(ᑎᓯᐱᕆ 14, 2009-ᑲᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦ ᐊᖏᔪᖅᑳᑉ ᑐᒡᓕᐊ ᑮᓇᐅᔭᓕᕆᓂᕐᒧᑦ ᕋᐃᒪᓐ ᓂᖏᐅᑦᓯᐊᖅ ᓴᖅᑮᖃᐅᕗᖅ ᐅᓪᓗᒥ ᐊᑭᖃᙱᑦᑐᒥ ᐅᖄᓚᕕᒃᓴᒥᒃ ᐃᓄᐃᑦ ᐅᖃᕐᕕᖃᕈᓐᓇᖁᓪᓗᒋᑦ ᐃᓱᒫᓘᑎᒋᔭᒥᓐᓂᒃ ᓇᓄᐃᑦ ᒥᒃᓵᓄᑦ.

ᓄᓇᕗᑦ ᑐᙵᕕᒃ ᑎᒥᖓᑦ ᐃᓄᓐᓂᒃ ᐅᖄᓚᖃᑦᑕᖁᔨᕗᑦ ᐊᑭᖃᙱᑦᑐᒧᑦ ᐅᕝᕙᓘᓐᓃᑦ ᓄᓇᓕᓐᓂ ᐅᖄᓚᕕᒃᓴᓄᑦ ᐃᓱᒫᓘᑎᒋᔭᖏᓐᓂᒃ ᓇᓄᐃᑦ ᒥᒃᓵᓄᑦ. ᓄᓇᕗᑦ ᑐᙵᕕᒃ ᑎᒥᖓᑦ ᑲᑎᖅᓱᐃᓂᐊᖅᑐᑦ ᖃᐅᔨᒪᔭᑐᖃᕐᓂᒃ ᓇᓄᐃᑦ ᒥᒃᓵᓄᑦ ᐊᒻᒪ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ.

ᓄᓇᕗᑦ ᑐᙵᕕᒃ ᑎᒥᖓᑦ ᐊᑭᖃᙱᑦᑐᒥ ᐅᖄᓚᕕᒃᓴᒥᒃ ᐊᒃᑮᓕᓚᐅᖅᑐᑦ ᐊᒥᐊᓕᑲᐃᑦ ᓇᓄᕋᐃᑦ ᓂᐅᕐᕈᑕᐅᖃᑦᑕᕐᓂᖏᓐᓂᒃ ᓯᓚᕐᔪᐊᒥ ᓄᖅᑲᑎᑦᓯᒐᓱᓚᐅᖅᑎᓪᓗᒋᑦ ᑲᑎᒪᕐᔪᐊᕐᓂᐅᖃᑦᑕᖅᑐᖅ ᓯᓚᕐᔪᐊᓕᒫᒥ ᐆᒪᔪᓕᕆᓂᕐᒧᑦ ᐊᑦᑕᓇᖅᑐᒦᑦᑐᓄᑦ. (CITES).

ᐊᑏ ᐅᖄᓚᖃᑦᑕᕆᒋᖅᑦᓯ ᑐᙵᕕᒃᑯᓐᓄᑦ ᐊᑭᖃᙱᑦᑐᒧᑦ ᐅᕝᕙᓘᓐᓃᑦ ᐃᖃᓪᓗᓐᓂ ᐅᖄᓚᐅᒻᒧᑦ ᕖᕝᕗᐊᕆ ᓄᓐᖑᐊᓄᑦ ᑎᑭᒐᓱᐊᕐᓂᖓᓂ. ᓄᓇᕗᑦ ᑐᙵᕕᒃ ᑎᒥᖓᕐ ᑲᑎᖅᓱᖅᑕᖏᑦ ᓴᖅᑭᑕᐅᓂᐊᖅᑐᑦ ᑲᑎᒪᖃᑕᐅᓕᖅᐸᑕ ᑲᑎᒪᕐᔪᐊᓂᐅᖃᑦᑕᖅᑐᖅ ᓯᓚᕐᔪᐊᓕᒫᒥ ᐆᒪᒧᖠᕆᓂᕐᒧᑦ ᐊᑦᑕᓇᖅᑐᒦᑦᑐᓄᑦ ᒫᔾᔨ 2010.

ᐊᑭᖃᙱᑦᑐᖅ: 1-877-975-4901. ᐃᖃᓗᓐᓂ: (867) 979-4101.