ᑐᓴᕋᑦᓴᓕᕆᔩᑦ

2012 News Archive

ᓄᓇᕗᑦ ᑐᙵᕕᒃᑯᑦ ᖁᕕᐊᒋᔭᖃᖅᐳᑦ ᓴᖅᑭᑕᐅᓂᖏᓐᓂ ᓄᓇᕗᒻᒥ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔩᑦ

(ᕕᕗᐊᕆ 22, 2012 – ᑕᓗᕐᔪᐊᖅ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᔭᐃᒥᓯ ᐃᑦᑐᓗᒃ ᐅᓪᓗᒥ ᖁᕕᐊᒋᔭᖃᖅᑲᐅᔪᖅ ᐱᓇᓱᐊᕐᓂᕆᔭᖏᓐᓂᒃ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ, ᓄᓇᕗᒻᒥ ᐸᕐᓇᐃᔩᑦ ᑲᒥᓴᓐ ᐊᒻᒪᓗ ᓄᓇᕗᒻᒥ ᓄᓇᓕᓕᕆᔩᑦ ᑲᑎᒪᔨᖏᑦ (ᐱᓗᐊᖅᑐᒥᒃ ᑭᒃᑯᓕᒫᓄᑦ ᒐᕙᒪᐅᔪᑦ) ᓴᖅᑮᓯᒪᓕᕐᓂᖏᓐᓄᑦ ᓄᓇᕗᒻᒥ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔨᐅᓂᐊᖅᑐᓂᒃ (NMC) ᐊᑖᓂ ᐃᓛᒃᑰᖓᑕ 15.4.1 ᑕᕝᕙᓂ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᐅᑉ.
“ᑕᕆᐅᑦ ᓄᓇᕗᒻᒥ ᐱᒻᒪᕆᐅᒻᒪᑕ ᓄᓇᕗᒻᒥᐅᓄᑦ ᑲᓇᑕᒥᐅᑕᓄᓪᓗ, ᐊᑐᐃᓐᓇᐅᑎᑦᓯᕙᓐᓂᖏᑦ ᓂᕿᒃᓴᒥᒃ, ᐊᓐᓄᕌᑦᓴᓂᒃ ᐊᒻᒪ ᐊᖏᕐᕋᒃᓴᒥᒃ ᐃᓄᓐᓄᑦ ᓯᕗᓕᕆᓚᐅᖅᑕᑎᓐᓄᓪᓗ ᐊᕐᕌᒍᒐᓴᒻᒪᕆᐊᓗᓐᓄᑦ,” ᐅᖃᖅᑐᖅ ᐃᑦᑐᓗᒃ. “ᓄᓇᕗᒻᒥ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔩᑦ ᐱᒻᒪᕆᐅᓂᐊᖅᐳᑦ ᐅᖃᐅᔾᔨᒋᐊᖅᑎᐅᓗᑎᒃ ᐃᓱᒪᒃᓴᖅᓯᐅᕈᑎᒃᓴᓂᒃ ᑐᓂᓯᕙᓪᓗᑎᒃ ᒐᕙᒪᐃᑦ ᑎᒥᖁᑎᖏᓐᓄᑦ, ᐱᓗᐊᖅᑐᒥᒃ ᖃᐅᔨᓴᕈᒪᕙᒃᑐᑦ ᐅᓄᖅᓯᕙᓪᓕᐊᖏᓐᓇᑎᓪᓗᒋᑦ, …

ᓄᓇᕗᑦ ᑐᓐᖓᕕᒃᑯᑦ ᖁᕕᐊᓲᑎᖃᖅᐳᑦ ᐃᓱᓕᒍᔾᔨᑕᐃᓐᓇᕐᓂᖏᓐᓂᒃ ᖁᑭᐅᑎᑯᑖᑦ ᑎᑎᕋᖅᑕᐅᓯᒪᒋᐊᖃᕐᓂᖏᓐᓄᑦ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᑐᒡᓕᐊ ᐊᖓᔪᖅᑳᑉ ᔭᐃᒻᔅ ᐃᑦᑐᓗᒃ ᐅᓪᓗᒥ ᑐᓐᖓᓱᒃᑎᑦᑎᔪᖅ ᐊᖏᕈᑕᐅᓂᖓᓂᒃ ᐱᖁᔭᒃᓴᖅ C-19, ᐃᓱᓕᑎᑦᓯᔪᖅ ᖁᑭᐅᑎᑯᑖᑦ ᑎᑎᖅᑕᐅᓯᒪᖃᖅᑕᕆᐊᖃᕐᓂᖏᓐᓄᑦ ᐱᖁᕐᒥᒃ, ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ.
“ᓄᓇᕗᑦ ᑐᓐᖓᕕᒃᑯᑦ ᐃᑲᔪᖅᓱᑦᓯᐊᖅᑐᑦ ᐊᑦᑕᕐᓇᖅᑐᖃᓐᖏᑦᑐᒥᒃ ᐊᑐᖅᑕᐅᒋᐊᖃᕐᓂᖏᓐᓂᒃ ᖁᑭᐅᑏᑦ ᑲᓇᑕᒥ, ᑭᓯᐊᓂ ᑖᓐᓇ ᖁᑭᐅᑎᓄᑦ ᐱᖁᔭᖅ ᐊᑐᓕᕋᑖᖅᑎᓪᓗᒋᑦ 1995, ᐊᒡᕕᐊᕈᑕᐅᓕᓚᐅᕐᒪᑦ ᐃᓄᐃᑦ ᐊᖑᓇᓱᒍᓐᓇᕐᓂᖏᓐᓄᑦ ᓂᕿᒃᓴᓂᒃ. ᑖᓐᓇ ᖁᑭᐅᑎᓄᑦ ᐱᖁᔭᖅ ᐃᓱᒪᒋᔭᖃᓚᐅᓐᖏᒻᒪᑦ ᖃᓄᖅ ᐃᓅᒐᓱᐊᒐᕆᐊᖃᕐᓂᕐᒥᒃ ᓄᓇᕗᒥ. ᖁᑭᐅᑏᑦ ᐱᑕᖃᕆᐊᖃᕐᒪᑕ ᐃᓄᖕᓄᑦ ᐊᑐᖅᑕᐅᓗᑎᒃ ᓂᕿᒃᓴᖅᓯᐅᕈᑕᐅᓗᑎᒃ ᖃᑕᓐᖑᑎᒥᓄᑦ.” ᐅᖃᓚᐅᖅᑐᖅ ᐃᑦᑐᓗᒃ.
ᒪᓕᒐᓕᐅᖅᑏᑦ ᓂᕈᐊᕈᑎᖃᓚᐅᖅᑐᑦ ᑖᑦᓱᒥᖓ ᐱᖁᔭᑦ C-19 ᐅᓐᓄᒃ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ. ᑖᓐᓇ ᐱᖁᔭᒃᓴᖅ ᐊᖏᖅᑕᐅᒡᒐᐃᓐᓇᓚᐅᖅᑐᖅ ᐃᖏᖅᑐᑦ 159 ᐊᖏᓐᖏᑦᑐᑦ 130 ᐃᓱᓕᑎᑦᓯᓪᓗᓂ ᖁᑭᐅᑎᑯᑖᑦ ᑎᑎᖅᑕᐅᓯᒪᖃᑦᑕᕆᐊᖃᕐᓂᖏᓐᓂᒃ. ᑖᓐᓇ ᐱᖁᔭᖅ ᑖᒃᑯᑎᒎᕆᐊᖃᓕᕐᒥᔪᑦ ᐃᑦᑐᐃᑦ …

ᑐᓐᖓᕕᒃᑯᑦ ᐱᖃᑕᐅᓂᐊᖅᑐᑦ ᐃᒪᕐᒥᐅᑕᓕᕆᔨᒃᑯᑦ ᐊᓪᓚᓐᖑᐊᓕᕆᓂᕐᒧᑦ ᑐᓴᕆᓱᐊᕐᓂᖏᓐᓄᑦ

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᔭᐃᒥᓯ ᐃᑦᑐᓗᒃ ᐅᓪᓗᒥ ᐅᖃᖅᑲᐅᔪᖅ ᑐᓐᖓᕕᒃᑯᑦ ᓄᓇᓕᖕᓂᒃ ᑐᓴᕆᐊᕐᕕᖃᖃᑎᖃᕐᓂᐊᓂᕐᒧᑦ ᐃᒪᕐᒥᐅᑕᓕᕆᔨᒃᑯᑦ ᐊᖏᔪᖅᑲᐅᑎᖏᓐᓂᒃ ᑐᓴᕆᐊᕈᑎᖃᕐᓗᑎᒃ ᑎᑎᕋᕆᐊᓐᖓᐅᑎᓕᐊᖑᓯᒪᔪᓂᒃ ᑲᑎᑕᐅᓯᒪᔪᓂᒃ ᐃᖃᓗᓕᕆᓂᕐᒧᑦ ᐸᕐᓇᐅᑎᓂᒃ ᐊᓪᓚᓐᖑᐊᓄᑦ, ᐅᖃᖃᑎᒌᒍᑎᖃᕐᓗᑎᒃ ᐊᓪᓚᖑᐊᖅᑕᐅᔪᓐᓇᖅᑐᓂᒃ.

ᑎᑎᕋᕆᐊᓐᖓᐅᑎᓕᐊᖑᓯᒪᔪᖅ ᐸᕐᓇᐅᑦ ᑖᒃᑯᓇᓐᖔᖅᓯᒪᔪᑦ ᐱᖓᓱᓂᒃ ᑲᑎᒪᓂᐅᖃᑦᑕᓚᐅᖅᑐᓂᒃ ᐊᕐᕌᓂ ᐊᐅᓚᑦᓯᔨᐅᔪᓂᒃ ᑲᑐᔾᔨᖃᑎᒌᑦᑐᓂᒃ ᖃᓄᖅᑑᑲᓐᓂᓂᕐᒧᑦ ᐋᖅᑭᒋᐊᖅᓯᓇᓱᐊᖅᑐᓂᒃ ᑐᓐᖓᕕᒃᑯᑦ ᐃᖅᑲᖅᑐᐃᕕᒃᑰᑎᑦᓯᓇᓱᐊᕐᓂᕆᓚᐅᖅᑕᖓᓄᑦ ᐃᒪᕐᒥᑕᐅᓕᕆᔨᒃᑯᓐᓂᒃ, ᐃᒪᕐᒥᐅᑕᓕᕆᔨᒃᑯᑦ ᓄᖅᑲᑎᑦᓯᓚᐅᖅᑎᓪᓗᒋᑦ ᓯᓚᕐᔪᐊᒥ ᓂᐅᕐᕈᑕᐅᒍᓐᓇᕐᓂᖏᓐᓄᑦ ᐊᓪᓚᓐᖑᐊᓄᑦ ᑑᒑᑦ ᑐᓴᕆᐊᕐᕕᖃᓚᐅᓐᖏᓯᐊᖅᑐᑎᒃ ᐃᓄᖕᓂᒃ. ᑐᓐᖓᕕᒃᑯᑦ ᓄᖅᑲᑎᑦᓯᓕᓚᐅᖅᑐᑦ ᐃᖅᑲᖅᑐᐃᕕᒻᒨᑎᑦᓯᓇᓱᐊᕈᑎᒥᓂᒃ ᔫᓂ, 2011, ᐃᒪᕐᒥᐅᑕᓕᕆᔨᒃᑯᑦ ᐊᖏᓚᐅᖅᑎᓪᓗᒋᑦ ᑐᓴᕆᐊᖃᑕᐅᓂᐊᕐᓂᕐᒧᑦ ᐃᓄᖕᓂᒃ ᐃᓱᒪᓕᐅᕈᑕᐅᔪᓄᑦ ᐊᓪᓚᓐᖑᐊᕈᓐᓇᓂᕐᒥᒃ ᓂᐅᕐᕈᑎᖃᕐᓂᕐᒧᓪᓗ.

ᐊᐅᓚᑦᓯᔾᔪᑎᓄᑦ ᐸᕐᓇᐅᑎᓂ, ᐃᒪᕐᒥᐅᑕᓕᕆᔨᒃᑯᑦ ᐸᕐᓇᓯᒪᔪᑦ ᓴᖅᑭᑎᑦᓯᓂᐊᕐᓂᕐᒥᒃ ᑐᑭᓯᑎᑦᓯᒋᐊᕈᑎᓂᒃ ᓄᑖᓂᒃ ᐊᐅᓚᑦᓯᔾᔪᑎᓄᑦ ᐋᖅᑭᐅᒪᔾᔪᑎᒃᓴᓂᒃ ᐱᓯᒪᔪᓂᒃ ᐊᐅᔭᖅᓯᐅᕆᐊᖅᑐᕐᕕᒋᕙᑦᑕᖏᓐᓂᒃ ᐊᓪᓚᓐᖑᐊᑦ. ᐊᐅᔭᖅᓯᐅᕆᐊᖅᑐᕐᕕᒋᕙᑦᑕᖏᓐᓂᒃ ᐊᓪᓚᓐᖑᐊᑦ ᐊᑐᖅᑕᐅᒍᑎᒋᓕᓚᐅᖅᑕᖓ ᓴᖅᑭᑎᑦᓯᒍᑎᒃᓴᐅᖁᓪᓗᒍ …

ᑐᓐᖓᕕᒃᑯᑦ ᐃᖅᑲᖅᑐᐃᕕᖕᒦᖃᑎᓖᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᓇᐃᓈᖅᓯᒪᔪᒥᒃ ᐃᖅᑲᑐᖅᑕᐅᔾᔪᑎᒧᑦ ᐋᖅᑭᒋᐊᕈᑎᒧᑦ


ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᐅᖃᖅᑲᐅᔪᖅ ᒪᓕᒐᕐᓂᐊᖅᑎᖓ ᑲᑐᔾᔨᖃᑎᒌᑦ ᓴᖅᑭᓚᐅᕐᓂᖓᓂᒃ ᓄᓇᕗᑦ ᐃᖅᑲᖅᑐᐃᕕᔾᔪᐊᖓᓂ ᕕᑉᕗᐊᓕ 13-14 ᐊᐃᕙᔾᔪᑎᖃᖅᑐᓂ ᓇᐃᓈᖅᓯᒪᔪᒥᒃ ᐃᖅᑲᑐᖅᑕᐅᑎᑦᓯᔾᔪᑎᒧᑦ ᐋᖅᑭᒋᐊᕈᑎᒃᓴᒥᒃ ᑐᓂᔭᐅᖁᓪᓗᒋᑦ ᑐᓐᖓᕕᒃᑯᑦ ᐊᑕᐅᓯᕐᒨᖓᔪᒧᑦ ᐊᑐᓕᖅᑎᑕᐅᒋᐊᖃᖅᓯᒪᓂᖏᓐᓄᑦ ᓵᑦᓯᓯᒪᒍᑎᖃᕐᓂᖅ ᐃᖅᑲᖅᑐᐃᕕᖕᒥ ᑲᓇᑕᐅᑉ ᒐᕙᒪᒃᑯᖏᓐᓄᑦ. ᑐᓴᕋᓱᐊᓚᐅᖅᑎᓪᓗᖏᑦ ᐊᐃᕙᔾᔪᑕᐅᔪᒧᑦ, ᐃᖅᑲᖅᑐᐃᕕᒃ ᐃᓱᒪᒃᓴᖅᓯᐅᕈᑎᖃᓕᖅᑐᖅ ᒫᓐᓇ ᑐᓐᖓᕕᒃᑯᑦ ᑐᒃᓯᕋᐅᑎᖓᓂᒃ ᐊᒻᒪᓗ ᓂᕆᐅᓇᖅᑐᖅ ᓴᖅᑮᓚᕆᐊᖓ ᐃᓱᒪᓕᐅᕈᑎᒥᓂᒃ ᒫᓐᓇᒫᖑᓂᖅᓴᒃᑯᑦ.
ᓇᐃᓈᖅᓯᒪᔪᒥᒃ ᐃᖅᑲᑐᖅᑕᐅᔾᔪᑎᒧᑦ ᐋᖅᑭᒋᐊᕈᑎᒃᓴᒥᒃ ᑐᒃᓯᕋᐅᑎᖓ ᓇᓗᓇᐃᖅᑕᐅᓚᐅᖅᑐᖅ ᑲᓇᑕᐅᑉ ᒐᕙᒪᒃᑯᖏᑦ ᑲᔪᓯᑎᑦᓯᓚᐅᖅᓯᒪᓐᖏᓐᓂᖏᓐᓄᑦ ᐊᕐᕌᒎᓚᐅᖅᑐᓂᒃ 18-ᓂ ᓄᓇᕗᑦ ᖃᐅᔨᓴᕐᓂᕐᒧᑦ ᐸᕐᓇᐅᑎᖏᓐᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍᑦ ᐃᓛᒃᑯᑦ 12.7.6. ᑐᒃᓯᕋᐅᑎᖓ ᑖᒃᑯᓇᓐᖔᖅᑐᖅ ᑐᓐᖓᕕᒃᑯᑦ ᐃᖅᑲᖅᑐᐃᕕᒻᒦᑎᑦᓯᒍᑎᖏᓐᓂᒃ ᐊᖏᓂᖅᓴᐅᔪᒥᒃ ᑯᐃᓐ ᑭᒡᒐᑐᖅᑎᖏᓐᓂᒃ ᑲᔪᓯᑎᑦᓯᓯᒪᓐᖏᓐᓂᖏᓐᓄᑦ ᐱᓇᓱᐊᕆᐊᖃᖅᓯᒪᔭᒥᓂᒃ ᓄᓇᑖᕐᓂᕐᒧᑦ ᐊᖏᕈᑎᓂᒃ. ᓇᐃᓈᖅᓯᒪᔪᒥᒃ ᐃᖅᑲᑐᖅᑕᐅᔾᔪᑎᒧᑦ ᐋᖅᑭᒋᐊᕈᑎᒃᓴᓯᐅᕐᓂᖅ …

ᓄᓇᕗᑦ ᑐᓐᖓᕕᒃ ᕿᑦᓵᕈᑎᖃᖅᐳᑦ ᐃᓅᒍᓐᓃᕐᓂᖏᓐᓂᒃ ᐹᑉ ᐅᐃᓕᐊᒻᓴᓐ ᐊᒻᒪᓗ ᔮᓐ ᓯᐱᐅᕆ

(ᕕᑉᕗᐊᓕ 13, 2012 – ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᓈᒃᑭᒍᓱᖕᓂᕐᒥᓂᒃ ᐃᓚᓐᖓᖅᑐᓂᒃ ᐅᐃᓕᐊᒻᓴᓐ ᐊᒻᒪᓗ ᓯᐱᐅᕆ ᐃᓚᒌᓂᒃ. ᐹᑉ ᐅᐃᓕᐊᒻᓴᓐ ᐊᒻᒪᓗ ᔮᓐ ᓯᐱᐅᕆ ᐃᓅᒍᓐᓃᖅᒥᓂᐅᓚᐅᖅᑎᓪᓗᒋᒃ ᐱᓇᓱᐊᕈᓯᐅᖅᑲᐅᔫᑉ ᓄᓐᖑᐊᓂ.

“ᐃᓱᒪᒋᕙᕗᑦ ᑐᒃᓯᐅᑎᕙᕗᓪᓗ ᑕᒪᒃᑮᒃ ᐃᓚᒌᑦ ᒫᓐᓇ ᕿᑦᓵᓇᖅᑐᒦᑎᓪᓗᑕ,” ᑳᑎ ᐅᖃᖅᑲᐅᔪᖅ. “ᓄᓇᕗᒻᒥᐅᑦ ᐃᓚᓐᖓᐅᑎᖏᒃ ᒪᕐᕉᒃ ᖃᐅᔨᒪᔭᐅᒻᒪᕆᓚᐅᖅᑑᒃ ᐊᖑᑏᒃ ᐱᓕᕆᐊᒥᒍᑦ ᐱᖕᒪᕆᐅᔪᓂᒃ ᐃᑲᔪᖃᑦᑕᓚᐅᕐᓂᖏᓐᓄᑦ ᓄᓇᕗᑦ ᐱᕙᓪᓕᐊᓂᖓᓂ ᐱᓕᕆᐊᒥᒍᑦ ᐊᔾᔨᐅᖏᑦᑐᒃᑯᑦ. ᓱᓕᔪᒥᒃ ᐱᖃᓐᓇᕆᔭᐅᓚᐅᖅᑑᒃ ᐃᓄᖕᓄᑦ ᐊᒻᒪᓗ ᐊᖏᖅᓯᒪᑦᓯᐊᕐᓂᖏᑦ ᑐᓂᓯᒪᑦᓯᐊᕐᓂᖏᓪᓗ ᐱᕕᐊᕐᓇᑐᒻᒪᕆᐅᓚᐅᖅᑑᒃ. ᐹᑉ ᐊᒻᒪᓗ ᔮᓐ ᑕᒪᒃᑮᒃ ᓄᓇᕗᒻᒥᐅᑕᐅᖃᑦᑕᖅᓯᒪᔫᒃ ᐅᑭᐅᕋᓴᓐᓂᒃ ᐊᒻᒪᓗ ᐃᓚᓐᖓᐅᑕᐅᓂᖏᑎᒍᑦ ᑭᖑᓂᖃᓈᕆᔭᐅᒻᒪᕆᓐᓂᐊᖅᑑᒃ ᐃᓚᖏᓐᓄᑦ ᐊᒻᒪᓗ ᐆᒻᒪᑎᖏᓐᓂ ᐃᓄᐃᑦ.”

ᓄᓇᕗᑦ ᑐᙵᕕᒃᑯᑦ ᓇᓗᓇᐃᖅᓯᕗᑦ ᓄᓇᓖᑦ ᐳᓚᕋᑦᑕᐅᓂᐊᕐᒪᑕ ᐃᖕᒥᒃᑰᖅᑐᒥᒃ ᖃᐅᔨᓴᖅᑕᐅᕙᓪᓕᐊᓂᕐᒧᑦ

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᓇᓗᓇᐅᖅᓯᔪᖅ ᐅᓪᓗᒥ ᖁᕕᐊᓱᖕᒪᑕ ᐊᓪᒪᐃᑦ ᐃᓕᓐᓂᐊᕐᕕᖏᓐᓄᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐊᐃᕙᔨᖏᑕ ᑎᑎᕋᖅᑎᖓ ᐳᓚᕋᓐᓂᐊᕐᒪᑦ ᓄᓇᕗᑦ ᓄᓇᓕᖁᑎᖏᓐᓄᑦ ᑐᑭᓯᒋᐊᖅᑎᑦᓯᑲᓂᕐᓂᕐᒧᑦ ᑲᑎᒪᑎᑦᓯᖃᑦᑕᓂᐊᕐᒪᑕ ᑖᒃᓱᒧᖓ ᐃᖕᒥᒃᑰᖅᑐᒥᒃ ᖃᐅᔨᓴᖅᑕᐅᕙᓪᓕᐊᓂᕐᒧᑦ.

ᐊᐃᕙᔨᖏᑕ ᑎᑎᖃᖅᑎᖓ ᐃᖕᒥᒃᑯᑦ ᑎᒥᐅᔪᖅ ᓴᖅᑭᑕᐅᓚᐅᑐᖅ ᑲᓇᑕᐅᑉ ᒐᕙᒪᒃᑯᖏᓐᓂ ᐊᑐᓕᖅᑎᑦᓯᔨᐅᓂᐊᕐᓗᓂ ᐊᐅᓚᑦᓯᓗᓂᓗ IAP-ᒥᒃ. ᓄᓇᕗᑦ ᑐᙵᕕᒃᑯᑦ ᑲᑐᔾᔨᖃᑎᖃᖅᖢᑎᒃ ᑎᑎᕋᖅᑎᒥᒃ ᐸᕐᓇᖃᑎᖃᖅᖢᑎᒃ ᐊᑐᐃᓐᓇᕈᐃᓪᓗᑎᒡᓗ ᑐᑭᓯᐅᒪᔾᔪᑎᒃᓴᓂᒃ. ᐃᖅᑲᓇᐅᔭᖅᑏᑦ ᐳᓚᕋᓐᓂᐊᖅᑐᑦ ᓄᓇᓕᐅᔪᓄᑦ ᐊᑐᐃᓐᓇᐅᑎᑦᓯᔭᖅᑐᕐᓗᑎᒃ ᑐᑭᓯᐅᒪᔾᔪᑎᒃᓴᓂᒃ ᑖᒃᓱᒧᖓ IAP-ᒧᑦ. ᐃᖅᑲᓇᐅᔭᖅᑏᑦ ᐃᑲᔪᕆᐊᖃᖅᑎᑕᐅᖏᒃᑐᑦ IAP-ᒧᑦ ᑕᒃᓯᕋᐅᑎᓕᐅᖅᑐᓂᒃ ᐅᕝᕙᓘᓐᓃᑦ ᒪᓕᒐᑎᒍᑦ ᐅᖃᐅᔾᔨᒋᐊᕐᓂᕐᒥᒃ.

ᐃᓗᐊᓂ ᐊᓪᓚᐃᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐊᑭᓕᖅᑕᐅᓂᕐᒧᑦ ᐊᖏᕈᑎᖓᓂ, ᑖᓐᓇ IAP ᐊᑐᐃᓐᓇᐅᑎᑦᓯᔪᖅ ᐊᑭᓕᖅᑕᐅᔾᔪᑎᒃᓴᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐋᓐᓂᑎᖅᑕᐅᕙᓚᐅᖅᑐᓄᑦ ᐊᒻᒪ ᖁᓄᔪᕐᓂᐊᖅᑕᐅᖃᑦᑕᖅᓯᒪᔪᓄᑦ.

ᐃᓱᓕᒡᕕᒃᓴᖃᕐᑐᖅ ᑐᒃᓯᕋᐅᑎᓕᐅᕐᓂᖅ …

ᑐᓐᖓᕕᒃᑯᑦ ᐃᑲᔪᖅᓱᐃᔪᑦ ᒐᕙᒪᑐᖃᒃᑯᑦ ᓇᑦᓯᕐᓄᑦ ᐅᓪᓗᖃᖅᑎᑦᓯᓂᖓᓂᒃ ᐱᖁᔭᓕᐅᕐᕕᔾᔪᐊᖅ ᖃᖅᑲᖓᓂ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᑐᓴᒐᑦᓴᓐᖑᖅᑎᑦᓯᖅᑲᐅᔪᖅ ᑐᓐᖓᕕᒃᑯᑦ ᐃᑲᔪᖅᓱᐃᓂᖏᓐᓂᒃ ᐃᓘᓐᓈᒍᑦ ᐃᒪᕐᒥᐅᑕᓕᕆᔨᒃᑯᑦ ᓇᑦᓯᕐᓄᑦ ᐅᓪᓗᖃᖅᑎᑦᓯᓂᖏᓐᓂᒃ ᐱᖁᔭᓕᐅᕐᕕᔾᔪᐊᖅ ᖃᖅᑲᖓᓂ, ᓴᖅᑭᐅᒪᑎᑕᐅᓂᐊᖅᑐᒥᒃ ᐅᓪᓗᒥ ᐋᑐᕚᒥ.

ᓇᓪᓕᐅᓂᖅᓯᐅᕐᓂᖅ ᐸᕐᓇᑕᐅᓯᒪᔪᖅ ᐃᒪᕐᒥᐅᑕᓕᕆᔨᒃᑯᓐᓂᒃ ᖃᐅᔨᔭᐅᑎᑦᓯᒋᐊᖅᑐᑎᒃ ᒐᕙᒪᑐᖃᒃᑯᑦ ᐃᑲᔪᓱᐃᖏᓐᓇᕐᓂᖏᓐᓂ ᑲᓇᑕᒥ ᓇᑦᓯᓕᕆᓂᕐᒨᖓᔪᓂᒃ ᓴᓇᕕᔾᔪᐊᓂ. ᐊᖏᔪᖅᑲᐅᑏᑦ ᑲᓇᑕᓕᒫᒥᒃ ᐱᓯᒪᔪᑦ, ᐃᓚᒋᔭᐅᓪᓗᓂ ᓄᓇᕗᑦ, ᓇᓪᓕᐅᓂᖅᓯᐅᓂᕐᒨᕈᒫᕐᓂᐊᖅᑐᑦ ᐃᓚᖃᕐᓗᑎᒃ ᐃᒪᕐᒥᐅᑕᓕᕆᔨᒃᑯᑦ ᒥᓂᔅᑕᖓᓂᒃ ᑮᑦ ᐋᔅᕕᐅᑦ ᐊᒻᒪᓗ ᓄᓇᕗᒻᒥ ᑭᒡᒐᖅᑐᐃᔪᒥᒃ ᓕᐅᓇ ᐊᒡᓘᒃᑲᖅ. ᒪᓕᒐᓕᐅᖅᑎᕐᔪᐊᓕᒫᑦ ᑲᓇᑕᒥ ᑲᑎᒪᕕᔾᔪᐊᒥ ᑐᓂᔭᐅᓂᐊᖅᑐᑦ ᕿᓯᒐᔭᕋᓛᒥᒃ ᑲᑭᖅᑯᐊᓕᐊᕆᓯᒪᔪᒥᒃ ᓄᓇᕗᒻᒦᖔᖅᑐᒥᒃ ᐅᓪᓗᒥ.

“ᐱᖕᒪᕆᐅᔪᑦ ᑕᒪᒃᑯᐊ ᓇᓪᓕᐅᓂᖅᓯᐅᕐᓂᐅᕙᑦᑐᑦ ᐃᑲᔫᑎᖃᖅᑐᑦ ᖃᐅᔨᑎᑦᓯᒋᐊᒃᑲᓐᓂᕈᑕᐅᓪᓗᑎᒃ ᐊᒻᒪᓗ ᐊᖏᓪᓕᕙᓪᓕᐊᒍᑕᐅᓪᓗᑎᒃ ᖃᐅᔨᒪᐅᒋᐊᒃᑲᓐᓂᕈᑎᒃᓴᖏᓐᓂᒃ ᑲᓇᑕᒥᐅᓕᒫᓄᑦ ᑲᓇᑕᒥ ᐱᖕᒪᕆᐅᓂᖓ ᓇᑦᓯᓕᕆᓂᕐᒨᖓᔪᓄᑦ ᓴᓇᕝᕕᔾᔪᐊᓄᑦ,” ᐅᖃᖅᑲᐅᔪᖅ ᑕᐅᑐᓐᖏ. “ᑲᓇᑕᒥᐅᓕᒫᑦ ᐅᐱᒍᓱᑦᓯᐊᕆᐊᓖᑦ ᒪᑭᒪᔾᔪᑎᒃᓴᑦᓯᐊᕙᖕᒥᒃ, …

ᑐᓐᖓᕕᒃᑯᑦ ᖁᕕᐊᒃᑯᔾᔨᔪᑦ ᐊᑯᑭᑦᑐᑦ ᖃᖓᑕᓲᖏᑕ ᑐᓴᖅᑎᑦᓯᐅᑎᖏᓐᓂᒃ ᐃᖃᓗᐃᑦ ᐊᒻᒪᓗ ᓅᒃ, ᐊᑯᑭᑦᑐᑦ ᖃᖓᑕᓲᖅᑕᐅᖃᑦᑕᕐᓂᐊᓕᕐᓂᖏᓐᓂᒃ

(ᔭᓐᓄᐊᓕ 23, 2012 – ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᖁᕕᐊᒃᑯᔾᔨᔪᖅ ᐊᑯᑭᑦᑐᑦ ᖃᖓᑕᓲᖏᑕ ᑐᓴᖅᑎᑦᓯᐅᑎᒋᖅᑲᐅᔭᖓᓄᑦ ᒪᑐᐃᖅᓯᓂᐊᕐᓂᕐᒥᒃ ᖃᖓᑕᓲᖅᑕᐅᖃᑦᑕᕐᓂᐊᓕᕐᓂᖏᓐᓂᒃ ᓅᒃ, ᐊᑯᑭᑦᑐᖅ ᐊᒻᒪᓗ ᐃᖃᓗᐃᑦ.
“ᐃᓄᐃᑦ ᐅᑭᐅᖅᑕᖅᑐᒦᒃᑑᒃ ᐊᑯᓂᐊᓗᒃ ᑲᓲᒻᒪᑎᒃᓴᒥᓂᒃ ᐱᔪᒪᖃᑦᑕᖅᓯᒪᒻᒪᑎᒃ ᖃᖓᑕᓲᒃᑯᑦ. ᐅᖃᐅᓯᐅᖅᑲᐅᔪᖅ ᖁᕕᐊᓲᑕᐅᒻᒪᕆᖅᑲᐅᔪᖅ ᑐᓴᖅᑎᑦᓯᔾᔪᑕᐅᒻᒪᑦ ᐅᓄᖅᑐᓄᑦ ᐃᓚᒌᓄᑦ ᓄᓇᕗᒥ, ᑕᐃᑲᓐᖓᓂᐊᓗᒃ ᑲᓲᒻᒪᑎᖃᑦᑕᖅᓯᒪᓂᑰᑎᓪᓗᒋᒃ ᐆᒪᔪᓂᒃ ᒪᓕᖃᑦᑕᕐᓂᖏᓐᓂ ᓯᕗᓕᕕᓂᖏᑦ,” ᐅᖃᖅᑲᐅᔪᖅ ᑕᐅᑐᓐᖏ. “ᐃᓄᐃᑦ ᖃᐅᔨᒃᑲᓐᓂᖃᑦᑕᕈᓐᓇᕐᓂᐊᓕᖅᑐᑦ, ᑲᓲᒪᐅᑎᕙᓪᓗᑎᒃ ᒥᓇᕋᐅᑎᓗᑎᒃ, ᐊᒻᒪᓗ ᐆᒻᒪᑎᑦᓯᒋᐊᒃᑲᓂᕐᓗᑎᒃ ᐃᓕᖅᑯᓯᖃᖃᑎᒌᐸᓗᓐᓂᕐᒥᒍᑦ, ᐊᒻᒪᓗ ᐱᕙᓪᓕᐊᑎᑦᓯᓗᑎᒃ ᐱᖅᑯᓯᕐᒥᒍᑦ ᐊᒻᒪᓗ ᐅᓪᓗᒥᓯᐅᑎᑎᒍᑦ ᒪᑭᒪᔾᔪᑎᓂᒃ.”
ᐊᑯᑭᑦᑐᑦ ᖃᖓᑕᓲᖏᑦ ᐸᕐᓇᓯᒪᔪᑦ ᖃᖓᑕᖃᑦᑕᓛᕐᓂᐊᓂᕐᒥᓂᒃ ᐃᖃᓗᐃᑦ ᐊᒻᒪᓗ ᓅᒃ ᐅᑎᖅᑕᕐᓗᑎᒃ ᓇᒡᒐᔾᔭᐅᑕᒫᑦ ᐊᒻᒪᓗ ᑕᓪᓕᕐᒥᑕᒫᑦ, ᔫᓂ 18-ᒥᒃ ᓯᑉᑎᒻᕙ 3-ᒧᓄᑦ.

(English) Applied Suicide Intervention Skills Training (ASIST)

Applied Suicide Intervention Skills Training (ASIST)
Iqaluit – February 22/23, 2012

The ASIST workshop is for anyone who wants to feel more comfortable, confident and competent in helping to prevent the immediate risk of suicide. Over one million people around the world have participated in this two-day, highly interactive, practical, practice-oriented workshop.
Participation in the full two days is required. Enjoy small group discussions and skills practice that are based upon adult learning principles. Experience powerful videos on suicide intervention. Feel challenged and safe. Learn suicide first aid.

ᑐᓐᖓᕕᒃᑯᑦ ᓄᐊᑦᓯᔪᑦ ᐃᓕᓐᓂᐊᖅᑎᐅᓚᐅᖅᑐᑦ ᐊᑎᖏᓐᓂᒃ ᑭᕙᓪᓕᖅ Hᐊᓪᒥ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᑐᓴᒐᑦᓴᓐᖑᖅᑎᑦᓯᖅᑲᐅᔪᖅ ᑐᓐᖓᕕᒃᑯᑦ ᓄᐊᑦᓯᓂᖏᓐᓂᒃ ᐃᓕᓐᓂᐊᖅᑎᐅᓚᐅᖅᑐᑦ ᐊᑎᖏᓐᓂᒃ ᑭᕙᓪᓕᖅ Hᐊᒥᐅᖑᓚᐅᖅᑐᑦ ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᖅᑎᐅᓪᓗᑎᒃ ᑲᖏᕐᖠᓂᕐᒥ 1980-ᖏᓐᓂ.

ᑐᓐᖓᕕᒃᑯᑦ ᓄᐊᑦᓯᔪᑦ ᑐᓴᐅᒪᔾᔪᑎᒃᓴᓂᒃ ᐃᑲᔫᑎᒃᓴᓂᒃ ᐃᖅᑲᖅᑐᐃᕕᒃᑯᑦ ᓵᓐᖓᑦᓯᒍᑎᒃᓴᓂᒃ ᑲᑐᔾᔨᖃᑎᒌᑦ ᓄᐊᑉᐸᓪᓕᐊᔭᖏᓐᓂᒃ ᑭᕙᓪᓕᖅ Hᐊᓪ ᐃᓚᓕᐅᔾᔭᐅᖁᓪᓗᒍ ᐊᓪᓚᐃᑦ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᒥᓃᑦ ᐊᑭᓕᖅᑕᐅᔾᔪᑎᖏᓐᓄᑦ ᐊᖏᖃᑎᒌᒍᑎᒃᑯᑦ ᑎᑎᕋᖅᑕᐅᓯᒪᔪᓄᑦ ᐃᓕᓐᓂᐊᕕᖕᓄᑦ ᐃᓕᓐᓂᐊᖅᑎᒥᓃᑦ ᐱᖃᑕᐅᔪᓐᓇᖁᓪᓗᒋᑦ ᐊᑭᓕᐅᑕᐅᕙᑦᑐᒥᒃ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᒥᓂᕐᓄᑦ ᐊᒻᒪᓗ ᐃᓛᒃᑯᑦ ᐊᑭᓖᑎᑦᓯᓇᓱᐊᕈᑎᓄᑦ ᖃᐅᔨᓴᖅᑎᑦᓯᓂᒃᑯᑦ.

ᑐᓐᖓᕕᒃᑯᑦ ᐃᖅᑲᖅᑐᐃᕕᒃᑰᑎᑦᓯᒍᑎᒃᓴᓂᒃ ᑐᒃᓯᕋᐅᓯᐅᓚᐅᖅᑐᑦ ᑐᑭᒧᐊᒍᑎᒃᓴᓂᒃ ᓄᓇᕗᒻᒥ ᐃᖅᑲᖅᑐᐃᕕᒃᑯᓐᓂᒃ ᐅᑭᐊᑦᓵᖓᓂ 2011 ᐊᐱᖅᑯᑎᒃᓴᓂᒃ ᐃᖅᑲᖅᑐᐃᕕᖕᒧᑦ ᖃᐅᔨᓇᓱᐊᕈᑎᒃᓴᓂᒃ ᑭᕙᓪᓕᖅ Hᐊᓪ ᐃᓚᓕᐅᔾᔭᐅᔭᕆᐊᖃᕐᒪᖔᖅ ᑎᑎᕋᖅᑕᐅᓯᒪᔪᓄᑦ ᐃᓕᓐᓂᐊᕕᖕᓄᑦ. ᑭᕙᓪᓕᖅ Hᐊᓪ ᒫᓐᓇ ᑎᑎᕋᖅᑕᐅᓯᒪᖃᑕᐅᓐᖏᑦᑐᖅ, ᑐᑦᓯᕌᕆᔭᐅᖃᑦᑕᖅᓯᒪᒐᓗᐊᖅᑎᓪᓗᒍ ᐃᓕᓐᓂᐊᖅᑎᐅᖃᑦᑕᐅᓚᐅᖅᑐᓂᒃ ᐃᓚᓕᐅᔾᔭᐅᖁᔭᐅᓪᓗᓂ ᑎᑎᕋᖅᓯᒪᔪᓄᑦ. ᑐᓐᖓᕕᒃᑯᑦ ᐊᔪᐃᓐᓇᕆᐊᖅᑐᑦ ᐃᓱᒪᓕᐅᕈᑕᐅᓚᐅᖅᑐᖅ …