800×600
Normal
0
false
false
false
EN-CA
X-NONE
X-NONE
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”,”serif”;}
ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᓪᓗᒥ ᑐᓴᕐᕙᓚᖅᑲᐅᔪᖅ ᐃᓱᒪᓕᐅᕈᑕᐅᔪᒥᒃ ᔫᕈᑉ ᐃᖅᑲᖅᑐᐃᔨᒃᑯᖏᓐᓂᒃ ᓴᒃᑯᑕᐅᖁᔨᔾᔪᑎᖓᓂᒃ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᓯᖏᑦ ᐃᖅᑲᖅᑐᐃᕕᖕᒦᑎᑦᓯᔪᑦ ᐃᓚᓕᐅᔾᔭᐅᓯᒪᒍᒪᓐᖏᔾᔪᑎᖏᓐᓂᒃ ᐃᓄᐃᑦ ᓇᓗᓇᐃᖅᓯᒪᔭᐅᒐᓱᑦᑐᒥᒃ ᔫᕈᑉ ᒪᓕᒐᑦᓴᓕᐊᖏᓐᓂ ᐃᓯᖅᑎᑦᓯᒍᓐᓇᖏᓐᓂᕐᒧᑦ ᔫᕈᑉᒧᑦ ᓇᑦᓯᓃᓐᖔᖅᑐᓂᒃ ᐊᐅᓪᓚᖅᑎᑕᐅᔪᓂᒃ ᐃᑳᖅᑎᑦᓯᒍᑎᒃᑯᑦ ᐱᔪᓐᓇᐅᑎᖃᕆᐊᓕᖕᓂᒃ.
ᑖᓐᓇ ᓇᓗᓇᐃᖅᓯᒪᔭᐅᒐᓱᑦᑐᖅ ᐃᓄᐃᑦ ᐃᓚᐅᑎᑕᐅᓐᖏᔾᔪᑎᖓ ᐊᑐᓕᖅᑎᑕᐅᓚᐅᖅᑐᖅ ᑭᖑᓂᐊᒍᑦ ᑭᓯᐊᓂ ᑐᓴᕆᐊᕈᑕᐅᒡᒐᐃᓇᖅᓱᓂ ᐃᓄᖕᓂᒃ. ᑖᒃᑯᓇᓐᖔᕐᓯᒪᔪᖅ ᐱᔭᕐᓂᖏᑦᑐᓂᒃ ᐊᒻᒪᓗ ᐊᔪᕐᓇᖅᑐᓂᒃ ᐊᐅᓚᑦᓯᔨᓂᒃ ᐊᒻᒪᓗ ᓇᓗᓇᐃᕈᑕᐅᑐᐃᓐᓇᖅᑐᖅ ᐊᑑᑎᖃᓐᖏᒻᒪᕆᓐᓂᖓᓂᒃ ᓴᐳᔾᔨᓯᒪᒍᑎᒃᓴᖏᓐᓂᒃ ᔭᒐᑐᐃᓐᓇᖃᑦᑕᓂᐊᕐᓂᖏᓐᓂᒃ ᓇᑦᓯᓃᓐᖔᖅᑐᑦ ᓂᐅᕐᕈᑕᐅᔪᑦ ᐃᓄᖕᓄᑦ ᔫᕈᑉᒥ.
ᔫᕈᑉ ᐃᖅᑲᖅᑐᐃᕕᒃᑯᑦ ᐋᖅᑭᑦᑕᖓ ᐊᒻᒪᓗ ᑐᓴᕋᑦᓴᓐᖑᖅᑕᐅᔪᑦ ᓴᖅᑭᔮᖅᑎᑦᓯᔪᑦ ᐱᔾᔪᑎᒋᓇᓱᐊᖅᑕᖏᑦ ᓱᕙᓕᑭᐊᑦᓯᐊᑦ ᐊᒻᒪᓗ ᓈᖕᒪᖏᑦᑐᓂᒃ ᐊᔾᔨᒌᓐᖏᑦᑐᓂᒃ ᐱᔾᔪᑎᓪᓗᐊᑕᓖᑦ. ᐱᓗᐊᖅᑐᒥ ᐃᓱᒪᓇᖅᑐᖅ ᐃᖅᑲᖅᑐᐃᕕᒃ ᑕᑯᓐᓇᕐᓂᖓ ᔫᕈᑉ ᒪᓕᒐᑦᓴᖓᒍᑦ ᐃᓯᖅᑎᑦᓯᒍᓐᓇᖏᓐᓂᕐᒧᑦ ᓇᑦᓯᓃᓐᖔᖅᑐᓂᒃ ᐋᖅᑭᒋᐊᕐᕕᒃᓴᓕᒃ ᓈᖕᒪᓂᕐᓴᒃᑯᑦ ᐋᖅᑭᑦᓯᒪᑦᓯᐊᓂᕐᓴᒃᑯᑦ ᓂᐅᕐᕈᑎᖃᕐᕕᐅᕙᑦᑐᓂᒃ ᔫᕈᑉᒥ, ᐃᓯᖅᑎᑦᓯᒍᓐᓇᖏᓐᓂᖓ ᓇᑦᓯᓃᓐᖔᖅᑐᓂᒃ ᓂᐅᕐᕈᑎᖃᕐᕕᐅᕙᑦᑐᓂᒃ ᑐᖁᑦᓯᑐᐃᓐᓇᑦᓯᐊᑎᓪᓗᒍ.
“ᐅᖁᒪᐃᑦᑐᖅ ᐃᖅᑲᖅᑐᐃᕕᒃ ᐅᖃᖅᑎᓪᓗᒍ ᐃᓄᐃᑦ ᑲᑕᒍᑎᖃᔾᔮᖏᑦᑐᑦ ‘ᐅᖁᒪᐃᑦᑐᒃᑰᕈᑎᖃᕐᓗᑎᒃ’ ᓱᕐᕋᒍᑎᖃᕐᓗᑎᒃ ᑕᑯᓐᓇᕐᓗᒋᑦ ᔫᕈᑉ ᓇᖕᒥᓂᖅ ᐱᓇᓱᐊᒐᑦᓴᖏᓐᓂᒃ, ᐃᓯᖅᑎᑦᓯᒍᓐᓇᐃᓪᓕᓂᖅ ᑐᕋᐃᓐᓇᖅᑐᒥᒃ ᐊᒻᒪᓗ ᓈᖕᒪᖏᑦᑐᒥᒃ ᐊᒃᑐᐃᓂᖃᖅᑎᓪᓗᒍ ᐃᓄᖕᓂᒃ. ᔫᕈᑉ ᓄᓇᓕᕐᔪᐊᖏᑦ ᐃᑲᔪᖅᓱᐃᓂᕋᖅᑐᑦ ᓄᓇᕐᔪᐊᒥ ᑲᑎᒪᔩᑦ ᓇᓗᓇᐃᕐᓯᒍᑎᖓᓂᒃ ᐱᔪᓐᓇᐅᑎᖏᓐᓂᒃ ᓄᓇᖃᖅᑳᕐᓯᒪᔪᑦ ᓄᓇᕐᔪᐊᒥ, ᑭᓯᐊᓂ ᔫᕈᑉ ᐃᖅᑲᖅᑐᐃᕕᖓ ᓯᖁᒥᑦᓯᓚᐅᖅᑐᖅ ᐃᑉᐱᒍᓱᑦᓯᐊᖏᓐᓂᕐᒥᒍᑦ ᓴᖅᑭᔮᖅᑐᓂ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓇᖕᒥᓂᖅ-ᐊᐅᓚᑦᓯᔪᓐᓇᓂᕐᒧᑦ,” ᐅᖃᓚᐅᖅᑐᖅ ᑕᐅᑐᓐᖏ.
“ᐃᑉᐱᒋᔭᖃᑦᓯᐊᕐᓂᖅ ᓄᓇᖃᖅᑳᕐᓯᒪᔪᓂᒃ ᐅᓪᓗᒥ ᐊᑐᖅᑕᐅᕙᑦᑐᓂ ᑐᑭᓕᒃ ᐊᖏᕐᓯᒪᒋᐊᕐᓂᖅ ᓄᓇᖃᖅᑳᕐᓯᒪᔪᑦ ᖃᐅᔨᒪᔭᕆᐊᓕᖕᓂᒃ ᑐᑭᓯᒪᑦᓯᐊᓂᕐᐹᖑᓂᖏᓐᓂᒃ ᓇᖕᒥᓂᖅ-ᐱᔪᒪᔭᒥᓂᒃ. ᐊᖏᓪᓕᑎᕐᓯᒪᓪᓗᑎᒃ ᓵᓚᖃᕐᓯᒪᒍᒪᑐᐃᓐᓇᖅᑐᑦ ᔫᕈᑉ ᐃᖅᑲᖅᑐᐃᕕᖓ ᖃᐅᔨᒪᔭᐅᒍᑎᖃᕈᒪᓂᕐᒥᓄᑦ ᖃᐅᔨᒪᓂᕐᓴᐅᓂᕐᒥᓂᒃ ᐱᓗᐊᖅᑐᒥ ᑐᑭᓯᓇᑦᓯᐊᕌᓂᑦᑎᓪᓗᒍ ᓴᖅᑭᔮᕐᓂᖓᒍᑦ ᓇᑦᓯᓃᓐᖔᖅᑐᓂᒃ ᐃᓯᖅᑎᑦᓯᒍᓐᓇᖏᓐᓂᖅ ᐅᖁᒪᐃᓪᓕᑲᓐᓂᕈᑎᑐᐃᓐᓇᐅᓂᖓᓂᒃ ᐱᔭᕆᐊᑐᔪᒃᑰᕐᓂᐅᔪᒧᑦ ᒪᑭᒪᔾᔪᑎᓄᑦ ᐊᒻᒪᓗ ᐃᓅᓯᕐᒧᑦ ᐊᑦᓱᕈᕐᓇᑐᒃᑰᕈᑕᐅᔪᓂᒃ ᓵᓐᖓᔭᐅᔭᕆᐊᖃᖃᑦᑕᖅᑐᓂᒃ ᐃᓄᖕᓄᑦ. ᐊᖏᓪᓕᑲᓐᓂᕈᑎ ᓱᒋᐊᖅᑕᐅᓕᖅᑭᑦᑖᓂᑦᑎᓐᓄᑦ ᐃᓅᓯᑦᑎᓐᓅᖓᔪᓄᑦ,” ᐅᖃᖅᑐᖅ ᑕᐅᑐᓐᖏ.
ᐅᓪᓘᒃ ᒪᕐᕉᒃ ᐃᖅᑲᖅᑐᐃᕕᒃ ᐋᖅᑭᓚᐅᖅᑎᓐᓇᒍ ᐃᓱᒪᓕᐊᕆᔭᒥᓂᒃ, ᑐᓐᖓᕕᒃᑯᑦ ᑲᑎᒪᖃᑎᖃᓚᐅᖅᑐᑦ ᔫᕈᑉ ᐊᖓᔪᖅᑲᐅᑎᖏᓐᓂᒃ ᐃᖃᓗᓐᓂ ᐋᔩᕋᕈᑎᖃᖅᑐᑎᒃ ᓇᑦᓯᓃᓐᖔᖅᑐᓂᒃ ᐃᓯᖅᑎᑦᓯᒍᓐᓇᐃᓪᓕᓂᕐᒥᒃ ᐊᒻᒪᓗ ᔫᕈᑉ ᑐᒃᓯᕋᐅᓯᐊᕆᓯᒪᔭᖓᓂᒃ ᐃᓂᖃᓪᓚᑦᑖᖅᑎᑕᐅᒍᒪᓂᕐᒥᒃ ᑲᑎᒪᔪᓂ ᓈᓚᒋᐊᕐᓯᒪᖃᑦᑕᓂᕐᒧᑦ ᐅᑭᐅᖅᑕᖅᑐᒥ ᑲᑎᒪᔩᑦ. ᑭᓯᐊᓂ ᔫᕈᑉ ᓴᒃᑯᐃᑉᐸᑦ ᓇᑦᓯᓃᓐᖔᖅᑐᓂᒃ ᐃᓯᖅᑎᑦᓯᖃᑦᑕᖏᔾᔪᑎᒥᓂᒃ, ᑕᐅᑐᓐᖏ ᐅᖃᖅᑐᖅ ᑐᓐᖓᕕᒃᑯᑦ ᐊᖏᖅᓯᒪᓂᐊᓐᖏᒻᒪᕆᑦᑐᑦ ᑐᒃᓯᕋᐅᑎᖓᓂᒃ ᐊᒻᒪᓗ ᑐᓴᖅᑎᑦᓯᓪᓗᑎᒃ ᑲᓇᑕ ᒐᕙᒪᖓᓂᒃ ᐊᖏᖅᑕᐅᖁᔨᒐᑎᒃ ᑐᒃᓯᕋᐅᑎᖓᓂᒃ.
ᑐᓐᖓᕕᒃᑯᑦ ᑲᑎᒪᖃᑕᐅᓂᐊᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᓐᓄᑦ ᐱᓇᓱᐊᕈᓯᐅᓂᐊᖅᑐᒥ ᕿᒥᕐᕈᓇᓪᓗᑎᒃ ᔫᕈᑉ ᐃᖅᑲᖅᑐᐃᕕᒃᑯᑦ ᐃᓱᒪᓕᐅᕈᑎᖓᓂᒃ ᓇᓗᓇᐃᖅᑐᖅᓯᒪᔪᒃᑯᑦ ᖃᐅᔨᓇᓱᐊᕐᓗᑎᒃ ᖃᓄᐃᓕᐅᕆᐊᖃᕐᓂᐊᓕᕐᓂᕐᒥᓂᒃ ᐊᔭᐅᖅᑐᐃᓗᑎᒃ ᐊᔪᐃᓐᓇᕈᑎᒥᓂᒃ ᐃᑉᐱᒋᔭᐅᑦᓯᐊᕆᐊᖃᕐᓂᖏᓐᓄᑦ ᑐᓐᖓᕕᓕᐊᖑᓯᒪᔪᑦ ᐃᓄᐃᑦ ᐱᔪᓐᓇᐅᑎᖏᓐᓄᑦ ᐆᒪᔪᓕᕆᓂᕐᒨᖓᔪᓄᑦ, ᐆᒪᔪᓃᓐᖔᖅᑐᓂᒃ, ᐊᒻᒪᓗ ᐃᓄᐃᑦ ᒪᑭᒪᔾᔪᑎᖏᓐᓄᑦ, ᐃᓅᓯᖓᓄᑦ ᐊᒻᒪᓗ ᐃᓕᖅᑯᓯᖓᓄᑦ ᖃᓄᐃᓐᖏᑦᓯᐊᑲᓐᓂᕈᑎᒃᓴᖏᓐᓄᑦ.
