ᐃᖅᑲᓇᐃᔮᑦᓴᑦ

ᖃᓄᐃᑉᐱᑕ?-ᒧᑦ ᐊᕕᒃᑐᖅᓯᒪᓂᕐᒥ ᑲᒪᔨ (4 ᐃᖅᑲᓇᐃᔭᑦ)

ᐃᖅᑲᓇᐃᔭᑉ ᑕᐃᔭᐅᔾᔪᓯᖓ: ᐊᕕᒃᑐᖅᓯᒪᓂᕐᒥ ᑲᒪᔨ (4 ᐃᖅᑲᓇᐃᔭᑦ)

ᐃᓂᒋᔭᖏᑦ: ᐊᒡᒍᐊᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ, ᐅᖅᑯᐊᓂ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ, ᑭᕙᓪᓕᕐᒥ, ᕿᑎᕐᒥᐅᓂ

ᑮᓇᐅᔭᓕᐊᕈᑎᒃᓴᖅ: $145,000 ᐊᕐᕌᒍᑕᒪᑦ

ᐊᑯᓂᐅᓂᖃᕐᓗᓂ: ᑎᑭᓪᓗᒍ ᐅᑐᐱᕆ 2024

ᐊᔪᕈᓐᓇᐃᖅᓴᑎᑕᐅᓂᖅ: ᐊᔪᕈᓐᓂᐃᖅᓴᖅᑎᑕᐅᓂᖃᖅᑐᖅ ᐃᖅᑲᓇᐃᔮᒧᑦ

ᐃᖅᑲᓇᐃᔭᒧᑦ ᑲᒪᒋᔭᕆᔭᐅᔪᑦ:

  • ᐋᖅᑭᒃᓱᐃᕙᒡᓗᓂ ᐊᐅᓪᓚᕐᓂᕐᒧᑦ ᐋᖅᑭᒃᓯᒪᔭᕆᐊᓕᖕᓂᑦ ᐱᓕᕆᖃᑎᒌᒃᑐᓄᑦ 2-16 ᐃᖅᑲᓇᐃᔭᖅᑎᓄᑦ
  • ᐊᕕᒃᑐᖅᓯᒪᓂᕐᒥ ᐊᑐᖅᑕᐅᔭᕆᐊᓕᖕᓂᑦ ᓇᓗᓇᐃᖅᓯᑎᑦᑎᕙᒡᓗᓂ ᓄᓇᓕᖕᓄᑦ ᐊᐅᓪᓚᕈᑎᑦ ᖃᖓᒃᑰᓂᐊᕐᓂᖏᓐᓂᑦ
  • ᑐᑭᓯᒋᐊᕐᓂᕐᒧᑦ ᐊᐱᖅᓱᖅᑎᑦ ᐱᓕᕆᔾᔪᑎᒃᓴᖃᑦᑎᐊᕋᓗᐊᖅᑎᓪᓗᒋᑦ ᓄᓇᓕᖕᓂᑦ
  • ᐱᓕᕆᖃᑎᖃᕐᓗᓂ ᓄᓇᓕᖕᒥ ᑲᒪᔨᒥᒃ ᐋᖅᑭᒃᓱᐃᓂᕐᒥᒃ ᓄᓇᓕᖕᓅᕐᓂᐅᓂᐊᖅᑎᓂᒃ
  • ᓄᓇᓕᖕᒥ ᐱᓕᕆᔪᑦ ᐊᑭᓕᖅᑕᐅᑎᑦᑎᐊᕐᓗᒋᑦ
  • ᐅᓂᒃᑳᓕᐅᖅᐸᒡᓗᓂ ᑎᑎᖅᓯᒪᔪᑎᒍᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐅᖃᓕᒫᖅᑕᐅᔪᒃᓴᓂᒃ ᐱᔭᕆᐊᖃᕌᖓᑕ
  • ᐃᖅᑲᐃᓇᐃᔭᖅᑎᒃᓴᓂᒃ ᐃᖅᑲᓇᐃᔭᓕᖅᑎᑦᑎᖃᑕᐅᕙᒡᓗᓂ ᐊᒻᒪᓗ ᓄᑖᕐᒥᒃ ᐃᖅᑲᓇᐃᔭᖅᑎᑖᓵᓂᒃ ᐃᓕᓐᓂᐊᖅᑎᑦᑎᕙᒡᓗᓂ ᐃᖅᑲᓇᐃᔮᕆᔭᐅᔪᓂᒃ
  • ᑐᑭᓯᒋᐊᕐᓂᒃᑯᑦ ᑲᑎᖅᓱᐃᓂᖅ ᒪᓕᒋᐊᓕᖏᓐᓂᒃ ᒪᓕᒃᑎᑦᑎᐊᕐᓗᒋᑦ
  • ᐱᓕᕆᖃᑎᒌᒃᑎᑦᑎᑦᑎᐊᕐᓗᓂ ᐃᖅᑲᓇᐃᔭᕐᕕᖃᑦᑎᐊᖅᑎᑦᑎᓗᓂᓗ
  • ᐃᓕᖅᑯᓯᖃᑦᑎᐊᕐᓗᓂ ᐊᒻᒪᓗ ᐃᒃᐱᒍᓱᑦᑎᐊᕐᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ
  • ᐱᓕᕆᖃᑦᑕᕐᓗᓂ ᐊᓯᖏᓐᓂᑦ ᐃᖅᑲᓇᐃᔭᕆᔭᖏᓐᓂᒃ ᐱᓕᕆᐊᕆᔭᐅᖁᔭᐅᔪᓂᒃ

ᐊᔪᙱᓐᓂᕆᔭᐅᔭᕆᐊᓖᑦ:

  • ᐅᖃᖃᑎᖃᕈᓐᓇᑦᑎᐊᕐᓗᓂ, ᐊᕕᒃᑐᖅᓯᒪᓂᐅᔪᓂᒃ ᖃᐅᔨᒪᑦᑎᐊᕐᓗᓂ, ᕿᓄᐃᓵᕈᓐᓇᕐᓗᓂ, ᐱᓕᕆᑦᑎᐊᕈᓐᓇᕐᓗᓂ, ᐊᒻᒪᓗ ᐃᒃᐱᒍᓱᑦᑎᐊᕈᓐᓇᕐᓗᓂ.
  • ᐱᔭᕇᖅᓯᑦᑎᐊᕈᓐᓇᕐᓗᓂ ᐱᓕᕆᐊᕆᔭᐅᖁᔭᐅᔪᓂᒃ ᑭᖑᕙᙱᓪᓗᑎᒃ. ᖃᓄᐃᓕᐅᕈᑎᒃᓴᓂᒃ ᑲᒪᔨᐅᓯᒪᓗᓂ ᐊᑲᐅᓇᔭᖅᑐᖅ.
  • ᐊᓯᖏᓐᓂᒃ ᐃᖅᑲᓇᐃᔭᖃᑦᑎᐊᕈᖕᓇᕐᓗᓂ ᐊᒻᒪᓗ ᑎᓕᐅᕆᔪᖕᓇᕐᓗᓂ ᐊᓯᒥᓂᒃ ᐃᖅᑲᓇᐃᔭᖃᑎᒋᔭᖏᓐᓂᒃ.
  • ᐅᖃᓪᓚᒍᖕᓇᕐᓗᓂ ᑎᑎᕋᕈᖕᓇᕐᓗᓂᓗ ᖃᓪᓗᓈᑎᑐᑦ, ᐃᓄᒃᑐᑦ ᐊᔪᙱᒃᑯᓂ ᐊᑲᐅᓇᔭᖅᑐᖅ.
  • ᐊᑐᕈᖕᓇᕐᓗᓂ Microsoft 365−ᒥᒃ (Word, Excel, Outlook, Teams).
  • ᓄᓇᕗᑦ ᐃᓗᐊᓂ ᐊᐅᓚᖃᑦᑕᕈᖕᓇᕐᓗᓂ.

ᑭᓲᖕᒪᖔᑦ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ (QNIHS) ᐱᓕᕆᐊᖑᐃᓐᓇᕐᒪᑦ ᐃᓄᖕᓄᑦ ᓇᖕᒥᓂᕆᔭᐅᓪᓗᓂ ᖃᐅᔨᓴᕐᓂᖅ ᐱᓕᕆᐊᖑᖃᑦᑕᐃᓐᓇᕐᓂᐊᕐᓗᓂ ᓈᔭᕌᖓᑕ ᑕᓪᓕᒪᑦ ᐊᕐᕌᒍᐃᑦ. ᓄᓇᕗᒻᒥ, ᖃᐅᔨᒪᔾᔪᑎᒃᓴᐃᑦ ᓄᐊᑕᐅᔪᑦ ᐱᓕᕆᐊᖑᓂᐊᖅᑐᑦ 2024−ᒥ.

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ ᐱᔭᐅᑎᑦᑎᓂᐊᕐᒪᑦ ᐃᓘᓐᓇᓕᒫᖓᓂᑦ ᖃᐅᔨᒪᓇᖅᓯᑎᑦᑎᔾᔪᑎᒥᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᖃᓄᐃᖏᑦᑎᐊᕐᓂᖏᓐᓂᑦ ᐃᓄᐃᑦ ᐃᓘᓪᓇᖏᓐᓂ ᐊᕕᒃᑐᖅᓯᒪᓂᓕᒫᓂ – ᖃᓄᐃᑦᑐᑦ ᐊᑑᑎᖃᑦᑎᐊᕋᓗᐊᕐᒪᖔᑕ ᐊᒻᒪᓗ ᖃᓄᐃᑦᑐᑦ ᐱᐅᓯᑎᑕᐅᒋᐊᒃᑲᓂᕆᐊᖃᕐᒪᖔᑕ. ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ ᖃᐅᔨᒪᔾᔪᑎᒃᓴᑦ ᓄᐊᑕᐅᓯᒪᔪᑦ ᐱᓕᕆᐊᕆᔭᐅᓂᐊᕐᒪᑦ ᐃᓘᓐᓇᖏᓐᓂ ᓄᓇᓕᓕᒫᓂ ᐃᓘᓐᓇᓕᒫᖓᓂ ᐃᓄᐃᑦ ᓄᓇᖓᓐᓂ – ᓄᓇᕗᒻᒥ, ᐃᓄᕕᐊᓗᐃᑦ ᓄᓇᖓᓐᓂᑦ, ᓄᓇᕕᖕᒥ, ᐊᒻᒪᓗ ᓄᓇᑦᓯᐊᕗᒻᒥ. ᖃᐅᔨᓴᖅᓯᓂᖅ ᐊᐱᖅᑯᑎᖃᖃᑦᑕᕐᓂᐊᕐᒪᑦ ᐊᔾᔨᒌᓂᒃ ᐊᐱᖅᑯᑎᓂᒃ ᐃᓘᓐᓇᓕᒫᖏᓐᓄᑦ ᐊᕕᒃᑐᖅᓯᒪᓂᓕᒫᓄᑦ ᐃᓄᐃᑦ ᓄᓇᖓᓐᓂ, ᐃᓚᒋᔭᐅᓗᑎᒃ ᐊᐱᖅᑯᑎᑦ ᑐᕌᖓᓗᐊᙳᐊᖅᑐᑦ ᓄᓇᕗᒻᒧᑦ. ᖃᐅᔨᓴᖅᑕᐅᖃᑕᐅᓂᐊᖅᑐᑦ ᓇᓪᓕᐊᓂᑐᐃᓐᓇᖅ ᓂᕈᐊᖅᑕᐅᑐᐃᓐᓇᖃᑦᑕᕐᓂᐊᕐᒪᑕ ᐃᓘᓐᓇᓕᒫᖏᓐᓂᑦ ᐃᓄᐃᑦ ᓄᓇᕗᒻᒦᑦᑐᓂᒃ.

ᐃᓄᐃᑦ ᐃᓚᓕᐅᕈᑎᖃᖅᑐᑦ ᓄᓇᕗᑦ ᐊᖏᖃᑎᒌᒍᑎᓂ ᐱᔫᒥᒋᔭᐅᓂᖅᓴᐅᔪᑦ ᐃᖅᑲᓇᐃᔭᒃᓴᒧᑦ.

ᒪᑐᕝᕕᒃᓴᖅ: ᒪᑐᐃᖓᓛᖅᑐᖅ ᐃᖅᑲᓇᐃᔭᖅᑎᑖᖅᓯᐅᕆᓗᒍ

ᑐᑭᓯᒋᐊᒃᑲᓐᓂᕐᕕᒃᓴᖅ