ᑐᓴᕋᑦᓴᓕᕆᔩᑦ

ᑐᙵᕕᒃᑯᑦ ᓂᕈᐊᕐᓂᖃᓛᖅᑐᑦ ᐊᖏᔪᖅᑳᑉ ᐃᓂᖓᓄᑦ

ᓄᓇᕗᑦ ᑐᙵᕕᒃᑯᑦ ᑎᒥᖓᑦᑕ ᓂᕈᐊᖅᑐᓕᕆᔨᖓ ᓗᐊᕆ ᐃᑦᓚᐅᑦ ᓇᓗᓇᐃᖅᓯᔪᖅ ᓂᕈᐊᕐᓂᖅᑕᖃᓛᕐᓂᖓᓂᒃ ᐊᖏᔪᖅᑳᑉ ᐃᓂᖓᓄᑦ ᑎᓯᐱᕆ 13, 2010-ᒥ, ᑕᕝᕙᓂ ᐅᓪᓗᒥ ᓂᕈᐊᕐᓂᖃᓛᕆᓪᓗᑎᒃ ᒪᕐᕉᓐᓄᑦ ᐊᖏᔪᖅᑳᑉ ᑐᒡᓕᖏᑕ ᐃᓂᖏᓐᓄᑦ.

ᓂᕈᐊᕐᓂᖃᕆᐊᖃᕐᓂᐊᓕᕐᒪᑕ ᐲᖅᑕᐅᓚᐅᖅᑎᓪᓗᒍ ᐹᓪ ᖃᓗᔾᔭᖅ ᐊᖏᔪᖅᑳᖑᓂᖓᓐᓂᒃ. ᐃᓚᒋᔭᐅᔪᑦ ᐊᕐᕌᒍᑕᒫᖅᓯᐅᑎᖓᓂᒃ ᑲᑎᒪᕐᔪᐊᖃᑕᐅᔪᑦ ᑲᖏᖅᖠᓂᕐᒥ ᓂᕈᐊᕐᒪᑕ ᐲᖅᑕᐅᖁᔨᓪᓗᑎᒃ ᖃᓗᔾᔭᒥᒃ ᐊᖏᔪᖅᑳᖑᓂᖓᓂᒃ ᐃᒃᐸᒃᓴᖅ. ᓄᖅᑲᖓᑎᑕᐅᓚᐅᕐᒪᑦ ᐊᐅᒃᑕᔫᒥᒃ ᐊᑭᓕᒃᓴᓂᐅᑎᒥᒃ ᐊᑐᕐᓂᕐᓗᖃᑦᑕᖅᓯᒪᓂᖓᓄᑦ ᐲᖅᑕᐅᑎᓪᓗᒍ.

ᓂᕈᐊᖅᑏᑦ ᐊᒻᒪ ᓂᕈᐊᒐᒃᓴᐅᔪᓐᓇᖅᑐᑦ ᑲᓇᑕᒥᐅᑕᐅᔭᕆᐊᖃᖅᐳᑦ, ᐊᕐᕌᒍᖃᕐᓗᑎᒃ 16-ᓂᒃ, ᐊᑎᖃᖃᑕᐅᓗᑎᒡᓗ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍᑦ.

ᓂᕈᐊᒐᒃᓴᓕᐅᕐᕕᒃᓴᐅᓂᐊᑐᖅ ᓂᕈᐊᕐᓂᐅᔪᓄᑦ ᓄᕕᐱᕆ 1-5-ᒧᑦ, 2010. ᓂᕈᐊᒐᒃᓴᓕᐅᕈᑎᒃᓴᐃᑦ ᐱᔭᐅᔪᓐᓇᖅᑐᑦ ᓂᕈᐊᖅᑐᓕᕆᔨᒥᒃ, ᓄᓇᓕᖕᓂ ᑐᒃᑕᕐᕕᐅᔪᓂ, ᐅᕝᕙᓘᓐᓃᑦ ᑐᙵᕕᒃᑯᑦ ᖃᕆᑕᐅᔭᒃᑯᑦ ᐃᑭᐊᕐᕆᕕᐊᓂ. ᓂᕈᐊᒐᒃᓴᐅᔪᒪᔪᑦ ᑐᓂᓯᓯᒪᔭᕆᐊᖃᕐᓂᐊᖅᐳᑦ ᓂᕈᐊᒐᒃᓴᐅᔾᔪᑎᒥᓂᒃ ᓂᕈᐊᖅᑐᓕᕆᔨᒧᑦ 5-ᒧᐊᓚᐅᖏᓐᓂᖓᓂ ᓄᕕᐱᕆ 5-ᒥ.

ᓂᕈᐊᒐᒃᓴᐅᔪᑦ ᓇᖕᒥᓂᖅ ᖃᐅᔨᒪᒋᐊᖃᕐᓂᐊᖅᐳᑦ ᓂᕈᐊᒐᒃᓴᐅᔾᔪᑎᖏᑦ ᓂᕈᐊᖅᑐᓕᕆᔨᒧᐊᑦᑎᐊᕋᓗᐊᕆᐊᖏᓐᓂᒃ. ᓂᕈᐊᒐᒃᓴᐅᔾᔪᑎᒃᓴᐃᑦ ᐱᔭᐅᓯᒪᖏᑦᑐᑦ ᐃᓱᓕᒡᕕᐊ ᓈᖕᒪᓯᓚᐅᖏᓐᓂᖓᓂ, ᓂᕈᐊᒐᒃᓴᐅᔪᓐᓇᔾᔮᖏᑦᑐᑦ ᑐᙵᕕᒃᑯᑦ ᓂᕈᐊᕐᓂᖏᓐᓂ.

ᓂᕈᐊᒐᒃᓴᐅᔪᒪᔪᑦ ᓂᕈᐊᒐᒃᓴᐅᔪᒪᔪᓐᓃᕐᓂᕈᑎᒃ ᓂᕈᐊᒐᒃᓴᐅᔾᔪᑎᖏᓐᓂᒃ ᐲᖅᓯᔪᓐᓇᖅᑐᑦ 5-ᒧᐊᓚᐅᖏᓐᓂᖓᓂ ᓄᕕᐱᕆ 8, 2010.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: