ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃᑯᑦ ᑲᑐᔾᔨᖃᑎᖃᖅᖢᑎᒃ ᓴᖅᑮᕗᑦ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᐸᕐᓇᐅᑎᒥᒃ ᑲᑐᔾᔨᖃᑎᖃᖅᖢᑎᒃ

ᓄᓇᕗᑦ ᑐᙵᕕᒃᑯᑦ ᑲᑐᔾᔨᖃᑎᖃᖅᖢᑎᒃ ᓴᖅᑮᕗᑦ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᐸᕐᓇᐅᑎᒥᒃ ᑲᑐᔾᔨᖃᑎᖃᖅᖢᑎᒃ

 

(ᔪᓂ 16, 2011 – ᐋᑐᕙ, ᐋᓐᑎᐅᕆᔪ)             ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐃᓚᒋᔭᐅᔪᖅ ᐅᑲᓕᖅ ᐃᔨᑦᓯᐊᖅ ᓇᓗᓇᐃᖅᓯᖅᑲᐅᔪᖅ ᐅᓪᓗᒥ ᐃᑲᔪᖅᑐᐃᓂᖏᓐᓂᒃ ᓄᑖᑦ ᐊᑐᓕᖁᔭᐅᔪᑦ ᐱᐅᓯᕚᓪᓕᖁᓪᓗᒍ ᐃᓄᐃᑦ ᐃᓕᓐᓂᐊᕐᓂᕆᕙᒃᑕᖏᑦ ᑲᓇᑕᒥ. ᑲᑐᔾᔨᖃᑎᖃᖅᖢᑎᒃ ᐃᓄᓐᓂᒃ ᐃᓕᓐᓂᐊᕐᓂᓕᕆᓂᕐᒧᑦ ᓯᕗᓕᖅᑎᐅᖃᑕᐅᔪᓂᒃ ᐃᓄᐃᑦ ᓄᓇᖏᓐᓂ, ᐃᔨᑦᓯᐊᖅ ᓴᖅᑮᖅᑲᐅᔪᖅ ᓄᑖᒥᒃ ᐸᕐᓇᐅᑎᓕᐊᖑᔪᒥᒃ.

 

ᑲᑎᒃᖢᒋᑦ 10-ᖑᔪᑦ ᑮᓇᐅᔭᖃᖅᑎᑦᓯᓂᕐᒧᑦ ᐊᒻᒪ ᐊᑐᓕᖁᔭᐅᔪᑦ ᐋᖅᑭᒃᓯᒪᔪᑦ ᑕᕝᕙᓂ ᓯᕗᓪᓕᖅᐹᖅ ᑲᓇᑕᒥᐅᓄᑦ, ᑲᓇᑕᒥᐅᑦ ᓯᕗᓪᓖᑦ: ᑲᓇᑕᒥ ᐸᕐᓇᐅᑎ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ. ᐅᓂᒃᑳᖅ ᑭᒡᒐᖅᑐᐃᕗᖅ ᑲᓇᑕᒥ ᓯᕗᓪᓕᖅᐹᓪᓚᕆᖕᒥ ᐸᕐᓇᐅᑎᓕᐊᖑᔪᒥᒃ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ. ᐸᕐᓇᐅᑎ ᐊᐅᓪᓗᔾᔨᓂᐊᖅᐳᖅ ᖃᓄᖅᑑᕈᓐᓇᕐᓂᐅᔪᓂᒃ ᓴᖅᑭᔮᒐᔪᒃᑐᓄᑦ ᓯᑕᒪᓂ ᐊᕕᒃᑐᖅᓯᒪᓂᐅᔪᓂ ᑲᓇᑕᒥ; ᓄᓇᕗᑦ, ᓄᓇᕕᒃ, ᓄᓇᑦᓯᐊᕗᑦ ᐊᒻᒪ ᐃᓄᕕᐊᓗᐃᑦ ᓄᓇᖏᓐᓂ ᓄᓇᑦᓯᐊᕐᒥ.

 

ᐃᓄᐃᑦ ᓇᓕᒧᒋᔭᐅᔪᒥᒃ ᐃᓕᓐᓂᐊᕐᓂᕐᒧᑦ ᐱᕕᒃᓴᖃᖅᑎᑕᐅᔪᒪᔪᑦ, ᐱᓕᒻᒪᒃᓴᓂᕐᒧᑦ ᐊᒻᒪ ᐱᕙᓪᓕᐊᓂᕐᒧᑦ ᒪᓕᒃᖢᒋᑦ ᓇᖕᒥᓂᖅ ᐅᖃᐅᓯᕗᑦ ᐃᓕᖅᑯᓯᕗᓪᓗ, ᑕᒪᒃᑯᐊ ᐱᕕᒃᓴᖃᕐᕕᐅᔪᑦ ᖁᕕᐊᒋᔭᐅᕙᒃᑐᑦ ᐊᓯᖏᓐᓄᑦ ᑲᓇᑕᒥᐅᑕᐅᔪᓄᑦ,” ᐅᖃᖅᑐᖅ ᐃᔨᑦᓯᐊᖅ. “ᑕᐅᑐᒐᕆᔭᕗᑦ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ, ᐱᓕᒻᒪᒃᓴᓂᕐᒧᑦ ᐊᒻᒪ ᐱᕙᓪᓕᐊᓂᕐᒧᑦ ᐃᑲᔫᑎᖃᕐᓂᐊᕐᒪᑕ ᐃᓄᐃᑦ ᓄᓇᓕᖏᓐᓂᒃ ᐊᒻᒪ ᑲᓇᑕ ᓱᓕᔪᒥᒃ ᐅᑭᐅᖅᑕᖅᑐᖃᕐᓗᓂ ᓴᙱᔪᒥᒃ ᐃᓱᒪᖅᓱᖅᑐᒥᒃ ᑕᐃᒪᐃᑦᑕᕆᐊᖃᓪᓚᕆᒃᑲᓗᐊᕐᒪᑦ.”

 

ᐸᕐᓇᐅᑎᓕᐊᖑᔪᖅ ᐱᓕᕆᐊᖑᓚᐅᑐᖅ ᐊᕐᕌᒎᓐᓄᑦ ᒪᕐᕉᓐᓄᑦ ᑲᓇᑕᒥ ᑲᑎᒪᔨᕋᓛᓄᑦ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ (NCIE), ᑭᒡᒐᖅᑐᐃᔪᑦ ᐃᓄᐃᑦ ᐃᓕᓐᓂᐊᕐᓂᕐᒧᑦ ᐊᖏᕈᑎᖓᓂᒃ ᐊᑎᓕᐅᖅᓯᒪᔪᓂᒃ ᑕᒡᕙᓐᖓᑦ ᐊᕕᒃᑐᖅᓯᒪᓂᐅᔪᓂ ᐊᒻᒪ ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᒐᕙᒪᑐᖃᒃᑯᑦ, ᐊᕕᒃᑐᖅᓯᒪᓂᐅᔪᑦ ᒐᕙᒪᖏᑦ, ᐊᒻᒪ ᐃᓕᓐᓂᐊᕐᕖᑦ ᑲᑎᒪᔨᖏᓐᓂᒃ. ᒫᓐᓇᑲᐅᑎᒋ ᐱᓕᕆᐊᖑᕙᓪᓕᐊᓂᐊᖅᑐᑦ ᓴᖅᑮᓗᑎᒃ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᑎᑎᕋᕐᕕᖕᒥᒃ ᑕᒡᕙᓂ ITK-ᑯᓐᓂ ᐊᑐᓕᖅᑎᑕᐅᕙᓪᓕᐊᑦᓴᐅᑎᒋᖁᓪᓗᒋᑦ ᐊᑐᓕᖁᔭᐅᓯᒪᔪᑦ, ᑐᑭᒧᐊᒃᑎᑦᓯᔨᖃᕐᓗᑎᒃ NCIE-ᑯᓐᓂ.

 

ᒥᐅᕆ ᓴᐃᒪᓐ, ᐃᒃᓯᕙᐅᑕᕆᔭᐅᔪᖅ NCIE-ᑯᓐᓂ ᐅᖃᖅᑐᖅ,”ᑐᕌᒐᖃᖅᑐᒍᑦ ᐃᓕᓐᓂᐊᓂᕐᒥᒃ ᐱᔭᕇᑦᓯᐊᖃᑦᑕᖁᓪᓗᒋᑦ ᓱᕈᓯᑦ ᐅᖃᕈᓐᓇᑦᓯᐊᕐᓗᑎᒃ ᐃᓄᐃᑦ ᐅᖃᓯᖓᓂᒃ ᐊᒻᒪ ᐃᓕᖅᑯᓯᖓᓂᒃ, ᐅᐱᒍᓱᓐᓂᕐᒥᓂᒃ ᓴᖅᑭᔮᖅᑎᑦᓯᑦᑎᐊᕐᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᑖᓐᓇ ᐱᕕᒃᓴᖃᕐᕕᒋᒐᑦᑎᒍᑦ ᐅᖃᐅᓯᕆᓚᐅᓯᒪᔭᖏᑦ ᑲᓇᑕᐅᑉ ᐊᖏᔪᖅᑳᖓᑦ ᒪᒥᐊᓐᓂᖃᖅᑎᓪᓗᒍ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ.”

 

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᑕᑯᒋᐊᒃᑲᓐᓂᕈᒪᒍᕕᐅᒃ ᓯᕗᓪᓕᖅᐹᖅ ᑲᓇᑕᒥᐅᓄᑦ, ᑲᓇᑕᒥᐅᑦ ᓯᕗᓪᓖᑦ: ᑲᓇᑕᒥ ᐸᕐᓇᐅᑎ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᐅᓂᒃᑳᖓ, ᖃᐅᔨᒋᐊᒃᑲᓐᓂᕆᑦ ᐅᕗᖓ www.tunngavik.com

 

-30-

 

 

 

ᑐᑭᓯᒋᐊᒃᑲᓐᓂᕈᒪᒍᕕᑦ:

ᐱᔭᐃ ᐊᕿᐊᕈᒃ

ᑐᑭᒧᐊᑦᑎᑦᓯᔨᐅᑲᐃᓐᓇᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᑦ

ᓄᓇᕗᑦ ᑐᙵᕕᒃ ᑎᒥᖓ

ᐅᖄᓚᐅᑎᖓ: (867) 975-4939

ᐅᖄᓚᐅᑎᕋᓛᖅ: (867) 222-1821

ᐊᑭᖃᙱᑐᖅ: 1-888-646-0006

www.tunngavik.com