ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃ ᑎᒥᖓᑦ ᑐᖓᓱᒃᑎᑦᑎᕗᑦ ᓯᓚᕐᔪᐊᒥᐅᓄᑦ ᐊᑐᐊᒐᕐᒥᑦ ᒪᓕᒋᐊᖃᕐᓂᒥᑦ

(ᐋᒡᒐᔅ 23, 2010 – ᐃᖃᓗᒃᑑᑦᑎᐊᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᓯᕗᓪᓕᖅ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᖃᖅᑐᖅ ᐅᓪᓗᒥ ᓄᓇᕗᑦ ᑐᙵᕕᒃ ᑎᒥᖓᑦ ᖁᕕᐊᓱᒃᑯᖅ ᐱᓪᓗᒋᑦ ᓯᓚᕐᔪᐊᓕᕆᓂᕐᒧᑦ ᑲᒪᔨ ᒥᓂᔅᑕ ᓗᐊᕋᓐᔅ ᑳᓇᓐ ᐅᑭᐅᖅᑕᖅᑐᒧᑦ ᓯᓚᕐᔪᐊᓕᕆᓂᕐᒧᑦ ᐊᑐᐊᖃᑦ ᐅᖃᖅᑕᖏᓐᓂᑦ.

“ᓄᓇᕗᑦ ᑐᙵᕕᒃ ᑎᒥᖓᑦ ᖁᕕᐊᓱᒃᑯᖅ ᑕᑯᔭᕆᐊᒃᓴᖅ ᐅᑭᐅᖅᑕᖅ ᐃᓕᖓᓂᐊᓂᒃ ᓱᓕ ᓯᕗᓪᓕᐅᑎᔭᐅᓗᓂ ᐅᑯᓄᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ,’ ᐅᖃᖅᑐᖅ ᐃᑦᑐᓗᒃ. “ᓄᓇᕗᑦ ᑐᙵᕕᒃ ᑎᒥᖓᑦ ᑐᑭᓯᐊᔪᖅ ᑖᑦᓱᒥ ᐊᑐᐊᒐᒥᑦ ᐊᖏᖅᑕᓯᒪᓕᕐᓂᐊᓂᒃ ᑲᓇᑕᐅᑉ ᐊᖓᔪᖅᖃᕐᔪᐊᖓᓂᑦ ᓯᑏᕙᓐ ᕼᐋᐸᒥᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦᑕ ᒥᓂᔅᑕᐅᑎᖏᓐᓄᑦ. ᑕᒪᓐᓇ ᐊᒃᓱᐊᓗᒃ ᐱᒻᒪᕆᐅᔪᖅ.”

ᐅᖃᖅᑐᖅ ᓇᓗᓇᐃᖅᓯᓂᒃᑯᑦ ᑕᒪᓐᓇ ᓴᖅᑭᑎᑦᑎᓂᖅ ᐊᑐᐊᒐᒥᑦ, ᒥᓂᔅᑕ ᑳᓇᓐ ᐅᓂᒃᑳᖅᑐᖅ ᑕᒪᓐᓇ ᐊᒃᓱᐊᓗᒃ ᓇᓗᓇᐃᔭᖅᓯᒪᖏᑦᑐᖅ ᐃᓗᓕᖏᓐᓂᑦ ᐱᓪᓗᒍ ᓯᕗᓪᓕᕐᐹᒥ ᐃᓗᓕᖏᓐᓄᑦ ᐃᓕᖓᔪᑦ ᐅᑯᓄᖓ ᒐᕙᒪᒃᑯᑦ ᐱᒋᐊᕐᓂᕆᓂᐊᖅᑕᖏᓐᓄᑦ. “ᐃᒪᓐᓇᐃᓐᓂᐊᖅᑐᑦ ᑕᐅᑐᒻᒪᕆᒃᓗᒋᑦ ᐊᕐᓗᕆᐊᕈᑎᑦ ᐱᒋᐊᖅᑕᐅᔪᑦ ᐊᑐᓕᖅᑎᑦᑎᓂᕐᒧᑦ ᐊᑐᐊᒐᓂᑦ,” ᐅᖃᖅᑐᖅ ᐃᑦᑐᓗᒃ.

ᐃᑦᑐᓗᒃ ᐅᖃᖅᑐᖅ ᓄᓇᕗᑦ ᑐᙵᕕᒃ ᑎᒥᖓᑦ ᑕᐅᑐᖅᑐᖅ ᐅᑯᐊ ᒐᕙᒪᒃᑯᑦ ᐱᓂᐊᕐᓂᕋᖅᓯᒪᓂᖏᑦ ᒪᓕᒃᓗᑎᒃ ᐱᓕᕆᖃᑎᒋᓗᒋᑦ ᐃᓄᒻᒪᕇᑦ ᐊᑐᓕᖅᑎᑦᑎᓂᕐᒥᑦ ᐊᑐᐊᒐᓂᑦ ᑕᒪᓐᓇ ᐊᑲᐅᓂᖃᒻᒪᕆᖕᓂᐊᖅᑐᖅ, ᐱᓗᐊᖅᑐᒥᑦ ᑐᓂᓯᒪᒻᒪᕆᖕᓂᖅ ᐱᓂᐊᕐᓂᓄᑦ ᐋᖅᑭᒃᓯᕚᓪᓕᕈᑕᐅᓗᑎᒃ ᐊᐅᓚᑦᑎᓂᕐᒧᑦ ᐊᒻᒪᓗ ᓴᖏᓂᓂᒃ ᑐᓂᓯᓂᕐᒥᑦ ᐅᑭᐅᖅᑕᖅᑐᒥᐅᓄᑦ.

“ᓄᓇᕗᑦ ᑐᙵᕕᒃ ᑎᒥᖓᑦ ᓯᕗᓂᒧᑦ ᑕᐅᑐᑦᑎᐊᖅᑐᑦ ᓂᕆᐅᒃᓂᒃᑯᑦ ᑲᔪᓯᑦᑎᐊᕐᓂᐊᕐᓂᖏᓐᓄᑦ ᑕᒪᑦᓱᒧᖓ ᓄᒃᑎᖅᓯᓂᕐᒥᑦ ᐱᔪᓐᓇᐅᑎᓂᑦ ᐊᒻᒪᓗ ᐃᓗᐃᑦᑐᒥᑦ ᐊᑐᓕᖅᑎᑦᑎᓂᕐᒧᑦ ᐅᑯᓂᖓ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓂᑦ,” ᐅᖃᖅᑐᖅ ᐃᑦᑐᓗᒃ. “ᑎᒃᑯᐊᖅᓯᒻᒪᕆᖕᓂᖅ ᑎᓕᓯᓂᒃᑯᑦ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᓄᓇᕗᑦ ᓄᒃᑎᖅᓯᓂᕐᒥᑦ ᐱᔪᓐᓇᐅᑎᓂᑦ ᐊᐃᕙᔨᐅᓂᖅᑐᒥᑦ ᐋᔩᖃᑎᒌᒃᓂᕐᒧᑦ ᑭᖑᓪᓕᕐᒥ ᐱᒋᐊᕈᑎᓄᑦ ᐱᔭᕆᐊᖃᖅᑐᖅ ᑕᒪᑦᓱᒧᖓ ᓄᒃᑎᖅᓯᓂᕐᒥᑦ ᐱᔪᓐᓇᐅᑎᓂᑦ ᐱᓕᕆᑎᓪᓗᒋᑦ.”

ᐃᑦᑐᓗᒃ ᐅᖃᖅᑐᖅ ᓄᑖᖑᖅᑎᑕᐅᔪᑦ ᐱᓂᐊᕐᓂᕋᕈᑎᒃ ᒪᑭᑎᑦᑎᓂᕐᒧᑦ ᐅᕙᓂ ᑕᓪᓗᕈᑎᐅᑉ ᑕᕆᐅᖓᓂ ᑕᕆᐅᕐᒥᐅᑕᓄᑦ ᐆᒪᔪᓄᑦ ᓴᐳᔾᔨᕕᑦ ᓄᓇᐃᑦ ᓴᖏᔪᒥᑦ ᐃᑲᔪᖅᑐᖅᑕᐅᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᓐᓄᑦ. “ᐊᖏᖃᑎᖃᖅᑐᒍᑦ, ᐊᒻᒪᓗ ᑕᑯᔪᒪᕗᒍᑦ ᑲᔪᓯᔪᓂᑦ ᓯᕗᒻᒧᑦ ᑕᒪᑦᓱᒧᖓ.” ᐅᖃᖅᑲᓐᓂᖅᑐᖅ.

-30-

ᓱᓕ ᑐᑭᓯᒋᐊᒃᑲᓐᓂᕈᒪᒍᕕᑦ:

ᕗᕌᓐᑯ ᐳᓯᐊᒥ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓᑦ
ᐅᖄᓚᐅᑎᐊ: (867) 975-4939 ᐊᑭᖃᖏᑦᑐᖅ: 1-888-646-0006