ᑐᓐᖓᕕᒃᑯᑦ ᓂᕈᐊᖅᑎᑦᓯᓂᖓ ᓂᕈᐊᕐᓇᓂᐊᖅᑐᖅ ᐅᓪᓗᖅ
ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᑐᓕᕆᔨᒻᒪᕆᖓ ᐋᑕᒥ ᐃᑦᑐᐊᑦᓯᐊᖅ ᐅᓪᓗᒥ ᑐᓴᖅᑎᓯᖅᑲᐅᔪᖅ ᐊᖏᔪᖅᑳᑦᓴᒥᒃ ᓂᕈᐊᕐᓇᓂᐊᖅᑐᖅ ᐅᓪᓗᖅ ᑏᓰᒻᕙ 10, 2012, ᖃᐅᔨᓴᐅᑦ 10-ᒥᓂᒃ ᐅᓪᓚᒃᑯᑦ 7-ᒧᓄᑦ ᐅᓐᓄᒃᑯᑦ ᓄᓇᓖᑦ ᖃᐅᔨᓴᐅᑎᖏᑦ ᒪᓕᓪᓗᒋᑦ.
ᒥᑭᔾᔪᒃ ᐋᑲᕙᒃ, ᓛᕆ ᐊᐅᓪᓚᓗᒃ, ᓴᕕᑲᑖᖅ ᕗᐊᑦ, ᐹᓪ ᖃᓗᔾᔭᖅ, ᕕᓂ ᖃᕆᑕᖅ, ᔨᐅᕆ ᑯᒪᒃᓯᐅᑎᒃᓴᖅ, ᑕᐃᕕᑦ ᑯᓄᒃ, ᒋᕗᕆᐅᓪ ᓂᕐᓗᖓᔪᖅ, ᐱᕐᓇᑎ ᓂᕕᐊᑦᓯᐊᒃ, ᒪᓃᑦᑐᖅ ᑖᒻᓴᓐ, ᐊᒻᒪᓗ ᑳᑎ ᑕᐅᑐᓐᖏ ᑐᓂᓯᓚᐅᖅᑐᑦ ᓂᕈᐊᒐᑦᓴᓐᖑᕈᑎᒥᓂᒃ ᓂᕈᐊᕐᓂᕐᒧᑦ ᐊᖏᔪᖅᑳᑦᓴᒥᒃ.
ᑕᐅᑐᓐᖏ ᒫᓐᓇ ᓄᖅᑲᖓᓚᐅᐱᓪᓚᑦᑐᖅ ᑐᓐᖓᕕᒃᑯᓐᓂᒃ ᒪᓕᓪᓗᒋᑦ ᑐᓐᖓᕕᒃᑯᑦ ᓂᕈᐊᕐᓂᕐᒧᑦ ᒪᓕᒐᑦᓴᖁᑎᖏᑦ. ᑐᓐᖓᕕᒃᑯᓐᓂ ᐊᖏᔪᖅᑳᑉ−ᑐᒡᓕᐊ ᔭᐃᒥᓯ ᐃᑦᑐᓗᒃ ᒫᓐᓇ ᑐᓐᖓᕕᒃᑯᓐᓂ ᐊᖏᔪᖅᑳᒧᑦ ᑭᖑᕝᕕᐅᑎᓯᒪᓂᐊᖅᑐᖅ ᓂᕈᐊᖅᑐᓕᕆᓐᓇᕐᓂᖓᓂ.
ᓂᕈᐊᕐᕖᑦ ᒪᑐᐃᓐᖓᓂᐊᖅᑐᑦ 25-ᓂ ᓄᓇᕗᑦ ᓄᓇᓕᖏᓐᓂ ᐊᒻᒪᓗ ᔭᓗᓇᐃᕝ, ᐃᑦᒥᓐᑕᓐ, ᐅᐃᓂᐱᒡ ᐊᒻᒪᓗ ᐋᑐᕚᒥ. ᓂᕈᐊᖅᑏᑦ ᓂᕈᐊᕐᓇᐅᓕᕐᐸᑦ ᓂᕈᐊᕆᐊᖅᑐᕈᓐᓇᓛᖅᑐᑦ ᑏᓰᒻᕙ 10, 2012, ᐅᕝᕙᓘᓐᓃᑦ ᓂᕈᐊᖅᑎᑕᐅᓗᑎᒃ ᐊᓯᒥᓄᑦ. ᓂᕈᐊᖅᑏᑦ ᑲᓇᑕᒥᐅᑕᐅᔭᕆᐊᓖᑦ, 16−ᓂᒃ ᐅᑭᐅᖅᑖᕐᓯᒪᓗᑎᒃ, ᐊᒻᒪᓗ ᐊᑎᖃᖃᑕᐅᓗᑎᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᓂᕈᐊᕈᓐᓇᖁᓪᓗᒋᑦ ᓂᕈᐊᕐᓂᐅᓂᐊᖅᑐᒥ.
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ:
