ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᖁᕕᐊᓱᖃᑎᖃᖅᐳᖅ ᒪᓕᒐᓕᐅᖅᑎᕐᔪᐊᒥᑦ ᓕᐅᓇ ᐊᒡᓗᒃᑲᒥᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᖁᕕᐊᓱᖃᑎᖃᖅᐳᖅ ᐃᓚᒋᔭᐅᔪᒥ ᑲᓇᑕᒥ ᒪᓕᒐᓕᐅᕐᕕᐊᒡᔪᐊᖓᓐᓄᑦ ᓕᐅᓇ ᐊᒡᓘᒃᑲᕐᒥᑦ ᓵᓚᒃᓴᕐᓂᐊᓄᑦ ᑐᖏᓕᐊᓂ ᐃᓕᓂᐊᓄᑦ ᑲᓇᑕᒥ ᒪᓕᒐᓕᐅᕐᕕᒃᔪᐊᒧᑦ ᐃᑉᐸᒃᓴᖅ.

“ᓂᕆᐅᒃᑐᖓ ᑲᔪᓯᓂᐊᕐᓂᕐᒥᑦ ᑕᒪᓐᓄᑦ ᐱᓕᕆᖃᑎᒌᑦᑎᐊᕐᓂᕐᒧᑦ ᐃᓚᒋᓗᒍ ᐊᒡᓘᒃᑲᖅ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᒫᓐᓇ ᒐᕙᒪᐅᓂᐊᖅᑐᑦ ᑲᓲᕕᑎᕝ ᒐᕙᒪᖓᑦ ᐊᑯᓂᐊᓗᒃ ᐊᒃᑐᐊᖃᑎᒌᒃᓯᒪᓂᖏᑦ, ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕆᐅᒃᑐᑦ ᐱᐊᓂᒃᓯᓂᐊᕐᓂᕐᒥᑦ ᐃᓗᐃᑦᑐᒥᑦ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᐃᓂᓪᓚᐃᓂᒃᑯᑦ ᐅᑯᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ ᐱᓕᕆᖃᑎᒋᓗᒍ ᐊᖓᔪᖅᑳᕐᔪᐊᖓᑦ ᑲᓇᑕᐅᑉ ᓯᑏᕙᓐ ᕼᐋᐸ ᐃᓗᐃᑦᑑᓗᑎᒃ ᐊᐅᓚᑦᑎᓂᐊᕐᓂᕆᔭᖓᑦ ᒐᕙᒪᐅᓗᑎᒃ,” ᐅᖃᖅᑐᖅ ᑕᐅᑐᖏ.

“ ᓂᕆᐅᑦᑎᐊᖅᑐᖓ ᑲᑎᖃᑎᒋᓂᐊᕋᑉᑯ ᐊᒡᓘᒃᑲᖅ ᐊᔪᕐᓇᖏᓕᑐᐊᖅᐸᑦ ᒫᓐᓇᕈᓗᒃ ᑲᔪᓯᓗᑦ ᐅᖃᖃᑎᒌᒍᑎᒋᓗᑦ ᐊᔾᔨᒌᖏᑦᑐᑦ ᐱᔾᔪᑎᑦ, ᐊᒻᒪᓗ ᖁᕕᐊᓱᒻᒪᕆᒃᑐᖓ ᑕᑯᓂᐊᕐᓗᓂ ᓇᓪᓕᐊᓐᓂᑦ ᐃᓂᒥᑦ ᒥᓂᔅᑕᐃᑦ ᐃᓂᖏᓐᓄᑦ ᑲᓇᑕᐅᑉ ᐊᖓᔪᖅᑳᕐᔪᐊᖓ Hᐋᐸ ᑐᓂᓂᐊᕐᒪᖔᒍ,” ᐅᖃᖅᑐᖅ ᑕᐅᑐᖏ.