ᑐᓴᕋᑦᓴᓕᕆᔩᑦ

ᓂᕈᐊᒐᔅᓴᓕᐅᕐᓂᖅ ᒪᑐᕗᖅ ᐊᖓᔪᖅᑳᒧᑦ, ᐊᖓᔪᖅᑳᑉ ᑐᖓᓕᖏᓐᓄᑦ

(ᓄᕕᐱᕆ 5, 2010 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᓂᕈᐊᖅᑐᓕᕆᔩᑦ ᐊᖓᔪᖅᑳᖓᑦ ᓘᕆ ᐃᓪᓚᐅᑦ ᓇᓗᓇᐃᖅᓯᕗᖅ ᓂᕈᐊᕋᔅᓴᓕᐅᕐᓇᖅ ᐱᑐᐃᓐᓇᐅᓐᖏᑦᑐᒃᑯᑦ ᓂᕈᐊᓕᖅᐸᑕ ᐊᖓᔪᖅᑳᒧᑦ ᐊᒻᒪᓗ ᓂᕈᐊᕐᓇᐅᓕᖅᐸᑦ ᒪᕐᕉᓐᓄᑦ ᐊᖓᔪᖅᑳᑉ ᑐᖓᓕᖏᓐᓄᑦ ᓄᓇᕗᑦ ᑐᓐᖓᕕᒃᑯᓐᓄᑦ ᒪᑐᕕᔅᓴᖃᕐᒪᑦ ᐅᓪᓗᒥ 5-ᒨᖅᐸᑦ.

ᐊᖓᔪᖅᑲᒧᑦ ᐊᒻᒪᓗ ᒪᕐᕉᓐᓄᑦ ᑐᖓᓕᕆᒐᔭᖅᑕᖏᓐᓄᒃ ᓂᕈᐊᖅᑕᐅᒐᔭᖅᑐᓄᑦ ᓄᓇᕗᑦ ᑐᓐᖓᕕᒃᑯᑦ ᑲᑎᒪᔨᖏᑕ ᑐᑭᒧᐊᖅᑎᖏᓐᓄᑦ. ᓂᕈᐊᕐᓇᐅᒌᖅᐸᑦ ᓄᓇᕗᑦ ᑐᓐᖓᕕᒃᑯᑦ ᑲᑎᒪᔨᖏᑦ ᐃᓕᓯᒐᔭᖅᐳᑦ ᐊᖓᔪᖅᑳᑉ ᑐᖓᓕᖏᓐᓂᑦ ᐃᒃᓯᕙᐅᑕᐅᓂᕐᒧᑦ ᓄᓇᕗᒻᒥ ᐃᓅᓯᓕᕆᔩᑦ ᑲᑎᒪᔨᖏᓐᓄᑦ ᐅᕝᕙᓘᓐᓃᑦ ᐃᒃᓯᕙᐅᑕᖓᓐᓄᑦ ᐃᓄᐃᑦ ᐆᒪᔪᓕᕆᓂᕐᒧᑦ ᑲᑎᒪᔨᖏᓐᓄᑦ.

ᐱᑐᐃᓐᓇᐅᓐᖏᑦᑐᒃᑯᑦ ᓂᕈᐊᕐᓇᖅ ᐊᒻᒪᓗ ᓂᕈᐊᕐᓇᑐᐃᓐᓇᖅ ᐋᖅᑭᑦᑕᐅᓯᒪᕗᖅ ᑎᓯᐱᕆ 13, 2010-ᒧᑦ. ᓂᕈᐊᖅᑏᑦ ᓯᕗᕐᖓᒍᑦ ᓂᕈᐊᕈᓐᓇᖅᐳᑦ ᑎᓯᐱᕆ 6,
2010-ᒥ ᐊᒻᒪᓗ ᓂᕈᐊᕈᔾᔭᐅᒋᐊᓖᑦ ᓂᕈᐊᕈᔾᔭᐅᔪᓐᓇᖅᑐᑎᒃ.

ᓂᕈᐊᕈᓐᓇᖅᑐᑦ ᑲᓇᑕᒥᐅᑕᐅᒋᐊᖃᖅᐳᑦ, 16-ᓂᑦ ᐅᑭᐅᓖᑦ ᐅᖓᑖᓄᓪᓘᓐᓃᑦ, ᐊᑎᓕᐅᖃᑕᐅᓯᒪᔪᑦ ᓄᓇᕗᑖᕐᓂᕐᒧᑦ ᐊᖏᕈᒻᒥᑦ ᓂᕈᐊᕈᓐᓇᓛᖅᐳᑦ ᓂᕈᐊᕐᓇᐅᓕᖅᐸᑦ.

ᑎᒃᑯᐊᖅᓯᔾᔪᑎᓂᒃ ᐸᐃᑉᐹᓂᒃ ᐱᔪᓐᓇᖅᐳᓯ ᓂᕈᐊᖅᑐᓕᕆᔩᑦ ᐊᖓᔪᖅᑳᖓᓐᓂᑦ, ᓄᓇᓕᒻᒥ ᓂᕈᐊᖅᑐᓕᕆᔨᐅᖃᑕᐅᔪᓂᑦ, ᐅᕝᕙᓘᓐᓃᑦ ᓄᓇᕗᑦ ᑐᓐᖓᕕᒃᑯᑦ ᖃᕋᓴᐅᔭᒃᑯᑦ ᑐᕌᕈᑎᖓᓂᑦ.

ᓂᕈᐊᕋᔅᓴᐃᑦ ᐊᑎᓕᐅᖅᓯᒪᒋᐊᖃᖅᐳᑦ ᑎᒃᑯᐊᖅᑕᐅᔾᔪᑎᖏᓐᓂᑦ ᐸᐃᑉᐹᓂᑦ ᑐᓂᓯᓗᑎᒃ ᓂᕈᐊᖅᑐᓕᕆᔩᑦ ᐊᖓᔪᖅᑳᖓᓐᓄᑦ 5-ᒨᓚᐅᓐᖏᓐᓂᖓᓂ ᐅᓪᓗᒥ.

ᓂᕈᐊᖅᑕᐅᒐᓱᐊᖅᑐᑦ ᐱᓕᕆᐊᕆᕚ ᖃᐅᔨᒪᒋᐊᖅᑎᐅᓪᓗᑎᒃ ᑎᒃᑯᐊᖅᑕᐅᔾᔪᑏᑦ ᐸᐃᑉᐹᑦ ᑐᓂᔭᐅᒐᓗᐊᕐᒪᖔᑕ ᓂᕈᐊᖅᑐᓕᕆᔩᑦ ᐊᖓᔪᖅᑳᖓᓐᓄᑦ. ᑐᓂᔭᐅᓐᓂᖏᑉᐸᑕ ᑎᒃᑯᐊᖅᑕᐅᔾᔪᑏᑦ ᐃᓱᓕᕝᕕᖓ ᑎᑭᓯᒪᓕᖅᑎᓪᓗᒍ ᓂᕈᐊᕋᔅᓴᓕᐊᖑᓚᐅᖅᑑᒐᓗᐊᑦ ᓂᕈᐊᕋᔅᓴᐅᒐᔭᕈᓐᓃᖅᐳᑦ ᓄᓇᕗᑦ ᑐᓐᖓᕕᒃᑯᑦ ᓂᕈᐊᕐᓇᖓᓐᓂᑦ.

ᑕᐃᒃᑯᐊ ᓂᕈᐊᕋᔅᓴᐃᑦ ᐲᖅᓯᔪᓐᓇᖅᐳᑦ ᐊᑎᕐᒥᓂᒃ 5-ᒨᕋᓱᐊᕐᓂᖓᓂ ᓄᕕᐱᕆ 8, 2010-ᒥ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ:

ᓘᕆ ᐃᓪᓚᐅᑦ
ᓂᕈᐊᖅᑐᓕᕆᔩᑦ ᐊᖓᔪᖅᑲᖓᑦ
ᐅᖄᓚᐅᑖ: 1-866-979-2111
ᖃᕋᓴᐅᔭᒃᑯᑦ: elections @ tunngavik.com