ᐃᓅᓯᓕᕆᓂᕐᒧᑦ ᐊᑐᐊᒐᓕᕆᔨᒻᒪᕆ
ᐃᓅᓯᓕᕆᔨᒃᑯᑦ ᐃᓕᖅᑯᓯᓕᕆᓂᕐᒧᑦ ᐱᕙᓪᓕᐊᔪᓕᕆᓂᖅ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᓗᓂ ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓᓄᑦ − ᐃᓄᓕᕆᓂᕐᒧᑦ, ᐃᓅᓯᓕᕆᓂᕐᒧᑦ ᐊᑐᐊᒐᓕᕆᔨᒻᒪᕆᒃ ᐱᓕᕆᐊᖃᓪᓗᐊᑕᖅᐸᒃᐳᖅ ᐃᓅᓯᓕᕆᔨᒃᑯᓐᓂ ᐃᓕᖅᑯᓯᓕᕆᔨᒃᑯᓐᓂᓗ ᐱᕙᓪᓕᐊᑎᑦᑎᓂᕐᒥᒃ (SCD) ᐃᑲᔪᖅᐸᒃᑐᓂᒃ ᓄᓇᕗᑦ ᑐᙵᕕᒃᑯᓐᓂᒃ (NTI) ᓯᕗᒻᒧᐊᖅᑎᑦᑎᕙᓪᓕᐊᓂᕐᒥᒃ ᓄᓇᕗᑦ ᑐᙵᕕᒃᑯᑦ ᐃᓅᖃᑎᒌᒃᐸᖕᓂᕐᒧᑦ ᓯᕗᓪᓕᖅᐸᐅᑦᑎᐅᑎᓯᒪᔭᖏᓐᓂᒃ ᐱᔭᒃᓴᖃᖅᑎᑕᐅᔪᓂᒃ ᑐᑭᒧᐊᖅᑎᑦᑎᔨᒋᔭᐅᔪᒥᑦ ᑭᒃᑯᑐᐃᓐᓇᓄᑦ ᐃᓕᖅᑯᓯᑐᖃᕐᓄᓪᓗ ᐱᕙᓪᓕᐊᑎᑦᑎᓂᕐᒧᑦ (SCD). ᐃᓅᓯᓕᕆᓂᕐᒧᑦ ᐊᑐᐊᒐᓕᕆᔨᒻᒪᕆᒃ ᐅᓂᒃᑳᖃᑦᑕᕐᓂᐊᖅᑐᖅ ᑐᑭᒧᐊᖅᑎᑦᑎᔨᐅᑉ ᐃᑲᔪᖅᑎᖓᓄ (ᐃᓅᖃᑎᒌᓄᑦ) ᐊᒻᒪ ᐱᓕᕆᖃᑎᖃᖅᐸᒡᓗᓂ ᐱᓕᕆᖃᑎᒌᓂᒃ ᓯᕗᒻᒧᐊᒃᑎᑦᑎᓇᓱᒡᓗᑎᒃ NTI-ᑯᑦ ᐱᓕᕆᐊᒃᓴᖏᓐᓂᒃ. ᐱᓕᕆᕝᕕᒃ ᑲᒪᐱᔭᖃᕐᓂᐊᖅᑐᖅ ᓱᓕᕆᓂᐊᔪᓂ ᐊᒃᑐᐊᓂᓕᖏᓂᑦ NTI-ᑯ ᐱᓕᕆᐊᒃᓴᖏᓐᓂᑦ ᓇᓗᓇᐃᖅᑕᐅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᑦ (DIO) ᒪᓕᒡᓗᒍ ᐊᕕᒃᑐᖅᓯᒪᓂᖓ 32 ᓄᓇᕗᒻᒥ ᐊᖏᖃᑎᒌᒍᑎᒥᑦ.
ᖃᐃᖁᔭᐅᓂᐊᕐᓗᓂ ᐊᐱᖅᓱᖅᑕᐅᓂᕐᒧᑦ,;
ᐅᑯᐊ ᐃᓕᓐᓂᐊᓂᖅ, ᖃᐅᔨᒪᓂᖅ, ᐊᔪᙱᓐᓂᖅ, ᐊᒻᒪ ᐱᓕᕆᔪᓐᓇᕐᓂᖅ ᐱᔭᕆᐊᖃᖅᓯᒪᔪᑦ:
• ᐊᑦᑎᓛᒥᑦ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐊᔾᔨᑲᓴᖓᓂ, ᐅᕝᕙᓘᓐᓃᑦ ᐊᕐᕌᒍᓄᑦ ᐱᖓᓱᓄᑦ ᐊᔾᔨᐸᓗᖓᓂ ᐱᓕᕆᖃᑦᑕᖅᓯᒪᓂᑰᓗᓂ ᐃᓄᓕᕆᓂᕐᒧᑦ ᐊᑐᐊᒐᓕᕆᔨᐅᓂᖅ.
• ᐊᑐᐊᒐᓂᑦ ᖃᐅᔨᓴᕐᓂᕐᒧᑦ ᐸᕐᓇᐅᔪᓐᓇᑦᑎᐊᕐᓗᓂ ᐊᒻᒪ ᖃᐅᔨᓴᕈᓐᓇᑦᑎᐊᕐᓗᓂ.
• ᐊᑲᐅᙱᓕᐅᕈᑎᓂᒃ−ᐋᖅᑭᒃᓯᔪᓐᓇᑦᑎᐊᕐᓗᓂ.
• ᐊᑑᑎᖃᑦᑎᐊᖅᑐᒥ ᐅᖃᐅᓯᒃᑯ ᐊᒻᒪ ᑎᑎᕋᕐᓂᒃᑯᑦ ᐊᔪᖏᓐᓂᖃᕐᓗᓂ, ᐃᓄᐃᑦ ᐅᖃᐅᓯᓂᑦ ᑎᑎᕋᕐᓂᓕ ᐱᕚᓪᓕᕈᑕᐅᔪᓐᓇᖅᑐᖅ..
• ᓇᖕᒥᓂᖅ−ᐱᒋᐊᖅᑎᑦᑎᔪᓐᓇᕐᓗᓂ ᐱᔪᒃᓯᓂᖃᕐᓗᓂ, ᐱᒋᐊᖅᑎᑦᑎᔪᓐᓇᕐᓗᓂᓗ.
• ᖃᐅᔨᒪᓂᖃᕐᓗᓂ ᐃᓅᖃᑎᒌᖕᓂᕐᒧᑦ/ᐃᓕᖅᑯᓯᕐᒨᖓᔪᓂᒃ ᐱᔾᔪᑕᐅᔪᓂᒃ ᐊᒃᑐᐃᓂᖃᖅᑐᑦ ᐃᓄᖕᓂᒃ ᓄᓇᕗᒻᒥ.
• ᖃᐅᔨᒪᓂᖃᑦᑎᐊᕐᓗᓂ ᓄᓇᕗᒻᒥ ᐊᖏᕈᑎᒥᑦ ᓄᓇᕗᑦ ᑐᙵᕕᒃᑯᓪᓗ ᐱᓕᕆᐊᑦᓴᖏᓐᓂᑦ, ᐱᓗᐊᖅᑐᒥᑦ ᐊᕕᒃᑐᖅᓯᒪᓂᖓ 32.
• ᖃᐅᔨᒪᓂᖃᕐᓗᓂ ᓄᓇᕗᑦ ᑐᙵᕕᒃᑯᑦ ᐊᐅᓚᑦᑎᕕᖏᓐᓂᑦ.
• ᑕᑯᒃᓴᐅᑎᑦᑎᓗᓂ ᐅᔾᔨᕆᔭᐅᓕᖅᑎᑦᑎᓂᕐᒥᒃ ᐃᒃᐱᒋᔭᖃᑦᑎᐊᕐᓂᕐᒥᒡᓗ ᐃᓄᐃᑦ ᐃᓱᒪᒋᔭᒃᓴᖏᓐᓄᑦ.
• ᖃᐅᔨᒪᓗᓂ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ, ᓄᓇᕗᒻᒥ, ᑲᓇᑕᒥ, ᓄᓇᕐᔪᐊᒥᓗ ᐃᓄᐃᑦ ᑲᑐᔾᔨᖃᑎᒌᖏᓐᓂ.
• ᐱᓕᕆᖃᑦᑕᖅᓯᒪᓂᑰᓂᖅ ᐋᔩᖃᑎᖃᕐᓂᕐᒥᒃ ᒐᕙᒪᒃᑯᓐᓂᒃ.
• ᐅᓂᒃᑳᕈᓐᓇᑦᑎᐊᕐᓗᓂ.
• ᐅᖃᕈᓐᓇᑦᑎᐊᕐᓂᖅ ᐃᓄᒃᑐᑦ ᐃᓄᐃᓐᓇᖅᑐᓪᓘᓐᓃᑦ ᐅᕝᕙᓘᓐᓃᑦ ᐃᓕᓐᓂᐊᕈᒪᓂᖃᕆᐊᖃᖅᑐᖅ.
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒥᑦ.
ᑮᓇᐅᔾᔭᒃᓴᓇᔭᖅᑐᖅ $121,120.00 ᐊᕐᕌᒍᒧᑦ (ᖃᐅᔨᒪᓂᖓ ᒪᓕᒡᓗᒍ) ᓈᒪᔪᒥᑦ ᐃᑲᔫᓯᐊᑦ ᑲᑎᖅᓱᖅᓯᒪᔪᑦ ᐱᖃᓯᐅᑎᓪᓗᒋᑦ ᐃᖅᑲᓇᐃᔭᖅᑏᑦ ᓄᖅᑲᖅᑐᖅᓯᐅᑎᖏᓐᓄᑦ ᐸᕐᓇᐅᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑏᑦ
ᐃᒡᓗᒧᑦ ᐃᑲᔫᓯᐊᑦ $34,192.00
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓂᒃ ᐱᔪᒪᒍᕕᑦ, ᖃᐅᔨᒋᐊᕐᕕᒋᒍᒃ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖄᓚᐅᑦ: 867-645-5440
ᓱᒃᑲᔪᒃᑯᑦ ᓈᓴᐅᑖ 867-645-5414
ᒪᑐᕝᕕᒃᓴᖓ: ᐊᐃᕐᕆᓕ 19, 2024
ᑐᕌᒐᕆᔭᕗᑦ: ᐃᓄᐃᑦ ᒪᑭᒪᓇᓱᐊᕈᑎᖏᑦ, ᐃᓅᓯᖏᑦ, ᐃᓕᖅᑯᓯᖏᓪᓗ ᖃᓄᐃᙱᑦᑎᐊᕐᓂᖏᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᕈᑎᒥᒃ.
LOCATION: ᐃᖃᓗᐃᑦ, ᓄᓇᕗᑦCLOSING DATE: April 19, 2024
