ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃᑯᑦ 2010 ᐊᔾᔨᓕᐅᑦᓯᐊᖅᓯᒪᓂᖅᐹᓄᑦ ᐊᕐᕌᒍᒥ ᓵᓚᑦᓴᖅᑎᑦᓯᒐᓱᐊᕐᓂᖅ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᑐᓴᖅᑎᑦᑎᔪᖅ ᐅᓪᓗᒥ ᑖᓐᓇ ᕗᓈᑦ ᒪᒃᑖᖅ ᒥᑦᑎᒪᑕᓕᖕᒥᐅᖅ ᓵᓚᒃᓴᖅᑐᖅ ᓄᓇᕗᑦ ᑐᓐᖓᕕᒃᑯᑦ 2010 ᐊᔾᔨᓕᐅᑦᓯᐊᖅᓯᒪᓂᖅᐹᓄᑦ ᐊᕐᕌᒍᒥ ᓵᓚᑦᓴᖅᑎᑦᓯᒐᓱᐊᕐᓂᖏᓐᓂᒃ ᐊᔾᔨᓕᐅᓚᐅᖅᑕᖓᓄᑦ ᑕᐃᔭᐅᔪᖅ ᓂᕐᓖᑦ. ᒪᒃᑖᖅ ᓵᓚᒃᓴᖅᑐᖅ $1,000 ᑮᓇᔭᑎᒍᑦ ᐊᒻᒪ ᐊᖏᓪᓕᒋᐊᖅᑕᐅᓪᓗᓂ ᐊᔾᔨᖓ ᐊᔾᔨᓕᐅᖅᓯᒪᔭᖓᑕ. ᑖᓐᓇ ᓵᓚᒃᓴᖅᑐᖅ ᐊᔾᔨᓐᖑᐊᖅ ᑕᑯᒃᓴᐅᑎᑕᐅᓂᐊᖅᑐᖅ ᖄᖓᓂ 2011 ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᕐᕌᒍᑕᒫᑦ ᐅᓂᒃᑳᖏᓐᓂ ᐊᒻᒪ ᑕᑯᒃᓴᐅᑎᑕᐅᓂᐊᖅᑐᖅ ᐊᓚᒃᑲᐃᓐᓂᖅᓴᐅᓗᓂ ᑐᓐᖓᕕᒃᑯᑦ ᑕᑯᒃᓴᐅᑎᑦᑎᓪᓗᑎᒃ ᐊᑐᖅᐸᒃᑕᖏᓐᓂ ᐊᕐᕌᒎᓂᐊᖅᑐᒥ.

ᓯᓖᓇ ᓴᑐᖅᓯ ᒥᑦᑎᒪᑕᓕᖕᒥᐅᖅ ᑐᒡᓕᕆᔭᖓ ᐊᔾᔨᓕᐅᖅᓯᒪᔭᖓ ᓇᑦᓯᖅ ᐊᒻᒪ ᓈᓚᒃᓴᖅᑐᓂ $200 ᐊᒻᒪ ᐊᖏᓪᓕᒋᐊᖅᑕᐅᓪᓗᓂ ᐊᔾᔨᓕᐅᖅᓯᒪᔭᖓ. ᐋᓐᑐᕈ ᑎᐊᓚ ᐸᓐᓂᖅᑑᒥᐅᖅ ᐱᖓᓱᐊᓐᓂᒃ ᓵᓚᒃᓴᓚᐅᖅᑐᖅ ᐊᔾᔨᓕᐅᖅᑕᖓᓂ ᐸᓐᓂᖅᑑᑉ ᑲᖏᖅᓱᐊ ᐊᒻᒪ ᓵᓚᒃᓴᖅᑐᓂ $100 ᐊᒻᒪ ᐊᖏᓪᓕᒋᐊᖅᑕᐅᓪᓗᓂ ᐊᔾᔨᓕᐅᖅᓯᒪᔭᖓ.

“ᓄᓇᕗᑦ ᑐᓐᖓᕕᒃᑯᑦ ᐊᒥᓱᒻᒪᕆᖏᓂᑦ ᐱᐅᔫᑎᒻᒪᕆᖕᓂᑦ ᐊᔾᔨᓕᐅᖅᓯᒪᔪᓂᒃ ᓂᕈᐊᒐᒃᓴᖃᖅᑲᐅᖕᒪᑕ ᑕᒫᓂ ᐊᕐᕌᒍᒥ. ᑕᒪᓐᓇ ᐊᑭᑦᑐᕋᐅᑎᓂᖅ ᐊᖏᔪᒻᒪᕆᐅᓚᐅᖅᑐᖅ.” ᐅᖃᖅᑐᓂ ᑕᐅᑐᓐᖏ. “ᖁᕕᐊᓲᑎᕙᒃᑲ ᓵᓚᒃᓴᖅᑐᖅ ᐊᔨᓕᐅᖅᑕᒥᓄᑦ.

ᐊᑎᖃᖃᑕᐅᔪᑦ ᑎᓕᐅᖅᑕᐅᕗᑦ ᐃᓚᐅᖃᑦᑕᖁᔭᐅᓪᓗᑎᒃ ᖃᕆᓴᐅᔭᒃᑯᑦ ᐊᔾᔨᓐᖑᐊᓄᑦ ᓵᓚᒃᓴᖅᑎᑦᓯᒐᓱᐊᕐᓂᕐᒥᒃ. ᖃᓄᐃᓕᖓᓂᖏᑦ ᐊᒻᒪ ᑎᑎᖅᑕᐅᔪᒪᓂᖅ ᐱᔭᐅᔪᓐᓇᖅᑐᑦ ᐅᕙᓂ www.tunngavik.com.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: