ᑐᓴᕋᑦᓴᓕᕆᔩᑦ

ᑐᓐᖓᕕᒃᑯᑦ ᐅᖃᖃᐅᔪᑦ ᓄᓇᕗᑦ ᒐᕙᒪᒃᑯᖏᑦ ᐱᓕᕆᖃᑎᖃᕆᐊᖃᖅᐳᑦ ᐃᓄᖕᓂᒃ ᖃᓄᐃᓕᐅᕈᑕᐅᓂᐊᕈᑎᒃ ᐃᓱᒪᓘᑕᐅᓂᕋᖅᑕᐅᔪᑦ ᖃᓄᒃᑲᓐᓂᖅᒥ ᐅᓂᒃᑳᓕᐊᓂ

(ᐅᒃᑐᐱᕆ 20, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᓐᓂ ᐊᖓᔪᖄᕐᒧᑦ ᑐᒡᓕᕆᔭᐅᖄᕐᓂᖅᓴᖅ, ᔭᐃᒥᓯ ᐃᒃᑐᓗᒃ ᐅᖃᖃᐅᔪᖅ ᑲᒪᓇᕐᓈᕆᓯᒪᖏᓐᓂᖏᓐᓂᒃ ᓴᕿᑕᐅᓯᒪᔪᑦ ᖃᓂᒃᑲᓐᓂᕐᒥ ᐅᓂᒃᑳᓕᐊᖏᓐᓂᒃ ᓄᓇᕗᑦ ᒐᕙᒪᒃᑯᑦ.

“ᐊᒥᓱᐊᓘᖕᒪᑕ ᐃᓱᒪᓘᑕᐅᔪᑦ ᐊᒻᒪᓗ ᐊᑐᓕᖁᔭᓕᐊᖑᓯᒪᔪᑦ ᐱᓕᕆᓯᒪᓂᖏᓐᓂ ᐅᓂᒃᑳᓕᐊᖏᓐᓂᑦᑐᑦ ᓇᓕᒧᓈᖅᓯᒪᑦᑎᐊᖅᑐᑦ ᐅᖃᐅᓯᕆᓯᒪᓕᖅᑕᑦᑎᓐᓂᒃ ᐊᕐᕋᒍᒐᓵᓗᖕᓂᒃ ᐱᔾᔪᑎᖃᖅᑐᓂᒃ ᐃᓅᓯᕆᔭᐅᔪᓂ ᐃᓱᒫᓘᑕᐅᔪᓂᒃ,” ᐅᖃᖃᐅᔪᑎ ᔭᐃᒥᓯ. “ᑐᓴᖃᑦᑕᐃᓇᖅᓯᒪᔭᕗᑦ ᑕᐃᒃᑯᐊᓴᐃᓐᓇᐃᑦ ᐃᓱᒪᓘᑕᐅᔪᑦ ᑲᑎᒪᔨᕗᑦ ᐃᓄᓕᒫᓂᒃ ᑲᑎᒪᑎᑦᑎᔭᕌᖓᑕ, ᐊᒻᒪᓗ ᑐᑭᓯᓂᐊᕕᖃᖄᖓᑕ ᖃᐅᔨᓴᖅᑕᐅᔪᖃᕋᖓᓪᓗ ᐊᕐᕋᒍᑕᒫᖅ ᐅᓂᒃᑳᓕᐊᓂᒃ ᖃᓄᐃᓕᖓᓕᕐᓂᖏᓐᓄᑦ ᐃᓄᐃᑦ ᐃᓕᖅᑯᓯᖏᑦ ᐃᓄᓯᖏᓐᓂᓗ.”

ᐱᓕᕆᐊᕆᓯᒪᔭᖏᓐᓄᑦ ᐅᓂᒃᑳᓕᐊᑦ ᒪᓐᓇᐅᔪᖅ ᕿᒥᕐᕈᐊᖅᑕᐅᓕᕐᒪᑕ ᐊᑐᓂ ᐃᖃᓇᐃᔭᕕᖁᑎᖏᓐᓄᑦ ᐊᕕᒃᑐᖅᑕᐅᓯᒪᔪᓂ, ᓄᓇᕗᑦ ᒐᕙᒪᒃᑯᖏᓐᓂ. ᓄᓇᕗᑦ ᒐᕙᒪᒃᑯᖏᑦ ᐸᕐᓇᒃᓯᒪᖕᒪᑕ ᑲᑎᒪᒃᑲᓐᓂᕐᓂᐊᓂᖅ ᑕᒡᕙᓂ ᑕᕿᕐᒥ ᐱᔭᕆᖅᑕᐅᓂᐊᕐᒪᑕ ᖃᓄᐃᓕᐅᕈᑎᒃᓴᓄᑦ ᐸᕐᓇᐅᑏᑦ ᑭᐅᔾᔪᑕᐅᒋᐊᕐᓂᐊᕐᓗᑎᒃ ᐊᑐᓕᖁᔭᓕᐊᕆᔭᐅᓯᒪᔪᓄᑦ ᐅᓂᒃᑳᓕᐊᓃᑦᑐᓂ.

ᒫᓐᓇᐅᔪᖅ ᓄᓇᕗᑦ ᒐᕙᒪᒃᑯᑦ ᐊᐅᓚᑦᑎᔨᐅᓂᕐᒥᒃ ᑎᒍᒥᐊᕐᒪᑕ. ᐱᒻᒪᕆᐊᓘᓂᐊᖅᑐᖅ ᓄᓇᕗᑦ ᒐᕙᒪᒃᑯᑦ ᐃᖃᐅᒪᔭᕆᐊᖃᕐᓂᖏᑦ ᐃᓗᓕᖏᓐᓂᒃ 32−ᒦᑦᑐᓂᒃ ᓄᓇᕗᒻᒥ ᓄᓇᑖᕈᑎᓂ ᐊᖏᕈᑎᓂ, ᑲᑎᒪᒋᐊᓕᕈᑎᒃ ᖃᓄᐃᓕᐅᕐᓂᐊᕐᓂᕐᒥᓄᑦ ᐸᕐᓇᐃᓂᕐᒧᑦ. ᖃᓄᐃᓕᐅᖅᑐᖃᕆᐊᕈᓐᓇᓚᐅᖏᓐᓂᖓᓂ, ᐊᑐᐊᒐᓕᕆᓂᒃᑯᑦ, ᐊᑐᒐᒃᓴᓕᕆᓂᒃᑯᓪᓗᓐᓃᑦ, ᐃᓄᐃᑦ ᐃᓚᐅᔭᕆᐊᖃᕐᓂᐊᖅᑐᑦ ᐱᒋᐊᕐᕕᑲᐅᑎᒋᐊᓂᒃ” ᐅᖃᖃᐅᔪᖅ ᐃᑦᑐᓗᒃ.

ᑐᑭᓯᒋᐊᒃᑲᓐᓂᕈᒪᒍᕕ: