ᐊᒃᑑᐱᕆ 16, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᑐᖏᓕᐊ ᐊᖓᔪᖅᑳᑉ ᑮᓇᐅᔭᓕᕆᓂᕐᒧᑦ ᐱᔭᒃᓴᓕᒃ, ᕇᒪᓐ ᓂᖏᐅᑦᑎᐊᖅ ᐅᖃᖅᑐᖅ ᐊᑲᖅᓴᙱᓐᓂᐊᓂᒃ ᐅᑯᓄᖓ ᒥᐊᓕᒐᑦ ᑐᒃᓯᕋᐅᓯᑎᙱᓐᓂᒃ ᐃᓕᔭᐅᖁᔭᐅᔪᓂᒃ ᖁᑦᑎᖕᓂᖅᓴᒧᑦ ᓇᓗᓇᐃᖅᑕᐅᓯᒪᓗᑎᒃ ᓇᓄᐃᑦ ᐅᑯᓇᙵᑦ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ ᐃᓚᖓᓃᑦᑐᖅ ᐊᑕᔪᐊᓂ II ᑕᒡᕗᖓ ᐃᓕᔭᐅᓗᓂ ᐃᓚᖓᓃᑦᑐᒧᑦ ᐊᑕᔪᐊᓄᑦ I-ᒧᑦ ᑕᐃᑲᓂ ᑲᑎᒪᓂᖏᓐᓂ ᑎᒥᐅᔪᑦ ᐅᑯᓇᓂᓗ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ.

“ᓄᓇᕗᑦ ᑐᙵᕕᒃ ᑎᒥᖓᑦ ᐃᑲᔪᖅᑐᐃᙱᑐᑦ ᑐᒃᓯᕋᐅᑎᒥᑦ ᐃᓕᔭᐅᖁᔭᐅᓂᙱᑦ ᓇᓗᓇᐃᖅᑕᐅᓗᑎᒃ ᓇᓄᐃᑦ ᐃᓗᐊᓂ ᐅᑯᐊ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ ᐃᓚᖓᓂ ᐊᑕᔪᐊᓂ I. ᑐᑭᓯᕋᐅᑎ ᓯᕘᕋᓕᖅᑎᑦᑎᔪᖅ ᐊᒻᒪᓗ ᐃᓱᒪᒋᔭᐅᔪᓂᒃ ᖄᙱᖅᓯᓪᓗᓂ ᓇᓄᕐᓂᒃ ᐊᐅᓚᑦᑎᓂᕐᒧᑦ ᐃᓕᖓᔪᓂᒃ ᑕᐃᒪᖓᓂ ᐃᓕᖓᔪᑦ ᑲᓇᑕᒥ ᐅᑭᐅᓄᑦ 40-ᓄᑦ” ᐅᖃᖅᑐᖅ ᓂᖏᐅᑦᑎᐊᖅ.

ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ ᖃᕆᑕᐅᔭᒃᑯᑦ ᑕᑯᓇᒡᕕᐊᑦ ᐅᖃᖅᓯᒪᔪᖅ ᑖᓐᓇ ᐃᓚᖓᓂ ᐊᑕᔪᖅ I ᓇᓗᓇᐃᖅᓯᓯᒪᔪᑦ ᐃᓚᓕᐅᑎᔭᐅᓯᒪᓪᓗᓂ ᐆᒪᔪᑦ ᑕᐃᒃᑯᐊ ᐊᑦᑕᓇᖅᑐᒦᓛᙳᔪᓂᒃ ᐃᓚᖏᓐᓂ ᒪᑯᐊ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ ᒥᕐᔪᑎᑦ ᐆᒪᔪᑦ. ᑕᒪᒃᑯᐊ ᐆᒪᔪᑦ ᐃᓱᒪᒋᔭᐅᔪᑦ ᐊᑦᑕᓇᖅᑐᓰᓐᓂᙱᓐᓂᒃ ᐃᒪᓐᓇᓗ ᓄᖑᓐᓇᔭᕐᓂᙱᓐᓂᒃ ᐊᒻᒪᓗ ᐅᑯᐊ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ ᐊᔪᖅᑎᑦᑎᔪᑦ ᓯᓚᕐᔪᐊᒥ ᑕᐅᖅᓰᖃᑦᑕᕐᓂᕐᒥᑦ ᐊᔾᔨᒌᙱᑦᑐᓂᒃ ᐆᒪᔪᓂᒃ ᑭᓯᐊᓂ ᐱᔾᔪᑎᖃᖅᐸᑕ ᓯᓚᕐᔪᐊᒧᑦ ᐊᐅᓪᓚᖅᑎᑦᑎᓂᐅᔪᑦ ᓂᐅᕐᕈᑕᐅᓂᐊᙱᑉᐸᑕ, ᑕᐃᒪᐃᑦᑐᑦ ᖃᐅᒪᔨᕐᔪᐊᖑᓂᕋᖅᑕᐅᔪᓄᑦ ᖃᐅᔨᓴᐃᓂᖅ..

ᐃᓚᖓᓂ ᐊᑕᐅᔪᖅ II ᓇᓗᐃᓇᐃᖅᓯᒪᔪᖅ ᑎᑎᖅᓯᒪᓪᓗᒋᑦ ᐃᓕᖓᔪᓂᑦ ᐆᒪᔪᐃᑦ ᐃᒪᓐᓇᐃᖏᑎᓪᓗᒋᑦ ᐊᑦᑕᓇᖅᑐᒦᓐᓂᙱᓐᓂᒃ ᐃᒪᓐᓇᓗ ᓄᖑᓐᓇᔭᕐᓂᙱᓐᓂᒃ ᑭᓯᐊᓂ ᐃᒪᒻᒪᖄ ᐊᑑᑎᖃᕈᓐᓃᕋᔭᕐᓂᖏᓐᓄᑦ ᑕᐅᖅᓯᐅᑕᐅᖃᑦᑕᕐᓂᙱᓐᓄᑦ ᖃᓂᑦᑐᒥᑦ ᒥᐊᓂᕆᓗᒋᑦ ᐊᐅᓚᑕᐅᓂᖏᑦ.

175 ᓄᓇᓕᐸᐅᔭᐃᑦ ᑲᑎᓐᓂᐊᖅᑐᑦ ᑕᐃᑲᓂ Dohar, Qatar-ᒥ ᓂᕈᐊᕐᓂᐊᕐᓗᑎᒃ ᑐᒃᓯᕋᐅᑎᐅᔪᒧᑦ ᒫᔾᔨ 2010.

“ᓇᓄᐃᑦ ᐊᒥᓲᓂᙱᑦ ᑲᓇᑕᒥ ᐱᕈᖅᓯᓴᔪᑦ ᐅᕙᖓᑦ 8000 ᐊᑐᖅᑎᓪᒋᑦ 1970-ᑎᑦ ᑎᑭᐅᑎᓪᓗᑎᒃ ᐅᙵᑖᓄᑦ 15,000 ᓇᓄᐃᑦ ᐅᑉᓗᒥ ᐃᓗᐊᓂ ᐊᐅᓚᑦᑎᓂᕐᒧᑦ ᐃᓕᖓᔪᓂᒃ ᐊᐅᓚᑕᑦᑎᓐᓂ ᑲᓇᑕᒥ.” ᐅᖃᖅᑐᖅ ᓂᖏᐅᑦᑎᐊᖅ.

“ᑐᒃᓯᕋᐅᑎᐅᔪᖅ ᐊᖏᖅᑕᐅᒃᐸᑦ ᖄᖏᖅᑎᑕᐅᓗᓂ ᐊᒃᓱᐊᓗ ᐱᐅᙱᑦᑐᒥᑦ ᐊᒃᑐᖅᓯᓂᐊᖅᑐᖅ ᓄᓇᓕᐅᖁᑎᑦᑎᓄᑦ. ᐃᓄᐃᑦ ᑐᒃᓯᐅᒪᔪᑦ ᐱᒻᒪᕆᐅᓂᙱᓐᓂᒃ ᐱᒪᑐᑦᑎᐊᕆᐊᖃᕐᓂᖅ ᐊᑐᓗᐊᖅᑕᐃᓕᒪᓪᓗᓂ ᓇᓄᕐᓂᒃ ᐱᔾᔪᑎᒋᓪᓗᒍ ᐆᒪᔪᑦ ᐱᒻᒪᕆᐅᖕᒪᑕ ᐃᓅᓯᑦᑎᓐᓂ, ᐱᖅᑯᓯᑦᑎᓐᓂ ᐊᒻᒪᓗ ᑮᓇᐅᔭᓕᐅᕈᑎᒃᓴᓄᑦ ᑕᐃᒪᓐᓇ ᐊᔾᔨᓴᐃᓐᓇᖏᑦᑎᑐᑦ ᓄᓇᓯᐅᑎᓂ ᓴᓇᕙᒃᑐᑎᑐᑦ ᐱᓕᕆᕝᕕᖏᓐᓂ ᒥᐊᓕᒐᑦ ᐃᓅᓯᙱᓐᓂ ᐊᒻᒪᓗ ᑮᓇᐅᔭᓕᐅᕈᑎᒃᓴᖏᓐᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ:

ᕗᕌᓐᑯ ᕗᓯᐊᒻᒥ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ

ᓄᓇᕗᑦ ᑐᙵᕕᒃ ᑎᒥᖓᑦ
ᐅᖄᓚᐅᑎᐊ ᑐᕌᓗᒍ: 867 975 4939
ᑎᒍᒥᐊᒐᖅ: 867 222 1411
ᐊᑭᖃᙱᑦᑐᖅ: 1-888-646-0006

www.tunngavik.com