ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃ ᑎᒥᖓᑦ ᓇᓗᓇᐃᖅᓯᕗᖅ 2009-ᒥ ᐊᔾᔨᓕᐅᒐᕐᓄᑦ ᓵᓚᒃᓴᖅᑐᒥᒃ ᐊᕐᕌᒍᒧᑦ

(ᑎᓯᐱᕆ 18, 2009- ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᐹᓪ ᖃᓗᔾᔭᖅ ᓇᓗᓇᐃᖅᓯᔪᖅ ᐅᓪᓗᒥ ᑖᓐᓇ ᓯᑏᕙᓐ ᓛᓐᔅᑕᐃᐅᓪ ᐃᖃᓗᒻᒥᐅᖅ ᓄᓇᕗᑦ ᑐᙵᕕᒃ ᑎᒥᖓᑦ ᐊᔾᔨᓕᐅᒐᕐᕗᑦ ᓵᓚᒃᓴᕐᓂᖓᓂᒃ ᐊᔨᓪᓕᐅᒐᕐᓄᑦ ᓵᓚᒃᓴᕋᓱᐊᖅᑎᑦᓯᓂᐅᔪᒧᑦ 2009-ᒥ. ᓛᓐᔅᑕᐃᐅᓪ ᓵᓚᒃᓴᖅᑐᖅ $1,000-ᓂᒃ ᐊᒻᒪ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ ᑲᑎᒪᔨᕋᓛᑦ ᑐᙵᕕᒃᑯᑦ ᐃᖅᑲᓇᐃᔭᖅᑎᖏᑦ ᓂᕈᐊᓚᐅᖅᑐᑦ 2009-ᒥ ᓵᓚᒃᓴᖅᑐᓂᒃ ᐊᔾᔨᓕᐅᒐᕐᓄᑦ ᑕᖅᑭᑕᒫᑦ ᓵᓚᒃᓴᕋᓱᐊᕐᓂᐅᔪᓄᑦ.

ᓖᓇ ᑯᓄ ᒥᒃᑎᒪᑕᓕᒻᒥᐅᖅ ᑐᖏᓕᕆᔭᐅᓪᓗᓂ ᓵᓚᒃᓴᖅᑐᖅ $200-ᓂ ᐊᒻᒪ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ, ᔪᐃᔅ ᐊᖓᓕᒃ ᐊᕐᕕᐊᕐᒥᐅᖅ ᐱᖓᔪᒋᔭᐅᓪᓗᓂ ᓵᓚᒃᓴᖅᑐᖅ $100-ᓂᒃ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ.

“ᓄᓇᕗᑦ ᑐᙵᕕᒃ ᑎᒥᖓᑦ ᓴᖅᑭᔮᖅᑎᑦᓯᓂᐊᖅᑐᖅ ᐊᖏᖅᓯᒪᓂᕐᒥᓄᑦ ᓵᓚᒃᓴᕋᓱᐊᖅᑎᑦᓯᓂᕐᒥᓂᒃ ᐊᒻᒪ ᐱᒻᒪᕆᐅᒍᓱᕐᓂᕐᒥᓂᒃ, ᓵᓚᒃᓴᖅᑐᑦ ᐊᔾᔨᓕᐅᒐᐃᑦ ᓴᖅᑭᔮᖅᑎᑕᐅᒻᒪᕆᖃᑦᑕᓂᐊᖅᑐᑦ ᐊᕐᕌᒍᒥ,” ᐅᖃᖅᑐᖅ ᖃᓗᔾᔭᖅ. “ᐊᒥᓱᑦ ᐊᔾᔨᓕᐅᕋᐃᑦ ᓴᖅᑭᔮᖅᑎᑎᓯᐊᕐᒪᑕ ᐃᓄᐃᑦ ᐃᓅᓯᖏᓐᓂᒃ ᐃᓕᖅᑯᓯᖏᓐᓂᓪᓗ.”

ᓄᓇᕗᑦ ᑐᙵᕕᒃ ᑎᒥᖓᑦ ᐱᒡᒐᕐᓇᖏᑦᑑᓂᖅᓴᐅᑎᑦᓯᕗᑦ ᓵᓚᒃᓴᕋᓱᐊᖅᑐᓄᑦ ᑕᑕᑎᕆᔪᓐᓇᕐᒪᑕ ᐊᒻᒪ ᖃᕆᓴᐅᔭᒃᑯᑦ ᐊᔾᔨᓕᐅᕐᓯᒪᔭᖏᑦ ᐱᔭᐅᔪᓐᓇᖅᑐᑦ ᓄᓇᕗᑦ ᑐᙵᕕᒃᑯᑦ ᖃᕆᓴᐅᔭᒃᑯᑦ ᐃᑭᐊᖅᑭᔾᔪᑎᖓᓂ.

ᓵᓚᒃᓴᕋᓱᐊᕐᓂᖅ ᒪᑐᐃᖓᔪᖅ ᐊᑎᖃᖃᑕᐅᔪᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ. ᓛᓐᔅᑕᐃᐅᑉ ᐊᔾᔨᓕᐅᒐᖓ, ᐊᒻᒪ ᑕᖅᑭᒧᑦ ᓵᓚᒃᓴᖃᑦᑕᓚᐅᖅᑐᑦ, ᑕᑯᔭᐅᒍᓐᓇᖅᑐᑦ ᑐᙵᕕᒃᑯᑦ ᖃᕆᓴᐅᔭᒃᑯᑦ ᐃᑭᐊᖅᑭᔾᔪᑎᖓᓂ www.tunngavik.com.

Photo by Steven Lonsdale, Iqaluit
Photo by Steven Lonsdale, Iqaluit

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ: