ᐃᓄᐃᑦ ᓄᓇᕗᒻᒥ ᑮᓇᐅᔭᓕᐊᓄᑦ ᓂᖏᖅᑕᓂᕐᒧᑦ
ᐸᐸᑦᑎᔩᑦ ᕿᓂᕐᒪᑕ ᐱᔪᓐᓇᕋᔭᖅᑐᓂᒃ ᑭᒃᑯᑐᐃᓐᓇᕐᓂᒃ
ᐃᖕᒥᑰᖅᑐᓂᒃ ᐸᐸᑦᑎᔨᒃᓴᓂᒃ.
ᐸᐸᑦᑎᔨᓐᖑᕋᓱᐊᕈᒪᔪᑦ ᐃᓕᓐᓂᐊᑲᓐᓂᕐᓯᒪᔭᕆᐊᓖᑦ
ᐃᓕᓐᓂᐊᕕᖕᓂ ᐊᒻᒪᓗ ᐊᔪᓐᖏᓐᓂᖃᑦᓯᐊᕐᓗᑎᒃ
ᐊᑐᕐᓯᒪᓂᕐᒥᒍᑦ ᑮᓇᐅᔭᓕᕆᓂᕐᒥᒃ,
ᑮᓇᐅᔭᓕᐅᕈᑎᒃᓴᓕᕆᓂᕐᒥᒃ, ᑮᓇᐅᓕᕆᔾᔪᑎᓂᒃ,
ᓇᖕᒥᓂᖃᕐᓂᕐᒥᒃ, ᒪᓕᒐᕐᓂᒃ ᐅᕝᕙᓘᓐᓃᑦ ᑯᐊᐳᕇᓴᓂ
ᑮᓇᐅᔭᓕᐅᕋᓱᐊᖅᑎᓂ ᐊᐅᓚᑦᓯᔨᐅᓂᕐᒥᒃ.
ᖃᐅᔨᒪᒋᐊᖅᑕᐅᖅᑳᓂᐊᖅᑐᑦ ᐊᑎᖃᖃᑕᐅᔪᑦ ᓄᓇᕗᒻᒥ
ᓄᓇᑖᕐᓂᕐᒧᑦ ᐊᖏᕈᑎᓂ.
ᐃᓄᐃᑦ ᓄᓇᕗᒻᒥ ᑮᓇᐅᔭᓕᐊᓄᑦ ᓂᖏᖅᑕᓂᕐᒧᑦ
ᐸᐸᑦᑎᔩᑦ ᐋᖅᑭᖅᑕᐅᓯᒪᔪᑦ ᓄᓇᕗᑦ ᑐᓐᖓᕕᒃ
ᑎᒥᖓᓂᒃ (ᑐᓐᖓᕕᒃᑯᓐᓂᒃ) ᐊᒻᒪᓗ ᐊᕕᑦᑐᕐᓯᒪᓂᐅᔪᓂ
ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᑮᓇᐅᔭᓕᐊᕋᓱᐊᖅᑎᐅᓂᕐᒥᒃ
ᐊᒻᒪᓗ ᐊᐅᓚᑦᓯᓂᕐᒥᒃ ᑮᓇᐅᔭᓂᒃ ᐃᓵᔪᓂᒃ
ᐅᔭᕋᓐᓂᐊᖅᑐᓂᒃ ᐃᓄᐃᑦ ᓄᓇᖁᑎᖏᓐᓂ ᐊᒻᒪᓗ
ᐊᓯᖏᓐᓂ ᓂᖏᖅᑕᕈᑕᐅᔪᓂᒃ ᑮᓇᐅᔭᓂᒃ
ᑐᓐᖓᕕᒃᑯᓐᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍᑦ
ᐊᒻᒪᓗ ᑐᓐᖓᕕᒃᑯᑦ ᑮᓇᐅᔭᓕᐊᓄᑦ ᓂᖏᖅᑕᓂᕐᒧᑦ
ᐊᑐᐊᒐᖏᑎᒍᑦ.
ᐃᓄᐃᑦ ᓄᓇᕗᒻᒥ ᑮᓇᐅᔭᓕᐊᓄᑦ ᓂᖏᖅᑕᓂᕐᒧᑦ
ᐸᐸᑦᑎᔩᑦ ᐊᐅᓚᓂᓖᑦ 7-ᓂᒃ ᐸᐸᑦᑎᔨᖃᖅᑐᑎᒃ,
ᐱᖓᓲᓪᓗᑎᒃ ᐃᖕᒥᑰᖅᑐᓂᒃ ᐸᐸᑦᑎᔩᑦ.
ᐃᖕᒥᑰᖅᑐᑦ ᐸᐸᑦᑎᔩᑦ ᐊᑭᓕᖅᓱᖅᑕᐅᖃᑦᑕᓂᐊᖅᑐᑦ
ᖃᐅᑕᒫᕐᓯᐅᑎᑎᒍᑦ ᐱᓇᓱᐊᒐᑦᓴᒥᓂᒃ ᐱᓕᕆᓂᖏᓐᓄᑦ
(ᑲᑎᒪᐅᓯᐊᑦ) ᐊᒻᒪᓗ ᐊᑭᓖᔾᔪᑎᒥᓂᖏᑦ
ᐅᑎᖅᑎᑕᐅᕙᓪᓗᑎᒃ ᐸᐸᑦᑎᔨᐅᓂᕐᒥᓄᑦ
ᐱᓕᕆᔪᒥᓂᐅᑎᓪᓗᒋᑦ.
ᐱᔪᒐᕆᒍᕕᐅᒃ ᑖᓐᓇ, ᓇᐃᓈᕐᓯᒪᔪᓂᒃ
ᐱᓇᓱᐊᕈᒪᔾᔪᑎᖕᓄᑦ ᑎᑎᕋᕐᓗᑎᑦ ᐊᒻᒪᓗ
ᐱᔪᒐᖅᓴᐅᑎᒍᑎᖕᓂᒃ ᑭᓇᐅᓂᕐᓄᑦ ᐃᕐᖐᓐᓈᕈᑎᒃᑯᑦ
ᐊᐅᓪᓚᑎᑦᓯᒍᓐᓇᖅᑐᑎᑦ ᓱᒃᑲᔪᒃᑰᕈᑎᒃᑯᓘᓐᓃᑦ ᐋᑕ
ᔪᐊᓐᒧᑦ ᓯᕿᓐᖑᔭᖅ 5-ᒨᕋᓱᐊᕐᓂᖓᓂ ᑲᓇᓐᓇᐅᑉ
ᖃᐅᔨᓴᐅᑖ ᒪᓕᓪᓗᒍ, ᔭᓐᓄᐊᓕ 21, 2013-
ᕈᕋᓱᐊᕐᓂᖓᓂ. ᐋᑕ ᔪᐊᓐ ᖃᐅᔨᒋᐊᕐᕕᒋᔪᓐᓇᕐᒥᔭᑦ
ᐊᐱᖅᑯᑎᒃᓴᖃᕈᕕᑦ.
ᐸᐸᑕᐅᔪᓄᑦ ᑐᓐᖓᕕᓕᐊᖑᓯᒪᔪᑦ (ᑕᒡᕚᓂ ᑎᑎᕋᕐᓯᒪᔪᑦ
ᖃᓄᐃᑦᑑᔭᕆᐊᖃᕐᓂᕐᒧᑦ ᐊᑐᖅᑕᐅᖃᓯᐅᑎᒋᐊᓖᑦ
ᐅᕝᕙᓘᓐᓃᑦ ᒪᓕᒃᑕᐅᔭᕆᐊᓖᑦ ᐃᓛᒃᑰᖅᑐᓄᑦ
ᐸᐸᑦᑎᔨᓄᑦ) ᐊᒻᒪᓗ ᑐᑭᓯᒋᐊᒃᑲᓐᓂᕈᑎᑦ
ᑖᒃᑯᓇᓃᖃᑕᐅᒻᒥᔪᑦ ᑐᓐᖓᕕᒃᑯᑦ ᐃᑭᐊᖅᑭᕕᖓᓂ
ᐅᕙᓂ (www.tunngavik.com).
ᐋᑕ ᔪᐊᓐ, ᒪᓕᒐᕐᓂᐊᖅᑎ
ᐅᖄᓚᐅᑖ: (867) 975-4913
ᓱᒃᑲᔪᒃᑰᕈᑖ: (867) 975-4937
ᐊᑭᖃᓐᖏᑦᑐᖅ: 1-888-646-0006
