tatvani akkihaktutauyunni akkiliktugiakakniaktat ukkua pikattauyut.
Q. Hunnauvat ukkua Nunavumi Attiliuqniqqut Akkihaktunnikut Katimayigalaat ?
A. Ukkua Nunavumi Attiliuknikur Akkihaktuinnikut Katimayigalaat ihivgiurhiqqataqtut uvalu attanniktuiyut hapkuninga Attiliuknikut akkihaktutinnik. Ukkua katimayigalaat katimayinguktitauhimayut pingahunik avikturhimayuni katimayigalaatnin. Ukkua Avikturhimayuni Inuit Katuyikatigit (RIAs) titquarhivaqtut attauhikmik inukmik tamaitnit nunaliitnit tatva hapkua katimayinguktitauvlutik avikturhimayuni katimayigalaatni . Tamaita avikturhimayuni katimayigalaat tatvangat niguakpaktut attauhikmik katimayikatauyumit una ihivauttiqqaqatauniaktuq tatvani katimayigalaatni, tatva taima pingahunniaktut ukkua ihivauttaqqaqlutik kittitlugit, attauhik tammaitnit avikturhimayunit.
Una katimayikatauyuk tatvani Nunavumi Attiliuknikut Akkihaktuttauyunik Katimayigalaat ihumarhutigiyagiakangitait hapkua akkihaktutauyut inmi tatvani pikatauhimannigumik tatvani Nunaliit Attiliukutinnik Katimayigalaatni ukkua hivulikpamik una attiliukutinnik ihumarhutigihimangmatjuk.
Tamaita hapkua ihumarhutauhimayut uvalunin attanniktutauhimayut tatvani akkihaktuinnikut katimayigalaat kingulikpangunniaktut uvalu malikayagiakaktut uvalu pitjutaulaitut huli akkihaktugahuaklugit, kihiani ihivgiuktauyungnaktut tatvanga Nunavut Appirhuivikjuatkunnit nakkuatut ihuillutaunniaknikata ihumarhuttauttatitlugit. (Uiguani 35.5.8 umma Nunatakutauyup NLCA)
Tuhakpaligumanigungni hamna attiliuknikut akkiyaktutaunninga una ihivgiunnginnagialik:
