ᑐᓴᕋᑦᓴᓕᕆᔩᑦ

ᑐᓐᖓᕕᒃᑯᑦ ᓇᓗᓇᐃᖅᓯᔪᑦ 2011 ᐊᔾᔨᑦᓯᐊᕙᐅᓂᖅᐹᖑᓕᐅᑎᔪᓂ ᐊᕐᕌᒍᒥ ᓵᓚᓕᒻᒥᒃ

photo_year

ᓄᓇᕗᑦ ᑐᓐᖓᕕᒃᑯᓐᓂ ᐊᐅᓚᑦᓯᔨᐅᔪᑦ ᐅᓪᓗᒥ ᓂᕈᐊᖅᑲᐅᔪᑦ 2011 ᐊᔾᔨᑦᓯᐊᕙᐅᓂᖅᐹᖑᓕᐅᑎᔪᓂᒃ ᐊᕐᕌᒍᑦᑎᓐᓂ. ᐊᐃᑉᐱᓕ ᐃᑦᑐᐊᑦᓯᐊᖅ ᐃᖃᓗᓐᓂᒥᐅᑕᖅ ᑐᓂᔭᐅᖅᑲᐅᔪᖅ ᑮᓇᐅᔭᓂᒃ $1,000.00-ᓂᒃ ᓵᓚᒃᓴᐅᓯᐊᖏᓐᓂᒃ ᐊᔾᔨᓕᐅᒐᖓᓄᑦ, ᐊᔾᔨ ᐊᖅᑯᓵᖅᑎᓪᓗᒋᑦ ᐊᓪᓚᓐᖑᐊᑦ. ᐃᑦᑐᐊᑦᓯᐊᖅ ᑐᓂᔭᐅᒻᒥᔪᖅ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ, ᐊᒻᒪᓗ ᐅᐱᒋᔭᐅᔾᔪᑎᖓ ᐊᔾᔨᓕᐅᒐᖓᑕ ᓯᓚᑎᒋᔭᐅᓂᐊᖅᑐᖅ ᐊᕐᕌᒍᑕᒫᖅᓯᐅᑎᓂ ᐅᓂᒃᑳᓂ.

ᓂᐅᕆ ᐃᖃᓗᔾᔪᐊᖅ, ᐃᑉᐱᐊᔪᒻᒥᐅᑕᖅᑕᐅᖅ, ᑐᒡᓕᒋᔭᐅᔪᖅ ᐊᔾᔨᓕᐅᒐᖓᓄᑦ, ᐅᑕᖅᑭᔪᑦ ᑕᖅᑭᑎᓪᓗᒍ, ᓵᓚᒃᓴᖅᓱᓂ $200.00-ᓂᒃ ᐊᒻᒪᓗ ᐊᖏᓪᓕᑎᑦᓯᒪᔪᒥᒃ ᐊᔾᔨᓕᐅᒐᖓᓂᒃ ᑐᓂᔭᐅᓂᐊᕐᒥᔪᖅ. ᓲᓯ ᖃᐅᓐᓇᖅ ᐸᓐᓂᖅᑑᒥᐅᑕᖅ ᐱᖓᔪᒋᔭᐅᔪᖅ ᐊᔾᔨᓕᐅᒐᖓᓄᑦ, ᐊᓪᓚᓐᖑᐊᑦ, ᐊᒻᒪᓗ ᓵᓚᒃᓴᖅᑐᖅ $100.00 ᑐᓂᔭᐅᓂᐊᕐᒥᔪᖅ ᐊᖏᓪᓕᑎᖅᓯᒪᔪᒥᒃ ᐊᔾᔨᓕᐅᒐᖓᓂᒃ.

ᐊᑎᖃᖃᑕᐅᔪᑦ ᓵᓚᒃᓴᕋᓱᐊᕈᑕᐅᔪᒧᑦ ᐊᔾᔨᓕᐅᒐᕐᓄᑦ ᐱᖃᑕᐅᖁᔭᐅᕗᑦ ᐃᑭᐊᖅᑭᔾᔪᑎᑦᑎᓃᑦᑐᖅ. ᓇᓗᓇᐃᖅᑐᖅᓯᒪᔪᑦ ᐊᒻᒪᓗ ᐃᓚᒋᔭᐅᔪᒪᔪᓄᑦ ᐊᑐᐃᓐᓇᐅᑎᑕᐅᔪᑦ ᐅᕙᓂ www.tunngavik.com.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: