ᓄᓇᕗᑦ ᓯᕗᓕᖅᑎᖓ ᐄᕙ ᐋᕆᐊᒃ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᔮᒃ ᐊᓇᕈᐊᖅ ᐅᓪᓗᒥ ᓇᓗᓇᐃᖅᓯᔫᒃ ᒪᑭᒪᓂᕐᒧᑦ ᐸᕐᓇᐅᑎᒥᒃ: ᑲᑐᔾᔨᖃᑎᒌᓪᓗᑎᒃ ᐊᔪᖅᓱᓗᐊᖃᑦᑕᓂᕐᒧᑦ ᐱᕚᓪᓕᕈᑎᒃᓴᓂᒃ.

ᑖᓐᓇ ᐸᕐᓇᐅᑎ ᓇᓗᓇᐃᖅᓯᔪᖅ ᐊᔪᖅᓴᓗᐊᖃᑦᑕᓂᕐᒥᒃ ᐱᕚᓪᓕᕈᑎᒃᓴᓄᑦ ᓄᓇᕗᒻᒥ, ᓴᖅᑭᑕᐅᔪᖅ 45-ᖑᔪᓄᑦ ᑲᑎᒪᖃᑕᐅᓚᐅᖅᑐᓄᑦ ᓄᓇᕗᒻᒥ ᓯᕗᓪᓕᖅᐹᒥ ᐊᔪᖅᓴᓗᐊᖃᑦᑕᓂᕐᒧᑦ ᑲᑎᒪᓂᖃᖅᑎᓪᓗᒋᑦ.

“ᑭᒃᑯᓕᒫᑦ ᐱᓕᕆᐊᒃᓴᖃᖅᐳᑦ ᐱᕚᓪᓕᖁᓪᓗᒍ ᐊᔪᖅᓴᓗᐊᖃᑦᑕᕐᓂᖅ ᓄᓇᑦᑎᓐᓂ,” ᐅᖃᖅᑐᖅ ᓯᕗᓕᖅᑎ ᐄᕙ ᐋᕆᐊᒃ. “ᒥᓂᔅᑕᐅᖃᑎᒃᑲᓗ ᐱᓕᕆᐊᒃᓴᑎᓐᓂᒃ ᑲᒪᓂᐊᖅᐳᒍᑦ ᐊᒻᒪ ᐊᑐᐃᓐᓇᐅᓪᓗᑕ ᖃᓄᐃᓕᐅᕆᐊᕈᑕᐅᖁᔭᐅᔪᓄᑦ ᐅᓪᓗᒥ. ᐃᓱᐊᓂ ᐱᓕᕆᐊᒃᓴᕆᔭᑦᑕ 2013-ᒥ, ᒐᕙᒪᒃᑯᑦ ᐃᒪᐃᓕᐅᕐᓂᐊᖅᐳᑦ:

· ᐋᖅᑭᒋᐊᖅᓯᓗᑎᒃ ᐃᒡᓗᓄᑦ ᐊᑐᖅᑐᐊᖅᑕᐅᔪᓄᑦ ᐊᑭᓕᖅᓱᐃᒍᑕᐅᕙᒃᑐᒥᒃ ᒥᑭᓪᓕᕚᓪᓕᖁᓪᓗᒋᑦ ᐊᑲᐅᓐᖏᓕᐅᕈᑕᐅᕙᒃᑐᓄᑦ ᐃᖅᑲᓇᐃᔭᕐᓂᕐᒧᑦ ᐊᒻᒪ ᐃᑲᔪᖅᑐᐃᓐᓇᕐᓗᒋᑦ ᐊᔪᖅᓴᓗᐊᖃᑦᑕᓂᕐᒧᑦ ᐱᔾᔪᓐᓃᖅᐹᓪᓕᕈᑕᐅᔪᓐᓇᖅᑐᑦ ᐊᓯᖏᓪᓗ ᐃᓅᓯᓕᕆᓂᕐᒧᑦ ᐃᑲᔫᑏᑦ;

· ᓴᖅᑮᓗᑎᒃ ᐃᓕᖅᑯᓯᕐᒨᖓᔪᒥᒃ ᐊᔪᓕᕈᑎᖃᖅᓯᒪᔪᓄᑦ ᐃᑲᔫᑎᒃᓴᓂᒃ;

· ᐋᖅᑮᓗᑎᒃ ᐃᓚᐅᕙᓪᓗᑎᒡᓗ ᓄᓇᕗᒻᒥ ᓂᕿᓕᕆᓂᕐᒧᑦ ᑲᑐᔾᔨᖃᑎᒌᒥᒃ, ᑲᑐᔾᔨᖃᑎᖃᕐᓗᑎᒃ ᑲᑐᔾᔨᖃᑎᒌᖑᔪᓂ ᓴᓐᖓᑎᖅᐹᓪᓕᖁᓪᓗᒋᑦ ᐅᕝᕙᓘᓐᓃᑦ ᐃᑲᔫᑎᒃᓴᓕᐅᕐᓗᑎᒃ ᐊᒻᒪ ᖃᓄᐃᓕᐅᖅᐸᓪᓗᑎᒃ ᐃᑲᔫᑎᖃᕈᓐᓇᖅᑐᓂᒃ ᓂᕿᑲᑦᓯᐊᓂᕐᒧᑦ ᐊᒻᒪ ᐊᑐᐃᓐᓇᐅᑎᑦᓯᔪᓐᓇᕐᓗᑎᒃ ᓄᓇᒦᓐᖔᖅᑐᓂᒃ ᓂᕿᓂᒃ ᓄᓇᕗᒻᒥᐅᓄᑦ; ᐊᒻᒪ

· ᑕᒪᓐᓇ ᐊᔭᐅᕆᓂᖅ ᓴᖅᑭᑕᐅᔪᖅ ᐱᓕᕆᐊᖃᕐᓂᒃᑯᑦ ᑲᔪᓰᓐᓇᖁᓂᐊᖅᐸᕗᑦ ᐅᖓᑖᓄᑦ ᐊᑕᐅᓯᐅᑉ ᒐᕙᒪᐅᑉ ᑲᑐᔾᔨᖃᑎᒌᖑᔫᓪᓘᓐᓃᑦ, ᒐᕙᒪᒃᑯᑦ ᒪᓕᒐᒃᓴᓕᐅᕐᓂᐊᖅᐳᑦ ᐊᑎᓕᖅᑎᑕᐅᔾᔪᑎᒃᓴᖏᓐᓂᒃ ᐊᑯᓃᖅᑐᒧᑦ ᐊᔪᖅᓴᓗᐊᕈᓐᓃᑎᑦᑎᓇᓱᐊᕐᓂᕐᒧᑦ ᐸᕐᓇᐅᑎᐅᑉ ᑲᑐᔾᔨᖃᑎᖃᕐᓗᑎᒃ ᐱᓕᕆᖃᑎᖏᓐᓂᒃ.

ᖁᔭᓐᓇᒦᕈᒪᔭᕋ ᒥᓂᔅᑕ ᑕᑉᑑᓇ ᓯᕗᓕᖅᑎᑕᐅᓚᐅᓂᖓᓄᑦ ᐱᒋᐊᖅᑕᐅᕙᓪᓕᐊᑎᓪᓗᒍ ᑕᒪᓐᓇ ᓄᓇᕗᑦ ᒐᕙᒪᒃᑯᓐᓄᑦ, ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐊᒻᒪ ᐊᓯᓕᒫᖏᓐᓄᑦ ᑲᑐᔾᔨᖃᑎᑕᐅᔪᓄᑦ ᐃᓚᐅᖃᑕᐅᔪᓄᓪᓗ ᐊᔪᖅᓴᕈᓐᓃᑎᑦᑎᕚᓪᓕᕋᓱᐊᖅᑎᓪᓗᒋᑦ ᓄᓇᕗᒻᒥ. ᐃᓗᐃᑦᑑᓗᒍ ᒪᑭᒪᓇᓱᓐᓂᖅ: ᑲᑐᔾᔨᖃᑎᒌᒃᖢᑎᒃ ᐊᔪᖅᓴᕈᓐᓃᐸᓪᓕᑎᑦᑎᓇᓱᐊᖅᑐᑦ ᓴᖅᑭᑕᐅᓂᐊᖅᑐᑦ ᒥᓂᔅᑕᐅᑎᓄᑦ ᐃᓱᒪᒋᔭᐅᒋᐊᖁᓪᓗᒍ ᐊᒻᒪ ᐱᓕᕆᐊᒃᓴᖅᑖᕈᑕᐅᒃᑲᓐᓂᕈᓐᓇᖁᓪᓗᒍ,” ᐅᖃᖅᑐᖅ ᓯᕗᓕᖅᑎ ᐄᕙ ᐋᕆᐊᒃ.

“ᐱᒻᒪᕆᐅᓂᐊᖅᐳᑦ ᐱᓕᕆᖃᑎᒌᓪᓗᑕ ᐊᑐᓕᖅᑎᕙᓪᓕᐊᒍᑦᑎᒍ ᒪᑭᒪᓇᓱᓐᓂᕐᒧᑦ ᐸᕐᓇᐅᑎ ᑕᖅᑭᓂ 18-ᓂ ᐊᒡᒋᖅᑐᓂ ᐊᒻᒪ ᐊᖏᖅᓯᒪᑦᑎᐊᖅᐳᒍᑦ ᐊᑯᓃᖅᑐᒧᑦ ᐊᑐᓕᖅᑎᑕᐅᕙᓪᓕᐊᓂᐊᕐᓂᖓᓂᒃ ᐸᕐᓇᐅᑎᐅᑉ ᐊᕐᕌᒍᓂ ᐊᒡᒋᖅᑐᓂ,” ᐅᖃᖅᑐᖅ ᐊᖏᔪᖅᑳᑉ ᑐᒡᓕᐊ ᐊᓇᕈᐊᖅ..

ᒪᑭᒪᓇᓱᐊᕐᓂᕐᒧᑦ ᐸᕐᓇᐅᑎ ᓇᓗᓇᐃᖅᓯᕗᖅ ᓄᓇᕗᒻᒦᖔᖅᑐᓂ ᐊᔪᖅᓴᕈᓐᓃᑎᑦᑎᕚᓪᓕᕈᑎᒃᓴᓂᒃ, ᐱᖓᓲᔪᖅᑐᓂᒃ ᖃᓄᓕᐅᕈᑕᐅᔪᓐᓇᖅᑐᓂᒃ ᓴᖅᑭᓚᐅᖅᑐᓂᒃ ᓄᓇᓕᖕᓂ ᐊᒻᒪ ᐊᕕᒃᑐᖅᓯᒪᓂᖅᑎᒍᑦ ᑲᑎᒪᓂᐅᖃᑦᑕᖅᓯᒪᔪᓂ ᑕᐃᒪᓐᖓᑦ ᐃᓄᐃᑦ ᐃᓚᐅᑎᑕᐅᓪᓗᑎᒃ ᐊᔪᖅᓴᕈᓐᓃᑎᑦᑎᕚᓪᓕᕋᓱᐊᖅᓯᒪᓂᖏᑦ ᐅᒃᑑᐱᕆ 18, 2010-ᒥᓂᒃ.

ᑖᓐᓇ ᐸᕐᓇᐅᑎ ᐃᓚᖃᖅᑐᖅ ᓯᕗᓪᓕᐅᔾᔭᐅᖁᔭᐅᓯᒪᔪᓂᒃ ᐃᓛᒃᑯᑦ ᖃᓄᐃᓕᐅᕈᑕᐅᔪᓐᓇᖅᑐᓂ ᑕᖅᑭᓂ 18-ᖑᓂᐊᖅᑐᓂ, ᓇᓗᓇᐃᖅᓯᓪᓗᓂ ᑲᑐᔾᔨᖃᑎᒌᓪᓗᑎᒃ ᐊᐅᓚᑕᐅᒐᔭᕐᓂᖓ ᓴᖅᑭᔮᖅᑎᑦᓯᖃᑎᒌᓐᓂᒃᑯᑦ ᐊᒻᒪ ᐃᑲᔪᖅᑐᐃᓂᒃᑯᑦ ᓄᓇᓕᖕᓂ ᐱᒋᐊᕈᑕᐅᕙᓪᓕᐊᔪᓄᑦ, ᐱᔾᔪᑎᒋᔭᖏᓪᓗ ᐊᒻᒪ ᐱᓕᕆᐊᒃᓴᖃᐅᕐᓂᖏᑦ ᓴᖅᑭᑕᐅᓚᐅᑐᖅ ᓄᓇᕗᒻᒥ ᑲᑎᒪᓂᖃᖅᑎᓪᓗᒋᑦ ᐊᔪᖅᓴᓗᐊᕈᓐᓃᑎᑦᑎᓇᓱᐊᕐᓂᕐᒧᑦ, ᐊᒥᓱᑦ-ᑲᑐᔾᔨᖃᑎᒌᒃᖢᑎᒃ ᑭᒡᒐᖅᑐᐃᔪᑦ ᓄᓇᕗᓕᒫᒥ.

ᐅᓪᓗᓄᑦ ᐱᖓᓱᓄᑦ ᐊᔪᖅᓴᓗᐊᕈᓐᓃᑎᑦᑎᕚᓪᓕᕋᓱᐊᕐᓂᒧᑦ ᑲᑎᒪᓂᕐᒥ ᐃᓚᐅᖃᑕᐅᓚᐅᖅᑐᑦ ᑭᒡᒐᑐᖅᑏᑦ ᒐᕙᒪᒃᑯᓐᓂ, ᐃᓄᐃᑦ ᑲᑐᔾᔨᖃᑎᒌᖏᓐᓂ, ᒐᕙᒪᐅᖏᑦᑐᑦ ᑲᑐᔾᔨᖃᑎᒌᖑᔪᑦ, ᓄᓇᓖᑦ ᒐᕙᒪᖏᑦ, ᓄᓇᓕᖕᓂ ᓇᖕᒥᓂᖁᑎᖃᖅᑐᑦ, ᐅᔭᕋᓐᓂᐊᖅᑏᑦ ᐃᓄᐃᑦ, ᐃᓚᒋᓪᓗᒋᑦ ᐃᓐᓇᒻᒪᕇᑦ ᒪᒃᑯᑦᑐᑦ ᐊᒻᒪ ᐊᔪᖅᓴᓗᐊᕐᓂᕐᒦᖃᑦᑕᖅᓯᒪᔪᑦ.

ᓄᓇᕗᒻᒥ ᑲᑎᒪᓂᖅ ᐊᔪᖅᓴᓗᐊᕈᓐᓃᑎᑦᑎᕚᓪᓕᕋᓱᐊᕐᓂᕐᒧᑦ ᑲᑎᖃᑎᒌᑦᑕᐅᑎᒋᓂᐊᖅᐳᑦ ᐊᑐᓕᖅᑎᑎᕙᓪᓕᑕᐅᑎᒋᔪᓐᓇᖁᓪᓗᒋᑦ ᖃᓄᖅᑑᕈᑎᒃᓴᐅᔪᑦ ᒪᑭᒪᓂᖅ: ᑲᑐᔾᔨᖃᑎᒌᒃᖢᑎᒃ ᐊᔪᖅᓴᕈᓐᓃᑎᑦᑎᕚᓪᓕᕋᓱᐊᓂᖅ.