ᑐᓴᕋᑦᓴᓕᕆᔩᑦ

(English) Nomination Period Opens for President, Vice-President Positions

(ᓄᕕᐱᕆ 1, 2010 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᓂᕈᐊᖅᑐᓕᕆᔨᖓ ᓗᕆ ᐃᓪᓚᐅᑦ ᓇᓗᓴᐃᖅᓯᔪᖅ ᓂᕈᐊᕋᒃᓴᓕᐅᕐᕕᒃ ᐊᖏᔪᖅᑳᒧᑦ ᐊᒻᒪ ᒪᕐᕉᓐᓄᑦ ᐊᖏᔪᖅᑳᑉ ᑐᒡᓕᖏᓐᓄᑦ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᒪᑐᐃᕐᒪᑕ ᐅᓪᓗᒥ.

ᐊᖏᔪᖅᑳᖅ ᐊᒻᒪ ᒪᕐᕉᒃ ᐊᖏᔪᖅᑳᑉ ᑐᒡᓕᖏᑕ ᐃᓂᖏᓐᓄᑦ ᓂᕈᐊᖅᑕᐅᓂᐊᖅᑐᑦ ᐃᒃᓯᕚᖃᑕᐅᓂᐊᕐᓗᑎᒃ ᓄᓇᕗᑦ ᑐᙵᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ. ᓂᕈᐊᕐᓴᐅᑉ ᑭᖑᓂᐊᒍᑦ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᓇᓗᓇᐃᖅᓯᓂᐊᖅᑐᑦ ᐱᓕᕆᐊᒃᓴᕆᓂᐊᖅᑕᖏᓐᓂᒃ ᐊᖏᔪᖅᑳᑉ ᑐᒡᓕᐊᑕ ᐃᒃᓯᕙᐅᑕᓂᐊᕐᓗᑎᒃ ᓄᓇᓄᑦ ᐃᓅᓯᓕᕆᓂᕐᒧᑦ ᑲᑐᔾᔨᒃᑯᓐᓄᑦ ᐅᕝᕙᓘᓐᓃᑦ ᐃᒃᓯᕙᐅᑕᐅᓂᕐᒧᑦ ᐃᓄᐃᑦ ᐆᒪᔪᓕᕆᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᓐᓄᑦ.

ᓂᕈᐊᕐᓂᖃᓛᖅᑐᑦ ᑎᓯᐱᕆ 13-ᒥ, 2010. ᓂᕈᐊᖅᑏᑦ ᓂᕈᐊᖅᓵᓕᔪᓐᓇᓂᐊᖅᑐᑦ ᑎᓯᐱᕆ 6-ᒥ, 2010 ᐊᒻᒪᓗ ᓂᕈᐊᕈᔾᔭᐅᓗᑎᒃ ᓂᕈᐊᕈᓐᓇᕐᒥᔪᑦ.

ᓂᕈᐊᒐᒃᓴᐅᔪᓐᓇᖅᑐᑦ ᑲᓇᑕᐅᒥᐅᑕᐅᔪᑦ, ᐊᕐᕌᒍᖃᖅᑐᑦ 16-ᓂᒃ, ᐊᒻᒪ ᐊᑎᖃᖃᑕᐅᓗᑎᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍᑦ.

ᓂᕈᐊᒐᒃᓴᓕᐅᕈᑏᑦ ᐱᔭᐅᔪᓐᓇᖅᑐᑦ ᓂᕈᐊᖅᑐᓕᕆᔨᒥᒃ, ᓄᓇᓕᖕᓂ ᑐᒃᑕᕐᕕᐅᔪᓂ ᐅᕝᕙᓘᓐᓃᑦ ᑐᙵᕕᒃᑯᑦ ᖃᕆᑕᐅᔭᒃᑯᑦ ᐃᑭᐊᖅᑭᕕᖓᓂ.

ᓂᕈᐊᒐᒃᓴᐅᔪᑦ ᓂᕈᐊᒐᒃᓴᐅᔾᔪᑎᖏᓐᓂᒃ ᑐᓂᓯᓯᒪᔭᕆᐊᖃᕐᓂᐊᖅᑐᑦ ᓂᕈᐊᖅᑐᓕᕆᔨᒧᑦ ᑎᑭᒐᓱᐊᕐᓂᖓᓂ 5 ᐅᓐᓄᓴᒃᑯᑦ, ᓄᕕᐱᕆ 5, 2010.

ᓂᕈᐊᒐᒃᓴᐅᔪᖅ ᓴᖕᒥᓂᖅ ᖃᐅᔨᒪᔭᕆᐊᖃᖅᐳᖅ ᓂᕈᐊᒐᒃᓴᐅᔾᔪᑎᖏᑦ ᓂᕈᐊᖅᑐᓕᕆᔨᒧᐊᕋᓗᐊᕐᒪᖔᑕ. ᓂᕈᐊᒐᒃᓴᐅᔾᔪᑏᑦ ᑭᖑᕙᖅᓯᒪᒃᐸᑕ, ᓂᕈᐊᒐᒃᓴᐅᓇᓱᐊᖅᑐᖅ ᐃᓚᐅᔪᓐᓇᔾᔮᖏᓚᖅ ᑐᙵᕕᒃᑯᑦ ᓂᕈᐊᕐᓂᖃᓕᖅᐸᑕ.

ᓂᕈᐊᒐᒃᓴᐅᓇᓱᐊᖅᑐᖅ ᐃᓚᐅᔪᒪᔪᓐᓃᕐᓂᕈᓂ ᐲᖅᑕᐅᔪᒪᔪᓐᓇᑐᖅ 5 -ᒨᕋᓱᐊᕐᓂᖓᓂ ᐅᓐᓄᓴᒃᑯᑦ ᓄᕕᐱᕆ 8, 2010.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ:

ᓘᕆ ᐃᓪᓚᐅᖅ

ᓂᕈᐊᖅᑐᓕᕆᔨ

ᐅᖄᓚᐅᑎᖓ: 1-866-979-2111