ᑐᓴᕋᑦᓴᓕᕆᔩᑦ

ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᓄᑖᖑᖅᑎᑕᖏᑦ ᑐᓂᓯᒪᓂᖏᑦ ᐱᓕᕆᖃᑎᒌᒃᓂᒃᑯᑦ

ᐋᔩᖃᑎᒌᒃᓂᖅ ᓄᑖᑦ ᐱᓕᕆᖃᑎᒌᒃᓂᑦ ᐃᓚᒌᔪᑦ ᐅᑯᓂᖓ ᐃᖅᑲᓇᐃᔭᖃᑎᒌᑦ, ᐊᑎᓕᐅᖅᑕᐅᖃᐅᔪᑦ ᐅᑉᓗᒥ ᓯᕗᓕᖅᑎᑦ ᐄᕙ ᐋᕆᐊᒃᑯᒧᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ. ᐋᔩᖃᑎᒌᒃᓂᖅ ᐊᖏᔪᓂᑦ ᐃᓕᖓᑎᑦᑎᔪᑦ ᐱᓕᕆᖃᑎᒌᒃᓂᕐᒧᑦ ᐊᒃᑐᐊᖃᑎᒌᒃᓂᐅᔪᓂᑦ ᐃᒪᓐᓇ ᐊᐅᓪᓗᔾᔨᓗᑎᒃ ᓴᖏᓂᖅᓴᓂᑦ ᐃᓚᒌᒃᓂᒃᑯᑦ ᑲᑐᔾᔨᓗᑎᒃ ᒪᑯᓄᖓ ᐃᑲᔪᖅᑐᐃᓂᕐᒥᑦ ᓇᖕᒥᓂᖅᓱᑉᓂᑉᒧᑦ, ᖁᒡᕙᖅᑎᕐᓗᒋᑦ ᐃᓕᖓᔪᑦ ᖃᐅᑕᒫᖅᓯᐅᑎᑦ ᐃᓅᓇᓱᐊᕐᓂᖏᓐᓄᑦ ᐃᓄᐃᑦ, ᐊᒻᒪᓗ ᐱᓕᕆᖃᑎᒌᒃᓗᑎᒃ ᐊᑕᐅᑦᑎᒃᑯᑦ ᓴᖅᑭᑦᑎᓂᕐᒥᑦ ᐊᒻᒪᓗ ᓄᑖᖑᖅᑎᕐᓗᒋᑦ ᐊᑐᐊᒐᐃᑦ, ᐱᓕᕆᐊᑦ, ᐱᔨᑦᑎᖃᕈᑎᑦ, ᐊᒻᒪᓗ ᐱᖁᔭᐃᑦ ᒪᓕᒐᑦ

“ᐅᓇ ᐸᐃᑉᐹᖅ ᑕᑯᒃᓴᐅᑎᑦᑎᔪᖅ ᐊᖏᖃᑎᒌᒃᓯᒪᓂᒃᑯᑦ ᐱᓕᕆᖃᑎᒌᑦᑎᐊᕐᓂᕐᒥᑦ ᐊᑯᓐᓇᖏᓐᓂᑦ ᐅᑯᐊ ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ,” ᐅᖃᖅᑐᖅ ᓯᕗᓕᖅᑎ ᐄᕙ ᐋᕆᐊᒃ. “ᑕᑯᒃᓴᐅᑎᑦᑎᔪᖅ ᐅᕙᒍᑦ ᑕᒪᑦᑕ ᓄᑖᖑᖅᑐᖅ ᑐᓂᓯᒪᖃᑦᑕᐅᑎᓂᕗᑦ ᓴᖏᒃᑎᕐᓗᒋᑦ ᐱᓕᕆᖃᑎᒌᒃᓂᕗᑦ ᐊᑕᐅᑦᑎᒃᑯᑦ ᐃᒪᓐᓇᓗ ᐃᑲᔫᑎᐅᓗᑎᒃ ᓄᓇᕗᒻᒥᐅᓄᑦ ᐊᒻᒪᓗ ᒪᓕᒃᑕᐅᓗᑎᒃ ᒐᕙᒪᒃᑯᓐᓄᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦᑕ”.

“ᖁᕕᐊᓱᒻᒪᕆᒃᑐᖓ ᐱᓪᓗᒍ ᐱᓕᕆᖃᑎᒌᒃᓂᐅᓂᐊᖅᑐᑦ ᐊᖏᖃᑎᒌᒃᓂᒃᑯᑦ ᑕᒪᑦᓱᒧᖓ, ᐃᒪᓐᓇ ᓴᓂᐊᒍᑦ ᓴᖏᒃᑎᔾᔪᑕᐅᓂᐊᖅᑐᑦ 1999-ᒥ ᑲᖏᖅᑐᒑᐱᖕᒥ ᐊᖏᖃᑎᒌᒍᑕᐅᓚᐅᖅᑐᑦ ᐊᒻᒪᓗ 2004-ᒥ ᐃᖅᑲᓇᐃᔭᖃᑎᒌᑦ,” ᐅᖃᖅᑐᖅ ᑕᐅᑐᖏ. “ᐱᓕᕆᖃᑎᒌᒃᓂᖅ ᑕᒪᑦᓱᒧᖓ ᐋᔩᖃᑎᒌᒃᓂᖅ ᓯᕗᓪᓕᑎᓐᓂᐊᖅᑕᖏᑦ ᐅᑯᐊ ᐃᓱᒫᓘᑎᖏᑦ ᐅᑯᓄᖓ ᓄᓇᕗᑦ ᑐᓐᖓᕕᒃ ᑎᒥᖓᑦᑕ, ᐊᒻᒪᓗ ᖃᐅᔨᒪᔪᖓ ᑕᒪᓐᓇ ᓱᓕᔪᒃᑯᑦ ᐱᓕᕆᖃᑎᒌᒃᓂᐅᓂᐊᖅᑐᑦ ᑲᑐᔾᔨᓗᑎᒃ ᐱᐊᓂᒃᓯᔪᓐᓇᕐᒪᑕ ᐊᖏᓂᖅᓴᓂᑦ.”

ᐋᔩᖃᑎᒌᒃᓂᖅ ᑲᔪᓰᓐᓇᕐᓂᐊᖅᑐᖅ ᑐᓂᓯᒪᓂᕐᒥᑦ ᐅᑯᐊ ᓄᓇᕗᑦ ᒐᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᐋᖅᑭᒃᓯᒪᓂᐊᑦ ᐱᓕᕆᓗᑎᒃ ᐊᒻᒪᓗ ᐊᑐᓕᖅᑎᑦᑎᓗᑎᒃ ᐃᓂᓪᓚᐃᓂᒃᑯᑦ ᓇᓗᓇᐃᖅᓯᒪᔪᓂᑦ ᓯᕗᓪᓕᐅᑎᑕᐅᓂᐊᖅᑐᓄᑦ ᐃᒪᓐᓇᓗ ᐊᖅᑭᒃᐹᓪᓕᕈᑕᐅᓂᐊᖅᑐᓄᑦ ᐃᓅᓯᐅᔪᓂᑦ ᓄᓇᕗᒥ.

ᐸᐃᑉᐹᖅ ᑕᑯᔪᓐᓇᖅᑕᐃᑦ ᐅᕙᓂ www.gov.nu.ca or www.tunngavik.com .

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: