(August 20, 2020 Iqaluit, Nunavut) Nunavut Tungavik Timeoyomi (NTI) Ikhivaotalik Aluki Kotierk okaktok uplomi ona Jose Amaujaq Kusugak Ilihaqtonut Ikayutaoyonik 2020-mi tokhikveoyomi taya akmaktok.
NTI-kot aetokneaktut malguknik Inoenaknik ilihaktuknik atuni 5-taositalamik ilihaotikhaenut ikayutikhanik ilihageagani ilitagiyaohimayoni ilihakpalikvikni okonani Inoet okaohenik ilihaotiniklo. Ilihaktut aheni ilihaotini ilaolaktut takupkaekpata ilaoniginik okonani ilihaktamiknit pivaligotinilo atokpaligotinilo Inoet ihomakhutaenik.
“Josie Kusugak Inuit pitkuhiiniq, ukauhiptingniklu aqhuqhunni itqumakujait, ikpiriraluaramirit; Ukiaqhaq nutangulirangammi, illihariangnahuat inuit kiinaujamik aituktauvaqttut, Inuit ukauhiit ikpirijaurammi. Inuit ukauhiit ublumimun attuktauhimakli,” okaktok Kotierk.
Ilaoyut ilihakpalikvet havakveoyut ilakaktut Nunavumi Okeoktaktomi Ilihakpalikvik ayogoekvikhalunet havakveoyut hivogani Kanatami. NTI-konit ihomaleoktit ihivgeokhineakut tukhiktutinik tikoakhilotiklo ilihaktonik ihomagilogit ilihaktaet, titigakhimayok onipkak, naonaeyaevikhalo okakatigilogit.
NTI-kot ihoakhaehimayut ilihaktonut ikayutikhanik havakatigivlogit Kusugatkot ilagohet piyagani hoekhimayup Jose Kusugaop inuyohet akhukhaeyotaohimageagani Inoenaknik. Ilageagotit hivonikhiyotit tukheotilo makpigat kahaktut NTI-kot kungealeogaeni kagitaoyami. Omikvikha tukheotit ilihaktonut ikayutikhanik ovani September 11-gokat 2020-mi.
-30-
For further information:
Lois Suluk-Locke
Program Officer
Nunavut Tunngavik Inc.
Tel : 867-645-5400 Toll free : 1-888-236-5400
www.tunngavik.com
Malaya Mikijuk
Director, Communications Trainee
Nunavut Tunngavik Inc.
Tel : 867-975-4900 Toll free : 1-888-646-0006
www.tunngavik.com
