ᑐᙵᕕᒃᑯᑦ ᓇᓗᓇᐃᖅᓯᔪᑦ ᔫᓯ ᐊᒪᐅᔭᖅ ᑯᓱᒐᐅᑉ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᑎᐊᖅᑐᓄᑦ ᐃᑲᔫᑎᑖᖃᑦᑕᕈᑎᒃᓴᓂᒃ

ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᓪᓗᒥ ᓇᓗᓇᐃᖅᓯᔪᖅ ᓴᖅᑮᓂᐊᕐᓂᖏᓐᓂᒃ ᔫᓯ ᐊᒪᐅᔭᖅ ᑯᓱᒐᐅᑉ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᖅᑎᐊᖅᑐᓄᑦ ᐃᑲᔫᑎᑖᖃᑦᑕᕈᑎᒃᓴᓂᒃ. ᔫᓯ ᐃᓅᔪᓐᓃᓚᐅᑐᖅ ᐋᓐᓂᐊᖃᕐᓂᕐᒧᑦ ᑳᓐᓱᕐᒥᒃ. ᖃᐅᔨᒪᔭᐅᓚᐅᑐᖅ ᓯᓚᕐᔪᐊᓕᒫᒥ ᐊᒻᒪ ᓇᒡᓕᒋᔭᕗᑦ ᐃᓄᓐᓄᑦ ᓯᕗᓕᖅᑎ.
“ᔫᓯ ᑯᓱᒐᖅ ᐃᓅᓯᕐᒥᓂᒃ ᑐᓂᓯᓯᒪᓚᐅᑐᖅ ᓄᓇᕗᒻᒧᑦ. ᐊᒃᓱᕈᐊᕆᓪᓗᒍ ᐱᓕᕆᓯᒪᔪᖅ ᐃᓄᒃᑎᑐᑦ ᐅᖃᐅᓯᕐᒥᒃ, ᑐᓴᐅᒪᖃᑦᑕᐅᑎᓂᕐᒥᒃ, ᐊᒻᒪ ᐃᓕᓐᓂᐊᕐᓂᒃᑯᑦ ᐃᓄᐃᑦ ᐊᒥᓱᑎᒍᑦ ᐊᒡᓗᕆᐊᕈᑎᒋᓯᒪᒻᒪᒋᑦ. ᓇᓗᓇᐃᖅᓯᓂᒃᑯᑦ ᑖᒃᓱᒥ ᐃᓕᓐᓂᐊᑎᐊᖅᑐᓄᑦ ᐃᑲᔫᑎᑖᖃᑦᑕᕈᑎᒃᓴᒥᒃ, ᑐᙵᕕᒃᑯᑦ ᑲᔪᓯᑎᑦᓯᓂᐊᖅᐳᑦ ᔫᓯᐅᑉ ᐊᒃᑐᐃᓯᒪᓂᖓᓂᒃ ᐃᓄᓐᓂᒃ ᐃᓕᓐᓂᐊᕐᓂᒃᑯᑦ,” ᐅᖃᖅᑐᖅ ᐃᑦᑐᓗᒃ
.
ᑕᕝᕘᓇ ᐃᓕᓐᓂᐊᑎᐊᖅᑐᓄᑦ ᐃᑲᔫᑎᑖᖅᑎᑦᑎᖃᑦᑕᓂᒃᑯᑦ ᑐᓂᓯᖃᑦᑕᓂᐊᖅᑐᑦ ᒪᕐᕉᓐᓄᑦ ᐃᓅᓐᓄᑦ ᐃᓛᒃᑯᑦ $5,000-ᓂᒃ ᑐᓂᔭᐅᓗᑎᒃ ᐃᑲᔫᑎᐅᓗᑎᒃ ᖁᕝᕙᓯᓐᓂᖅᓴᒥᒃ ᐃᓕᓐᓂᐊᖃᒃᓂᕐᓂᕐᒧᑦ. ᑐᒃᓯᕋᐅᑎᖃᖅᑐᑦ ᓴᖅᑭᔮᖅᑎᑦᑎᔭᕆᐊᖃᕐᓂᐊᖅᐳᑦ ᔫᓯᑎᑐᑦ ᓇᒡᓕᒍᓱᓐᓂᕐᒥᒃ …

(English) Narwhal Tusk Ban Affidavit

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᖃᖅᐳᖅ ᓄᑖᖅ ᐊᐅᓚᑦᑎᔨᒻᒪᕆᒃᑖᖓᑦ ᑎᑎᕋᕐᕕᖕᒥ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᑖᓐᓇ ᑎᐊᕆ ᐊᐅᑦᓚ ᐃᖅᑲᓇᐃᔮᖅᑖᖅᑎᑕᐅᔪᖅ ᓄᑖᖑᓪᓗᓂ ᐊᐅᓚᑦᑎᔨᒻᒪᕆᐅᓂᐊᕐᓂᖓᓂᑦ ᑎᒥᐅᔪᒧᑦ.
ᐊᐅᑦᓚ ᐃᖅᑲᓇᐃᔭᓚᐅᖅᑐᖅ ᐅᑯᓄᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑕᐃᒪᖓᓂ 2001-ᒥ, ᐊᓗᒻᒪᓗ ᐃᓚᐅᖃᑦᑕᖅᓯᒪᔪᖅ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᐃᓂᓪᓚᐃᓂᕐᒧᑦ ᐅᑯᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ ᑕᐃᒪᖓᓂᑦ 1993.
“ᑎᐊᕆ ᓇᒃᓴᖅᑐᖅ ᐃᒻᒪᑳ ᐅᑭᐅᓂᑦ ᐊᕙᑎᓂᑦ ᐱᓕᕆᐊᕆᓯᒪᔭᖏᓐᓂᑦ ᓄᓇᑖᕐᓂᕐᒧᑦ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᐃᓂᓪᓚᐃᓂᒃᑯᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ,” ᐅᖃᖅᑐᖅ ᑕᐅᑐᖏ. “ᖁᕕᐊᓱᒃᑐᒻᒪᕆᐅᔪᒍᑦ ᐃᓚᒋᓕᕐᓗᒍ ᐃᓚᓕᐅᑎᓗᒍᓗ ᐃᖅᑲᓇᐃᔭᖅᑎᒋᔭᑉᑎᓐᓄᑦ ᓄᓇᕗᑦ ᑐᓐᖓᕕᒃ ᑲᔪᓯᑎᓪᓗᒍ ᐱᓇᓱᐊᖅᑕᖏᓐᓂᑦ ᐃᒪᓐᓇ ᐱᐊᓂᒃᓯᓇᓱᒃᑎᓪᓗᒋᑦ ᐃᓗᐃᑦᑐᓂᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐃᓂᓪᓚᐃᓂᒃᑯᑦ ᐅᑯᓐᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ
ᐊᐅᑦᓚ ᐱᒋᐊᕐᓂᐊᖅᑐᖅ ᐃᖅᑲᓇᐃᔮᖅᑖᖓᓂᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᒫᔾᔨ 14, …

ᓄᓇᕗᑦ ᑐᙵᕕᒃ ᑎᒥᖓ ᐸᕐᓇᑦᑐᖅ ᐃᖅᑲᐅᒪᔾᔪᑎᒃᓴᒥᒃ ᓄᓇᑖᕐᓂᕐᒧᑦ ᐊᖏᕈᑎᐅᑉ ᓇᒡᓕᐅᓂᖅᓯᐅᓂᖓᓄᑦ

(ᕕᕗᐊᕆ 3, 2011 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᑳᑎ ᑕᐅᑐᖏᑦ ᐅᓪᓗᒥ ᓇᓗᓇᐃᖅᓯᔪᖅ ᑐᙵᕕᒃᑯᑦ ᐸᕐᓇᐸᓪᓕᐊᓂᖏᓐᓂᒃ ᐃᖅᑲᐅᒪᔭᐅᔾᔪᑎᒃᓴᒥᒃ ᓇᒡᓕᐅᓂᖅᓯᐅᓕᖅᐸᑕ ᑲᔪᓯᑎᑦᑎᓯᒪᓂᖏᓐᓂᒃ ᐃᓄᐃᑦ ᐊᔩᖃᑎᒌᑦᑎᐅᓚᐅᖅᑐᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᒥᒃ.
“ᔪᓚᐃ 9, 2013-ᒥ, ᓄᓇᕗᒻᒥᐅᑦ ᓇᒡᓕᐅᓂᖅᓯᐅᓛᖅᑐᑦ 20-ᒃ ᐊᕐᕌᒍᑖᕐᓂᖓᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎ. ᐃᓕᑕᕆᔪᒪᓪᓗᒍ ᑖᓐᓇ ᐊᒡᓗᕆᐊᕈᑕᐅᓯᒪᔪᖅ ᓄᓇᕗᒻᒥ ᐊᒻᒪ ᑲᓇᑕᒥ, ᑐᙵᕕᒃᑯᑦ ᑮᓇᐅᔭᖃᖅᑎᑦᓯᓂᐊᖅᐳᑦ ᐃᖅᑲᐅᒪᔾᔪᑎᒃᓴᓕᐅᕐᓂᕐᒧᑦ ᐃᖅᑲᐅᒪᔭᐅᖁᓪᓗᒋᑦ ᐊᕐᕌᒍᒐᓴᓐᓂᒃ ᑕᖃᔪᓐᓇᖏᑦᑐᑎᒃ ᐱᓕᕆᔾᔪᔾᔨᓯᒪᓂᖏᑦ ᐋᔩᖃᑎᒌᓐᓂᒃᑯᑦ, ᐊᒻᒪ ᐊᑐᓕᖅᑎᑕᐅᕙᓪᓕᐊᓂᖏᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᐅᑉ,” ᐅᖃᖅᑐᖅ ᑕᐅᑐᙱ.
ᑐᙵᕕᒃᑯᑦ ᓂᕈᐊᕐᓂᐊᖅᑐᑦ ᐊᑕᐅᓯᕐᒥ ᓴᓇᓐᖑᐊᖅᑎᒥᒃ ᓄᓇᕗᑦ ᐊᕕᒃᑐᖅᓯᒪᓂᖓᓂ ᓴᓇᖃᑕᐅᓂᐊᖅᑐᒥᒃ ᐃᖅᑲᐅᒪᔾᔪᑎᒃᓴᒥᒃ. ᓴᓇᓐᖑᐊᖅᑏᑦ ᐃᓚᐅᒍᒪᒐᔭᖅᑐᑦ ᑕᑕᑎᕆᔪᓐᓇᖅᑐᑦ ᑎᑭᒐᓱᐊᕐᓂᖓᓂ …

ᓄᓇᕗᑦ ᑐᙵᕕᒃ ᑎᒥᖓᑦ ᐱᓇᓱᐊᕐᕕᐅᔪᓐᓇᓯᖕᒥᔪᑦ ᑲᑭᓃᑦ ᐃᑲᔫᑎᒃᓴᓄᑦ

ᓄᓇᕗᑦ ᑐᙵᕕᒃ ᑎᒥᖓᑦ ᒫᓐᓇ ᑐᒃᓯᕋᕐᕕᒃᓴᐅᓕᕐᒥᔪᑦ 2011 ᑲᑭᓃᑦ ᐃᑲᔫᑎᒃᓴᓄᑦ. ᑖᓐᓇ ᐃᑲᔫᑎᒃᓴᖅ ᓴᖅᑭᑕᐅᓚᐅᖅᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐊᒻᒪ ᓄᓇᕗᑦ ᒐᕙᒪᒃᑯᓐᓄᑦ 2007-ᖑᑎᓪᓗᒍ ᑲᔪᖏᖅᓴᐃᔾᔪᑕᐅᓪᓗᓂ ᐃᑲᔫᑕᐅᓂᐊᖅᖢᓂᓗ ᐃᓕᓐᓂᐊᖅᑎᓄᑦ ᐃᓕᖅᑯᓯᓕᕐᓂᕐᒧᑦ ᐃᓕᓐᓂᐊᑲᓐᓂᓂᕐᒧᓪᓗ.
ᐃᑲᔫᑎᑎᒍᑦ ᑐᓂᓯᖃᑦᑕᖅᑐᑦ $1,000-ᓂᒃ ᑕᓪᓕᒪᓄᑦ ᐃᓕᓐᓂᐊᖅᑎᓄᑦ ᐱᕚᓪᓕᑎᑦᓯᒍᒪᔪᓄᑦ ᐃᓕᖅᑯᓯᕐᒧᑦ ᐱᖅᑯᓯᕐᒧᓪᓗ, ᐊᒻᒪ $1,000 ᑕᓪᓕᒪᓄᑦ ᐃᓕᓐᓂᐊᖅᑎᓄᑦ ᖁᕝᕙᓯᓐᓂᖅᓴᒥᒃ ᐃᓕᓐᓂᐊᑲᓐᓂᖅᑐᓄᑦ. ᐊᑎᑎᖃᑕᐅᔪᑦ ᑭᓯᐊᓂ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍ ᐱᓇᓱᒍᓐᓇᖅᑐᑦ ᐃᑲᔫᑎᒃᓴᓄᑦ.
ᐊᑎᖏᑦ ᑐᓂᔭᐅᔪᑦ ᓇᓗᓇᐃᖅᑕᐅᓛᖅᑐᑦ ᓄᓇᕗᑦ ᐅᓪᓗᖓᓂ, ᔪᓚᐃ 9, 2011, ᖁᕕᐊᓲᑎᖃᖅᑎᓪᓗᒋᑦ ᐃᖃᓗᓐᓂ.
ᑐᒃᓯᕋᖅᑐᑦ ᐊᐅᓪᓚᑎᑦᓯᖃᑦᑕᕈᓐᓇᖅᑐᑦ ᖃᕆᓴᐅᔭᑎᒍᑦ ᐅᕗᖓ www.tunngavik.com ᐅᖓᑖᓂᐅᖏᑦᑐᖅ ᑕᓪᓕᕐᒥᖅ, ᒪᐃ 27, 2011 5-ᒧᓄᑦ ᐅᓐᓄᓴᒃᑯᑦ.

ᐃᖅᑲᐅᒪᔭᐅᓂᖃᓛᖅᑐᖅ ᔫᓯ ᑯᓱᒐᖅ ᐃᖃᓗᖕᓂ

ᐃᖃᓗᖕᒥᐅᑦ ᖃᐃᖅᑯᔭᐅᕗᖅ ᐃᖅᑲᐅᒪᔭᐅᓂᖃᓕᖅᐸᑦ ᔫᓯ ᑯᓱᒐᖅ ᐅᓇᓕᑦᓴᔭᐃᑦ ᐃᒡᓗᖓᓂ ᑕᓪᓕᒥᕐᒥ, ᕕᕗᐊᕆ 4-ᖑᓕᖅᑲᑦ 2-ᒧᐊᖅᑲᑦ ᐅᓐᓄᓴᒃᑯᑦ. ᔫᓯ ᐊᒥᓱᓂᒃ ᐃᓄᓐᓂᒃ ᐊᒃᑐᐃᓂᓯᒪᔪᖅ ᓄᓇᕗᒻᒥ. ᐃᖃᓗᖕᓂ ᐃᖅᑲᐅᒪᓂᖃᕐᓂᒃᑯᑦ ᐱᕕᒃᓴᖃᕐᓂᐊᖅᐳᑦ ᐃᓚᒋᔭᐅᔪᓐᓇᓚᐅᖏᑦᑐᑦ ᑲᖏᖅᖠᓂᕐᒥ ᐃᓗᕕᖅᓯᐅᕐᓂᖃᖅᑎᓪᓗᒋᑦ.
ᐃᖅᑲᐅᒪᑦᓯᓂᕐᒧᑦ ᑎᑎᕋᕐᕕᒃᓴᒥᒃ ᑯᓱᒐᖅ ᖃᑕᓐᖑᑎᒌᓄᑦ ᐊᑐᐃᓐᓇᐅᔪᖃᕐᓂᐊᑐᖅ.
ᑕᒧᓗᒐᒃᓴᖅᑕᖃᒐᓛᓐᓂᐊᑐᖅ.
ᓱᓇ: ᐃᖅᑲᐅᒪᔭᐅᓂᖓ ᔫᓯ ᑯᓱᒐᖅ
ᖃᖓ: ᕕᕗᐊᕆ 4, 2011, 2-ᒥ ᐅᓐᓄᓴᒃᑯᑦ
ᓇᒥ: ᐅᓇᓕᒃᓴᔭᕋᓛᑦ ᐃᒡᓗᖁᑎᐊᓂ, ᐃᖃᓗᖕᓂ

ᓄᓇᕗᒻᒥ ᓄᓇᐃᑦ ᖄᖏᓐᓂ ᐋᖅᑭᒋᐊᒃᑲᐃᔩᑦ ᒥᒃᓵᓄᑦ ᓂᕈᐊᒐᒃᓴᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᕿᓂᖅᑐᑦ ᐊᐅᓚᓪᓗᕆᒃᑐᒥᑦ ᐊᒻᒪᓗ ᐆᒻᒪᕆᒃᑐᒥᑦ ᐃᓄᖕᒥᑦ ᐃᓕᖓᓂᐊᕐᓗᓂ ᐅᑭᐅᓄᑦ ᐱᖓᓱᓄᑦ ᐅᑯᓄᖓ ᓄᓇᕗᒻᒥ ᓄᓇᐃᑦ ᖄᖏᓐᓂ ᐋᖅᑭᒋᐊᒃᑲᐃᔩᑦ ᑲᑎᒪᔨᖏᓐᓄᑦ. ᐃᓱᒪᒋᔭᐅᓂᐊᕈᕕᑦ, ᐆᒃᑐᖅᑐᖅ ᑐᓂᓯᒪᒻᒪᕆᒋᐊᖃᖅᑐᖅ ᓇᖕᒥᓂᖅ ᑭᒡᒐᖅᑐᐃᓗᓂ ᐃᓱᒪᒋᔭᖏᓐᓂᑦ ᓄᓇᑖᖃᑕᐅᓯᒪᔪᑦ ᐅᑯᐊ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ. ᐱᓇᓱᐊᖅᑕᐅᓂᐊᖅᑐᑦ ᑕᐃᒃᑯᐊ ᐆᒃᑐᖅᑐᑦ ᐅᑯᐊᖑᔪᑦ ᑭᓯᒥ ᓄᓇᕗᒥ ᓄᓇᑖᕈᑎᑦ ᐊᖏᕈᑎᖏᓐᓂᑦ ᐃᓚᐅᓂᖃᖅᑐᑦ ᓄᓇᑖᖃᑕᐅᓯᒪᓂᕐᒧᑦ. ᐊᑏ ᑐᔫᑎᒋᓗᒋᑦ ᐃᖅᑲᓇᐃᔮᕕᓂᕐᓄᑦ ᓇᓗᓇᐃᔭᖅᓯᒪᔪᑦ, ᐅᑯᓄᖓ:
ᓄᓇᓕᖕᓂ ᑐᑦᑕᕐᕕᐅᕙᒃᑐᖅ ᑲᒪᔨ ᓄᓇᓕᖕᓂ
ᐅᕝᕙᓘᓐᓃᑦ
ᑐᑭᒧᐊᒃᑎᑦᑎᔨᐊᓐᓄᑦ ᐊᑐᓕᖅᑎᑦᑎᕙᓪᓕᐊᔪᓕᕆᔨᑦ ᐱᓕᕆᕝᕕᐊᓐᓄᑦ
ᑎᑎᖅᑲᒃᑯᕕᐊᑕ ᓈᓴᐅᑎᐊ 638 ᐃᖃᓗᐃᑦ, ᓄᓇᕗᑦ X0A 0H0
ᑐᕌᖅᑎᓪᓗᒍ ᐅᑯᓄᖓ: ᑲᑎᒪᔨᒃᓴᓄᑦ ᑎᓕᓯᔨᒧᑦ ᑎᒃᑯᐊᖅᓯᓂᒃᑯᑦ
ᓱᑲᔪᒃᑰᕈᑦ (867) 975-4949
ᐃᓱᓕᕝᕕᖏᑦ ᑕᑕᑎᕈᑎᑦ ᐆᒃᑐᖅᑐᓄᑦ ᕕᕝᕗᐃᕆ 11, 2011.

ᐃᓄᐃᑦ ᐱᑐᖃᖏᓐᓂᑦ ᓇᐅᑦᑎᖅᑐᖅᑎᑦ ᑲᑎᒪᔨᖏᓐᓄᑦ ᓂᕈᐊᒐᒃᓴᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᕿᓂᖅᑐᑦ ᐊᐅᓚᓪᓗᕆᒃᑐᒥᑦ ᐊᒻᒪᓗ ᐆᒻᒪᕆᒃᑐᒥᑦ ᐃᓄᖕᒥᑦ ᐃᓕᖓᓂᐊᕐᓗᓂ ᐅᑭᐅᓄᑦ ᐱᖓᓱᓄᑦ ᐅᑯᓄᖓ ᐃᓄᐃᑦ ᐱᑐᖃᖏᓐᓄᑦ ᓇᐅᑦᑎᖅᑐᖅᑦ ᑲᑎᒪᔨᖏᓐᓄᑦ. ᐆᒃᑐᖅᑐᖅ ᑐᓂᓯᒪᐃᓐᓇᕆᐊᖃᕐᓂᐊᖅᑐᖅ ᓇᖕᒥᓂᖅ ᐃᓚᐅᖏᓐᓇᕐᓗᓂ ᑭᒡᒐᖅᑐᐃᓗᓂ ᐃᓱᒪᒋᔭᖏᓐᓂᑦ ᓄᓇᑖᖃᑕᐅᓯᒪᔪᑦ, ᐊᒻᒪᓗ ᖃᐅᔨᒪᓂᖃᕆᐊᓕᒃ ᑐᑭᓯᐅᒪᑦᑎᐊᕐᓂᕐᒥᑦ ᐅᑯᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᑐᔫᑎᒋᓗᒋᑦ ᐃᖅᑲᓇᐃᔮᕕᓂᖏᑦ ᓇᓗᓇᐃᔭᖅᓯᒪᓗᑎᒃ, ᐊᑏ ᐅᖃᕐᕕᒋᒍᒃ:
ᓄᓇᓕᖕᓂ ᑐᑦᑕᕐᕕᐅᕙᒃᑐᖅ ᑲᒪᔨ ᓄᓇᓕᖕᓂ
ᐅᕝᕙᓘᓐᓃᑦ
ᐴᓃᔅ ᑰᑑ
ᐊᑐᓕᖅᑎᑦᑎᕙᓪᓕᐊᓂᓂᕐᒧᑦ ᖃᐅᔨᓴᖅᑎ ᐊᐅᓚᑦᑎᔨᐊᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ.
ᐅᖃᓘᑖ: (867) 975-4900 ᐊᑭᖃᖏᑦᑐᖅ: 1-888-646-0006
ᐃᓱᓕᕝᕕᖏᑦ ᑕᑕᑎᕈᑎᑦ ᐆᒃᑐᖅᑐᓄᑦ ᕕᕝᕗᐃᕆ 11, 2011.

ᓄᓇᕗᑦ ᑐᙵᕕᒃᑯᑦ ᕿᒃᓵᒃᐳᑦ ᔫᓯ ᑯᓱᒐᖅ ᐃᓅᔪᓐᓃᕐᒪᑦ

Jose Kusugak was awarded the Elijah Menarik Award by CBC North late last year.
Photo by: Franco Buscemi

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᓪᓗᒥ ᓇᓗᓇᐃᖅᓯᔪᖅ ᑲᑎᒪᔩᑦ ᐃᖅᑲᓇᐃᔭᖅᑏᓪᓗ ᓄᓇᕗᑦ ᑐᙵᕕᒃᑯᓐᓄᑦ ᕿᒃᓵᒻᒪᕆᖕᒪᑕ ᐃᓅᔪᓐᓃᕐᓂᖓᓄᑦ ᐱᖃᓐᓇᕆᒻᒪᕆᒃᑕᕗᑦ, ᐃᖅᑲᓇᐃᔭᖃᑎᕗᑦ ᐊᒻᒪ ᐃᓕᓐᓂᐊᖅᑎᑦᓯᔨᒋᔭᕗᑦ, ᔫᓯ ᑯᓱᒐᖅ. ᔫᓯ ᐃᓅᔪᓐᓃᓚᐅᑐᖅ ᐅᓐᓄᒃ ᑲᖏᖅᖠᓂᕐᒥ ᐋᓐᓂᐊᖃᕐᓂᕐᒧᑦ.
“ᐃᖅᑲᐅᒪᑦᑎᐊᖅᐸᕗᑦ ᔫᓯᐅᑉ ᐃᓚᖏᑦ ᒫᓐᓇ ᕿᑦᓵᓇᒻᒪᕆᑦᑐᒦᑎᓪᓗᒋᑦ, ᐱᒡᒐᓇᖅᑐᓯᐅᖅᑎᓪᓗᒋᓪᓗ,” ᐅᖃᖅᑐᖅ ᑕᐅᑐᙱ. “ᐱᓕᕆᖃᑦᑕᕐᓂᖏᑦ ᐃᓄᓐᓄᑦ ᐊᒃᓱᐊᓗᒃ ᐊᑐᐃᓯᒪᕗᑦ ᐊᒻᒪ ᑲᔪᖏᒃᑲᓐᓂᕈᑎᒋᕙᒃᑲ ᐱᓕᕆᒃᑲᓐᓂᕈᒪᓪᓗᖓ ᐃᓄᓐᓄᑦ ᓄᓇᕗᒻᒧᓪᓗ ᓯᕗᓕᖅᑎᐅᓪᓗᖓ.”
ᑕᐅᑐᙱ ᐃᓕᑕᖅᓯᔪᒪᕗᖅ ᔫᓯᒥᒃ ᑲᔪᓯᑦᑎᐊᖅᓯᒪᓂᖓᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᐅᑉ, ᐊᒻᒪ ᐅᖃᖅᖢᓂ ᐊᕐᕌᒍᒐᓚᓐᓂᒃ …

ᑐᙵᕕᒃᑯᑦ ᕿᒥᕐᕈᖁᔨᔪᑦ ᕿᓚᓗᒐᐃᑦ ᑐᒑᓖᑦ ᑐᒑᖏᑕ ᓄᖅᑲᖅᑎᑕᐅᓯᒪᓂᖏᓐᓂᒃ

ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᑳᑎ ᑕᐅᑐᙱ ᓇᓗᓇᐃᖅᓯᔪᖅ ᐅᓪᓗᒥ ᑐᙵᕕᒃᑯᑦ ᑐᓂᓯᖅᑲᐅᒻᒪᑕ ᕿᒥᕐᕈᖁᔨᓪᓗᑎᒃ ᐃᓱᒪᓕᐅᕈᑕᐅᓯᒪᔪᒥᒃ ᒐᕙᒪᑐᖃᒃᑯᑦ ᐃᖅᑲᖅᑐᐃᕕᖓᒍᑦ ᐊᑭᕋᖅᑐᕐᒪᑕ ᐃᒪᕐᒥᐅᑕᓕᕆᔨᒃᑯᑦ ᓄᖅᑲᑎᑦᓯᓯᒪᓂᖏᓐᓂᒃ ᓂᐅᕐᕈᑎᖃᕈᓐᓇᕐᓂᖏᓐᓂᒃ ᑐᒑᓂᒃ ᐊᒻᒪ ᐊᓯᖏᑦ ᐊᒃᑐᐊᓂᖃᖅᑐᓂᒃ ᑖᒃᑯᓇᓐᖓᑦ 17-ᖑᔪᓂᒃ ᓄᓇᕗᒻᒥ ᓄᓇᓕᐅᔪᓂᒃ.
ᐃᒪᕐᒥᐅᑕᓕᕆᔨᒃᑯᑦ ᖃᐅᔨᒃᑲᐃᓚᐅᖅᑐᑦ ᑐᙵᕕᒃᑯᓐᓂ ᓄᖅᑲᑎᑦᓯᓂᕐᒥᓂᒃ ᐅᓪᓗᓕᖅᓯᒪᖏᑦᑐᒃᑯᑦ ᑎᑎᖅᑲᒃᑯᑦ ᑎᓯᐱᕆᐅᑎᓪᓗᒍ. ᑐᙵᕕᒃᑯᑦ ᖃᐅᔨᒪᔮᖅᑎᑕᐅᓚᐅᖏᑦᑐᑦ ᓄᖅᑲᑎᑦᓯᓂᐅᓂᐊᖅᑐᒥᒃ ᓯᕗᓂᐊᒍᑦ ᐊᑐᓕᖅᑎᑕᐅᓚᐅᖅᑎᓐᓇᒍ, ᐊᒻᒪ ᐃᓄᐃᑦ ᑐᓴᕆᐊᕐᕕᐅᓚᐅᕐᓇᑎᒃ. ᐃᒪᕐᒥᐅᑕᓕᕆᔨᒃᑯᑦ ᓯᖁᒥᑦᑎᓯᒪᔪᑦ ᐃᓄᐃᑦ ᐊᖑᓇᓱᒍᓐᓇᓂᕐᒧᑦ ᐱᔪᓐᓇᐅᑎᖏᓐᓂᒃ ᐃᓛᒃᑰᖓ 5-ᒥ ᓇᓗᓇᐃᖅᓯᒪᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍᑦ.
ᑎᑎᖅᑲᐅᓯᐊᓚᐅᖅᑎᓪᓗᒋᑦ ᐃᒪᕐᒥᐅᑕᓕᕆᔨᒃᑯᓐᓂ, ᑐᙵᕕᒃᑯᑦ ᐊᐱᕆᓚᐅᖅᑐᑦ ᐃᒪᕐᒥᐅᑕᓕᕆᔨᒃᑯᓐᓂ ᐃᓱᒪᓕᐅᕈᑎᒋᓯᒪᔭᖓᓂᒃ ᓄᖅᑲᖁᔨᓪᓗᑎᒃ. ᐃᒪᕐᒥᐅᑕᓕᕆᔨᒃᑯᑦ ᐊᖏᓚᐅᖏᑦᑐᑦ. ᑕᐅᑐᙱ ᐅᖃᖅᑐᖅ ᑐᙵᕕᒃᑯᑦ ᐊᓯᐊᒎᕐᕕᖃᓚᐅᕈᓐᓃᕐᒪᑕ ᓴᐳᔾᔨᔭᕆᐊᖃᕐᒪᑕ ᐃᓄᐃᑦ ᐱᔪᓐᓇᐅᑎᖏᓐᓂᒃ.
“ᐃᒪᕐᒥᐅᑕᓕᕆᔨᒃᑯᑦ ᐃᓱᒪᓕᐅᕆᐊᖃᙱᑦᑐᑦ ᑕᐃᒫᒃ ᖃᐅᔨᒋᐊᖅᑳᓚᐅᖏᓪᓗᑎᒃ ᐃᓄᓐᓂᒃ …

ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑐᓴᖅᑎᑦᓯᓂᖓ

ᐅᓪᓗᖓ: ᔮᓐᓄᐊᕆ 13, 2011
ᐅᖃᖅᑎ: ᑳᑎ ᑕᐅᑐᙱ, ᐊᖏᔪᖅᑳᖅ
ᐅᕘᓇ: ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑐᓴᖅᑎᑦᓯᓂᖓ
ᐃᓗᓕᖓ: ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓗᓇᐃᖅᓯᔪᑦ ᑕᐃᒪ ᐳᕙᓪᓗᓂᕐᒧᑦ ᐱᓕᕆᐊᖑᔪᒥᒃ
________________________________________________________________________
• ᓯᕗᓪᓕᖅᐹᒥ, ᐃᓕᑕᕆᔪᒪᔭᕋ ᒥᓂᔅᑕ ᐊᒡᓘᒃᑲᖅ ᐃᑲᔪᖅᑐᐃᓯᒪᓂᖓᓄᑦ ᑕᐃᒪ ᐳᕙᓪᓗᓂᕐᒧᑦ ᐱᓕᕆᐊᖑᔪᒧᑦ.
• ᑕᒪᓐᓇ ᑕᑯᒃᓴᐅᑎᑦᓯᔪᖅ ᒐᕙᒪᑐᖃᒃᑯᑦ ᐃᑲᔪᕈᒪᓂᖓᓐᓂᒃ ᐃᓱᒫᓗᓇᒻᒪᕆᑦᑑᔪᒧᑦ ᓄᓇᕗᒻᒥ, ᖁᔭᓕᓇᓪᓚᕆᑦᑐᖅ.
• ᖁᔭᓐᓇᒦᕈᒪᖕᒥᔭᒃ ᐱᓕᕆᖃᑎᒋᓯᒪᔮᒃᑲ ᓇᖏᖃᑎᒋᓪᓗᒋᒃ ᐅᓪᓗᒥ, ᓯᕗᓕᖅᑎ ᐋᕆᐊᒃ ᐊᒻᒪ ᒥᓂᔅᑕ ᑰᓕ, ᐊᒻᒪᓗ ᓘᑦᑖᖅ ᐊᓪᕕᐅᕋᔅ.
• ᐃᓅᓪᓗᑕ, ᐊᒃᑐᖅᑕᐅᓯᒪᔪᐃᓐᓇᐅᓯᒪᒐᒃᑕ ᐳᕙᓪᓗᓂᕐᒧᑦ ᖃᑕᓐᖑᑎᑎᒍᑦ ᓄᓇᓕᑦᑎᒍᓪᓗ.
• ᖁᕝᕙᓯᓐᓂᖅᐹᖑᔪᓂᒃ ᑲᓇᑕᒥ ᐳᕙᓪᓗᑦᑐᖁᑎᖃᖃᑦᑕᕋᑦᑕ, ᐊᒻᒪᓗ ᐊᑯᓃᖅᑐᒥᒃ ᐱᔭᕆᐊᑐᔪᒥᓪᓗ ᐳᕙᓪᓗᓂᕐᒧᑦ ᑭᖑᓂᖃᖅᓯᒪᓪᓗᑕ.
• ᐱᕙᓪᓕᐊᓯᒪᑎᓪᓗᒋᑦ ᐃᑲᔫᑎᒃᓴᐃᑦ ᖃᓄᖅᑑᕈᑎᒃᓴᐃᓪᓗ ᖃᓄᐃᖏᑎᐊᕐᓂᕐᒧᑦ, ᖃᐅᔨᒪᒐᑦᑕ ᐳᕙᓪᓗᓐᓂᖅ ᓴᐳᑎᒐᒃᓴᐅᓂᖓᓂᒃ. ᐋᖅᑭᒍᑎᒃᓴᖅᑕᖃᖅᑐᖅ.
• ᑕᐃᒪᓐᓂᖓᓄᑦ ᑐᙵᕕᒃᑯᑦ ᐱᓕᕆᖃᑎᖃᒻᒪᕆᒃᓯᒪᕗᑦ ᓘᑦᑖᖅ ᐊᓪᕕᐳᕋᔅᒥᒃ ᐱᕙᓪᓕᐊᑎᑕᐅᓂᖓᓄᑦ ᐱᓕᕆᐊᖑᔫᑉ, ᐊᒻᒪ ᓂᕆᐅᑦᑎᐊᓕᕈᑎᒋᓯᒪᓪᓗᒍ ᑲᑦᑐᔨᖃᑎᒌᓐᓂᐊᕐᓂᕗᑦ ᐱᓕᕆᐊᖃᕐᓂᕐᒥᒃ ᑕᐃᒪ ᐳᕙᓪᓗᓂᕐᒧᑦ ᐱᓕᕆᐊᖑᔪᒥᒃ.
• ᓯᕗᓪᓕᖅᐹᒥ, ᑕᒪᓐᓇ …

ᓄᓇᕗᑦ ᑐᙵᕕᒃ ᑎᒥᖓᑦ ᑐᖓᓱᒃᑎᑦᑎᕗᑦ ᓄᑖᒥᑦ ᓇᑎᓕᕆᓂᕐᒧᑦ ᓂᐅᕐᕈᑎᖃᕐᕕᒃᓴᒥᑦ ᐊᖏᕈᑎᑦ ᐃᓚᒋᓪᓗᒋᑦ ᓴᐃᓃᓯᒥᐅᑕᑦ

ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᖃᖅᑐᖅ ᐃᓄᐃᑦ ᑐᖓᓱᒃᑎᑦᑎᕗᑦ ᓄᑖᒥᑦ ᓇᑦᑎᓕᕆᓂᕐᒧᑦ ᐊᖏᕈᑎᒥᑦ ᑲᓇᑕᒥ ᐊᑎᓕᐅᕆᖃᑎᖃᕐᓂᐊᕐᓂᖏᓐᓂᑦ ᓴᐃᓃᓯᒥᐅᑕᓂᑦ ᐱᓇᓱᐊᕈᓯᕐᒥ, ᓴᖅᑭᑎᑕᐅᔪᑦ ᐅᑉᓗᒥ ᐅᑯᓄᖓ ᑲᓇᑕᐅᑉ ᒐᕙᒪᖏᑦᑕ ᒥᓂᔅᑕᖓᑦ ᒋᐅᓪ ᓰᐄ.
ᐅᓇ ᓄᑖᖅ ᐊᖏᕈᑦ ᐱᔪᓐᓇᖅᑎᑦᑎᔪᖅ ᑲᓇᑕᒥ ᐊᐅᓪᓚᖅᑎᑦᑎᔪᓐᓇᕐᓗᑎᒃ ᓂᕆᔭᒃᓴᓂᑦ ᓇᑦᑎᕕᓂᕐᓂᑦ ᓴᓇᓯᒪᔪᓂᑦ ᓴᐃᓇᒧᑦ. ᑲᓇᑕ ᑭᓯᐊᓂ ᓄᓇᓕᒃᔪᐊᖅ ᐱᔪᓐᓇᖅᑎᑕᐅᔪᑐᐊᖅ ᐊᐅᓪᓚᖅᑎᑦᑎᔪᓐᓇᕐᓂᐊᓂᒃ ᓂᕆᔭᒃᓴᐅᑎᓪᓗᒋᑦ ᓇᑦᑎᕕᓂᑦ ᓴᓇᓯᒪᔪᑦ ᓴᐃᓇᒧᑦ ᒪᓕᒃᖢᒋᑦ ᓄᑖᑦ ᐊᖏᕈᑎᑦ. ᑲᓇᑕ ᓱᓕ ᒫᓐᓇ ᓂᐅᕐᕈᑎᖃᖅᐸᒃᑐᖅ ᓇᑦᑎᑦ ᕿᓯᖏᓐᓂᑦ ᑕᐅᕗᖓ ᓴᐃᓂᓯᕈᔪᐃᑦ ᓄᓇᖏᓐᓄᑦ.
“ᐃᓄᒻᒪᕇᑦ ᑕᐃᒪᖓᓂᑦ ᕿᓂᖅᐸᖕᒪᑕ ᓄᑖᓂᑦ ᓂᐅᕕᖅᑎᒃᓴᓂᑦ ᓴᓇᓯᒪᔪᖁᑎᑦᑎᓐᓂᑦ. ᐸᑦᑕᒃᑐᕐᕕᒋᕙᕋ ᒥᓂᔅᑕ ᓰᐄ ᐊᑎᓕᐅᕆᓂᐊᓂᑦ ᐊᖏᕈᑎᒥᑦ ᐊᒻᒪᓗ ᖁᒡᕙᖅᑎᑦᑎᓂᐊᓂᒃ ᑲᓇᑕᒥ ᓇᑦᑎᕕᓂᕐᒥᑦ ᕿᓯᖕᓂᑦ ᑕᐅᖅᓯᐅᑎᖃᑦᑕᕐᓂᕐᒧᑦ …