ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑎᒍᓯᔪᖅ ᑎᒡᓕᐊᑕ-ᐊᖓᔪᖅᑳᑉ ᐱᓕᕆᐊᖏᓐᓂᒃ
ᓄᓇᕗᑦ ᑐᓐᖓᕕᒃ ᑎᒥᖓᑕ ᑲᑎᒪᔨᖏᑦ ᐅᓪᓗᒥ ᑐᓴᖅᑎᑦᓯᔪᑦ ᐱᒋᐊᑲᐅᑎᒋᓗᓂ ᒫᓐᓇ ᐊᒻᒪ ᑎᑭᒐᓱᐊᕐᓗᒍ ᑎᓯᕝᕙ 8, 2014, ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᑎᒍᓯᓂᐊᖅᑐᖅ ᐱᓕᕆᐊᖏᓐᓂᒃ ᑐᒡᓕᐊᑕ-ᐊᖓᔪᖅᑳᑉ ᐃᓂᖓ ᐲᖅᑎᑕᐅᕐᒪᑦ ᔮᒃ ᐊᓇᕈᐊᖅ ᓯᑎᐱᕆ 2013.
ᐊᖓᔪᖅᑳᖓᖅ ᑕᐅᑐᓐᖏ ᐃᒃᓯᕙᐅᑕᐅᓂᐊᕐᒥᔪᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᓄᓕᕆᓂᕐᒧᑦ, ᐃᓕᖅᑯᓯᓕᕆᓂᕐᒧᑦ ᑲᑎᒪᔨᕋᓛᑦ.
“ᕿᓚᓈᖅᐳᖓ ᑲᔪᓯᑎᑦᓯᓯᒪᓂᐊᓂᕐᓂᒃ ᐊᒻᒪ ᐊᑐᖅᓯᒪᔭᒃᑲᓂᒃ ᐃᓄᓕᕆᓂᕐᒧᑦ, ᐃᓕᖅᑯᓯᓕᕆᓂᕐᒧᓪᓗ ᐃᓕᕆᐊᖑᒋᐊᖃᖅᑐᓂ ᑕᒡᕙᓂ ᐃᓂᐅᔪᒥ,” ᐅᖃᖅᑐᖅ ᑕᐅᑐᓐᖏ.
ᓄᓇᕗᑦ ᑐᓐᖓᕕᒃ ᑎᒥᖓ ᑐᓐᖓᓱᒃᑎᑦᑎᓂᐊᖅᑐᑦ ᓂᕈᐊᖅᑎᑦᓯᓗᑎᒃ ᑕᒪᒃᑮᖕᓂᑦ ᑐᒡᓕᖏᑦᑕ-ᐊᖓᔪᖅᑳᑉ ᐃᓂᖏᓐᓄᑦ ᑎᓰᕝᕙ 8, 2014. ᐃᓄᐃᑦ ᐅᑭᐅᖃᖅᑐᑦ ᐅᖓᑖᓄᑦ 16 ᐊᒻᒪ ᐊᔪᓐᖏᑎᑕᐅᔪᑦ ᐊᑎᖃᖃᑕᐅᔪᑦ ᐊᑖᒍ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ ᓂᕈᐊᒐᒃᓴᓐᖑᕈᓐᓇᖅᑐᑦ ᐊᒻᒪ ᓂᖁᐊᕈᓐᓇᕐᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᓯᖅᑎᑎᓪᓗᒋᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ:
