ᐊᐅᓚᓂᐅᔪᓄᑦ ᐊᐅᓚᑦᓯᔨᒻᒪᕆᐅᑉ ᐊᓪᓚᕝᕕᖓ
ᓄᓇᕗᑦ ᑐᙵᕕᒃ ᑎᒥᖓᑦ
ᐃᓂᖓ ᑲᖏᖅᖠᓂᖅ, ᓄᓇᕗᑦ
ᑐᑭᒧᐊᒃᑎᑕᐅᓗᓂ ᐊᐅᓚᑦᑎᔨᒻᒪᕆᖕᒧᑦ, ᐊᑎᖃᖃᑕᐅᔪᓕᕆᔨ ᑲᒪᒋᔭᖃᕐᓂᐊᖅᑐᖅ ᓯᕗᒻᒧᐊᒃᑎᑦᑎᓂᕐᒥᒃ ᓄᓇᕗᑦ ᑐᙵᕕᒃ ᑎᒥᖓᑕ ᐊᖏᕈᑎᒋᓯᒪᔭᖓᓂᒃ ᐊᑐᓕᖅᑎᑦᑎᓂᕐᒧᑦ ᓄᓇᕗᑦ ᐊᖏᕈᑎᖏᓐᓂᒃ. ᐱᓇᓱᐊᒐᑦᓴᓪᓗᐊᑕᓕᒃ ᐊᑎᖃᖃᑕᐅᔪᓕᕆᔨ ᓇᓗᓇᐃᖅᓯᓯᒪᓂᕐᒥᒃ ᐃᓄᐃᑦ ᐊᑎᖃᖃᑕᐅᔪᑦ ᑎᑎᕋᖅᑕᐅᓯᒪᕕᖓ ᐋᖅᑭᐅᒪᑎᑕᐅᑦᓯᐊᖁᓪᓗᒍ, ᑕᒻᒪᑕᖅᓯᒪᙱᓯᐊᕐᓗᑎᒃ ᓇᓕᖅᑯᑦᓯᓯᒪᑦᓯᐊᕐᓗᑎᓪᓗ, ᓴᐳᔾᔨᓯᒪᑦᓯᐊᕈᑎᒋᓗᒍ ᐱᔪᓐᓇᐅᑎᖏᓐᓂᒃ ᐊᒻᒪᓗ ᐃᑲᔪᖅᑕᐅᔾᔪᑎᑦᓴᖏᓐᓂᓪᓗ ᓄᓇᕗᒻᒥ ᐃᓄᐃᑦ. ᑲᔪᓯᒍᓐᓇᖁᓪᓗᒍ ᑕᒪᓐᓇ, ᐊᑎᖃᖃᑕᐅᔪᓕᕆᔨ ᑎᓕᓯᖃᑦᑕᕐᓗᓂ, ᐱᓕᖕᒪᒃᓴᐃᖃᑦᑕᕐᓗᓂ, ᐊᒻᒪᓗ ᑐᑭᒧᐊᑦᑎᑦᑎᖃᑦᑕᖅᐳᖅ ᓯᓚᑖᓃᑦᑐᓂᒃ ᐱᓕᕆᔨᒥᓂᒃ ᑲᔪᓯᑎᑦᓯᓂᕐᒧᑦ ᑐᑭᒧᐊᒍᑎᑦᓴᓂᒃ ᐱᓇᓱᐊᒐᑦᓴᓂᒃ ᑐᕌᒐᓕᖕᓂᒃ ᐱᕚᓪᓕᑎᑦᓯᓂᕐᒧᑦ ᐅᑉᐱᓇᕐᓂᖏᓐᓂᒃ ᐊᑎᖃᖃᑕᐅᔪᑦ ᐊᓪᓚᑦᑕᐅᓯᒪᕕᖏᑦ.
ᐊᐱᖅᓱᖅᑕᐅᖃᑕᐅᔪᓐᓇᓂᐊᖅᑐᑦ, ᐃᖅᑲᓇᐃᔮᖅᑖᕋᓱᒃᑐᑦ ᐃᓕᑕᕆᔭᐅᔾᔪᑎᑖᖅᓯᒪᔪᑦ ᓇᓕᒧᖓᓂᒃ ᐱᓕᕆᐊᑦᓴᒧᑦ (ᓲᕐᓗ, ᑭᒃᑯᑐᐃᓐᓇᕐᓄᑦ ᑎᑎᖅᑭᕆᓂᕐᒥᒃ, ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑕᐅᔪᒃᓴᓂᒃ, ᓇᖕᒥᓂᖃᕐᓂᕐᒧᑦ ᑎᑎᖅᑭᕆᓂᕐᒥᒃ) ᐅᕝᕙᓘᓐᓃᑦ ᐊᔾᔨᐸᓗᐊᓂᒃ ᑲᑎᓯᒪᔪᓂᒃ ᐃᓕᓐᓂᐊᖅᑕᒥᓂᒃ ᐊᒻᒪ ᐱᓕᕆᖃᑦᑕᖅᓯᒪᓂᑰᓗᑎᒃ. ᐃᖅᑲᓇᐃᔮᖅᑖᕋᓱᐊᖅᑐᑦ ᒪᕐᕉᓐᓂᒃ ᐊᕐᕌᒎᓐᓂᒃ ᐱᓕᕆᓯᒪᔭᕆᐊᓖᑦ ᓯᕗᓕᖅᑎᐅᓗᑎᒃ, ᑕᕝᕗᙵᖓᒐᔪᑦᑐᖅ ᓄᓇᖃᖅᑳᖅᓯᒪᔪᑦ ᐊᐅᓚᑦᓯᓂᖏᓐᓄᑦ ᑎᑎᕋᖅᓯᒪᔪᓂᒃ, ᐊᒻᒪᓗ ᐱᓕᕆᐊᖃᖅᓯᒪᓗᑎᒃ ᑲᑎᖅᓱᖅᑕᐅᓯᒪᔪᓂᒃ ᐊᐅᓚᑦᓯᓂᕐᒥᒃ ᐊᒻᒪᓗ ᓴᖅᑮᓂᕐᒥᒃ ᐊᐅᓚᑦᓯᓂᕐᒥᓪᓗ ᐃᓕᓴᐃᓂᕐᒥᒃ ᐱᓕᖕᒪᒃᓴᐅᑎᓂᒃ.
ᐃᓄᒃᑐᑦ ᐅᖃᕈᓐᓇᑦᑎᐊᕆᐊᓕᒃ, ᐅᕝᕙᓘᓐᓃᑦ ᐃᓕᑦᑎᔪᒪᑦᑎᐊᕐᓗᓂ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $99,999 ᐊᕐᕌᒍᒧᑦ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ). ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ $35,232 ᐃᓪᓗᒧᑦ ᐃᑲᔫᑎᑦ, ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᑦ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.
ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $35,232.00 ᐊᕐᕌᒍᒧᑦ.
ᐊᑕᖏᖅᑐᒥᒃ ᓇᓗᓇᐃᔭᖅᓯᒪᔪᒥᒃ ᐃᖅᑲᓇᐃᔮᒧᑦ ᐱᔪᓐᓇᖅᑐᑎᑦ, ᖃᐅᔨᒋᐊᕐᕕᒋᓗᒍ
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ
ᐅᖄᓚᐅᑖ: (867) 645-5440
ᓱᒃᑲᔪᒃᑰᕈᑖ: (867) 645-5414
ᒪᑐᕝᕕᒃᓴᖓ: ᐆᑦᑑᑉᐱᕆ 11, 2024
ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑦ ᐊᑐᕐᓗᒍ
LOCATION: ᑲᖏᕐᖠᓂᖅ, ᓄᓇᕗᑦCLOSING DATE: October 11, 2024
