ᐊᐅᓚᑦᑎᔨ, ᐃᓄᒃᑎᑑᓕᕆᓂᖅ ᑎᑎᖅᑲᑎᒍᑦ ᐊᒻᒪᓗ ᑐᓵᔨᐅᓂᖅ
ᑐᓴᐅᒪᖃᑦᑕᐅᑎᓕᕆᔨᒃᑯᑦ ᐱᓕᕆᕕᐊᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐃᖃᓗᐃᑦ, ᓄᓇᕗᑦ
ᐱᓕᕆᐊᒃᓴᖅ ᑕᑯᒃᓴᐅᑎᑕᐅᒃᑲᓐᓂᖅᑐᖅ
ᒪᓕᒃᖢᒍ ᐅᓇ ᐃᖃᔪᖅᑎ ᑐᑭᒧᐊᒃᑎᑦᑎᔨᒧᑦ, ᑐᓴᐅᒪᖃᑦᑕᐅᑎᓕᕆᔨᒃᑯᑦ. ᐃᖅᑲᓇᐃᔮᒃᓴᖅ ᐃᓂ ᒥᐊᓂᖅᓯᓗᓂ ᑲᒪᓂᒃᑯᑦ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐱᓕᕆᕕᐊᓐᓂ ᐊᒻᒪᓗ ᐃᓄᒃᑎᑑᓕᕆᐊᓕᑦ ᑐᑭᓕᐅᕆᓗᑎᒃ ᐊᒻᒪᓗ ᑐᓵᔨᐅᓂᕐᒥᑦ ᐅᖃᓪᓚᒃᑐᑦ ᒪᓕᒃᓗᒋᑦ, ᐃᓚᒋᓪᓗᒋᑦ ᐱᔭᕆᐊᓕᑦ ᐱᖁᑎᓄᑦ ᐊᒻᒪᓗ ᐱᔨᑦᑎᕋᕈᑎᓂᑦ, ᐃᒪᓐᓇ ᐊᖅᑭᒃᓱᐃᓂᕐᒥᑦ ᐊᐅᓚᑦᑎᓂᖅ, ᒪᓕᒃᑕᐅᔪᒃᓴᓪᓗ ᐊᒻᒪᓗ ᖃᐅᑕᒫᖅᓯᐅᑎᓂᒃ ᑲᒪᓗᑎᒃ. ᐃᒡᕕᑦ ᓇᖕᒥᓂᖅ ᐊᐅᓚᑦᑎᔨᐅᓗᑎ ᐊᒻᒪᓗ ᐊᑐᐃᓐᓇᐅᑎᑦᑎᓗᑎᒃ ᑐᑭᓕᐅᕆᐊᓕᑦ ᐃᓄᒃᑐᑦ ᐱᔭᕆᐊᖃᕌᖓᑕ ᐊᒻᒪᓗ ᑕᒻᒪᖅᓯᒪᔪᖃᖏᒃᑲᓗᐊᕐᒪᖔᑦ ᐅᖃᓕᒫᕐᓗᑎᒃ ᖃᐅᔨᓴᕐᓂᒃᑯᑦ ᐱᓕᕆᐊᖑᓯᒪᔪᓂᑦ ᐊᓯᐊᓄᑦ ᐃᓄᒃᑎᑑᓕᕆᔨᒧᑦ ᐅᑯᓇᓂ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐱᓕᕆᕕᖏᓐᓂᑦ, ᑲᑎᒪᔨᕋᓈᓂᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓂᒃ.
ᖃᐃᖁᔭᐅᓂᐊᖅᑎᓪᓗᑎᑦ ᐊᐱᖅᓱᖅᑕᐅᓂᕐᒧᑦ ᐃᖅᑲᓇᐃᔮᒃᓴᒧᑦ; ᐊᓂᒍᐃᓯᒪᔭᕆᐊᖃᖅᑐᑎᑦ ᐃᓕᓐᓂᐊᖅᓯᒪᓂᕐᒥᑦ ᐃᓄᒃᑎᑑᓕᕆᓂᕐᒥᑦ ᑐᓵᔨᐅᓂᕐᒧᑦ ᐃᓕᑕᕆᔭᐅᔾᔪᑎᖃᕐᓗᑎᑦ ᐊᐅᓚᑦᑕᐅᔪᓂᒃ, ᐅᑭᐅᓄᑦ ᑕᓪᓕᒪ,ᓄᑦ ᐅᖓᑖᓄᓪᓗ ᐱᓕᕆᐊᖃᖅᓯᒪᓗᑎᒃ ᐃᓄᒃᑎᑑᓕᕆᔨᐅᓂᕐᒥᑦ ᐃᓕᓐᓂᐊᖅᓯᒪᓗᑎᓪᓗ (ᐅᑭᐅᖕᓄᑦ ᒪᕐᕉᖕᓄᑦ). ᐃᒪᓐᓇᐃᑦᑕᕆᐊᖃᖅᑐᑦ ᐊᑲᐅᔪᐊᓗᖕᓂᒃ ᐱᕆᓕᐊᔪᑦ ᐊᐅᓚᑦᑎᔪᓐᓇᑦᑎᐊᕐᓂᕐᒥᑦ ᐃᓕᑦᑎᓯᒪᓗᑎᑦ, ᐃᓕᑦᑎᓯᒪᑦᑎᐊᕐᓗᑎᒃ ᑎᑎᕋᑦᑎᐊᔪᓂᕐᒥᑦ ᐊᒻᒪᓗ ᐅᖃᓪᓚᒍᓐᓇᕐᓂᕐᒥᑦ ᐃᓄᒃᑐᑦ ᐊᒻᒪᓗ ᖃᑉᓗᓈᑎᑐᑦ. ᖃᐅᔨᒪᓂᖃᑦᑎᐊᕐᓗᑎᑦ ᐊᔪᖏᑦᑎᐊᕐᒥᑦ ᑐᓴᐅᒪᖃᑦᑕᐅᑎᑦᑎᔪᓐᓇᕐᓂᕐᒥᑦ, ᑎᒥᐅᒧᑦ ᐊᐅᓚᑦᑎᓂᕐᒥᑦ ᖃᐅᔨᒪᓂᖃᑦᑎᐊᕐᓗᑎᒃ ᐊᒻᒪᓗ ᐱᕕᒃᓴᓂᑦ ᐊᐅᓚᑦᑎᔪᓐᓇᑦᐊᕐᓗᑎᒃ ᖃᐅᔨᒪᓂᖃᕐᓂᕐᒧᑦ, ᐊᑐᖅᓯᒪᓗᑎᓪᓗ ᐊᔾᔨᒌᖏᑦᑐᓂᒃ ᐃᓄᒃᑐᑦ ᓇᕿᑦᑕᐅᑎᒃᑯᑦ ᑎᑎᕋᕈᓐᓇᑦᑎᐊᕐᓂᕐᒥᑦ ᐊᒻᒪᓗ ᑐᑭᓕᐅᕆᔾᔪᑎᓂᒃ ᑎᑎᕋᕐᓂᕐᒧᑦ ᐊᑐᕈᓐᓇᑦᑎᐊᕐᓂᕐᒥᑦ, ᐊᒻᒪᓗ ᐃᓚᐅᑦᑎᐊᕈᓐᓇᕐᓗᑎᒃ ᐱᓕᕆᖃᑎᖕᓂᒃ ᐱᓕᕆᕕᖕᒥ ᐊᒻᒪᓗ ᐃᓄᑑᓗᑎᑦ ᐱᓕᕆᑦᑎᐊᕈᓐᓇᕐᓕᕐᓂᑦ. ᐱᓯᒪᑦᑎᐊᕆᐊᖃᖅᑐᑎᑦ ᐊᔪᖏᑦᑎᐊᕐᓂᕐᒥᑦ ᑲᒪᖃᑦᑕᕐᓂᕐᒥᑦ ᐃᓐᖐᓐᓇᖅ ᐊᓯᔾᔨᖃᑦᑕᖅᑐᓄᑦ, ᑭᖑᕙᕆᐊᖅᑕᐅᔪᓄᑦ, ᓄᖅᑲᖅᑎᑕᐅᖃᑦᑕᖅᑐᓂᑦ ᐊᒻᒪᓗ ᓂᕆᐅᓇᖏᑦᑐᓂᒃ ᓴᖅᑭᑦᑐᓂᒃ ᐊᒻᒪᓗ ᒪᓕᑦᑎᐊᕈᓐᓇᕐᓗᑎᒃ ᖃᓗᐃᓕᔾᔪᑕᐅᔪᓄᑦ ᐊᒻᒪᓗ ᐱᔪᓐᓇᕐᓗᑎᒃ ᐊᑐᓕᕈᓐᓇᕐᓂᕐᒥᑦ ᐊᔾᔨᒋᔭᐅᖏᑦᑐᓂᒃ ᐱᓕᕆᕕᐅᓂᐊᖅᑐᓂᑦ ᐊᒻᒪᓗ ᖃᓄᐃᓕᖓᒐᓗᐊᖅᐸᑕ ᐊᓯᔾᖅᑕᐅᔪᑦ
ᐱᔪᒪᔭᐅᓂᖅᓴᐅᔪᑦ ᑐᓂᔭᐅᓂᐊᖅᑐᑦ ᐃᓄᖕᓄᑦ ᐊᑎᓕᐅᖃᑕᐅᓯᒪᔪᓂᒃ ᒪᓕᒃᖢᒋᑦ ᓄᓇᕗᒥ ᐊᖏᕈᑏᑦ.
ᐱᒋᐊᕈᑎᖏᑦ ᑮᓇᐅᔭᓕᐊᕆᓇᔭᖅᑕᖏᑦ ᐃᒪᓐᓇ $95,611.00 ᐅᑭᐅᓕᒫᒧᑦ ᐃᓕᖓᔪᑦ (ᐊᔪᖏᓐᓂᖃᕆᐊᓕᒃ ᐱᓕᕆᐊᖃᖅᓯᒪᓂᕐᒥᑦ) ᐃᓗᐃᑦᑐᓂᒃ ᐃᑲᔫᓯᐊᖃᑦᑕᕐᓗᑎᑦ ᐃᓚᒋᓪᓗᒋᑦ ᐃᖅᑲᓇᐃᔭᖅᑎᓄᑦ ᓄᖅᑲᖅᑐᖅᓯᐅᑎᓂᒃ ᐸᕐᓇᐅᑎᓂᒃ, ᐊᑕᐅᑦᑎᒃᑯᑦ ᓇᓪᓕᐅᑯᒫᓄᑦ ᐊᑕᓗᑎᒃ ᐊᒻᒪᓗ ᕿᑲᕆᐊᕐᓂᕐᒧᑦ ᐊᐅᓪᓚᕈᑎᒃᓴᓂᒃ ᐃᑲᔫᓯᐊᖅᑖᖅᐸᒃᓗᑎᑦ.
ᐃᒡᓗᕐᔪᐊᒧᑦ ᐃᑲᔫᓯᐊᒃᓴᑦ ᐃᒪᓐᓇ ᐊᖏᓂᓕᑦ $27,600.
ᐃᓗᐃᑦᑐᒥᑦ ᐃᖅᑲᓇᐃᔮᒃᓴᒧᑦ ᑎᑎᕋᖅᓯᒪᔪᓂᒃ ᐱᔪᒪᒍᕕᑦ, ᐅᖃᕐᕕᒋᒃᑎᑦ ᐅᑯᐊ:
ᐃᖅᑲᓇᐃᔭᖅᑐᓕᕆᓕᒃᓄᖅ ᐅᖃᓕᒫᒐᒃᓴᓂᒃ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖄᓚᐅᑎᒃᑯᑦ: 867-645-5440
ᓱᑲᔪᒃᑯᑦ 867-645-5414
ᒪᑐᕝᕕᒃᓴᖓᑕ ᐅᑉᓗᐊ: ᕕᑉᕆᐅᕆ 17, 2023
ᐱᓕᕆᐊᒃᓴᕗᑦ: ᐃᓄᐃᑦ ᒪᑭᒪᓇᓱᐊᕐᓂᕐᒧᑦ , ᐃᓄᖃᑎᒌᖕᓂᕐᒧ ᐊᒻᒪᓗ ᐃᓕᖁᓯᓕᕆᓂᕐᒧᓗ ᓈᒪᑦᓯᐊᕐᓂᕐᒥ ᑕᑉᕘᓇ ᐊᑐᓕᕐᑎᑕᐅᓂᖓᒍ ᓄᓇᕗᑦ ᐊᖏᕈᑎᖓᓂᒃ.
LOCATION: ᐃᖃᓗᐃᑦ, ᓄᓇᕗᑦCLOSING DATE: February 17, 2023
