ᓄᓇᕗᑦ ᑐᓐᖓᕕᒃᑯᑦ ᑎᒥᖓ ᓴᐳᔾᔨᓯᒪᓂᐊᖅᑐᖅ ᓴᓐᖐᓂᕐᓴᒃᑯᑦ ᐃᖅᑲᖅᑐᐃᔨᒧᑦ ᐃᓱᒪᓕᐅᕈᑎᒥᒃ ᑐᓂᓯᖁᔨᓂᕐᒥᒃ ᓄᓇᕗᑦ ᐃᖅᑲᖅᑐᐃᕕᖓᓂ ᐅᓐᓂᕐᓗᕝᕕᖕᒧᑦ ᓈᓚᖕᓂᐅᓂᐊᖅᑐᒥ ᐃᖃᓗᓐᓂ ᓯᑉᑎᒻᕙ 24, 2013.
ᔫᓂ, 2012, ᐃᖅᑲᖅᑐᐃᔨ ᐅᕈ ᔮᓐᓴᓐ ᓄᓇᕗᑦ ᐃᖅᑲᖅᑐᐃᕕᖓᓂ ᖃᐅᔨᓚᐅᖅᑐᖅ ᑐᓐᖓᕕᒃᑯᑦ ᑮᓇᐅᔭᖅᑖᖅᑎᑕᐅᒋᐊᖃᕐᓯᒪᓂᖏᓐᓂᒃ ᓯᖁᒥᑦᓯᓯᒪᓂᖏᓐᓂᒃ ᑲᓇᑕ ᒐᕙᒪᖓ, ᑭᒡᒐᖅᑐᖅᑎᖏᑦ ᑯᐃᓐ, ᐊᑐᓕᖅᑎᑦᓯᒋᐊᖃᕐᓯᒪᓪᓗᑎᒃ ᖃᐅᔨᓴᕐᓂᕐᒧᑦ ᐸᕐᓇᐅᑎᓂᒃ ᐃᓛᒃᑯᑦ 12.7.6 ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ. ᐃᓱᒪᓕᐅᕈᑕᐅᔪᖅ ᑐᓂᓯᓂᕐᒥᒃ $1.48 ᒥᓕᔭᓂᒃ ᑮᓇᐅᔭᖅᑖᕆᒋᐊᖃᕐᓯᒪᔭᖏᓐᓂᒃ ᑐᓐᖓᕕᒃᑯᑦ ᓯᖁᒥᑦᓯᒍᑕᐅᓯᒪᔪᒥᒃ ᐃᓛᒃᑯᑦ 12.7.6.
ᑲᓇᑕ ᒐᕙᒪᖓ ᐅᓐᓂᓗᕝᕕᒃᑰᑎᑦᓯᓕᓚᐅᖅᑐᖅ ᐃᓱᒪᓕᐅᕈᑕᐅᔪᒥᒃ ᓄᓇᕗᑦ ᐃᖅᑲᖅᑐᐃᕕᖓᓄᑦ.
ᓴᓐᖐᓂᕐᓴᒃᑯᑦ ᐃᖅᑲᖅᑐᐃᔨᐅᑉ ᐃᓱᒪᓕᐅᕈᑎᖓ ᑐᓂᓯᓂᕐᒥᒃ ᐊᒻᒪᓗ ᐅᓐᓂᕐᓗᕝᕕᒃᑯᑦ ᐋᖅᑭᒋᐊᕆᑎᑦᓯᓇᓱᐊᕐᓂᖅ ᐃᓱᒐᓛᑐᐃᓐᓇᖓ ᐊᖏᔪᒻᒪᕆᐊᓗᒻᒥᒃ ᐃᖅᑲᖅᑐᐃᕕᒃᑯᑦ ᓵᓐᖓᑦᓯᒋᐊᕈᑕᐅᓚᐅᖅᑐᒥᒃ ᑐᓐᖓᕕᒃᑯᓐᓄᑦ 2006-ᒥ ᐊᔾᔨᒌᓐᖏᑦᑐᓃᓐᖔᖅᑐᓂᒃ ᓯᖁᒥᑦᓯᖃᑦᑕᕐᓯᒪᓂᖏᓐᓂᒃ ᐱᓇᓱᐊᕋᑦᓴᕆᔭᒥᓂᒃ ᑯᐃᓐ ᑭᒡᒐᑐᖅᑎᖏᓐᓄᑦ ᐊᑐᓕᖅᑎᑦᓯᒋᐊᖃᕐᓯᒪᓂᕐᒧᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ ᓈᖕᒪᓯᐊᖅᑐᒃᑯᑦ ᐊᑕᖏᑦᓯᐊᕐᓗᒋᓪᓗ. ᐱᔾᔪᑎᓪᓗᐊᑕᖅ ᐃᖅᑲᖅᑐᐃᕕᒃᑰᑎᑦᓯᓯᒪᒍᑕᐅᔪᒧᑦ 2015-ᒥ ᓇᓗᓇᐃᖅᑕᐅᕙᓪᓕᐊᒐᓱᐊᓛᕐᓂᐊᕋᓱᒋᔭᐅᔪᖅ.
ᑐᑭᓯᒋᐊᒃᑲᓐᓂᕈᑎᒃᓴᑦ ᑖᒃᑯᓄᓐᖓᖓᔪᓂᒃ ᓴᓐᖐᓂᕐᓴᒃᑯᑦ ᐃᖅᑲᖅᑐᐃᔨᒧᑦ ᐃᓱᒪᓕᐅᕈᑕᐅᔪᒥᒃ ᑐᓂᓯᓂᕐᒧᑦ ᑕᑯᒋᐊᕋᑦᓴᑦᓯᐊᑦ ᑐᓐᖓᕕᒃᑯᑦ ᐃᑭᐊᖅᑭᔾᔪᑖᓂ.
ᑐᓐᖓᕕᒃᑯᑦ ᒪᓕᒐᕐᓂᐊᖅᑎᖓ ᐊᑐᐃᓐᓇᐅᓂᐊᖅᑐᖅ ᑭᐅᔪᒃᓴᒫᖑᓗᓂ ᐱᕙᓪᓕᐊᔪᓕᕆᔨᓂᒃ ᑐᓴᕋᑦᓴᓂᐊᖅᑎᓂᒃ ᐊᐱᖅᑯᑎᖏᓐᓂᒃ ᐃᓱᐊᓂ ᓄᓇᕗᒻᒥ ᐃᖅᑲᖅᑐᐃᕕᒃᑯᑦ ᐅᓐᓂᕐᓘᑕᐅᔪᒧᑦ ᓈᓚᖕᓂᖃᓚᐅᖅᑎᓪᓗᒍ.
