(ᔫᓂ 8, 2010 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᓯᕗᓪᓕᖅ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᑉᓗᒥ ᐅᖃᖅᑐᖅ ᐃᑲᔪᖅᑐᐃᓂᐊᓂᒃ ᐅᑯᓄᖓ ᐃᑦᑐᐃᑦ ᑲᑎᒪᔨᕋᓛᖁᑎᖏᓐᓂᑦ ᒪᑯᓄᖓ ᐃᖃᓗᓕᕆᓂᕐᒧᑦ ᐅᓂᒃᑳᒥᑦ, ᐊᐅᓚᑦᑎᓂᕐᒧᑦ ᐃᖃᓗᓕᕆᓂᕐᒧᑦ ᐊᒻᒪᓗ ᑕᕆᐅᕐᒥᐅᑕᓕᕆᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᒥ ᐅᐊᓕᓂᐊᓂ, ᑕᐃᓯᓪᓗᓂ ᐅᖃᕐᓂᒃᑯᑦ ᓴᖅᑭᑎᑦᑎᓂᕐᒥᑦ ᓂᐅᕐᕈᑎᒃᓴᖃᕐᓂᕐᒥᑦ ᐃᖃᓗᒃᐱᓂᒃ ᓄᓇᕗᒥ..
“ᐱᕙᓪᓕᐊᑎᑦᑏᓐᓇᕋᑉᑕ ᐱᔪᓐᓇᕐᕕᒃᓴᒥᑦ ᓂᐅᕐᕈᑎᒃᓴᖃᕐᓂᕐᒧᑦ ᐃᖃᓗᓕᕆᓂᒃᑯᑦ ᐊᑯᓂᐊᓗᒃ.” ᐅᖃᖅᑐᖅ ᐃᑦᑐᓗᒃ. “ᑭᓯᐊᓂ ᑕᐃᒪᓐᓇᐃᓐᓂᐊᕈᑦᑕ ᑕᒪᓐᓇ ᐊᑐᓃᖅᑐᖅ ᐱᓕᕆᐊᖅ ᐱᕈᕆᐊᓕᒃ ᐅᑯᐊ ᑲᓇᑕᐅᑉ ᐊᒻᒪᓗ ᓄᓇᕗᑦ ᒐᕙᒪᑉᑯᖏᑦ ᓇᖕᒥᓂᖅ ᑐᓂᓯᒪᔭᕆᐊᖃᖅᑐᑦ ᐱᕈᖅᓰᖃᑕᐅᓗᑎᒃ”
ᐱᕙᓪᓕᐊᓂᐊ ᐅᑯᐊ ᓄᓇᕗᑦ ᐃᖃᓗᒃᐱᓕᕆᓂᕐᒧᑦ ᐃᖃᓗᓕᕆᕝᕕᒃ ᐱᔭᕆᐊᖃᖅᑐᖅ ᒪᓕᒋᐊᖅᑲᖅᑐᑦ ᐅᑯᓂᖓ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᓂᑦ ᐊᒻᒪᓗ ᑐᓂᓯᒪᓗᑎᒃ ᐱᔾᔪᑎᒃᓴᓂᑦ ᐅᑯᓇᖓᑦ ᑕᒪᐃᓐᓂᑦ ᑲᓇᑕᐅᑉ ᐊᒻᒪᓗ ᓄᓇᕗᑦ ᒐᕙᒪᑉᑯᖏᓐᓂᑦ ᐃᓚᒋᓗᒋᑦ ᐊᑐᓕᖅᑎᑦᑎᓂᐊᕐᓗᓂ ᐃᖕᒥᓂᖅᓱᕈᑕᐅᔪᓐᓇᕐᓂᐊᕐᓗᑎᒃ ᐊᐅᓚᑦᑎᓂᒃᑯᑦ ᐃᓕᖓᔪᓄᑦ, ᐃᓚᒋᓪᓗᒋᑦ ᐱᓕᕆᖃᑎᒌᒃᓂᖅ ᖃᓂᒌᒃᓗᓂ ᐃᓚᒋᓗᒋᑦ ᐃᓄᒻᒪᕇᑦ ᒪᑯᓄᖓ ᐊᒥᓲᓂᐅᔪᓂᑦ ᖃᐅᔨᓴᐃᔪᓐᓇᕐᒥᑦ ᐊᒻᒪᓗ ᐊᐅᓚᑕᐅᓂᖏᓐᓄᑦ ᑕᒪᑯᐊ ᐃᖃᓗᓕᕆᓂᕐᒧᑦ.
“
ᒪᓕᒋᐊᖃᕐᓂᖅ ᐅᑯᓂᖓ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓂᑦ, ᐱᓗᐊᖅᑐᒥᑦ ᑎᑎᕋᖅᓯᒪᔪᖏᑦ 5 ᐊᒻᒪᓗ 7, ᐱᔭᐅᑐᐃᓐᓇᕈᒪᖏᑦᑐᑦ ᒪᑭᑎᑦᑎᓂᕐᒥᑦ ᐃᖕᒥᓂᖅᓱᕈᓐᓇᕐᓂᕐᒧᑦ ᐊᐅᓚᑎᓂᑦ ᐃᓕᖓᓂᖏᓐᓄᑦ ᓴᖅᑭᑦᑎᓂᐊᕐᓗᓂ ᓂᐅᕐᕈᑎᒃᓴᖃᕈᓐᓇᕐᓂᕐᒥᑦ ᐃᖃᓗᓕᕆᓂᒃᑯᑦ, ᐱᔭᕆᐊᖃᖅᑐᖅ.”.
“ᑕᑯᔭᕆᐊᒃᓴᖅ ᖁᕕᐊᒋᔭᕋ ᒥᓂᔅᑕ ᓲᓴᒃ ᐃᓚᐅᓂᐊᓂᒃ. ᑕᑯᔭᕆᐊᖃᖅᑕᕗᑦ ᐃᑭᒪᐃᓐᓇᕐᓗᓂ ᒫᓐᓇ ᐊᒻᒪᓗ ᐃᓚᐅᖁᔭᓄᑦᑕᐅᖅ ᐅᑯᐊ ᑲᓇᑕᐅᑉ ᒐᕙᒪᑉᑯᖏᑦ ᐃᑭᖃᑕᐅᓗᑎᒃ. ᑕᐃᒪᓕ ᑭᓯᐊᓂ ᑕᑯᔾᔮᖏᓚᒍᑦ ᐃᖃᓗᓕᕆᓂᕐᒧᑦ ᐱᓕᕆᕝᕕᒃ ᓴᖅᑭᑎᑕᐅᓂᐊᓂᒃ ᐱᔪᓐᓇᕐᓂᐊᒍᑦ ᐊᒻᒪᓗ ᑕᐃᒪᐃᒋᐊᖃᖅᑐᖅ.” ᐱᐊᓂᒃᖢᓂ ᐅᖃᖅᑐᖅ ᐃᑦᑐᓗᒃ.
-30-
ᓱᓕ ᑐᑭᓯᒋᐊᒃᑲᓐᓂᕈᒪᒍᕕᑦ:
ᕗᕌᓐᑯ ᐳᓯᐊᒥ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓᑦ
ᐅᖃᓘᑖ: (867) 975-4939 ᐊᑭᖃᖏᑦᑐᖅ: 1-888-646-0006
