ᐃᖅᑲᓇᐃᔮᑦᓴᑦ

ᐃᖅᑲᓇᐃᔭᖅᑎᑎᓐᓄᑦ ᐅᖃᐅᔾᔪᐃᔨᒻᒪᕆᐅᖃᑕᐅᔪᖅ, ᐱᖁᔭᓂᒃ ᕿᒥᕐᕈᓂᕐᒧᑦ− ᐱᓕᕆᐊᒃᓴᖅ ᑕᑯᒃᓴᐅᑎᑕᐅᒃᑲᓐᓂᖅᑐᖅ

ᐊᐅᓚᑦᓯᔨᑦ ᐱᓕᕆᕕᖓᓐᓂ

ᓄᓇᕗᑦ ᑐᙵᕕᒃ ᑎᒥᖓᑦ

ᑲᖏᖅᖠᓂᖅ, ᓄᓇᕗᑦ

ᐊᖓᔪᖄᖃᕐᓗᓂ ᐊᐅᓚᑦᓯᔨᒻᒪᕆᐅᔪᒥᒃ (COO), ᑖᓐᓇ ᐱᓕᕆᐊᖅ ᓴᖅᑭᓯᒪᕗᖅ

ᐃᑲᔪᖅᑎᒃᓴᐅᓂᐊᕐᓗᓂ ᑕᒪᐃᓐᓂᒃ ᐱᕙᓪᓕᐊᑎᑕᐅᔪᓂᒃ ᐊᐅᓚᑕᐅᔪᓂᒡᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ ᖃᓄᐃᓕᐅᕈᑎᒋᒍᒪᔭᖏᓐᓂᒃ ᐱᒍᒪᓇᔭᖅᑕᖏᓐᓂᒡᓗ ᑕᒪᕐᒥᒃ ᐱᔾᔪᑎᒋᓪᓗᒋᑦ ᓄᓇᕗᑦ ᑐᓐᖓᕕᒃᑯᑦ ᐃᓚᐅᓂᕆᕕᒋᔭᖏᑦ. ᐱᓕᕆᔨᖑᕐᓂᐊᖅᑐᖅ ᑲᒪᒋᔭᖃᖃᑦᑕᕐᓂᐊᖅᐳᖅ ᐊᐅᓚᑕᐅᓂᖏᓐᓄᑦ ᑲᒪᒋᔭᐅᓂᖏᓐᓄᑦ ᓄᓇᕗᑦ ᑐᓐᖓᕕᒃᑯᑦ ᐱᒍᒪᓇᔭᖅᑕᖏᑦ, ᐱᕙᓪᓕᐊᑎᑕᐅᔪᑦ ᑐᓐᖓᕕᒃᑯᓐᓄᑦ ᐃᓚᐅᓂᐊᕐᓗᑎᒃ ᐅᖃᓪᓚᖃᑎᖃᕐᓂᕐᒧᑦ/ᐋᔩᖃᑎᒌᖕᓂᕐᒧᓪᓗ/ ᓄᓇᕗᑦ ᒐᕙᒪᒃᑯᖏᓐᓂᒃ/ᑲᓇᑕᐅᑉ ᒐᕙᒪᒃᑯᖏᓐᓂᒃ ᑎᒥᐅᔪᓂᒃ ᑭᒃᑯᑐᐃᓐᓇᕐᓄᑦ ᒐᕙᒪᒋᔭᐅᔪᓂᑦ ᐱᔾᔪᑎᒋᓪᓗᒋᑦ ᐊᕙᑎᒥᐅᑕᐃᑦ ᖃᐅᔨᓴᖅᑕᐅᖃᑦᑕᕐᓂᖏᓐᓄᑦ, ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑕᐅᓯᒪᔪᑦ, ᐊᑐᐊᒐᐃᑦ ᐊᒻᒪ ᐋᖅᑭᒋᐊᖅᑕᐅᓯᒪᔪᑦ ᓄᓇᒥᐅᑕᐃᑦ ᐊᐅᓚᑕᐅᓂᖏᓐᓄᑦ ᐱᖁᔭᐃᑦ ᐊᒻᒪ ᐅᕙᓘᓐᓃᑦ ᒪᓕᒐᐃᑦ. ᐃᒡᕕᑦ ᑐᑦᑕᕐᕕᐅᓂᐊᖅᐳᑎᑦ ᑐᓐᖓᕕᒃᑯᓐᓂ ᑕᒪᐃᓐᓄᑦ ᑐᓐᖓᕕᒃᑰᖏᑦᑐᓄᑦ ᑲᑐᔾᔨᖃᑎᒌᓄᑦ ᑐᑦᑕᕐᕕᐅᓗᑎᑦ ᐱᓕᕆᖃᑎᖃᕐᓗᑎᓪᓗ ᐱᓕᕆᕕᖕᓂᒃ ᑕᐃᒪᐃᑦᑐᓕᕆᔨᐅᖃᑎᖕᓂᒃ ᐱᓕᕆᐊᖃᖅᑐᓂᒃ ᑕᐃᒪᓐᓇ ᐱᖁᔭᖏᓐᓂᒡᓗ ᑲᒪᒋᔭᖏᓐᓂᒡᓗ. ᑭᒡᒐᖅᑐᐃᓂᐊᖅᖢᑎᓪᓗ ᑐᓐᖓᕕᒃᑯᓐᓂᒃ ᐃᓄᐃᑦ ᓄᓇᓕᖕᓂ ᐊᒡᒍᖅᓯᒪᔪᓂ ᑲᑐᔾᔨᖃᑎᒌᓂᒃ ᐱᓕᕆᖃᑎᖃᕐᓗᑎᑦ, ᐱᓕᕆᕕᒡᔪᐊᓕᖕᓂᒃ ᐊᒻᒪ ᑭᒃᑯᑐᐃᓐᓇᐃᑦ ᑲᑎᒪᓕᕌᖓᑕ ᐃᓚᐅᕙᒡᓗᑎᑦ ᐊᔾᔨᒌᖏᑦᑐᓂᓗ ᑲᑎᒪᔨᐊᓛᓂ ᐱᓕᕆᔨᓪᓗ ᑎᒥᐅᖃᑎᒌᒃᑐᓂᒃ ᑲᑎᒪᖃᑎᖃᖅᐸᒡᓗᑎᑦ.

ᐊᐱᖅᓱᖅᑕᐅᖃᑕᐅᓂᐊᕈᕕᑦ; ᖃᐅᔨᒪᑦᓯᐊᕆᐊᖃᖅᐳᑎᑦ ᓄᓇᕗᑦ ᑐᓐᖓᕕᒃᑯᑦ ᐊᖏᕈᑎᖏᓐᓂᒃ, ᑐᓐᖓᕕᒃᑯᑦ ᑐᕌᒐᕆᖏᓐᓂᒃ, ᑎᒥᐅᔪᑉ ᑲᒪᒋᔭᖏᓐᓂᒃ ᐊᒻᒪ ᑲᑎᒪᔨᑦ ᐊᑐᐊᒐᖏᓐᓂᒃ; ᐱᓕᕆᓂᑰᓗᑎᓪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᕐᓂᕐᒥᒃ, ᐊᑐᐊᒐᓕᐅᕐᓂᕐᒥᒃ ᖃᐅᔨᓴᖃᑦᑕᕐᓂᕐᒥᒃ ᐊᒻᒪ ᐊᑐᓕᖅᑎᑎᔨᐅᓕᓂᐅᓗᑎᑦ; ᐋᔩᖃᑎᒌᖕᓂᕐᒥᒃ ᖃᐅᔨᒪᓗᑎᑦ ᓴᓐᖏᑦᓯᐊᕐᓗᑎᓪᓗ ᐱᓕᕆᖃᑎᒌᖕᓂᕐᒥᒃ ᑭᒃᑯᑐᐃᓐᓇᕐᓂᒃ; ᐱᓕᕆᖃᑎᖃᖅᓯᒪᓗᑎᓪᓗ ᑲᑎᒪᔨᓂᒃ ᐊᒻᒪ/ᐅᕙᓘᓐᓃᑦ ᑲᑎᒪᔨᐊᓛᓂᒃ; ᖃᐅᔨᒪᑦᓯᐊᕐᓗᑎᑦ ᓂᖓᒃᑎᑎᑦᑕᐃᓕᒪᓂᕐᒥᒃ ᖃᐅᔨᒪᑦᓯᐊᕐᓗᑎᑦ ᒐᕙᒪᒃᑯᓐᓂᒃ ᐱᓕᕆᖃᑎᖃᕐᓂᕐᓂ. ᐊᔾᔨᒌᖏᑦᑐᓂᒃ ᐱᓕᕆᐊᖃᕈᓐᓇᕐᓗᑎᑦ ᐊᑕᐅᑦᓯᒃᑯᑦ ᐃᓱᓕᕕᐅᒋᐊᖃᖅᑐᓪᓗ ᐃᓂᕆᐊᖃᕐᓂᖓᓄᑦ ᐱᓕᕆᐊᑦ ᒪᓕᖃᑦᑕᕐᓗᑎᑦ ᐊᒃᓱᕈᕐᓇᖅᑐᓕᕆᓕᓂᐅᓗᑎᓪᓗ ᖃᐅᔨᒪᑦᓯᐊᕐᓗᑎᓪᓗ ᑎᑎᕋᓕᓂᐅᓗᑎᑦ, ᑐᓴᐅᒪᑎᑎᓕᓂᐅᓗᑎᓪᓗ ᐅᖃᓪᓚᑦᓯᐊᕈᓐᓇᕐᓗᑎᓪᓗ ᑐᓴᖅᑕᐅᒋᐊᖃᖅᑐᓂᒃ. ᖃᓪᓗᓈᑎᑑᕈᓐᓇᕆᐊᖃᖅᐳᑎᑦ ᐃᓄᒃᑐᑦ ᐅᖃᕈᓐᓇᖅᐸᑦ ᐱᐅᓂᖅᓴᐅᒐᔭᕐᓗᓂ.

ᐃᓄᐃᑦ ᐊᑎᖃᖃᑦᑕᐅᔪᑦ ᓄᓇᕗᑦ ᐊᖏᕈᑎᖓᓐᓂᒃ ᐱᓇᓱᖄᑕᐅᕐᕈᓐᓇᖅᑐᐃᑦ

 ᑮᓇᐅᔭᓕᐊᖓ ᐱᒋᐊᖅᑳᕈᑎᖃᕐᓂᐊᖅᐳᖅ $119,215 ᐊᕐᕌᒍᒧᑦ (ᑮᓇᐅᔭᓕᐅᕐᓂᖅᓴᐅᓗᓂ ᐊᔪᖏᓕᖅᐸᓪᓕᐊᓂᖓᓄᑦ ᒪᓕᒡᓗᒍ) ᐊᒻᒪ ᐃᑲᔪᑏᑦ ᐊᑐᐃᕐᓇᐅᔪᐃᑦ ᑮᓇᐅᔭᓕᐊᖏᓐᓄᑦ ᒪᓪᓕᒡᓗᑏᑦ ᑕᒻᒪᑯᓄᖓ ᐋᕿᒃᓱᕐᑕᐅᑎᐊᕐᓯᒪᔪᒥ ᐃᖃᓇᐃᔭᕐᑎᐅᔪᓄᑦ ᐃᓐᓇᕐᓯᐅᑕᐅᓂᐊᕐᑐᓂᒃ ᐃᑲᔪᑏᑦ ᐊᒻᒪ ᐃᖃᓇᐃᔭᑏᑦ ᓇᓪᓕᐅᒃᑯᒫᖏᓄᑦ ᐊᒻᒪ ᓄᖃᖓᒍᑕᐅᓂᐊᕐᑐᓂᒃ ᐃᑲᔫᑎᖃᕐᓗᓂ.

ᑐᙵᕕᒃᑯᑦ ᐃᑲᔫᑎᖃᖃᑦᑕᖅᑐᑦ ᐊᔾᔨᒌᙱᑐᖅᑎᒍᑦ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ ᐃᓚᒋᔭᐅᓪᓗᓂ ᐃᑲᔫᑎ ᑎᒍᓯᔾᔪᑎᒧᑦ ᐃᓪᓗᒥᒃ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎ $27,600.

ᖃᐅᔨᒋᐊᕐᕈᓐᓇᕐᑐᑎᑦ ᐃᑲᓇᐃᔭᑦᓴᐅᑉ ᐱᓪᓗᒍ ᖃᐅᔨᒋᐊᓪᓗᑏᑦ: 

 

ᐃᖅᑲᓇᐃᔭᖅᑐᓕᕆᔨᒃᑯ

ᓄᓇᕗᑦ ᑐᙵᕕᒃ ᑎᒥᖓ

ᑲᖏᖅᖠᓂᖅ, ᓄᓇᕗᑦ X0C 0G0

ᐅᖄᓚᐅᑎᑖ: 867-645-5440

ᓱᑲᔪᒃᑯᑦ: 867-645-5414

ᒪᑐᕕᑦᓴᖓ ᐅᓪᓗᖅ: ᑎᓴᒻᐱᕆ 2, 2023

ᑐᕌᒐᕆᔭᖅᐳᑦ: “ᐃᓄᐃᑦ ᐱᕙᓪᓕᐊᓂᖃᖁᑉᓗᒋᑦ, ᐃᓅᖃᑎᒌᖕᓂᒃᑯᑦ, ᐃᓕᖅᑯᓯᑐᖃᒃᑯᑦ
ᐊᑐᓕᖅᑎᖅᑕᐅᑎᓪᓗᒍ ᓄᓇᕗᒥ ᓄᓇᑖᕐᓂᕐᒧᑦ
ᐊᖏᕈᑎᓕᐊᖅ”

Download (PDF, 356KB)