ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓ ᑐᓴᖅᑎᑦᓯᔪᖅ ᓄᑖᒥᒃ ᐊᐅᓚᑦᓯᔨᒻᒪᕆᐅᓂᐊᖅᑐᒥᒃ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᑐᓴᖅᑎᓯᖅᑲᐅᔪᖅ ᔭᐃᒥᓯ ᑕ. ᐋᕆᐊᒃ ᐃᖅᑲᓇᐃᔭᖅᑎᑖᖅᑲᐅᕆᓂᐊᓕᖅᑕᖓ ᑲᑐᔾᔨᖃᑎᒌᓄᑦ ᐊᐅᓚᑦᓯᔨᒻᒪᕆᒋᔭᐅᓂᐊᓕᖅᑐᖅ.

ᐋᕆᐊᒃ ᖃᐅᔨᒪᔨᑕᐅᖃᑦᑕᕐᓯᒪᔪᖅ ᓄᓇᕗᒻᒥ ᐅᑭᐅᖑᓚᐅᖅᑐᓂᒃ ᖁᓕᓂᒃ. ᑲᑎᒪᔨᑐᐃᓐᓇᐅᓯᒪᒻᒥᔪᖅ ᑐᓐᖓᕕᒃᑯᑦ ᑲᑎᒪᔨᖏᓐᓄᑦ ᐃᓚᒋᔭᐅᓂᕆᓚᐅᖅᑕᒥᒍᑦ ᓄᓇᕗᒻᒥ ᐸᐸᑦᑎᔨᓄᑦ. ᐃᖅᑲᓇᐃᔭᖃᑦᑕᕐᓯᒪᔪᖅ ᓄᓇᕗᑦ ᒐᕙᒪᖓᓂᒃ ᑮᓇᐅᔭᓕᕆᔨᒃᑯᑦ ᐱᓕᕆᕝᕕᐊᓂ.

“ᐃᖅᑲᓇᐃᔭᖃᑎᒋᓂᐊᕆᐊᖓ ᓂᕆᐅᑦᓯᐊᖅᐳᖓ ᔭᐃᒥᓯ ᐋᕆᐊᒃ. ᑮᓇᐅᔭᓕᕆᓂᕐᒥᒃ ᖃᐅᔨᒪᔪᒻᒪᕆᐅᓪᓗᓂ ᐊᒻᒪᓗ ᖃᐅᔨᒪᒋᐊᖃᑦᑕᓂᐊᕐᓂᖓ ᑐᓐᖓᕕᒃᑯᑦ ᑕᑎᒃᓴᐅᑦᓯᐊᖁᓪᓗᖏᑦ ᑭᐅᑦᑕᖅᑎᐅᓗᑎᒃ ᐊᒻᒪᓗ ᓴᖅᑭᐅᒪᑦᓯᐊᕐᓗᑎᒃ ᐃᓄᖕᓄᑦ ᑲᑐᔾᔨᖃᑎᒌᑦ ᐃᓘᓐᓇᖏᓐᓂᒃ ᐊᑐᓕᖅᑎᑦᓯᓇᓱᐊᕐᓂᖏᓐᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ,” ᐅᖃᓚᐅᖅᑐᖅ ᑕᐅᑐᓐᖏ.

ᔭᐃᒥᓯ ᐋᕆᐊᒃ ᐃᖅᑲᓇᐃᔮᖅᑕᒥᓂᒃ ᐱᒋᐊᕐᓂᐊᖅᑐᖅ ᐆᑦᑑᕝᕙ 1, 2012.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: