ᑐᓴᕋᑦᓴᓕᕆᔩᑦ

2010/11 ᐊᕐᕌᒍᑕᒫᕐᓯᐅᑦ ᐅᓂᒃᑳᖅ ᖃᓄᐃᕐᓂᕆᓕᖅᑕᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐊᒻᒪᓗ ᐃᓅᓯᖏᑦ ᓴᖅᑭᖅᑕᐅᔪᖅ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅᖓᑕ ᑐᒡᓕᐊ ᔮᒃ ᐊᓇᕈᐊᖅ ᐅᓪᓗᒥ ᓴᖅᑮᖅᑲᐅᔪᖅ 2010/2011 ᐊᕐᕌᖑᑕᒫᕐᓯᐅᑦ ᐅᓂᒃᑳᖅ ᖃᓄᐃᓐᓂᕆᓕᖅᑕᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐊᒻᒪᓗ ᐃᓅᓯᖏᑦ, ᓇᓗᓇᐃᖅᑕᐅᓯᒪᓪᓗᓂ ᖃᓄᐃᓐᓂᕆᓕᖅᑕᖏᑦ ᐃᓄᐃᑦ ᓄᑕᖅᑲᖏᑦ ᐃᓅᓱᑦᑐᖏᓪᓗ ᓄᓇᕗᒻᒥ.

 

“ᓄᑕᖅᑲᓅᖓᔪᑦ ᐃᓅᓱᑦᑐᓄᓪᓗ ᐅᔾᔨᕆᔭᐅᒋᐊᒃᑲᓐᓂᖃᑦᑕᕆᐊᖃᕐᒪᑕ,” ᐅᖃᖅᑲᐅᔪᖅ ᐊᓇᕈᐊᖅ. “ᑕᕝᕙᓂ ᐅᓂᒃᑳᒥ ᐅᔾᔨᓇᖅᑐᑦ ᐃᑲᔪᒃᑲᓐᓂᕆᐊᖃᕐᓂᑎᓐᓂᒃ ᓄᑕᖅᑲᑎᓐᓂᒃ, ᐱᓗᐊᖅᑐᒥ ᑐᕌᖓᔪᓂᒃ ᐃᓄᐃᑦ ᐃᓕᖅᑯᓯᖓᓄᑦ, ᐅᖃᐅᓯᖓᓄᑦ, ᐃᓕᓐᓂᐊᓂᕐᒧᑦ, ᐸᐃᕆᕕᖕᒦᖃᑦᑕᖅᑐᑦ ᐱᔭᕆᐅᕐᓴᖅᑎᑕᐅᔪᑦ, ᐃᓗᓯᒃᑯᑦ ᖃᓄᐃᓐᓂᕆᔭᐅᔪᑦ, ᐃᓄᓕᕆᔨᒃᑯᑦ, ᐊᒻᒪᓗ ᐊᔪᖅᓴᓂᕐᒧᑦ.”

 

ᐅᓂᒃᑳᖅ ᐅᖃᐅᔾᔨᔪᖅ ᒐᕙᒪᓂᒃ ᐃᖅᑲᓇᐃᔭᖃᑎᖃᖁᔨᓪᓗᓂ ᐃᓄᖕᓂᒃ ᓄᑕᖅᑲᖁᑎᒋᔭᑦᑎᓐᓄᑦ ᐊᑐᖅᑕᐅᖃᑦᑕᕆᐊᓕᖕᓂᒃ ᐃᓄᓕᒫᓄᑦ ᐊᒻᒪᓗ ᓄᓇᖃᖅᑳᕐᓯᒪᔫᓄᑦ ᐱᔪᓐᓇᐅᑎᖏᑦ ᑎᑭᐅᑎᓯᒪᖁᓪᓗᒋᑦ ᓄᓇᕗᒻᒥ, ᐊᒻᒪᓗ ᐅᖃᐅᔾᔨᒋᐊᕈᑕᐅᓪᓗᓂ ᐃᓄᖕᓂᒃ−ᐊᐅᓚᑕᐅᔪᒥᒃ ᓄᓇᕗᓕᒫᒥ ᐋᔩᕋᕈᑕᐅᖁᓪᓗᒍ ᐋᖅᑭᑦᓱᐃᓂᖅ ᐃᓄᖕᓅᖓᔪᓂᒃ ᐃᓅᖃᑎᒌᓐᓂᕐᒧᑦ ᑐᕌᒐᑦᓴᓕᐅᕐᓂᖅ ᓄᑕᖅᑲᑎᓐᓄᑦ.”

 

ᐅᓂᒃᑳᖅ ᐊᕐᕌᒍᑕᒫᕐᓯᐅᑦ ᐱᓇᓱᐊᒐᑦᓴᓕᐊᖑᓯᒪᔪᓂ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᐃᓛᒃᑯᑦ 32.3.4. ᐅᓂᒃᑳᓕᐊᖑᔭᕆᐊᖃᖅᑎᑕᐅᓪᓗᓂ ᐃᓛᒃᑯᑦ 32, ᐅᓂᒃᑳᖅ ᓴᖅᑭᖅᑕᐅᓂᐊᖅᑐᖅ ᓄᓇᕗᑦ ᒪᓕᒐᓕᐅᕐᕕᖓᓂ ᐊᒻᒪᓗ ᑲᓇᑕᒥ ᐱᖁᔭᓕᐅᕐᕕᔾᔪᐊᖓᓂ ᐅᑭᐊᑦᓵᖑᓂᐊᖅᑐᖅ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: