ᐃᖅᑲᓇᐃᔮᑦᓴᑦ

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᒪᔨᑕᒻᒪᕆᐅᓂᖅᓴᖅ

ᐃᓅᓯᓕᕆᔨᒃᑯᑦ ᐊᒻᒪᓗ ᐃᓕᖅᑯᓯᓕᕆᔨᒃᑯᓐᓄᑦ

ᓄᓇᕗᑦ ᑐᙵᕕᒃ ᑎᒥᖓ

ᐃᖃᓗᐃᑦ,  ᓄᓇᕗᑦ

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᒪᔨᑕᒻᒪᕆᐅᓂᖅᓴᖅ ᑲᒪᒋᔭᖃᓪᓗᐊᑕᖃᑦᑕᓂᐊᖅᑐᖅ ᐃᓅᓯᓕᕆᔨᒃᑯᑦ ᐊᒻᒪᓗ ᐃᓕᖅᑯᓯᓕᕆᔨᒃᑯᓐᓄᑦ (SCD), ᐃᑲᔪᕐᓂᐊᖅᓱᓂᓗ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ ᓯᕗᒧᐊᑦᓯᐊᖁᓪᓗᒋᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᓯᕗᓪᓕᐅᔾᔭᐅᔭᕆᐊᖃᖅᑐᓄᓪᓗ. ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᒪᔨᑕᒻᒪᕆᒃ ᐃᓱᒪᑕᖃᕐᓂᐊᖅᑐᖅ ᑐᒡᓕᕆᔭᐅᔪᒥᑦ ᑐᑭᒧᐊᒃᑎᑦᓯᔨᒥᑦ ᐱᓕᕆᖃᑕᐅᓗᓂᓗ ᓯᕗᒧᐊᒍᑕᐅᓂᐊᖅᑐᓂᑦ ᑐᙵᕕᒃᑯᑦ ᐱᓂᐊᕐᓂᕋᐅᑎᖏᓐᓄᑦ. ᐃᓅᓯᓕᕆᔨᒃᑯᓐᓂ (SCD) ᐱᓕᕆᐊᑦᓴᖃᕐᓂᖏᓐᓄᑦ ᐊᑦᑐᐊᔪᓄᑦ ᑐᙵᕕᒃᑯᓐᓄᑦ ᓇᓗᓇᐃᖅᑕᐅᓯᒪᓂᖏᓐᓄᑦ ᐃᓄᐃᑦ ᑎᒥᖁᑎᖓᓂᒃ (DIO) ᐃᓛᒃᑯᑦ 32 ᓄᓇᕗᑦ ᐊᖏᕈᑎᖏᓐᓂ.

ᖃᐅᔨᒪᔨᑕᒻᒪᕆᒃ ᐱᓕᕆᐊᖃᕐᓂᐊᖅᑐᖅ ᐊᑐᐊᒐᕐᓂᒃ ᕿᒥᕐᕈᓂᕐᒥᒃ, ᐊᔭᐅᖅᑐᐃᓂᕐᒥᒃ, ᑭᒡᒐᖅᑐᐃᓂᕐᒥᒃ, ᖃᐅᔨᓴᕐᓂᕐᒥᒃ ᓯᕗᒧᔾᔨᑦᓯᐊᖁᓪᓗᒋᑦ ᑐᙵᕕᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᒧᑦ ᓯᕗᓪᓕᐅᑎᔭᕆᐊᖃᖅᑐᓂᑦ ᐊᒻᒪᓗ ᐊᑐᓕᖅᑎᑕᐅᓂᖓᓂᑦ ᐃᓛᑰᖓᔪᖅ 32 ᓄᓇᕗᑦ ᐊᖏᕈᑎᖏᓐᓂ.

ᐊᐱᖅᓱᑕᐅᔪᓐᓇᖁᓪᓗᑎᑦ ᐊᔪᙱᓐᓂᖃᕆᐊᖃᖅᑐᑎᑦ ᒥᑦᓯᑎᓐᓅᖏᑦᑐᖅ ᐅᑯᐊ: ᐃᓕᓴᕆᔭᐅᓯᒪᔪᒥᒃ ᓇᓗᓇᐃᒃᑯᑕᖅᑖᖅᓯᒪᔪᑦ ᐃᓕᓐᓂᐊᖅᓯᒪᓂᕐᒧᑦ, ᐱᓕᕆᐊᕆᓂᐊᖅᑕᖓᓂᑦ,  ᐅᕝᕙᓘᓐᓃᑦ ᐅᑭᐅᓂᒃ ᐱᖓᓱᓂᒃ ᐅᖓᑖᓄᓪᓘᓐᓃᑦ ᓇᓕᒧᖓᓂᒃ ᐱᓕᕆᖃᑦᑕᖅᓯᒪᔪᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐅᕝᕙᓘᓐᓃᑦ ᐃᓄᓕᕆᓂᕐᒧᑦ; ᓴᖏᔪᓂᓪᓗ ᐊᑐᐊᒐᓕᕆᓂᕐᒥᒃ, ᐸᕐᓇᓯᒪᑦᑎᐊᕐᓂᕐᒥᒃ,  ᕿᓂᖃᑕᐅᔪᓐᓇᑦᓯᐊᕐᓂᕐᒥᓪᓗ;  ᖃᐅᔨᒪᑦᓯᐊᕐᓂᕐᒥᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒨᖓᔪᓄᑦ ᐃᓱᒫᓘᑕᐅᕙᑦᑐᓂᒃ ᐃᓄᓐᓄᑦ ᓄᓇᕗᒻᒥᐅᓄᑦ; ᖃᐅᔨᒪᑦᑎᐊᕆᐊᖃᕐᓂᖓᓗ ᓄᓇᕗᑦ ᐊᖏᕈᑎᖏᓐᓂᒃ ᐊᒻᒪᓗ ᑐᙵᕕᒃᑯᑦ ᐱᓂᐊᕐᓂᕋᐅᑎᓂᒃ,  ᐱᓗᐊᖅᑐᒥᒃ ᐃᓛᒃᑰᖓᔪᖅ 32−ᒥᑦ.   ᐅᖃᕈᓐᓇᕐᓗᓂ ᐊᒻᒪᓗ ᑎᑎᕋᕈᓐᓇᑦᓯᐊᕐᓗᓂ ᐃᓄᑦᑎᑐᑦ ᐅᕝᕙᓘᓐᓃᑦ ᐃᓄᐃᓐᓇᖅᑐᑎᑐᑦ ᐱᔪᒐᕆᔭᐅᓂᖅᓴᐅᓂᐊᖅᑐᖅ ᐊᒻᒪᓗ ᐃᓕᒍᒪᓂᖃᑦᓯᐊᕐᓗᓂ.

ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.

 ᑮᓇᐅᔾᔭᑦᓴᐅᑎᖓ ᐱᒋᐊᕐᕕᖃᕆᐊᓐᖓᕐᓗᓂ $ 113,547.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐊᑕᖏᕐᓗᑎᒃ ᐃᑲᔫᓯᐊᒃᓴᓂᖃᑕᐅᓗᑎᑦ ᐃᖅᑲᓇᐃᔭᖅᑎᓄᑦ ᐃᑦᑐᖅᑖᖅᓯᐅᑎᑖᕈᑎᒃᓴᓄᑦ,  ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧ ᐃᑲᔫᑏᑦ.

 

ᑐᙵᕕᒃᑯᑦ ᐃᑲᔫᑎᖃᓲᑦ ᐊᔾᔨᒌᓐᖏᑦᑑᑎᒍᑦ ᐃᓪᓗᒧᑦ ᐃᑲᔫᑎᓂᑦ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᓪᓗᑎᒃ ᐃᓪᓗᒥᑦ ᑎᒍᓯᔾᔪᑎᒃᓴᒧᑦ ᐃᑲᔫᑎᑦ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $27,600.

 

ᐊᑕᖏᖅᑐᒥᑦ ᓇᓕᖅᑲᖅᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᑲᕐᓗᒍ:

 

 ᐃᖅᑲᓇᐃᔭᖅᑐᓕᕆᔨᒃᑯᑦ

ᓄᓇᕗᑦ ᑐᙵᕕᒃ ᑎᒥᖓ

ᑲᖏᕐᖠᓂᖅ,  ᓄᓇᕗᑦ X0C 0G0

ᐅᖄᓚᐅᑖ: (867) 645-5441

ᓱᒃᑲᔪᒃᑰᕈᑖ: (867) 645-5414

ᒪᑐᕝᕕᑦᓴᖓ ᐅᓪᓗᖅ:  ᒪᐃ 20, 2022

ᐱᓂᐊᕐᓂᕋᐅᑎᕗᑦ:  ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑎ ᐊᑐᕐᓗᒍ.

 

Download (PDF, 99KB)