ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐊᒻᒪᓗ ᓄᓇᕗᑦ ᓯᕗᓕᖅᑎᐊ ᐄᕙ ᐋᕆᐊᒃ ᐅᑉᓗᒥ ᐅᖃᖅᑑᒃ ᐊᑎᕐᓂᑦ ᑕᐃᓯᓪᓗᑎᒃ ᐱᑎᑕᐅᔪᓂᑦ ᐅᑯᓂᖓ ᑲᑭᓐᓃᑦ ᒥᒃᓵᓄᑦ ᑮᓇᐅᔭᓂ ᑐᓂᕐᕈᓯᐊᕐᓂᕐᒥᑦ ᐱᓕᕆᐊᑦ.
ᑭᐊᓚᐃᓐ ᐊᐃᐱᓕ ᑭᐊᑦᓱᒃ − ᑭᓐᖓᐃᑦ
ᐄᕙ ᓄᐊ − ᖃᒪᓂᑦᑐᐊᖅ
ᓇᑲᓱᒃ ᐊᓚᕆᐊᖅ − ᑭᓐᖓᐃᑦ
ᓵᓐᑐᕋ ᐱᔭᒥᓂᖅ − ᐊᐅᔪᐃᑦᑐᖅ
ᓕᐊᔅᓕ ᖃᒪᓂᖅ − ᒥᑦᑎᒪᑕᓕᒃ
ᐃᒥᓕ ᖄᐱᒃ − ᐃᖃᓗᐃᑦ
ᒪᕇ ᐱᓕᐅ − ᐃᖃᓗᐃᑦ
ᑏᕕ ᒪᑮᐃ − ᐋᑐᕚ
ᖂᒪᓂ ᒪᒃᑭᒃ − ᐃᖃᓗᐃᑦt
ᐋᓇᐱᐊᓚ ᐱᐅᒑᑦᑐᑦ − ᐃᖃᓗᐃᑦ
ᑐᓂᕐᕈᑎᑦ ᑮᓇᐅᔭᑎᒍᑦ ᐱᖠᕆᐊᖅ ᑐᓂᓯᕙᒃᑐᑦ $1,000−ᓂᑦ ᐅᑯᓄᖓ ᑕᓪᓕᒪᓄᑦ ᐃᓕᓐᓂᐊᖅᑎᑦᓄᑦ ᕿᓂᖅᑐᓂᑦ ᐃᒪᓐᓇ ᐊᑲᐅᓯᑎᑦᑎᕚᓪᓕᕈᒪᓂᕐᒥᑦ ᓇᖕᒥᓂᖅ ᐱᖅᑯᓯᒃᑯᑦ ᐅᕝᕙᓗ ᐃᓕᖅᑯᓯᖏᓐᓂᑦ ᖃᐅᔨᒪᕚᓪᓕᕈᒪᓂᕐᒧᑦ ᐊᒻᒪᓗ $1,000−ᓂᑦ ᐅᑯᓄᖓ ᑕᓪᓕᒪᓄᑦ ᐃᓕᓴᖅᑎᑦᓄᑦ ᐊᑎᓕᐅᖅᓯᒪᔪᓄᑦ ᐃᓕᓐᓂᐊᕆᐊᕐᓂᕐᒧᑦ ᑐᖏᓕᐊᓂᑦ ᐃᓕᓴᕐᕕᐅᔪᓄᑦ. ᐊᑎᓕᐅᖃᑕᐅᓯᒪᔪᑦ ᓄᓇᑖᖃᑕᐅᓯᒪᓂᕐᒧᑦ ᐅᑯᐊ ᐃᓗᐊᓂ ᓄᓇᕗᑦ ᓄᓇᑖᕈᑎᓄᑦ ᐊᖏᕈᑎᓂᑦ ᐱᔪᓐᓇᖅᑎᑕᐅᔪᑦ ᐊᔪᖏᑦᑕᐅᓂᒃᒧᑦ ᒪᑯᓄᖓ ᐃᓕᓐᓂᐊᕆᐊᒃᑲᓐᓂᕈᑎᒃᓴᖏᓐᓄᑦ ᐱᓕᕆᐊᑎᒍᑦ.
“ᑲᑭᓐᓃᑦ ᒥᒃᓵᓄᑦ ᑮᓇᐅᔭᓂ ᑐᓂᕐᕈᓯᐊᕐᓂᕐᒥᑦ ᐱᓕᕆᐊᑦ ᓇᓗᓇᐃᖅᓯᒍᑎᑦ ᐱᒻᒪᕆᐅᑎᑕᐅᓪᓗᑎᒃᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓕᓯᓯᒪᔪᑦ ᐃᑲᔪᖅᑐᐃᓂᕐᒥᑦ ᐱᖅᑯᓯᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᕆᐊᒃᑲᓐᓂᕈᑎᒃᓴᓄᑦ ᐱᕕᒃᓴᐅᑎᖦᖢᒋᑦ ᐃᓄᒻᒪᕆᖕᓄᑦ,” ᐅᖃᖅᑐᖅ ᑕᐅᑐᖏᑦ. “ᐅᓇ ᐱᓕᕆᐊᖅ ᑲᔪᓯᓯᒪᓂᖃᑦᑎᐊᖅᑐᐊᓗᒃ.”
“ᑲᔪᓯᑦᑎᐊᕐᓂᖏᑦ ᐃᓕᓐᓂᐊᖅᑐᖁᑎᑉᑕ ᑐᕌᖅᑐᒥᑦ ᓇᖕᒥᓂᖅ ᐊᒃᑐᖅᓯᓯᒪᔪᖅ ᓄᓇᕗᑦ ᓯᕗᓂᒃᓴᖓᓂᑦ, ᑕᐃᒪᐃᒻᒪᑦ ᒐᕙᒪᕗᑦ ᖁᕕᐊᓲᑎᖃᖅᓯᒪᕗᑦ ᐃᑲᔪᖅᑐᐃᓂᕐᒥᑦ ᐅᑯᓂᖓ ᑲᑭᓐᓃᑦ ᒥᒃᓵᓄᑦ ᑮᓇᐅᔭᓂ ᑐᓂᕐᕈᓯᐊᕐᓂᕐᒥᑦ ᐱᓕᕆᐊᓂᑦ,
” ᐅᖃᖅᑐᖅ ᓯᕗᓕᖅᑎ ᐋᕆᐊᒃ. “ᑯᕕᐊᓱᖃᑎᒋᕙᕗᑦ ᑕᒪᕐᒥᒃ ᑐᓂᔾᔪᓯᐊᖅᑐᑦ, ᐊᒻᒪᓗ ᐅᑭᐅᕆᓂᐊᖅᑕᓯ ᑕᑖᑦᑎᐊᖁᑉᓗᒍ ᐊᒥᓱᓂᑦ ᓄᑖᓂ ᐃᓕᓐᓂᐊᖅᑕᑦᓯᓐᓂᑦ ᐊᒻᒪᓗ ᐊᖅᑯᓵᕐᓂᐊᖅᑕᑉᓯᓐᓂᑦ.
ᑕᒪᓐᓇ ᐅᑭᐅᑉ ᑭᖑᓪᓕᖅᐹᕆᔮ ᐅᑯᐊ ᑲᑭᓐᓃᑦ ᒥᒃᓵᓄᑦ ᑮᓇᐅᔭᓂ ᑐᓂᕐᕈᓯᐊᕐᓂᕐᒥᑦ ᐱᓕᕆᐊᑦ ᐊᑐᐃᓐᓇᐅᑎᑕᐅᓂᐊᕐᓕᕐᓂᖏᓐᓄᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓇᒌᔪᑦ ᐅᑯᓂᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕆᐊᒃᑲᓐᓂᕐᓂᕐᒧᑦ ᑮᓇᐅᔭᓂᑦ ᑐᓂᓯᔾᔪᑎᓂᑦ ᐱᓕᕆᐊᒥᑦ, ᑐᓂᓯᕙᒃᑐᖅ ᐊᑐᐃᓐᓇᐅᑎᑦᑎᓂᕐᒥᑦ ᒪᕐᕉᖕᓄᑦ ᐃᓄᒻᒪᕇᖕᓄᑦ ᐃᓕᓴᖅᑏᖕᓄᑦ ᐅᓄᕐᓂᖃᖅᑐᖅ $5,000 ᐊᑐᓂᑦ ᑲᔪᓯᓂᐊᖅᑎᓪᓗᒋᑦ ᑐᒡᓕᐊᓂ −ᐃᓕᓐᓂᐊᕆᐊᖃᓐᓂᕈᑎᒃᓴᓄᑦ ᐃᓕᓴᕐᓗᑎᒃ ᐃᓄᐃᑦ ᐅᖃᐅᓯᖏᓐᓂᑦ.