Arnait Nipingit Hivuliqtit Katimakyuaqniaqtut
Katitiriyut, Atauttikkuukhugit Tuhaqtittugit Arnat Nipingit Nunavunmi
Iqaluit, Nunavut – Apitilirvik 13-17, 2010
Talvani havainiqmi uumani Apitilirvik 13mi-17mut, 2010, una Arnait Nipingit Hivuliqtit Katimakyuaqniaqtut Iqalungni, Nunavut. Una alianaktuq hulilukaarut katimapkainiaqtut ukuat Qulliit Nunavunmi Arnait Qanurilinganinginnut Katimayiit , Kavamanga Nunavut, Qikiqtani Inuit Katimayiit, ikayukhikhutik ukunanga Nunavut Tunngavikkut Timinga, Nunavunmi Ilihaliakpaavik, YWCA Nunavut, Canadian Heritage, First Air, aallallu.
Hunat tikittumayait Katimakyuaqtut?
Tikittumayait Katimakyuaqtut ikayurumavlugit pipkaklugillu arnat hivuliqtiulutik hanaqitjutikhat Nunavunmi. Una tikinniaqtaat pipkailutik ayuiqhaqtakhanut pitjutikhat unalu ayuittunit ilihaqvigilugit, naunaiklugit ihuatqiyat havaktauyakhat tamainni hivuliqtiunirmut imaalu pitjutikhaqaliqlutik angikliyuumitjutikhanut, pikatigiiklutik pitjutikatigiiklutiklu piyaghanik arnanut Nunaptingni.
Kina katimayaktuqniaqqata uumunga Arnait Nipingit?
Kainahuaqnahugiyavut 75mit 100-mut Inuit arnat tamainnit ukiunginnit Nunavunmit Katimakyuariaktuglutik. Ukuat arnat piyumaniaqtut uqaqatigiigutigilugit ihuatqiyat havaktakhat imaalu ayuiqhaqlutik nutaanik ayuiqtakhamingnik ikayuutigilugit ayuiqyuumilutik hivuliqtiunirmut piyumayatik. Piyumayugut katimapkaklugit aallatkiinit tahapkuat hakugiktumik hivuliqtiqaqtughanut, tahapkuatlu kavamatkut, nanminiqaqtut, munaqhiliqiyikkut inuuhiriknirmullu, kiinauyaliqiyit, aghuukhaiyit, aallanit ayuiqhimayamingnut havaktunut, nunallaami pivallianirmut, ukuatlu ilihaqtut hanaqitjutait.
Huna Ihumagiyangit ukuat Arnait Nipingit?
Una Arnait Nipingit Katimakyuarutikhaat pihimayuq inungnut qauyihaihimangmata arnanut Nunavunmi. Katimakyuarutikhaat piit pitjutigiyait malikhugulu una Inuit Qaujimajatuqangit (Inuit pitquhirmingni kangikhihimayait). Havakpiakhutik munarivlutik piyumavlutik ilagiyainit uuma Katimakyuarutikhaanut pitquhirmut ihuaqtumik pilugu uqarilugillu piyumayait ihumagiyallu arnat Nunavunmi. Tamait uqariyakhait ihuaqtut naunaittuni nunamingni havakpagainut talvuuna aallatkiinut havakatigiiknirmut havaktakhamingnut pilugit nunakyuami nunagiyainilu havakviinni nunamingnilu katimapkaiyuni, uqaqnahuat inirniqhatlu. Katimakyuarutikhaatpiyumayut pipkaklugit arnat Nunavunmi ayuiirianginni aalanit arnanit Nunavunmi, naunaittumik tikittumayamingnik uukturlutik, ayuittunit ayuiqhaqtittilutik pikatigiiktillugillu. Katimakyuarutikhaat tunihiniaqtut pivikhaannik talvani tamaita arnat nipitik tuhaqtauyaanginni: inulramminit, inirniqhat, katimayiuyunit, nunallaami hivuliqtit, amaamauyut, nanminiqaqtullu hanauyakpaktunut miqhuqpaktunut, hulilukaakpaktut, hanauyaliuqtit miqhaliuqtillu, pipkaiyut ikayuqtut uqaqhutik nipitiktuhaqtittilugit humilikaak pittaarumik talvani Katimakyuarutikhaanut. Pikatigiit ukunani katimayuni naunaiklugillu pikatigiigutait inuuhiutjutimi ihumagiyait pitjualuaqtullu uumunga Katimakyuarutikhainut.
Qanuriliuqniaqqata katimatillugit uumani Arnait Nipingit?
Hulilukaarutigilluaqtait ukuat Arnait Nipingit piniaqtait talvani pingahuni ubluni uqaqtuqaqniaqtuklu, tamaita katimapkaklugit, avitlutik uqaqatigiiktitlugit katimapkailutiklu. Katimakyuarutikhaat aliahuktittilutik tautuktitniaqtut imaalu pitquhirmut nunallaami nirilutiklu, angmatirilutik umiktirilutiklu katimalutik, hulilukaaklutiklu ilaupkaktut naunaiktittiyullu arnat havaarikyuaqtamingni, qanuklikaakluuniit, pitquhirmullu hivuliqtiunirmut Ukiuqtaqtumi. Ukunani ilauniaqtut Arnat Havakpagait Hanauyat Miqhat tautuktittilutik, Piksasuuliuqtit tautuktillugu akimahimayuq Arnait Piksasuuliuqhimayut uqaqtittihimayullu uumunga piksasuuliuqpakniaqtunut, unalu hanauyanut miqhaliurnirmullu tautuktittilutik tahapkuninga arnat hanauyakpaktunut miqhuqpaktunullu talvani Nunatta Museum-mi, unalu tautuktittilutik aalatkiinik ayuittuik Nunavunmiutanik hulilukaaktunik.
Hunalluanik pinahuaqqat uumunga Arnait Nipingit?
Ayuitpiaktut arnat katimayiit kaitkuyauyut hivuliqtit katimapkaitjutikhainut pilugu atauhiqmi 6-nit hivuliqtiutjutimut pinahuaqtainut. Ukuat uqariniaqtait: Arnat Nanminiqaqtut, Arnat Nipiit Katimayiuyuni, Arnat Inungnut Pitqutigiyauyunut, Piquhirmingnut Hivuliqtiuyut, Arnat Inmikkut hakugikhiyuumitjutait Pivalliatjutaillu, unalu Nunal laami Pivallianiq. Arnat pitjutikhaqaqniaqtut naunaikhilutik ilaulutiklu ukunani katimayuni Katimakyuaqtitlugit. Pilugit uqariyauyanut naunaikhitjutainullu, ukuat katimatjutit pivallianiaqtait hivunngani naunaiklugit nunallaami katimapkainirmut naunaikhimayumik kangaraalukmut qanurittaakhaanut hulilukaarutaanut.
Humi Pakitniaqqigit Naunaitkutakhat?
.Qikiqtani Inuit Katimayiit
Qiuqutaa 1340
Iqaluit, NU, X0A 0H0
Hivayautaa: (867) 975-8413
Kayumiktukkut: (867) 979 3238
Qulliit Arnait Qanurilinganinginnut Katimayiit
Qiuqutaa 388
Iqaluit, NU, X0A 0H0
Hivayautaa: (867) 979 6690
Kayumiktukkut: (867) 979 1277
Arnait Katimayiryuangat, Kavamanga Nunavut
Qiuqutaa 1000, Nayuraa 200
Iqaluit, NU, X0A 0H0
Hivayautaa: (867) 975 6018
Kayumiktukkut: (867) 975 6091
