ᓴᒃᑯᑕᐅᑲᐅᑎᒋᔭᕆᐊᓕᒃ
(ᓅᕖᕝᕙ 5, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ, ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᒃᓯᕙᐅᑕᖓ ᔨᐅᓚᒥ ᑑᕐᖔᓗᒃ ᖁᕕᐊᓱᒃᑐᓂ ᓇᓗᓇᐃᖅᓯᕗᖅ 2025-ᖑᑎᓪᓗᒍ ᐃᓄᒃᑑᖅᑕ! ᑎᑎᕋᕐᓂᕐᒧᑦ ᐱᔾᔪᓯᐊᖅᑐᓂᒃ. ᐅᑯᐊᖑᕗᑦ ᒫᒡᒍᓚ ᓂᕕᐊᑦᓯᐊᖅ-ᔅᑏᐅᓪ, ᕋᐃᒡᒋᓕ ᐊᒫᖅ, ᒪᐃᒐᓐ ᒫᑕ ᐅᖔᓛᖅ, ᐊᒻᒪᓗ ᑖᓂᐅᓪ ᑯᓪᓗᕈᖅᑐᖅ.
ᓯᕙᑖᖅᕕᒻᒥ, ᓅᕖᕝᕙ 8-ᖑᓕᖅᐸᑦ, ᐃᓄᒃᑑᖅᑕ! ᐱᔾᔪᓯᐊᖅᑎᑦᑎᓂᐊᕐᒪᑕ ᓵᓚᖃᐅᓯᐊᖅᑐᓂᒃ ᐊᖅᓴᕐᓂᖅ ᑐᔪᕐᒥᕕᖓᓂ ᑲᑎᒪᕕᖓᓂᓗ ᐃᖃᓗᐃᑦ ᓄᓇᕗᒻᒥ, ᓵᓚᒃᓴᖅᑐᑦ ᓇᓗᓇᐃᖅᑕᐅᓂᐊᕐᒪᑕ ᑕᐃᑲᓂ. ᐃᓚᖓᑦ ᓵᓚᒃᓴᐅᓯᐊᖅᑐᖅ ᑐᓂᔭᐅᓂᐊᕐᒪᑦ ᑮᓇᐅᔭᓂᒃ $80,000-ᓂᒃ ᐊᒻᒪᓗ ᐃᑲᔪᖅᑐᖅᑕᐅᓗᓂ ᑎᑎᕋᖅᐸᓪᓕᐊᓂᐊᕐᓂᖓᑦ ᐊᕐᕌᒍᒧᑦ ᐊᑕᐅᓯᕐᒧᑦ ᑐᓂᔭᖓᓂᒃ ᐅᖃᓕᒫᒐᓕᐊᖑᓂᐊᕐᓗᓂ. ᖄᒃᑲᓐᓂᖓᒍᑦ ᑐᓂᕐᕈᓯᐊᑦ ᐃᒪᐃᓕᖓᓂᐊᕐᒥᔪᑦ $10,000, $5,000, $3,000, ᐊᒻᒪᓗ $2,000.
ᐃᓄᒃᑑᖅᑕ! ᐃᓄᒃᑐᖅ ᑎᑎᕋᕐᓂᕐᒧᑦ ᖁᕕᐊᓲᑎᖃᕐᓂᕐᒥᒃ ᓂᔾᔭᐅᓯᔭᖅᑐᖃᕐᓂᐊᕐᒥᔪᖅ ᓄᓇᕗᕐᒥᐅᑕᓂᒃ ᑯᕆᔅᑏᓐ ᑐᑐ ᐊᒻᒪᓗ ᑑᒪ ᓚᐃᓴ, ᔮᓇᑦ ᐊᒡᓗᒃᑲᖅ ᐊᒻᒪᓗ ᑳᑎ ᑭᒃᓂᒃ, ᐊᒻᒪᓗ ᑕᑯᕋᓐᓈᑎᑦᓯᓂᐊᕐᒥᔪᖅ ᓰᓚ x ᓂᔾᔮᑎᑦᑎᔨ ᓛᒻᕗ.
ᑕᒫᓂ ᐊᕐᕌᒍᒥ ᐃᓚᖃᕐᓂᐊᕆᕗᖅ ᐱᓕᕆᔨᐅᔪᓂᒃ ᐃᓄᓐᓂᒃ ᖃᕋᓴᐅᔭᓕᕆᔨᓂᒃ ᐊᐅᓚᑦᓯᓂᐊᖅᑐᑦ ᑕᑯᕋᓐᓈᕐᕕᖏᖕᓂ, ᓂᐱᓕᕆᔩᑦ, ᖃᐅᒪᓕᕆᔨᓂᓪᓗ, ᓯᕗᓕᖅᑕᐅᓗᑎᒃ ᑲᓛᖡᑦ ᓄᓇᖓᓂᒥᐅᑕᐃᑦ ᐊᒻᒪᓗ ᐱᓕᒻᒪᒃᓴᖅᐸᓪᓕᐊᔪᑦ ᓄᓇᕗᒻᒥᐅᑕᐃᑦ, ᐱᓇᓱᐊᒐᖃᕐᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᒥ ᐊᐅᓚᑦᓯᓕᕈᓐᓇᖅᓯᖁᓪᓗᒋᑦ ᖃᓄᐃᓕᐅᖅᑐᓂᒃ. ᐃᓯᕈᓐᓇᐅᑏᑦ ᐊᑐᐃᓐᓇᐅᓚᖓᔪᑦ ᖃᕋᓴᐅᔭᒃᑯᑦ ᐅᕘᓇ Eventbrite: https://www.eventbrite.ca/e/inuktuuqta-inuktukta-mik-hosted-by-nti-tickets-1708654273929?aff=erelexpmlt
ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᐱᔾᔪᓯᐊᕐᓂᕐᒧᑦ ᖁᕕᐊᓲᑎᖃᕐᓂᖅ ᑕᑯᒃᓴᐅᑎᑕᐅᓂᐊᕐᒥᔪᖅ ᐅᕙᒍᑦ ᑕᓚᕖᓴᓕᕆᔨᒃᑯᓐᓄᑦ ᐊᒻᒪᓗ ᐃᕐᖐᕐᓈᖅᑕᐅᑎᒃᑯᑦ uvagut.tv -ᒃᑯᑎᒍᑦ
ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒃᑲᖅᑕᐅᔪᓐᓇᖅᑐᖅ:
ᐃᕙᓗᐊᕐᔪᒃ ᒥᐅᕆᑦ
ᑐᓴᐅᒪᑎᑦᑎᓂᕐᒧᑦ ᑐᑭᒧᐊᑦᑎᑦᑎᔨ
ᓄᓇᕗᑦ ᑐᙵᕕᒃᑯᑦ ᑎᒥᖓ
