Una akkikhaktotaungitok – tamaita hapkua niovavioyot namagiyaokpata tahapkuninga malikayaoyagiakaktunik angiktaoniaktot.
March 31, 2026
Nunavut Tunngavik Timingat (NTI-kut), ukkua timioyut kivgaktiovlutik tahapkuninga Nunavunmiut Inuinaknik tatvani 1993-mi Nunavut Angikutani, piyungnaktot tahapkuninga Toghiktotighanik Uktutighanik Havaghanik (RFP) tahapkua niovavioyot namagiyaokpata aittotighanik niovgotighanik titikank tatvuna NTI-kut Niguaktitiniaktitlugit. Una illuitok titikat ajikutaat RFP takkunaktok tatvani NTI-kut kagitaoyakut ikkiangata titigakviatni www.tunngavik.com uvalunin aippata kagitaoyakut titigakviatni tatvani.
Tahapkua namagiyaoyut niovavioyot angiktaohimayagiakaktot malikalutik hapkuninga maligauyonik:
· Attiliokhimayagiakaktok una Inuit Nanminigiyat;
· Havakakluni tatvani nanminigiyaoyomi niovavioluni tahapkununga havakvioyonut Inuknutlunin niovagiaktunut tahamania Nunavunmi.
· Takkughauyagiakaktok tahamani nunaliitni tatvalu ataohiogaluami Nunavut nunaliitni. “Tahamna takkughauyagiakaknik” tukkikaktok imma havakvikakluni, takkuyaghakakvikmiklunin uvalunin niovavikakluni tahapkua niovagiaktot ihivgioktaghaitnik, niovikvigilugo tatvalu/uvalunin takkuyaktogumagumigit tahapkua nioviaghait.
· Pipkaiyungnagomigit tatvalu malikatiagungnagumi ukkua NTI-kut naunaiyaotaitnik illaliutilugit takkuktaunik kinnaungmangata, takkuktaukataklutik tahapkua attiitnik attoktut, munagitiaklugit tahapkua aittutighat niovgutikhat titikat tatvalu katikhuklugit tahapkua aittutit titikat niovgotaohimayot tatvalu titigakhimalugit hapkua attiit niovikhimayut.
Tahapkua pikataoyomayut nanminikaktot uvalunin kittut illikut Inuit kagitaoyakut tunnihiyungnaktot tughiktotighanik titikanik kiglighat kangiktinago 5:00 p.m. Kivatanikmiut ublughiotat tatvani April 17, 2026-mi titigakvigilugu una kagitaoyakut titigakviatnut:
tugaakhimalugo: Dustin Fredlund, Atanioloaktok Aolatjutaitnik Havaktiovluni
kangiktinago kivatanikmiut ublukhiotat 5:00 p.m. tatvani April 16, 2026-mi.
