ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᖁᕕᐊᓱᒍᑎᖃᓚᐅᕐᐳᑦ ᐊᑭᑦᑎᔪᓂᒃ 2015-ᒥ ᐊᔾᔨᖑᐊᓄᑦ ᐊᑭᑦᑎᓂᑭᓴᐅᑎᑎᓪᓗᒋᑦ. ᐃᓴᐅ ᑕᑦᑕᑐᐊᐱᒃ ᐃᒃᐱᐊᕐᔪᖕᒥᐅᖅ ᓯᕗᓪᓕᖅᐹᖑᓪᓗᓂ ᐊᔾᔨᓕᐅᕐᑕᒥᓂᕐᒥᓄᑦ ᐅᓐᓄᒃᑯᑦ ᐃᒃᐱᐊᕐᔫᑉ ᐊᔾᔨᖑᐊᖓᓄᑦ. ᐊᐃᒧ ᐸᓂᓗ ᑲᖏᑦᑐᒑᐱᖕᒥᐅᑕᖅ ᑐᖏᓕᕆᓪᓗᓂᐅᑦ ᐊᔾᔨᓕᐅᕆᓐᓂᕐᒪᑦ ᐊᕐᓴᓂᕐᓂᒃ ᑎᓂᙵᑎᓪᓗᒍ, ᐊᒻᒪᓗ ᑭᒻᒥᕈᒻᒥᐅᑕᖅ ᐸᑦᓗ ᐱᑦᓯᐅᓛᖅ ᐱᖓᔪᒋᔭᐅᓪᓗᓂ ᐊᔾᔨᓕᐅᕆᓐᓂᕐᒪᑦ ᓇᑦᑎᕐᒥᒃ ᐱᓚᒃᑐᒥᒃ ᓯᕿᓐᓂᑎᓪᓗᒍ.

ᑕᑦᑕᑐᐊᐱᑉ ᐊᑭᑦᑎᔾᔪᓯᐊᖅᑖᖅᑎᑕᖅ $1,000−ᓂᒃ ᑮᓇᐅᔭᓂᒃ, ᐊᒻᒪᓗ ᐊᖏᓪᓕᑎᕐᓯᒪᓪᓗᒍ ᐊᔾᔨᓕᐅᖅᑕᒥᓂᖓᓂᒃ ᑐᓂᔭᐅᓪᓗᓂ, ᐊᒻᒪᓗ ᐊᔾᔨᓕᐅᕐᑕᒥᓂᖓ ᖃᓪᓕᖅᐹᕆᔭᐅᓛᖅᑐᖅ ᓄᓇᕗᑦ ᑐᙵᕕᒃᑯᑦ ᐊᕐᕌᒍᑕᒫᑦ ᐅᓂᒃᑳᖏᓐᓄᑦ ᐊᒻᒪᓗ ᓴᖅᑭᔮᕐᑎᑕᐅᕙᒃᑐᓄᑦ ᑐᓴᕋᒃᓴᓄᑦ ᐊᔾᔨᖑᐊᖑᕙᓐᓂᐊᕆᓪᓗᓂ.

ᐸᓂᓗ ᐊᑭᑦᑎᔾᔪᓯᐊᖅᑖᓚᐅᕐᒥᔪᖅ $500−ᓂᒃ ᐊᒻᒪᓗ ᐱᑦᓯᐊᓛᖅ ᐊᑭᑦᑎᔾᔪᓯᐊᖅᑖᖅᑐᓂᒃ $250.

ᓄᓇᕗᑦ ᑐᙵᕕᒃᑯᑦ ᐊᔾᔨᖑᐊᓄᑦ ᐊᑭᑦᑐᕋᐅᑎᑦᑎᒋᐊᓕᓚᐅᕐᓯᒪᔪᑦ 2006-ᒥ. ᐊᑭᑦᑐᕋᐅᑎᖃᑕᐅᕙᓕᕐᑐᑦ ᐊᒥᓱᕈᖅᐹᓕᕐᓯᒪᔪᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᔪᓐᓇᕐᓂᖅ ᐊᑐᖅᑕᐅᓂᕐᓴᐅᓕᓐᓂᖓᓄᑦ, ᐃᓚᖏᑦ ᐊᑦᓛᑦ ᐊᔾᔨᖑᐊᑦ 1000-ᖏᓐᓃᒃᑐᓄᑦ ᑕᑯᔭᐅᕙᓕᕐᑐᑦ ᐊᒻᒪ ᐊᔾᔨᖏᓐᓂᒃ ᑕᑯᔭᐅᑎᑦᑎᔪᓐᓇᐸᓕᕐᑐᑎᒃ.

ᐃᓄᐃᑦ ᑎᓕᐅᕐᑕᐅᕗᑦ ᐱᖃᑕᐅᖁᔭᐅᓪᓗᑎᒃ. ᓇᓗᓇᐃᔭᕐᓯᒪᔪᑦ ᐆᒃᑐᖃᑕᐅᔪᒪᔪᓄᑦ ᑕᑯᔭᐅᔪᓐᓇᕐᐳᑦ ᐅᕙᓂ http://photocontest.tunngavik.com/website-photo-contest/photo-of-the-year/.