(ᐊᒃᑑᑉᐱᕆ 15, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᓯᕗᓪᓕᖅ ᑐᖏᓕᐊ ᐊᙵᔪᖅᑳᑉ ᔭᐃᒻᔅ ᐃᑦᑐᓗᒃ ᖁᕕᐊᓱᖃᑎᖃᖅᐳᖅ ᓴᓇᙳᐊᖅᑎᓂ ᑭᙵᓂ ᑎᒍᓯᒻᒪᕆᒃᓯᒪᔪᑦ ᑕᐃᔭᐅᔭᕆᐊᖃᕐᓂᕐᒥᑦ ᑲᓇᑕᒥᓗ ᓴᓇᙳᐊᖅᑎᐅᒻᒪᕆᖕᓂᖏᓐᓂᒃ ᓄᓇᒋᔭᐅᓪᓗᓂ ᐅᑭᐅᓄᑦ 50-ᓄᑦ. .
ᖁᕕᐊᓲᑎᕙᒃᑲ ᓴᓇᙳᐊᖅᑎᐅᓂᖏᑦ ᑭᙵᓂ ᐱᐊᓂᒃᓯᓯᒪᓪᓗᑎᒃ. ᐱᓕᕆᐊᙱᑦ ᑕᑯᔭᐅᔪᓐᓇᖅᑐᑦ ᓯᓚᕐᔪᐊᓕᒫᒥ ᐊᒻᒪᓗ ᐱᓕᕆᙱᑦ ᑭᒡᒐ6ᑐᐃᔪᑦ ᐅᕙᑦᑎᓐᓂᒃ ᑕᒪᐃᓐᓂᒃ ᐃᓄᖕᓂᑦ ᐃᒪᓐᓇ ᓱᐊᔪᒥᑦ ᑕᑯᒃᓴᐅᓪᓗᑎᒃ” ᐅᖃᖅᑐᖅ ᐃᑦᑐᓗᒃ”.
1995-ᒥ ᓯᕗᓪᓕᖅᐹᒥ ᓂᐅᕕᐊᒃᓴᙳᖅᑎᑦᑎᓯᒪᕗᑦ ᐊᖅᑭᒃᑕᐅᓯᒪᓪᓗᑎᒃ ᓴᓇᙳᐊᖅᓯᒪᔪᑦ ᑎᑎᖅᑐᒐᐃᑦ ᑲᑎᑕᐅᓯᒪᓪᓗᑎᒃ ᑕᑯᒃᓴᐅᑎᑕᐅᓚᐅᖅᓯᒪᔪᑦ ᖁᙱᐊᖅᑕᐅᓂᐊᕐᓂᕐᒧᑦ ᑕᐃᑲᓂ Shakesperee Festival-ᒥ ᓯᑦᕗᑦ, ᐋᓐᑎᐊᕆᔭᒥ ᐊᒻᒪᓗ ᓴᖅᑭᒃᑲᓐᓂᓕᓚᐅᕆᓪᓗᑎᒃ ᑕᐃᑲᓂ ᕇᑐ ᕼᐊᓪᒥ ᑐᓂᔭᐅᓪᓗᑎᒃ ᖁᑦᑎᖕᓂᖅᐹᒥ ᐱᐅᒋᔭᐅᓂᕐᒥᑦ ᑕᐃᑦᓱᒪᙱᑦ ᑯᐃᓐ ᑭᒡᒐᖅᑐᖅᑎᐊᓂᒃ ᐊᒻᒪᓗ ᐅᐱᓇᖅᑐᖅ ᔪᐊᔾ ᕚᓂᐊᐃ 1955.
”ᐅᐱᓇᒻᒪᕆᓚᐅᖅᑐᖅ ᑕᑯᓪᓗᒋᑦ ᐊᑕᐅᓯᖅ ᓄᓇᓕᐊᓛᖅ ᐊᒥᒨᓕᖅᑎᕆᕝᕕᖃᖅᑐᖅ ᓴᓇᕝᕕᖕᒥᑦ ᑕᐃᒪᓐᓇ ᐱᐅᔪᒻᒪᕆᐊᓘᓂᙱᓐᓂᒃ ᐃᓕᑕᕆᔭᐅᓯᒪᓂᖃᖅᖢᑎᒃ ᓯᓚᕐᔪᐊᓕᒫᒥ ᓴᖅᑭᑦᑎᓯᒪᑎᓪᓗᒋᑦ ᖁᑦᑎᖕᓂᖅᐹᒥ-ᐱᐅᔪᐊᓗᖕᓂᑦ ᓴᓇᖑᐊᖅᓯᒪᔪᓂᒃ ᑎᑎᖅᑐᒐᓂᒃᓗ. ᑐᓴᕋᔪᒃᑲᑦᑕ ᐱᐅᙱᑦᑐᓂᒃ ᐃᓕᖓᓂᑐᖃᖏᓐᓂᒃ 1950 ᐊᑐᖅᑎᓪᓗᒋᑦ, ᑭᓄᓗᓯᐊᓂ ᐱᒻᒪᕆᐅᕗᑦ ᐃᓕᑕᖅᓯᓗᓂ ᐸᐅᙵᙱᓐᓂᒃ ᑕᒪᒃᑯᐊ ᐱᐅᔫᑎᑦᑕᐅᖅ ᐊᒻᒪᓗ ᑭᙵᐃᑦ ᐱᓕᕆᕝᕕᐊᑦ ᓲᖃᐃᒻᒪ ᐸᐅᙵᕆᔭᐅᕗᑦ ᐃᓕᑕᖅᓯᔾᔪᑕᐅᓗᓂ ᓄᓇᕗᒥ ᐊᒻᒪᓗ ᑕᒪᐃᓐᓄᑦ ᑲᓇᑕᒥ.”
ᑭᙵᐱᑦ ᐅᖃᐅᓯᐅᒐᔪᖕᒪᑦ ᐃᒪᓐᓇ ‘ᐊᖓᔪᖅᑳᖃᕐᕕᐅᓂᐊᓂᒃ ᐃᓄᐃᑦ ᓴᓇᐅᒐᙱᓐᓄᑦ’ ᓴᓇᙳᐊᖅᑎᑦ ᐊᒥᓲᓂᖏᑦ ᓇᓪᓕᐊᓐᓂᑐᐃᓐᓇ ᓄᓇᓕᖕᓂ ᑲᓇᑕᒥ.
“ᓴᓇᖑᐊᕐᓂᖅ ᑕᐃᒪᙵᓂᑦ ᐱᒻᒪᕆᐅᓯᒪᕗᖅ ᐱᖅᑯᓯᑦᑎᓐᓂ ᐊᒻᒪᓗ ᐃᓅᖃᑎᒌᒃᓂᑦᑎᓐᓂ. ᑕᐃᓱᒪᓂᓕ ᐱᑕᖃᓚᐅᖅᓯᒪᙱᓐᓇᑦᑕ ᑎᑎᕋᕈᑎᓂᒃ ᐃᓕᖓᔪᓂᒃ. ᑭᓯᐊᓂ ᐅᖃᐅᓯᒃᑐᑦ ᑐᑭᓯᓇᕋᓱᐊᖅᐸᓚᐅᕋᑉᑕ ᓇᖕᒥᓂᖅ ᐊᒻᒪᓗ ᓇᓗᓇᐃᔭᖅᖢᒋᑦ ᐃᓕᖅᑐᓯᑐᖃᕕᓂᕗᑦ ᐅᓂᑉᑳᖅᑐᐊᑯᑦ ᑕᐅᑐᖅᑰᓕᖅᑎᑦᑎᓪᓗᑕ, ᐱᓰᑦ, ᐅᓂᑉᑳᖅᑐᐊᑦ ᐊᒻᒪᓗ ᒧᒥᕈᑎ. ᑕᒪᓐᓇ ᐃᓚᖓ ᐱᖅᑯᓯᑉᑕ ᓱᓕ ᑲᔪᓯᔪᖅ ᐊᒻᒪᓗ ᑕᑯᔭᐅᔪᓐᓇᖅᑐᑦ ᑲᔪᓂᖏᑦ ᐃᙱᕐᕋᓂᙱᑦᑕ ᓴᓇᙳᐊᒐᑎᒍᑦ ᑭᙵᓂᑦ, ᐅᑭᐅᑦ 50 ᐱᖅᑯᓯᑐᖃᐃᑦ ᑕᑯᔭᐅᒐᔪᙱᑦᑐ ᐅᐱᓇᖅᑐᒃᑯᑦ ᐆᒪᔪᓂᑦ ᑕᐃᓱᒪᓂ ᐱᒋᐊᓕᓵᖅᑎᓪᓗᒋᑦ ᑲᑎᑕᐅᕙᓪᓕᐊᔪᑦ ᑕᑯᒃᓴᐅᑎᑕᐅᓪᓗᑎᒃ ᓄᑕᐅᓂᖅᓴᓂᑦ ᑲᑎᑕᐅᓯᒪᔪᓂᒃ.” ᐅᖃᖅᑐᖅ ᐱᐊᓂᒍᑎᒥᑦ ᐃᑦᑐᓗᒃ”.
