ᑐᓴᕋᑦᓴᓕᕆᔩᑦ

ᓯᓚᕐᔪᐊᕆᔪᒪᔭᕗᑦ ᑭᓲᕙᑦ ᐱᓕᕆᐊᒃᓴᖏᑦ ᐃᓄᐃᑦ ᑕᐱᕇᑦ ᑲᓇᑕᒥ ᓯᕗᓂᐊᒍᑦ ᓄᓇᑕᕐᓂᕐᒧᑦ ᐊᖏᕈᑎᓕᐅᓚᐅᖅᑳᑎᓐᓇᒋᑦ ᐱᓕᕆᐊᕆᖃᑦᑕᓚᐅᖅᑕᖏᑦ ᐊᒻᒪᓗ ᑭᓱᕙᑦ ᓯᕗᓂᑦᑎᓐᓂ ᐊᑦᓱᕈᓐᓇᓂᐊᖅᑐᑦ?

ᐄᓯᑭᒨᓂᒃ ᑎᑭᓪᓗᒍ ᐃᓄᐃᑦ ᐅᑭᐅᑦ 40 ᐃᓗᐊᓐᓂ

ᓯᑕᒻᒥᖅ, ᓅᕙᐃᒻᕙ 3, 2011

ᑲᓇᑕᒥ ᑕᑯᔭᒐᖃᕐᕕᔾᔪᐊᖅ, ᐋᑐᕚ, ᐋᓐᑎᕆᐅ

ᓯᕿᓐᖑᔭᖅ 1:30-3 ᐊᐱᖅᓱᖅᑕᐅᔪᓂ

ᓯᓚᕐᔪᐊᕆᔪᒪᔭᕗᑦ

ᑭᓲᕙᑦ ᐱᓕᕆᐊᒃᓴᖏᑦ ᐃᓄᐃᑦ ᑕᐱᕇᑦ ᑲᓇᑕᒥ ᓯᕗᓂᐊᒍᑦ ᓄᓇᑕᕐᓂᕐᒧᑦ ᐊᖏᕈᑎᓕᐅᓚᐅᖅᑳᑎᓐᓇᒋᑦ ᐱᓕᕆᐊᕆᖃᑦᑕᓚᐅᖅᑕᖏᑦ ᐊᒻᒪᓗ ᑭᓱᕙᑦ ᓯᕗᓂᑦᑎᓐᓂ ᐊᑦᓱᕈᓐᓇᓂᐊᖅᑐᑦ?

ᐊᐱᖅᓱᒐᐅᓂᐊᖅᑐᑦ

ᐲᑕ ᐋᑕᒥ, ᓂᐊᓕ ᑯᐊᓐᓄᐊᐃ, ᑳᑎ ᑕᐅᑐᓐᖏ, ᔨᒻ ᓚᐃᔪᓪ

· ᐅᓐᓄᓴᑦᓯᐊᖅ ᐊᕐᓇᐃᑦ ᐊᖑᑏᓪᓗ, ᐊᐱᖅᓱᒐᐅᓂᐊᖅᑐᑦ, ᒥᐊᓕ ᓴᐃᒪᓐ, ᐊᒻᒪᓗ ᑲᑎᒪᔭᖅᑐᖅᓯᒪᔪᑦ ᑲᑎᒪᓂᕐᔪᐊᒧᑦ.

· ᑳᑎ ᑕᐅᑐᓐᖏᐅᔪᖓ ᐊᖏᔪᖅᑳᖑᓪᓗᖓ ᓄᓇᕗᑦ ᑐᓐᖓᕕᒃᑯᓐᓂ ᓄᓇᑖᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᖑᔪᑦ ᑲᒪᒋᔭᖃᖅᑐᑦ ᑕᑯᒋᐊᖃᑦᑕᓂᕐᒥᒃ ᐊᑐᓕᖅᑎᑕᐅᑦᓯᐊᕆᐊᖃᕐᓂᖏᓐᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ.

· ᐅᐱᒍᓱᑦᑎᐊᖅᐳᖓ ᐱᖕᒪᕆᐅᔪᒥ ᑲᑎᒪᕐᔪᐊᓂᕐᒦᒋᐊᒃᓴᖅ, ᓇᓪᓕᐅᓂᖅᓯᐅᕈᑎᖃᖅᑎᓪᓗᑕ ᐊᑐᖅᓯᒪᔭᑦᑎᓐᓂᒃ, ᐊᒻᒪᓗ ᑕᑯᒋᐊᕐᓂᕐᒥᒃ ᓯᕗᓂᒃᓴᖓᓂᒃ ᐃᓄᐃᑦ ᑕᐱᕇᑦ ᑲᓇᑕᒥ.

· ᓄᓇᕗᑦ ᑐᓐᖓᕕᒃᑯᓐᓂ ᐊᖏᔪᖅᑳᖑᓪᓗᖓ, ᐃᑦᓯᕚᖃᑕᐅᔪᖓ ᓯᑕᒪᓂ ᑲᑎᒪᔨᓕᓐᓂ ᑲᑎᒪᔨᓂ ᑐᑭᒧᐊᒃᑎᐅᖃᑦᑕᖅᑐᓂ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓᓄᑦ.

· ᐱᓕᕆᐊᒃᓴᕆᔭᕋ ᑕᕝᕙᓂ ᐱᖕᒪᕆᐊᓘᑎᑕᕋ, ᐃᓄᐃᑦ ᑕᐱᕇᑦ ᑲᓇᑕᒥ ᑐᕌᒐᕆᔭᖓ ᖃᐅᔨᒪᒋᐊᖃᑦᑕᕆᐊᖃᕋᒃᑯ ᓄᓇᓕᖕᓃᖔᕐᓗᓂ, ᐃᓪᓗᖔᖓᓅᓐᖏᑦᑐᖅ.

· ᐅᑉᐱᕈᓱᑉᐳᖓ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓ ᐊᑐᕐᓂᓕᒻᒪᕆᐊᓘᒋᐊᖓ ᐃᓄᐃᑦ ᐱᔪᓐᓇᐅᑎᖏᓐᓂ ᓴᐳᔾᔨᓯᒪᒍᑕᐅᓂᖓᓄᑦ ᐊᒻᒪᓗ ᐃᑲᔪᖅᑎᐅᓪᓗᓂ ᐱᖕᒪᕆᐊᓘᔪᓂᒃ ᐃᓱᒫᓘᑎᓪᓗᐊᑕᕆᖃᑦᑕᑕᑦᑎᓐᓂᒃ.

· ᑕᐃᒫᑦᑕᐅᖅ ᐱᓕᕆᔾᔪᑎᐅᕙᑦᑐᑐᑦ, ᑐᑭᓯᐊᔭᐅᓗᓂ ᐊᑐᖅᑕᐅᑦᓯᐊᕆᐊᓕᒃ ᐊᑐᕐᓂᖃᑦᓯᐊᖁᓪᓗᒍ.

· ᑕᕝᕙᓂ ᑲᑎᒪᓂᕐᔪᐊᒥ ᑐᓴᓚᐅᕋᑦᑕ ᐅᓄᖅᑐᓂᒃ ᐊᔪᓐᖏᓯᐊᖅᑐᓂᒃ ᐃᓄᖕᓂᒃ ᐱᓇᓱᐊᖃᑦᑕᖅᓯᒪᔪᓂᒃ ᐱᖕᒪᕆᐊᓘᔪᓂᒃ ᐃᓄᐃᑦ ᑕᐱᕇᑦ ᑲᓇᑕᒥ ᑲᒪᓯᒪᔪᓂᒃ ᐱᕙᓪᓕᐊᓂᕆᖃᑦᑕᓚᐅᖅᑕᖏᓐᓂᒃ ᐅᑭᐅᓂ 40-ᓂᒃ, ᑕᐃᒫᒃ ᐱᓕᕆᐊᖃᕐᓂᖅᓴᐅᓂᐊᖅᑐᖓ ᐃᓄᐃᑦ ᑕᐱᕇᑦ ᑲᓇᑕᒥ ᐱᕙᓪᓕᐊᑲᓐᓂᕈᑎᒃᓴᖏᓐᓂ ᓯᕗᒧᐊᑉᐸᓪᓕᐊᑎᓪᓗᑕ.

· ᐅᖃᐅᓯᖃᕐᓂᐊᖅᑐᖓ ᒪᕐᕉᓐᓂᒃ: ᑲᓇᑕᒥ ᐃᓄᐃᑦ ᑭᒡᒐᑐᖅᑕᐅᓂᖏᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ ᐱᔾᔪᑖ.

· ᑲᔪᓯᐊᑦᓯᐊᖏᓐᓇᖅᓯᒪᔪᖅ ᑲᓇᑕᒥ ᐃᓄᐃᑦ ᑭᒡᒐᑐᖅᑕᐅᓂᖏᑦ ᖃᐅᔨᒪᔾᔪᑎᒃᓴᐅᓪᓗᓂ ᐃᓄᐃᑦ ᑕᐱᕇᑦ ᑲᓇᑕᒥ ᑐᓐᖓᕕᓪᓗᐊᑕᕆᔭᒥᒍᑦ ᐱᓕᕆᖃᑦᑕᕐᓂᖓ ᓴᖅᑭᑎᑦᓯᓯᒪᓇᓱᐊᕐᓂᖅ ᐊᑕᐅᓯᐅᖃᑎᒌᑦᓯᐊᓂᕐᒥᒃ ᑲᓇᑕᒥ ᐃᓄᐃᑦ ᐊᐅᓚᑦᓯᓂᕐᒥᒍᑦ ᐱᓕᕆᐊᕆᔭᖓᓂᒃ.

· ᐊᑕᐅᓯᐅᖃᑎᒌᓐᓂᒃᑯᑦ ᐱᓕᕆᖃᑎᒌᖕᓂᖅ ᐊᑕᐅᓯᐅᔾᔪᑎᒌᓐᓇᖅᓯᒪᒐᑦᑎᒍ.

· ᑕᑯᖃᑦᑕᕋᑦᑎᒍ ᐊᓯᖏᑦ ᓄᓇᖃᖅᑳᖅᓯᒪᔪᑦ ᑲᓇᑕᒥᐅᑦ ᐅᓇᑕᐅᑎᓖᑦ ᑭᒡᒐᖅᑐᖅᑕᐅᓂᕐᒥᓂᒃ ᐊᒻᒪᓗ ᓇᓗᓕᕈᑎᒋᖃᑦᑕᖅᓱᑎᒍ.

· ᑕᐃᒫᒃ ᓯᖁᑦᑎᑦᓯᒪᔭᕆᐊᖃᓐᖏᑦᑐᒍᑦ.

· ᒫᓐᓇᐅᔪᖅ ᑲᓇᑕᒥ ᐃᓄᐃᑦ ᑭᒡᒐᖅᑐᐃᔪᑦ ᑲᓇᑕᓕᒫᒥ ᐃᓄᐃᑦ ᑕᐱᕇᑦ ᑲᓇᑕᒥ, ᐃᓄᐃᑦ ᓄᓇᔪᐊᒥ ᑲᑎᒪᔨᖏᑦ-ᑲᓇᑕ, ᑲᓇᑕᒥ ᐃᓄᐃᑦ ᒪᒃᑯᑦᑐᑦ ᑲᑎᒪᔨᖏᑦ, ᐸᐅᒃᑑᑏᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᑐᓐᖓᓱᕝᕕᖓᑦ ᐃᓄᐃᑦ, ᐊᒻᒪᓗ ᓄᓇᖃᖅᑳᖅᓯᒪᔪᑦ ᑲᑎᒪᔨᕐᔪᐊᖏᑦ.

· ᐊᖏᖃᑎᒌᑦᑐᐃᓐᓇᐅᔪᒃᓴᐅᒐᓗᐊᖅᐳᒍᑦ ᓄᓇᖃᖅᑳᖅᓯᒪᔪᑦ ᑲᑎᒪᔨᕐᔪᐊᖏᑦ ᐱᓕᕆᐊᒃᓴᒥᒍᑦ ᑭᒡᒐᑐᐃᑦᓯᐊᕋᓗᐊᕐᒪᖔᑕ ᐃᓄᖕᓂᒃ ᓄᑭᖃᕈᑕᐅᓗᑎᒃ.

· ᑕᒪᒃᑯᐊᖑᒐᓗᐊᖅᑎᓪᓗᒋᑦ, ᖃᐅᔨᒪᒋᐊᕈᑎᒃᓴᖅᑕᖃᖅᐳᖅ.

· ᐅᑭᐅᖑᓂᐊᖅᑐᓂ 40-ᓂ, ᐃᓄᖏᑦ ᐅᓄᖅᓯᕙᓪᓕᑐᒻᒪᕆᐅᓂᐊᖅᑐᑦ ᐊᒻᒪᓗ ᐅᓄᖅᓯᒋᐊᒃᑲᓂᕐᓗᑎᒃ ᐅᖓᓯᑦᑐᒥᐅᑕᑦ ᐃᓄᐃᑦ ᓂᐱᖏᑦ ᐃᑉᐱᒋᔭᑦᓯᐊᕆᐊᖃᕈᒫᖅᑐᑦ.

· ᐃᑉᐱᒍᓱᑦᓯᐊᖏᒃᑯᑦᑕ ᑭᒡᒐᖅᑐᐃᓂᕐᒥᒃ ᑕᒪᐃᓐᓂᒃ ᐊᑎᖃᖃᑕᐅᔪᖁᑎᑦᑎᓐᓂᒃ, ᐱᑕᖃᐅᕐᒥᒻᒪᑦ ᐊᓯᖏᓐᓂᒃ ᕿᓈᖃᑦᑕᓂᐊᖅᑐᓂᒃ ᐃᑲᔪᖅᑎᒃᓴᒥᓂᒃ ᒫᓐᓇᐅᔪᖅ ᐋᖅᑭᑦᓯᒪᔭᐅᔪᒃᑯᑦ.

· ᐊᔪᓐᖏᓐᓂᓕᒫᑦᑎᒍᑦ ᓴᐳᔾᔨᓯᒪᓇᓱᐊᕆᐊᖃᖅᑐᒍᑦ ᓇᓗᓇᐃᖅᑕᐅᓯᒪᔪᒥᒃ ᐊᑕᐅᓯᕐᒥᒃ ᑲᓇᑕᒥ ᓂᐱᖃᕐᓂᖓᓂᒃ ᑲᓇᑕᒥᐅᑦ ᐃᓄᐃᑦ, ᑭᒡᒐᑐᖅᑕᐅᓂᕗᑦ ᓯᖁᑦᑎᑕᐅᑦᑕᐃᓕᒪᑏᓐᓇᓪᓗᑎᒍ ᐊᖅᑯᑕᐅᓂᖓ ᐃᓄᐃᑦ ᓄᓇᓕᖕᓂ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓᓄᑦ ᐊᒻᒪᓗ ᐃᓄᐃᑦ ᓄᓇᕐᔪᐊᒥ ᑲᑎᒪᔨᖏᓐᓄᑦ-ᑲᓇᑕᒥ.

· ᑖᓐᓇ ᓴᐳᑎᓯᒪᓐᖏᒃᑯᑦᑎᒍ ᐋᖅᑭᑦᑕᐅᓯᒪᔪᖅ, ᑭᒡᒐᖅᑐᐃᓂᕗᑦ ᐊᐱᖅᑯᑎᒃᓴᖅᑕᖃᐅᕐᓂᐊᕐᒪᑦ.

· ᑭᒃᑯᓐᓄᑦ ᖃᕿᐊᖅᑕᐅᓇᔭᕋᑦᑕ ᐊᐱᖅᓱᖅᑕᐅᓗᑕ?

· ᐃᓛᒃ, ᐅᑭᐅᒃ ᒪᕐᕈᐃᓐᓇᑯᓘᒃ ᓈᓕᖅᑑᒃ ᐃᖅᑲᓇᐃᔭᖅᑎᖏᑦ ᐃᓄᖕᓅᖓᔪᓂᒃ ᐱᓕᕆᕝᕕᐊᓂ ᐊᐱᖅᑯᑕᐅᓚᐅᕐᒪᑦ ᒪᓕᒐᖅᑎᒍᑦ ᓯᖁᑦᑎᕆᓯᒪᓐᖏᒃᑲᓗᐊᕐᒪᖔᑕ ᐃᓄᐃᑦ ᑕᐱᕇᑦ ᑲᓇᑕᒥ ᑲᓇᑕᒥ ᑭᒡᒐᖅᑐᐃᔨᐅᓂᕆᔭᖓ ᑲᑐᔾᔨᖃᑎᒌᖕᓂᖏᑎᒍᑦ.

· ᐳᐃᒍᑦᑕᐃᓕᓚᕗᑦ ᓯᕗᓂᑐᖄᓗᐊᓂ E7-ᖃᓚᐅᖅᑎᓐᓇᒋᑦ ᐃᓄᐃᑦ, ᒐᕙᒪᑐᖃᒃᑯᑦ ᐱᓕᕆᐊᖃᐃᓐᓇᖅᓯᒪᒻᒪᑕ ᐃᓱᒪᓕᐅᕈᔾᔨᓪᓗᑎᒃ ᑭᓇ ᐃᓅᒻᒪᖔᖅ ᐊᒻᒪᓗ ᖃᓄᖅ ᐃᓄᐃᑦ ᐊᐅᓚᑕᐅᔪᓐᓇᕐᒪᖔᑕ.

· ᐳᐃᒍᑦᑕᐃᓕᓚᕗᑦ ᐅᓪᓗᒥᐅᔪᖅ ᒐᕙᒪᑐᖃᒃᑯᑦ, ᑖᒃᑰᖏᑦᑐᑦ ᐃᓄᐃᑦ, ᑮᓇᐅᔭᖃᖅᑎᑦᓯᕙᖕᒪᑕ ᐊᐅᓚᓂᕆᔭᖏᓐᓂᒃ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓᓂᒃ.

· ᐱᐅᓂᖅᐹᖑᓂᐊᖅᑐᖅ ᐅᕙᑦᑎᓐᓄᑦ, ᐊᓱᐃᓛᒃ, ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᒋᔭᐅᓗᑕ, ᐊᔪᕐᓇᖏᓐᓂᓕᒫᖓᒍᑦ ᐊᑕᐅᓯᐅᖃᑎᒌᓐᓂᕐᒥᒃ ᓴᖅᑭᑎᑦᓯᓯᒪᒍᑦᑕ ᐊᒻᒪᓗ ᐋᖅᑭᑦᓯᒪᑦᓯᐊᕐᓗᓂ ᐃᓄᐃᑦ ᑭᒡᒐᖅᑐᖅᑕᐅᓂᖏᓐᓄᑦ ᐋᖅᑭᑦᓯᒪᔭᐅᔪᑦ.

· ᐱᓕᕆᒋᐊᕈᓐᓇᖅᑐᒍᑦ ᒫᓐᓇ ᓯᑕᒪᑦ ᐃᓄᐃᑦ ᐊᕕᑦᑐᖅᓯᒪᓂᖏᑦ ᐃᑲᔪᕐᓗᑎᒃ ᐊᐅᓚᓂᖓᓄᑦ ᑮᓇᐅᔭᖅᑑᑎᒃᓴᖅᑖᕆᔭᐅᖃᑦᑕᖅᑐᓂᒃ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓᓄᑦ.

· ᑕᒪᓐᓇ ᐃᑲᔫᑎᒐᔭᖅᑐᖅ ᓱᖏᖅᓲᑎᖃᑐᐃᓐᓇᓂᕐᒥᒃ ᒐᕙᒪᑐᖃᒃᑯᓐᓂᒃ ᐃᑲᔪᖅᑕᐅᓂᕐᒧᑦ.

· ᐊᔪᕐᓇᖏᓐᓂᓕᒫᖓᒍᑦ ᐱᓇᓱᐊᕆᐊᖃᖅᑐᒍᑦ ᐸᐅᒃᑑᑏᑦ ᐊᒻᒪᓗ ᑲᓇᑕᒥ ᐃᓄᐃᑦ ᒪᒃᑯᑦᑐᑦ ᑲᑎᒪᔨᖏᑦ ᖃᒡᓕᒋᐊᖅᑎᓐᓇᓱᐊᕐᓗᒋᑦ ᐅᕙᑦᑎᓐᓄᑦ, ᐊᑐᑐᐃᓐᓇᖏᓪᓗᒋᑦ, ᑭᓯᐊᓂᓕ ᐊᔪᕐᓇᖏᓐᓂᓕᒫᖓᒍᑦ ᐊᑕᐅᓯᐅᖃᑎᒌᓪᓗᑕ ᑲᓇᑕᒥ ᓂᐱᖃᐅᑎᒋᓗᒋᑦ.

· ᐅᓇᑕᕈᑎᒋᑦᓯᐊᕆᐊᓕᕗᑦ ᑕᒪᒃᑯᐊᓕᒫᑦ ᑲᑐᔾᔨᖃᑎᒌᑦ ᓯᖁᑦᑎᕆᓇᓱᐊᖃᑦᑕᕐᓂᖏᑦ ᐱᔪᓐᓇᐅᑎᖃᕐᕕᒋᔭᑦᑎᓐᓂᒃ ᑭᒡᒐᖅᑐᐃᔨᐅᓂᕆᔭᑦᑎᒍᑦ, ᖁᔭᓈᑐᐃᓐᓇᖏᓪᓗᒋᑦ ᑲᑐᔾᔨᖃᑎᒌᑦ ᐅᕙᑦᑎᓐᓂᒃ ᐃᑉᐱᒍᓱᑦᓯᐊᖅᑐᑦ ᐊᒻᒪᓗ ᐃᖅᑲᓇᐃᔭᖃᑎᖃᖅᐸᑦᑐᑎᒃ ᑎᑭᐅᑎᓇᓱᐊᖅᑎᓪᓗᑕ ᑐᕌᒐᕆᔭᑦᑎᓐᓄᑦ.

· ᑲᒪᒋᑦᓯᐊᕆᐊᓕᕗᑦ ᐃᓄᐃᑦ ᓯᓚᕐᔪᐊᒥ ᑲᑎᒪᔨᖏᑦ-ᑲᓇᑕᒥ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ ᐊᕕᒃᓯᒪᖁᓇᒋᑦ ᐱᔾᔪᑎᒋᔭᒥᒍᑦ, ᐊᒻᒪᓗ ᑕᕝᕙᓐᖓᑦ ᓄᓇᓕᖕᓂᒃ ᓯᓚᕐᔪᐊᒨᖓᔪᓂᒃ, ᐊᐅᓚᑕᐅᒐᑦᑕ ᑖᒃᑯᓇᓐᖓᓴᐃᓐᓇᖅ ᐊᐅᓚᑦᓯᔨᐅᔪᓂᒃ ᐊᒻᒪᓗ ᐊᕕᑦᑐᖅᓯᒪᓂᐅᔪᑎᒍᑦ.

· ᐃᓱᒪᒋᒋᐊᓕᕗᑦᑕᐅᖅ ᐱᖕᒪᕆᐅᑎᓪᓗᒍ ᒪᑭᒋᐊᖅᓯᒪᔭᕆᐊᖃᕐᓂᕗᑦ ᓇᖕᒥᓂᖅ ᐃᓛᒃᑰᖓᓗᑕ ᓱᖏᖅᓲᑎᖃᑐᐃᓐᓇᖏᓪᓗᑕ ᒐᕙᒪᑐᖃᒃᑯᓐᓂᒃ.

· ᑐᓐᖓᕕᒃᑯᓐᓂ, ᑕᑯᓐᓇᓐᖑᐊᕈᓐᓇᖏᓐᓇᒃᑯᓘᓐᓃᑦ ᐱᕕᒃᓴᑑᓇᔭᕐᓂᖓ ᓄᓇᕗᑦ ᒐᕙᒪᖓᑕ ᑮᓇᐅᔭᖅᑑᑎᒃᓴᑎᓐᓂᒃ.

· ᐱᐅᓂᖅᓴᐅᖏᒻᒪᑦ ᐊᐅᓚᓂᖃᕆᐊᒃᓴᖅ ᑕᐃᒪᐃᑦᑐᒃᑯᑦ ᑲᓇᑕᒨᖓᔪᑎᒍᑦ.

· ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᑦ ᐃᓱᒪᒃᓴᖅᓯᐅᕆᐊᓕᒻᒪᕆᐅᔪᑦ ᑭᒡᒐᖅᑐᐃᓂᕐᒨᖓᔪᓂᒃ ᐱᓱᖃᑎᒌᓐᓂᐊᑎᓪᓗᑕ ᐅᑭᐅᖑᓂᐊᖅᑐᓂ 40-ᓂᒃ ᐊᖁᑕᐅᓗᑕ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓᓄᑦ.

· ᐊᖏᔪᖅᑳᕐᔪᐊᕌᓗᒍᒪᓗᑕᐅᓐᖏᑦᑐᖅ, ᑭᓯᐊᓂᓕ ᐱᓕᕆᐊᒃᓴᖃᕋᑦᑕ ᑲᒪᒋᔭᒃᓴᑎᓐᓂᒃ ᐱᓕᕆᒍᑎᒍᒪᓪᓗᑎᒃ ᐃᓄᐃᑦ ᓄᓇᓕᖕᓂ, ᑕᒪᓐᓇ ᐳᐃᒍᕆᐊᖃᓐᖏᓚᑦᑖᖅᑕᕗᑦ.

· ᒫᓐᓇᓕ ᐋᖅᑮᒐᑦᑕ ᐱᔭᕆᐊᑭᑦᑐᑯᓗᖕᒥ, ᐅᖃᐅᓯᕆᖔᓕᕐᓚᕗᑦ ᐱᔾᔪᑎᕗᑦ.

· ᐊᐅᓚᑕᐅᓂᖓ ᐊᐱᖅᓱᒐᐅᔪᑦ ᑕᒻᒪᖅᓯᒪᓂᖃᕐᒪ ᐃᓚᖓᒍᑦ.

· ᑕᐃᑦᓱᒪᓂᒦᓐᖏᓇᑦᑕ ᓄᓇᑖᕈᑎᑕᖃᓚᐅᖅᑎᓐᓇᒍ.

· ᐃᓛᓐᓂᒃᑯᑦ ᑕᐃᒪᐃᑦᑑᔮᓲᖑᒻᒪᑦ ᐊᑐᓕᖅᑎᑦᓯᓇᓱᐊᕐᓗᓂ ᓄᓇᑖᕈᑎᒋᓯᒪᔭᑦᑎᓐᓂᒃ.

· ᒫᓐᓇ ᓄᓇᑖᖅᓯᒪᓕᕋᑦᑕ, ᐱᐅᔪᒻᒪᕆᐊᓗᒃ.

· ᐃᓛᒃ ᐊᑐᓂᑦ ᓄᓇᖏᑎᒍᑦ ᐊᐅᓚᑦᓯᒻᒪᑕ ᓇᖕᒥᓂᖅ ᐊᑐᓕᖅᑎᐸᓪᓕᐊᒋᐊᓕᖕᒥᖕᓂᒃ, ᐃᒻᒪᖃ ᐱᕚᓪᓕᕈᑎᒃᓴᐅᔪᖅ ᐱᓕᕆᐊᒃᓴᖏᓐᓄᑦ ᐃᓄᐃᑦ ᑕᐱᕇᑦ ᑲᓇᑕᒥ ᐱᓇᓱᐊᒐᑦᓴᖓᓂᒃ ᑎᓕᐅᕆᒋᐊᕐᓂᕐᒥᒃ ᑐᓐᖓᕕᒋᔭᐅᔪᓂᒃ ᓄᓇᑖᖅᓯᒪᓂᐅᔪᒧᑦ, ᓲᕐᓗ ᑐᑭᓕᐅᖅᓯᒪᑦᓯᐊᖅᑐᒥᒃ ᐊᑐᓕᖅᑎᑦᓯᕙᓪᓕᐊᓂᕐᒥᒃ.

· ᑭᓱᒥᓪᓕ ᐃᖏᕐᕋᔾᔪᑎᖃᓕᕐᒪᑕ ᐃᓄᐃᑦ ᑕᐱᕇᑦ ᑲᓇᑕᒥ?

· ᑭᓱᒥᒃ ᓴᖅᑭᐅᒪᒍᑎᖃᕐᒪᑕ ᐃᓄᐃᑦ ᑕᐱᕇᑦ ᑲᓇᑕᒥ?

· ᐱᓕᕆᐊᒃᓴᓕᒫᒐᓚᐃᑦ ᐊᔭᐅᖅᑐᐃᒋᐊᕐᓂᕐᒨᖓᔪᓂᒃ ᐱᔭᒃᓴᓖᑦ, ᒐᕙᒪᑐᖃᒃᑯᑦ ᐋᖅᑭᑦᓯᒪᓂᖓ ᑕᐃᒪᓐᖓᓕᒫᑐᐃᓐᓇᖅ ᐅᕐᕈᕙᖕᒪᑦ ᐅᕝᕙᓘᓐᓃᑦ ᐃᑉᐱᒍᓱᓐᖏᓯᐊᒻᒪᕆᓯᖃᑦᑕᖅᓱᓂ ᐃᓄᖕᓂᒃ ᐱᕙᓪᓕᐊᑎᑦᓯᓂᕐᒥᒃ ᐱᓕᕆᐊᒃᓴᑎᒍᑦ ᐊᒻᒪᓗ ᒐᕙᒪᑎᒍᑦ ᐊᑐᐊᒐᕐᓂᒃ.

· ᖃᐅᑕᒫᑦᓯᐊᖅ, ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᖅᑎᓐᓇᓱᐊᖅᐸᑦᑕᖏᑦ, ᐋᖅᑭᒋᐊᖃᑦᑕᖅᑕᖏᑦ ᑕᒻᒪᕋᐃᒻᒪᑕ, ᐅᖃᐅᑎᒋᐊᖃᑦᑕᖅᑕᖏᑦ, ᐊᒻᒪᓗ ᐊᔪᐃᓐᓇᕐᕕᒋᕙᑦᑕᖏᑦ ᐋᖅᑭᑦᓯᖁᓪᓗᒋᑦ ᐃᓱᒪᖅᓱᑕᐅᒻᒪᕆᒍᓐᓇᖅᑐᑎᒍᑦ.

· ᐊᓱᐃᓛᒃ, ᓯᑕᒪᑦ ᐅᑭᐅᑦ ᒥᑦᓯᑎᓐᓂᓘᓐᓃᑦ ᓈᒐᐃᒻᒪᑕ, ᒐᕙᒪᒋᔭᐅᔪᑦ ᐊᓯᔾᔨᓯᖅᑐᑎᒃ ᐊᒻᒪᓗ ᐃᓄᐃᑦ ᐱᒋᐊᒃᑲᓐᓂᕆᐊᖃᓯᓪᓗᑎᒃ ᐱᒋᐊᕐᓂᖓᓂᒃ, ᓱᓕ.

· ᐃᓄᐃᑦ ᑕᐱᕇᑦ ᑲᓇᑕᒥ ᓅᒋᐊᕆᐊᖃᓕᖅᑐᑦ ᑐᓐᖓᕕᒋᔭᐅᑐᐃᓐᓇᕈᓐᓃᕐᓗᑎᒃ ᓯᓚᑖᓅᕐᓗᑎᒃ ᑐᓐᖓᕕᓕᐊᖑᓯᒪᔪᒥᒃ ᓵᓐᖓᑦᓯᒍᑎᖃᖔᓕᕐᓗᑎᒃ ᐃᓱᓕᒍᓐᓇᖏᑦᓯᐊᖅᑐᒥᒃ ᑕᐅᓕᓐᓂᖓᓂᒃ ᒐᕙᒪᑐᖃᒃᑯᑦ ᑲᓇᑕᒥ ᒐᕙᒪᓅᖓᔪᑎᒍᑦ ᐅᑎᖅᑕᑐᐃᓐᓇᕐᓂᖏᓐᓂᒃ ᐊᒻᒪᓗ ᐃᑉᐱᒍᓱᓐᖏᓯᐊᒻᒪᕆᓐᓂᖏᓐᓂᒃ ᒐᕙᒪᓂ ᐱᔨᑦᓯᕋᖅᑎᐅᔪᑦ.

· ᐃᓛᒃ, ᑕᒪᒃᑯᐊᓕᒫᑦ ᐊᑲᐅᓐᖏᓪᓕᐅᕈᑎᓪᓗᐊᑕᕆᓯᒪᔭᕗᑦ 40 ᐅᑭᐅᑦ ᓈᓕᖅᑐᑦ ᓱᕐᕋᖏᑦᑐᑦ ᓱᓕ 1971-ᒥᓂᒃ.

· ᐱᓕᕆᒍᒪᒐᑦᑕ ᑐᓐᖓᕕᒋᔭᐅᓗᑕ ᐱᓕᕆᐊᒃᓴᓪᓗᐊᑕᕐᓄᑦ ᓱᒃᑯᖏᔾᔪᑎᒃᓴᖓᓄᑦ ᐊᕙᑎᑦᑎᓐᓄᑦ ᐊᒻᒪᓗ ᐃᓅᔪᓕᒫᓄᑦ ᐃᓗᐊᓃᑦᑐᓄᑦ.

· ᐃᓄᖕᓅᖓᔪᓂᒃ ᐃᓕᓐᓂᐊᕐᓂᖃᖁᔨᔪᒍᑦ.

· ᐃᑲᔪᖅᓯᒪᔭᐅᒋᐊᖃᕐᓂᑦᑎᒍᑦ ᐃᑲᔪᖅᓯᒪᔭᐅᒍᒪᔪᒍᑦ ᐃᓅᓯᑦᑎᓐᓂ ᐊᑐᕐᓗᒍ ᐅᖃᐅᓯᕗᑦ ᐃᓄᐃᑦ ᐅᖃᐅᓯᖓᑦ.

· ᖃᓄᐃᓐᖏᑦᓯᐊᕈᒪᔪᒍᑦ ᐃᓗᓯᑦᑎᓐᓂ.

· ᑲᔪᓯᑦᓯᐊᕈᒪᔪᒍᑦ ᑲᓇᑕᒥ ᓴᒃᑯᐃᑐᐃᓐᓇᖏᓪᓗᒍ ᐅᖃᐅᓯᕗᑦ ᐊᒻᒪᓗ ᐃᓕᖅᑯᓯᕗᑦ ᑕᐃᒫᒃ ᑭᓯᐊᓂ ᑲᔪᓯᑦᓯᐊᕈᓐᓇᖅᑎᑕᐅᓗᑕ.

  • ᑭᓱᒥᒃ ᐊᓯᔾᔨᖅᑐᖃᖅᓯᒪᕙ ᑕᐃᑲᓐᖓᓂᒃ ᒫᓐᓇᒧᑦ?
  • ᒫᓐᓇ ᐊᖏᔪᕐᔪᐊᒻᒪᕆᐊᓗᒻᒥᒃ ᐱᔾᔪᑎᒃᓴᖃᓕᕋᑦᑕ ᐅᕙᑦᑎᓐᓂᒃ ᒪᑭᒋᐊᕈᑎᒃᓴᓂᒃ ᐱᐅᓯᕚᓪᓕᕈᑎᒃᓴᓂᒃ, ᑕᐃᑲᓂᓕ 1971-ᒥ ᐱᔾᔪᑎᒃᓴᖃᑐᐃᓐᓇᓚᐅᖅᑐᒍᑦ ᐊᒻᒪᓗ ᓱᖏᖅᓲᑎᖃᐃᓐᓇᕆᐊᖃᖅᓱᑕ ᒐᕙᒪᓂᒃ.
  • ᐊᒻᒪᓗ ᖄᖓᒍᑦ ᐊᔭᐅᖅᑐᐃᒋᐊᕈᑎᐅᔪᓄᑦ ᐊᐅᓚᓂᕆᔭᐅᖃᑦᑕᖅᑐᖅ, ᐃᓄᐃᑦ ᑕᐱᕇᑦ ᑲᓇᑕᒥ ᑐᓐᖓᕕᒋᔭᐅᒋᐊᖃᕐᒪᑕᑦ ᐊᕕᑦᑐᖅᓯᒪᓂᐅᔪᓂᒃ ᐃᓄᖕᓂᒃ ᑲᑎᕝᕕᐅᖃᑦᑕᕐᓗᓂ ᑕᑯᒋᐊᕈᑕᐅᓗᓂ 60 ᐅᑭᐅᑦ ᐅᖓᑖᓄᑦ ᑲᓇᑕᒥ ᓄᓇᖏᓐᓄᑦ ᒐᕙᒪᓕᕆᓂᖅᑎᒍᑦ ᐃᓱᒪᓕᕈᑕᐅᕙᑦᑐᓂᒃ ᖃᓕᓐᖑᐊᕈᑎᖃᖅᓯᒪᓂᑦᑎᓐᓄᑦ ᐊᑕᐅᓯᓐᖑᖅᓯᒪᒍᑎᖃᕋᑦᑕ.
  • ᒥᑭᓪᓕᑎᓗᐊᖅᓯᒪᕙᓪᓚᐃᒐᑦᑎᒍᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᖅᑯᑕᐅᒋᐊᖃᕐᓂᖓ ᓴᖅᑮᖁᓪᓗᑕ ᓯᕗᓂᒃᓴᒃᓯᐊᕙᐅᓂᖅᓴᒥᒃ ᐃᓄᖕᓄᑦ, ᓇᖕᒥᓂᖅ ᑲᒪᒋᓗᒋᑦ, ᓯᓚᑖᒍᑦ ᐊᐅᓚᓂᕆᔭᑦᑕ ᐊᔭᐅᖅᑐᐃᒋᐊᕈᑕᐅᓗᑎᒃ ᐃᓄᖕᓄᑦ ᒐᕙᒪᓂᒃ.
  • ᐃᓱᒫᓘᑐᐃᓐᓇᖏᓪᓗᑕ ᑭᓱᓂ ᔭᒐᐃᑐᐃᓐᓇᕆᐊᖃᕐᒪᖔᑦᑕ ᐃᓱᒪᒋᒋᐊᓐᖔᖅᓯᒪᓗᒋᓪᓕ ᐱᔾᔪᑎᒋᓇᔭᖅᑕᕗᑦ ᐃᖅᑲᓇᐃᔭᕈᑦᑕ ᐃᓄᐃᑦ ᓄᓇᖏᓐᓂ ᐃᓱᒫᓘᑎᒋᔭᐃᓐᓇᑎᓐᓂ ᐊᒻᒪᓗ ᐱᕝᕕᒃᓴᖃᕐᕕᒋᔭᐃᓐᓇᑎᓐᓂ ᐱᔾᔪᑎᒋᒋᐊᕐᓗᒍ.
  • ᐊᑏ ᑭᓱᓕᒫᑦ ᓵᑦᑎᓐᓅᖅᑲᓚᐅᕐᓚᕗᑦ, ᓴᖅᑭᑎᑦᓯᓗᑕᓗ ᓄᑖᒥᒃ ᐊᒻᒪᓗ ᐱᕚᓪᓕᖅᓯᒪᔪᒥᒃ ᐱᔾᔪᑎᒃᓴᖓᓂᒃ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓᑕ ᐊᕐᕌᒍᓂᐊᖅᑐᓂᓗ ᓯᕗᓂᑦᑎᓐᓂ.
  • ᑕᑯᒋᐊᒻᒪᕆᓚᐅᕐᓚᕗᑦ ᖃᓄᖅ ᐊᕕᑦᑐᖅᓯᒪᓂᐅᔪᑦ ᐃᑲᔪᕈᓐᓇᕐᒪᖔᑕ ᑮᓇᐅᔭᖅᑑᑎᒃᓴᖏᓐᓄᑦ ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖓᑕ.
  • ᐃᓛ, 1971-ᒥᓕ ᑲᑎᒍᑎᖃᓚᐅᓐᖏᒻᒪᑕ ᐱᔾᔪᑎᖃᖅᑐᑎᒃ ᐊᕕᑦᓯᒪᒍᑕᐅᓂᐊᖅᑐᒥᒃ ᐃᓄᐃᑦ ᓄᓇᖓᓄᑦ ᓯᖁᑦᑎᖅᑕᐅᓯᒪᔪᒧᑦ ᓯᑕᒪᐅᓕᖅᑲᖓᔪᒥᒃ ᐊᒻᒪᓗ ᐅᑎᓕᑕᐃᓐᓇᕐᓗᑎᒃ ᓱᕋᑦᓯᒪᓕᖅᑐᒧᑦ ᓄᓇᒥᓐᓄᑦ.
  • ᐃᓄᐃᑦ ᑕᐱᕇᑦ ᑲᓇᑕᒥ ᐆᒪᒻᒪᑦ ᓴᖅᑭᖅᑕᐅᓯᒪᒍᑎᒋᓪᓗᓂᐅᒃ ᑲᑐᔾᔨᖃᑎᒌᒍᑕᐅᔪᒧᑦ ᓇᓗᓇᐃᖅᑕᐅᓯᒪᔪᒧᑦ ᑲᓇᑕᓕᒫᒥ ᐊᑕᐅᓯᐅᖃᑎᒌᓐᓂᖅ, ᐊᒻᒪᓗ ᐱᓕᕆᐊᒃᓴᕆᒐᑦᑎᒍ ᓯᕗᒧᐊᒍᑎᒋᔭᕆᐊᖃᕋᑦᑎᒍ ᐊᑕᐅᑦᓯᑰᕐᓗᑕ, ᑲᓇᑕᒥᐅᑦ ᐃᓄᐃᑦ.
  • ᖁᔭᓐᓇᒦᒃ, ᑕᖏᑭᐅ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: