ᑐᓴᕋᑦᓴᓕᕆᔩᑦ

ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑏᑦ ᒥᒃᓵᓄᑦ ᐃᖅᑲᐅᒪᔾᔪᑎᒃᓴᓄᑦ ᓴᓇᖑᐊᖅᑎᑦ ᓂᕈᐊᖅᑕᐅᔪᑦ

carversᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᖃᐅᓯᒃᑯᑦ ᓴᖅᑭᑎᑦᑎᔪᖅ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᓯᕐᓂᖏᓐᓂᑦ ᐱᖓᓱᓂᑦ ᓴᓇᖑᐊᖅᑎᓂᑦ ᓴᖅᑭᑎᑦᑎᓂᐊᖅᑐᓂᑦ ᐃᖅᑲᐅᒪᔾᔪᑎᒃᓴᓄᑦ ᑎᓕᔭᐅᔪᑦ ᖁᕕᐊᓲᑎᒋᓂᐊᕐᓗᒋᑦ ᓇᓗᓇᐃᖅᓯᒪᔪᑦ ᐱᐊᓂᒃᓯᓯᒪᓂᕐᒧᑦ ᐃᓄᐃᑦ ᐃᓚᐅᓯᒪᔪᑦ ᐊᐃᕙᓂᐅᓚᐅᖅᓯᒪᔪᓂᑦ ᐊᖏᖃᑎᒌᒐᓱᐊᕐᓂᕐᒧᑦ ᐅᑯᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ.

“ᑐᓂᓯᕗᖓ ᓇᒥᓂᖅ ᖁᕕᐊᓲᑎᒋᓪᓗᒋᑦ ᑕᒪᕐᒥᒃ ᓴᓇᖑᐊᖅᑎᑦ ᑐᓂᓯᓚᐅᖅᑐᑦ ᑕᑕᑎᕈᑎᓂᑦ ᑐᒃᓯᕋᐅᑎᑎᒍᑦ. ᐃᓱᒪᓇᖅᑑᒐᓗᐊᖅ ᐱᔪᓐᓇᖅᑎᑦᑎᓂᕐᒥᑦ ᑭᒃᑯᓕᒫᓂᑦ ᑐᓂᓯᓂᐊᖅᑐᓂᑦ ᑕᒪᑦᓱᒧᖓ,” ᐅᖃᖅᑐᖅ ᑕᐅᑐᖏ. “ᖁᕕᐊᓱᒻᒪᕆᒃᑐᖓ ᐅᖃᕆᐊᒃᓴᖅ ᓴᖅᑭᑎᑦᑎᓂᕐᑯᑦ ᐅᑯᐊ ᐃᓄᒃ ᓵᓕ ᑕᓗᕐᔪᐊᓂᑦ, ᐹᓪ ᒪᓕᑭ ᓇᐅᔮᓂᑦ, ᐊᒻᒪᓗ ᓘᑎ ᐱᔾᔭᒥᓂᖅ ᐊᐅᔪᐃᑦᑐᒥᑦ ᓂᕈᐊᖅᑕᐅᔪᑦ ᓴᓇᓂᐊᖅᑎᓪᓗᒋᑦ ᐊᔾᔨᐅᖏᑦᑐᒥᑦ ᓴᓇᖑᐊᒐᑎᒍᑦ. ᐱᑕᖃᖅᐳᒍᑦ ᑭᒡᒐᖅᑐᖅᑕᐅᔪᓂᑦ ᓄᓇᕗᒻᒥ ᐊᕕᒃᑐᖅᓯᒪᔪᑦ, ᐊᒻᒪᓗ ᑲᑐᔾᔨᓪᓗᑎᒃ ᐃᖅᑲᓇᐃᔭᖃᑎᒌᑦ ᐊᔪᖏᑦᑐᐊᓗᐃᑦ ᓴᓇᖑᐊᖅᑎᑦ.”

ᐃᓱᒪᓂᖃᓚᐅᖅᑐᑦ ᓴᓇᖑᐊᖅᑎᑦ ᐊᐱᕆᔭᐅᒪᐅᕐᒪᑕ ᑐᓂᓯᖁᔭᐅᓪᓗᑎᒃ ᑕᑕᑎᕈᑎᑎᒍᑦ ᐃᓚᐅᓂᕐᒧᑦ ᐃᖅᑲᐅᒪᔾᔪᑎᒃᓴᒧᑦ. ᕿᒥᕐᕈᔨᐅᓚᐅᖅᑐᑦ ᑕᑕᑎᕈᑎᓂᑦ ᐊᒻᒪᓗ ᓂᕈᐊᖅᓯᖅᖢᑎᒃ ᐅᑯᓂᖓ ᓵᓕ, ᒪᓕᑭ ᐊᒻᒪᓗ ᐱᔾᔭᒥᓂᖅ ᓴᖅᑭᑎᑦᑎᓂᕐᒥᑦ, ᓴᓇᖑᐊᕐᓂᒃᑯᑦ ᓴᖅᑭᑦᑎᓂᕐᒥᑦ, ᐊᒻᒪᓗ ᐊᒃᖢᐃᑦᑑᓪᓗᑎᒃ ᖃᐅᔨᒪᓂᖏᑦᑎᒍᑦ ᐊᑐᖅᓯᒪᔭᖏᓐᓂ.

ᐱᖓᓱᑦ ᓴᓇᖑᐊᖅᑎᑦ ᐱᑎᑦᑎᓂᐊᖅᑐᑦ ᐅᒃᑯᐃᖓᑎᑦᑎᓗᑎᒃ ᐅᓐᓄᒃᓴᖅ 1-ᒥᑦ ᐱᒋᐊᕐᓗᑎᒃ ᑕᐃᑲᓂ ᐃᒡᓗᕐᔪᐊᒥ 728 ᐃᖃᓗᖕᓂᑦ ᑕᑯᒃᓴᐅᑎᑦᑎᓗᑎᒃ ᐃᓱᒪᓕᐊᕆᓯᒪᔭᖏᓐᓂᑦ ᑎᑎᖅᑐᒐᖅᓯᒪᔪᒃᑯᑦ ᓴᓇᖑᐊᕈᒪᔭᖏᓐᓂᑦ. ᑖᒃᑯᐊ ᑲᑐᔾᔨᔪᑦ ᐱᓕᕆᐊᖃᓚᖓᔪᑦ ᐃᖅᑲᐅᒪᔾᒧᑎᒃᓴᒥᑦ ᐅᑭᐅᓄᑦ ᐱᖓᓱᓄᑦ. ᐅᓪᓗᐊ ᓇᓗᓇᐃᖅᑕᐅᓯᒪᔪᑦ ᓴᖅᑭᑎᑕᐅᓛᕐᓂᐊᓂᑦ ᔪᓚᐃ 9, 2013-ᒥ, ᐅᑉᓗᐊᓂ ᓄᓇᕗᒥᐅᑦ ᖁᕕᐊᓱᒍᑎᒋᕙᒃᑕᖓᓐᓂᑦ ᐊᕐᕌᒍᒋᓂᐊᖅᑕᖓ 20-ᑎᑦ ᐊᕙᑎᑦ ᓇᓪᓕᐅᓐᓂᖅᓯᐅᖅᑎᓪᓗᒍ ᐅᑯᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ.

“ᓂᕆᐅᑦᑎᐊᖅᑐᖓ ᑕᑯᔪᒪᓪᓗᒋᑦ ᓴᓇᔭᖓᑦ. ᑕᒪᓐᓇ ᑐᓂᓯᓂᐅᒻᒪᕆᓚᖓᔪᖅ ᐱᓇᓱᐊᖅᑕᖓᑦ ᑭᒃᑯᓕᒫᓄᑦ ᑕᐃᒃᑯᐊ ᐃᑲᔪᖅᓯᒪᔪᑦ ᐱᒋᐊᖅᑎᑦᑎᓂᕐᒥᑦ, ᐊᐃᕙᓂᒃᑯᑦ ᐊᖏᖃᑎᒌᒐᓱᐊᕐᓂᕐᒧᑦ, ᐊᒻᒪᓗ ᒫᓐᓇ ᐊᑐᓕᖅᓯᒪᔪᑦ ᐃᓂᓪᓚᐃᓂᒃᑯᑦ ᐅᑯᓂᖓ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑎᓂᑦ,” ᐅᖃᖅᑐᖅ ᑕᐅᑐᖏ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: