(ᐊᒃᑑᐸ 8, 2021 – ᐃᖃᓗᐃᑦ, ᓄᓇᕗᑦ) ᑕᒪᓐᓇ ᐊᑐᕐᑎᓪᓗᒍ, ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓ (NTI) ᓴᕿᑎᑦᓯᓚᐅᕐᒪᑕ ᓄᓇᕘᓯᐅᑎᐅᓇᔭᕐᑐᒥᒃ ᐃᓚᐅᑎᑦᓯᓂᒃᑰᖅᑐᒥᒃ ᐃᓄᖁᑎᒥᓐᓂᒃ ᐊᑐᐊᒐᒃᓴᖅ ᓇᓗᓇᐃᕐᕈᑕᐅᓂᐊᖅᑐᒥ ᑐᒃᓯᕋᕐᑕᐅᓂᖓᓄᒃ ᓄᓇᖃᕐᖄᓯᒪᔪᓄ ᐋᓐᓂᐊᕐᑐᓕᕆᔨᖓᒎᖅᑐᓂ ᑖᑉᑯᓄᖓ ᑲᓇᑕᐅᑉ ᒐᕙᒪᖁᑎᖓᓄᓪᓗ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒦᒃᑯᓂᓪᓗ. (ITK).
ᐅᒃᑭᐊᒃᓵᖅ ᐊᒃᑑᐸ ᐊᒻᒪᓗ ᓅᕙᒻᐸᐅᑎᓪᓗᒍ ᐊᑯᓂᖓᓂ 2021, ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓ NTI ᐊᐱᖅᓱᖃᑕᕈᒫᕐᑐᑦ, ᓈᓚᐅᑎᒃᑰᕐᓗᑎᓪᓗ, ᐱᓕᕆᖃᑎᖃᕐᓗᑎᓪᓗ ᓄᓇᓕᐊᓛᖑᔪᓂ ᐋᓐᓂᐊᕐᑕᐅᓕᓂᕐᒧᑦ ᑲᑎᒪᔨᐅᓛᖏᓐᓂᒃ ᐊᒻᒪ ᑕᑕᑎᕈᑎᓂᒃ ᑐᓂᓯᓗᑎᒃ ᖃᕆᑕᐅᔭᒃᑯ ᐃᓄᖕᓄᑦ.
“ᐃᓄᐃᑦ ᐱᔪᓐᓇᐅᑎᖃᕐᒪᑕ ᓈᒪᑎᐊᕐᑐᓂ ᐋᓐᓂᐊᕕᓕᕆᔨᓂᓪᓗ ᖃᐅᔨᓴᕐᑕᐅᓂᕐᒥ, ᐃᓚᖃᕐᓗᒍ ᐱᔪᓐᓇᐅᑎᖃᑎᐊᕐᓗᑎᓗ ᐃᓚᐅᑎᑕᐅᓂᕐᒥ ᓴᕿᑎᑦᓯᔪᖃᓕᕌᖓᑦ , ᖃᐅᔨᓴᖃᑕᐅᓗᓂᓗ ᐊᒻᒪᓗ ᐃᑲᔪᕐᑕᕐᓂᖓᒍᑦ ᑐᑭᒧᐊᒃᑕᐅᓂᖓ ᑕᒪᒃᑯᐊ ᐋᓐᓂᐊᕐᑐᓕᕆᔨᒃᑯ ᐊᑐᐊᒐᒃᓴᕆᓂᐊᕐᑕᑉᑎᖕᓂ ᐃᓄᒃᑎᒍᑦ ᐊᑐᕐᓂᐊᕐᑕᑉᑎᖕᓂ . ᑭᓯᐊᓂᓕ, ᐃᓄᐃᑦ ᐊᒃᓱᕈᖃᑦᑕᕐᒪᑕ ᑐᓗᕈᑕᐅᑦᑕᕐᑐᓂᒃ ᑕᒪᒃᑯᓄᖓ ᐋᓐᓂᐊᖅᑐᓕᕆᔨᒃᑯᓂ ᑕᒪᐃᓐᓂᒃᓗ ᐊᒻᒪᓗ ᐊᑐᕐᑕᐅᑕᕐᓂᖏᓐᓄᓗ ᓴᕿᑎᑕᐅᕙᒃᑐᓂᒃ . ᑕᒪᒃᑯᐊ ᐊᑐᐊᒐᒃᓴᕆᔪᒪᔭᕗᑦ ᐸᕐᓇᐅᑕᐅᓚᐅᕐᒪᑕ ᐃᓕᑦᑎᔭᐅᓂᒃᑯᓂᒃ ᐃᓄᖕᓂᖔᖅᑐᓂ ᐊᑐᕐᑕᐅᓂᑰᔪᑦ ᐃᓅᓯᖓᑎᒍᑦ ᐊᒻᒪᓗ ᖁᕕᐊᒋᔭᑉᑎᓐᓂ ᐊᑐᖅᑕᐅᓱᕐᑐᓂ ᓴᐃᒪᓇᕐᑎᐊᕐᓇᑐᓂ ᐸᕐᓇᐃᑎᓪᓗᑕ ᑕᑉᕘᓇ ᐱᓕᕆᖃᑎᖃᕐᓂᒃᑯ ᑲᓇᑕᐅᑉ ᒐᕙᒪᖁᑎᖏᓐᓂ ᓴᕿᑎᕆᓂᓗᓕᕈᑉᑕ ᓄᓇᖃᖄᓯᒪᔪᓄᒃ ᐱᖁᔭᖅᑖᕆᔪᒪᔭᑉᑎᖕᓂᒃ ,” ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓ ᐃᒃᓯᕙᐅᑕᖓᒃ ᐊᓗᑭ ᑰᑎᖅ ᐅᖃᓚᐅᖅᑐᖅ.
ᖃᓄᕐᑑᕈᑎᖓᓗ ᐃᓚᐅᑎᑦᓯᓂᕐᒥ ᐃᓚᖃᕐᓂᐊᖅᑐ ᐃᓄᐃᑦ ᐊᑐᓱᕐᑕᖏᓐᓂ ᑐᕌᖓᔪᓂᒃ ᐃᑲᔫᑎᒃᓴᐅᓂᐊᕐᑐᑦ, ᓄᑕᕋᒃᓴᐅᔪᓄᑦ ᓇᔭᖑᐊᖑᓂᕐᒧ ᐊᒻᒪᓗ ᓄᑕᕋᕐᑖᕐᕕᖕᒥᒃ, ᐃᓱᒪᓕᕆᔨᒃᑯᓂᓗ , ᓄᓇᓕᖕᓂ ᓈᒪᖕᓂᕐᒨᖅᑐᓂᒃ ᐃᑦᖃᓇᐃᔭᓱᕐᑐᐃᑦ , ᐃᓕᑉᐸᓕᐊᓂᖃᕐᓗᑎ ᐃᓄᐃᑦ ᑕᒪᒃᑯᓄᖓ ᐋᓐᓂᐊᕐᑐᓕᕆᓂᕐᒧᓗ ᐃᓅᓯᖃᕐᓂᕐᒥ ᐱᓕᕆᓂᕐᒧᑦ ᐊᒻᒪᓗ ᐊᑲᐅᒋᔭᐅᑎᐊᕐᓂᖅ ᐃᑦᖃᓇᐃᔭᕐᑎᓪᓗᒍ .
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᐅᓂᕐᒥᒃ ᑐᓴᐅᒪᔾᔪᑎᓕᕆᔨᒃᑯᓐᓂ ᐃᓕᓐᓂᐊᖅᑐᖅ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
ᑐᓴᒐᒃᓴ ᖃᓄᐃᓚᐅᕐᓂᖓᒍᑦ
ᐅᒃᑭᐅᖅ ᔮᓄᕆᐅᕆ 28, 2021 ᖑᑎᓪᓗᒍ ᒥᓂᔅᑕᕆᔭᐅᔪ ᓄᓇᖃᖄᓯᒪᔪᓂ ᑐᓴᒐᒃᓴᓕᐅᓚᐅᖅᑐᖅ ᑖᑉᓱᒧᖓ ᐃᓚᐅᑎᑦᑕᐅᓂᒃᑰᑐᒥ ᓴᕿᑎᑕᐅᓂᖓ ᐱᖁᔭᖑᑎᑕᐅᓇᓱᒃᑎᓪᓗᒍ ᓯᕗᓪᓗᐹᒥ ᐅᖃᐅᓯᐅᓚᐅᕐᒪᑦ ᑲᑎᒪᔾᔪᑎᒋᔭᐅᑦᓗᓂᓗ ᐅᒃᑭᐅᖅ ᐊᑐᕐᑎᓗᒍ 2020 ᑐᓴᒐᓴᐅᑦᓗᓂ ᐅᖃᐅᓯᑦ ᑲᑎᒪᒋᐊᕐᖓᓕᕐᑎᓗᒋᑦ. ᐊᒻᒪᑕᐅ ᐅᐱᖓᕐᒪ ᒫᑦᓯᐅᑎ 2021 ᖑᑎᓪᓗᒍ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᑦ ᐃᓚᖃᕐᖢᒍ ᐃᒃᓯᕙᐅᑕᕆᔭᐅᔪᒥᒃ ᓄᓇᕗᑦ ᑐᙵᕕᒃᑯᓐᓄᑦ ᐃᓱᒪᓕᐅᖃᑕᐅᓚᐅᕐᒪ ᖃᓄᐃᓕᐅᕈᑎᒥᒃ ᐃᓚᐅᑎᑦᓯᓂᒃᑯᑦ ᐸᕐᓇᕐᐸᓕᐊᑎᓪᓗᒋᑦ ᑖᑉᓱᒧᖓ ᐱᖁᔭᖑᕐᑎᑕᐅᓂᓗᒃᑐᒥ ᓄᓇᖃᖄᓯᒪᔪᓄᑦ ᑐᕌᖓᔪᒥ ᓈᒪᑎᐊᕐᑐᒥᒃ ᓴᕿᑎᓂᓗᒃᑐᓂᒃ.
ᐊᑐᐊᒐᑦᑎᐊᕐᑐᒥᒃ ᑖᒃᓱᒧᖓ ᐱᖁᔭᕆᔭᐅᔪᒧᑦ United Nations Declaration on the Rights of Indigenous Peoples, ᑖᒻᓇ ᐱᖁᔭᕆᔭᐅᔪᒧᑦ ᓱᓕᔪᒥᒃ ᓴᐃᒻᒪᖅᑎᒌᓐᓂᒧᓪᓗ ᐊᒻᒪ ᑭᒡᓕᓯᓂᐊᖅᑏᒃᑯᑦ ᐱᖁᔨᕗᖔᖅᑎᑎᓕᐳᖅ ᐊᑐᐊᒐᖑᕐᓂᑎᑕᐅᖁᑦᓗᒍ, ᐊᒪᓗ ᑖᑉᑯᐊᖑᔪᑕᐅ ᐱᖁᔭᕆᔭᐅᔪ ᐊᑐᖅᑕᐅᓱᕐᑐᒧᑦ ᐅᑯᓄᖓ Missing and Murdered Indigenous Women and Girls ᐱᖁᔨᕗᖔᖅᑎᑎᓕᐳᖅ ᐊᑐᐊᒐᖑᕐᓂᑎᑕᐅᖁᔨᓂᖓᓄᑦ ᐱᑕᖃᕐᑎᑎᕗᖅ ᑕᑉᕗᖓ ᐊᑐᐊᒐᓕᐅᖅᑕᐅᓇᓱᒃᑐᒧᑦ ᐃᑲᔪᕐᓂᖃᖁᓪᓗᒍ ᓴᕿᑎᑕᐅᓂᖓᒍ ᑭᒡᓕᖃᖁᓇᒍ ᐅᖓᑕᐅᓱᕐᑐᓂ ᒪᓕᒐᓕᐅᑕᐅᔪᓂᒃ ᐊᒃᑐᐊᒐᖃᕐᑐᓕᖁᓗᒍ ᑐᖓᕕᒃᓴᐅᓂᐊᕐᑐᒥᒃ ᐋᓐᓂᐊᕐᑐᓕᕆᔨᒃᑯᓂ ᑐᕌᖓᔪᓄᑦ ᓄᓇᖃᖄᓯᒪᔪᓄᑦ ᐃᓄᖕᓄᑦ ᐊᒻᒪᓗ ᓴᕿᑎᑕᐅᓂᖓᓗ ᐱᐅᒋᔭᐅᓂᐊᕐᑐᒥ ᓈᒪᒃᑐᒥ ᐅᑐᓕᖁᓗᒍ ᐱᓕᕆᖃᑎᒌᖕᓂᑯᓗ ᑖᑉᑯᓄᖓ ᓄᓇᖃᖄᓯᒪᔪᕐᓯᐅᑎᓂᒃ ᐱᓕᕆᐊᖃᓱᕐᑐᓂ ᐊᕕᒃᑐᕐᓯᒪᔪᑦ ᐃᑦᖃᓇᐃᔭᕐᑎᓪᓗᒋ ᓴᕿᑎᕆᓂᕐᒧᓗ, ᐊᑐᓕᖁᓂᖓᓄᓪᓗ ᐊᒻᒪᓗ ᐱᐅᓂᖅᓴᐅᓂᐊᖅᑐᓂᒃ ᐊᑐᐊᒐᐅᔪᓂ ᐋᓐᓂᐊᖅᑐᓕᕆᔨᒃᑯᓂ .
ᐃᓚᖓ ᑎᑎᕋᖅᓯᒪᓂᖓᒍᑦ ᐊᖏᕈᑎᐅᑉ ᓈᓴᐅᑎᖓ 32 ᑕᑉᕘᓇ ᓄᓇᕘᑦ ᐊᖏᕈᑎᖓᒍᑦ ᓇᓗᓇᐃᖅᓯᒪᖕᒪ ᐊᑐᕐᑕᐅᒋᐊᖃᕐᓂᖓᓄᓗ ᐊᒻᒪᓗ ᐱᔭᕆᐊᖃᕐᓂᖓᓄ ᑐᑭᓯᓐᓇᑎᐊᖅᑐᓂ ᐱᓕᕆᖃᑎᒌᖕᓂᖓᑕ ᐅᑯᓄᖓ ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑕ, ᓄᓇᕗᑦ ᒐᕙᒪᖏᓐᓄᓗ ᐊᒻᒪᓗ ᑲᓇᑕᐅᑉ ᒐᕙᒥᒋᔭᖓᓄᓪᓗ ᐱᑦᔪᑎᖃᕐᑐᒥ ᓴᕿᑎᑕᐅᓂᖓᓄ ᐃᓅᓯᓕᕆᔨᒃᑯ ᐊᒻᒪᓗ ᐃᓕᖁᓯᓕᕆᔨᒃᑯᓐᓄ ᐊᑐᐊᒐᖏᓐᓂ ᐊᒻᒪᓗ ᖃᓄᐃᑑᖁᔨᓂᖓᒍᑦ ᑖᑉᑯᓄᖓ ᐱᖁᔭᕆᔭᐅᔪᓄᑦ ᐃᓚᖃᕐᓗᒍ ᐋᓐᓂᐊᖅᑐᓕᕆᔨᒃᑯᓐᓂ . ᑖᒻᓇ 2014-15 ᐅᒃᑭᐅᖅ ᐅᑐᕐᑎᓗᒍ ᐊᕌᒍᑕᒫᖅᓯᐅᑎᖓ ᐅᓂᑉᑳᓕᐊᒍᔪᖅ ᐅᖃᐅᓯᖃᕐᖢᓂ ᖃᓄᐃᓂᖓ ᐃᓄᐃᑦ ᐃᓕᖁᓯᓕᕆᔨᒃᑯᓗ ᐊᒻᒪᓗ ᓱᓴᐃᑎᒋᔭᐅᓂᖓᓄᑦ ᑐᕌᖓᓂᖓ ᑕᑉᕗᖓ ᐊᖏᕈᑎᒋᔭᕗ ᐃᓚᖓᓂ ᓇᓗᓇᐃᖅᓯᒪᔪᒥᒃ 32 ᒦᑐᒥᒃ, https://www.tunngavik.com/files/2016/09/SICS-Report-2015-ENG091316.pdf
ᑖᒻᓇᓕ ᐅᒃᑭᐅᖑᔪᑦ 2007-08 ᐊᑯᓂᖓᓂ ᐊᕌᒍᑕᒫᖅᓯᐅᑎᖓ ᐅᓂᑉᑳᓕᐊᕆᔭᐅᔪᖅ ᐱᔾᔪᑎᖃᕐᑐᒥᒃ ᖃᓄᐃᓂᖓ ᐃᓄᐃᑦ ᐃᓕᖁᓯᖏᓐᓂᓗ ᓱᓴᐃᑎᒋᔭᖓ ᑕᐃᔭᐅᓯᒪᔪᖅ “ᓄᓇᕗᑦ ᐋᓐᓂᐊᖅᑐᓕᕆᔨᒃᑯ ᐊᑐᐊᒐᖓᑦ” ᓴᕿᑎᑎᓚᐅᕐᒪ ᓯᑕᒪᓂᒃ ᑐᖓᕕᒋᔭᐅᓂᐊᖅᑐᓂᒃ ᐱᖁᔨᕗᖔᕐᕈᑎᓂᒃ ᐃᒪᓐᓇᐃᓕᖓᔪᓂᒃ ᐱᑕᖃᕆᐊᖃᕐᓂᖓ ᐃᑲᔪᖅᑐᐃᓂᖃᕐᓗᓂ ᓯᕗᓪᓕᕆᔭᐅᔪᒥ ᑲᒪᒋᔭᐅᓂᖓᓄᑦ ᐋᓐᓂᐊᖅᑐᓕᕆᔨᒃᑯᓄ ᓴᕿᑎᑕᐅᓂᖓᓄᑦ: https://www.tunngavik.com/documents/publications/2007-2008%20Annual%20Report%20on%20the%20State%20of%20Inuit%20Culture%20and%20Society%20%28English%29.pdf
ᓄᓇᓕᐊᓛᖑᔪᑦ ᓂᕈᐊᕐᑕᐅᓚᐅᖅᑐ ᑖᑉᑯᓇᖓ ᐱᖓᓱᐃᓕᖓᔪᓂᒃ ᐊᕕᒃᑐᕐᓯᒪᔪᑦ ᓄᓇᓖᑦ ᐊᒻᒪᓗ ᐃᓚᖃᕐᖢᑎᓪᓗ ᐊᕕᒃᑐᕐᓯᒪᔪᓄᓗ, ᐊᕕᒃᑐᕐᓯᒪᖏᑐᓪᓗ, ᐊᒻᒪᓗ ᐃᓚᖃᕐᖢᑎᒃ ᐅᑉᕙᓘᓃᑦ ᐃᓚᖃᖏᓗᑎᒃ ᐃᓕᓐᓂᐊᖅᓯᒪᑦᑎᐊᕐᑐᓂ ᐋᓐᓂᐊᕐᑐᓕᕆᔨᖏᑕ ᐱᖁᑎᕐᔪᐊᖏᓐᓂᒃ . ᓄᓇᓕᐊᓛᖑᔪᑦ ᐅᕐᓂᒃᑕᐅᔪᒫᖅᑐᑦ ᓯᓚ ᓈᒪᒃᓂᕐᐸᑦ ᐅᑯᓂᖓ ᐅᑉᓗᕆᔭᐅᔪᓂᒃ:
ᐊᐅᔪᐃᑦᑐᖅ, ᐊᒃᑑᐸ 4-6
ᑲᖏᖅᖠᓂᖅ, ᐊᒃᑑᐸ 18
ᐃᒡᓗᓕᒑᕐᔪᒃ, ᐊᒃᑑᐸ 20
ᐃᒡᓗᓕᒃ, ᐊᒃᑑᐸ 21
ᐃᖃᓗᒃᑑᑦᓯᐊᖅ, ᓇᓗᓇᐃᑕᐅᔪᒫᖅᑐᖅ
ᐸᖕᓂᖅᑑᖅ, ᓇᓗᓇᐃᑕᐅᔪᒫᖅᑐᖅ
ᑰᒑᕐᔪᒃ, ᓇᓗᓇᐃᑕᐅᔪᒫᖅᑐᖅ
ᖁᕐᓗᖅᑑᖅ, ᓇᓗᓇᐃᑕᐅᔪᒫᖅᑐᖅ
ᐊᕐᕕᐊᑦ, ᓇᓗᓇᐃᑕᐅᔪᒫᖅᑐᖅ
ᖃᒪᓂᑦᑐᐊᖅ, ᓇᓗᓇᐃᑕᐅᔪᒫᖅᑐᖅ
ᐃᒃᐱᐊᕐᔪᒃ, ᓇᓗᓇᐃᑕᐅᔪᒫᖅᑐᖅ
