ᐃᖅᑲᓇᐃᔮᑦᓴᑦ

ᐃᓪᓗᖁᑎᒋᔭᐅᔪᓄᑦ ᐊᐅᓚᑦᓯᔨ

ᑲᒪᒋᔭᐅᓂᐊᖅᑐᖅ ᐊᖓᔪᖅᑳᒻᒪᕆᖓᓄᑦ ᐊᐅᓚᑦᓯᓂᕐᒧᑦ ᑲᒪᔨᐅᔪᒧᑦ,  ᑖᓐᓇ ᐃᓪᓗᖁᑎᒋᔭᕐᓄᑦ ᐊᐅᓚᑦᓯᔨᐅᓗᓂ ᐱᓕᕆᐊᖃᕐᓂᐊᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑕ ᓇᒻᒥᓂᖁᑎᒋᔭᖏᓐᓂᑦ ᐅᕝᕙᓘᓐᓃᑦ ᐊᑐᖅᑐᐊᖅᑕᐅᔪᓂᒃ ᐃᓪᓗᖁᑎᒋᔭᐅᔪᓂᑦ ᐱᓕᕆᐊᕆᖃᓯᐅᑎᓂᐊᖅᑕᖓ ᐱᓕᕆᖃᑎᖃᖃᑦᑕᕐᓗᓂ ᐊᑐᖅᑐᐊᕈᑎᒃᓴᓄᑦ ᐃᓪᓗᓄᑦ ᐊᐅᓚᑦᓯᔨᐅᔪᓂᑦ,   ᑲᒪᒋᔭᖃᕐᓗᓂᓗ ᐃᓘᓐᓇᖏᓐᓂᑦ ᐊᑐᖅᑐᐊᖅᑕᐅᔪᓂᑦ,  ᑲᒪᒋᓗᒋᓪᓗ ᐊᑐᖅᑐᐊᖅᑕᐅᔪᓕᒫᓂᑦ ᐃᖅᑲᓇᐃᔭᖅᑎᖁᑎᒋᔭᐅᔪᓄᑦ ᐃᑲᔪᖅᑕᐅᓂᒃᑯᑦ ᐃᓪᓗᖃᖅᑎᑕᐅᔪᓂᑦ,  ᑲᒪᒋᔭᖃᕐᓗᓂᓗ ᐊᑭᒋᔭᐅᓇᔭᖅᑐᓂᑦ−ᐊᑑᑦᓯᐊᕐᓂᖅᐹᖑᔪᓐᓇᖅᑐᓂᓪᓗ ᖃᓄᖅᑑᕈᑎᖃᕈᓐᓇᑦᓯᐊᕐᓗᓂᓗ ᓄᑖᑦ ᐃᓪᓗᐃᑦ ᐊᑐᖅᑐᐊᖅᑕᐅᔾᔪᑎᒃᓴᖏᓐᓄ ᐅᕝᕙᓘᓐᓃᑦ ᓂᐅᕕᕆᐊᖃᕐᓂᕈᓂᓗ ᐊᑐᖅᑐᐊᕋᑦᓴᓂᑦ,  ᐊᐅᓚᑦᓯᑦᓯᐊᕐᓗᓂ ᐃᒃᐱᒍᓱᑦᓯᐊᕐᓗᓂᓗ,  ᐊᑦᑕᓇᓐᖏᑦᑐᒦᑦᓯᐊᕐᓂᕐᒧᑦ ᐊᒻᒪᓗ ᐊᐅᓚᑕᐅᓂᖃᑦᓯᐊᕐᓗᑎᓪᓗ ᐊᑐᖅᑐᐊᖅᑕᓕᒫᑦ/ᓇᒻᒥᓂᖁᑎᒋᔭᐅᔪᓪᓘᓐᓃᑦ ᐃᓪᓗᖅᔪᐊᑦ,  ᐅᖃᖃᑎᖃᕈᓐᓇᑦᓯᐊᕐᓗᓂᓗ ᐃᓪᓗᓂᑦ ᐊᑐᖅᑐᐊᖅᑎᑦᓯᔨᐅᔪᓂᑦ ᐃᓘᓐᓈᒍᑦ ᐊᐅᓚᑦᓯᔾᔪᑕᐅᔪᓐᓇᖅᑐᓂᒃ ᑕᒪᒃᑯᓄᖓ ᐊᑐᖅᑐᐊᖅᑕᐅᕙᑦᑐᓄᑦ ᐃᓪᓗᓄᑦ.

ᖃᐃᖁᔭᐅᒍᒪᒍᕕᑦ ᐊᐱᖅᓱᖅᑕᐅᓂᕐᒧᑦ,  ᐸᐃᑉᐹᖁᑎᖃᕆᐊᖃᓪᓚᕆᑉᐳᑎᑦ ᐃᓪᓗᒋᔭᕐᓄᑦ ᐊᐅᓚᑦᓯᓂᕐᒧᑦ ᐱᒃᑯᒥᓇᕋᔭᖅᐳᖅ ᐊᒻᒪᓗ ᐊᖅᕌᒍᓄᑦ ᒪᖅᕉᓐᓄᑦ ᐱᓕᕆᐊᖃᓚᐅᖅᓯᒪᒍᕕᓪᓗ ᐃᓪᓗᖁᑎᒋᔭᕐᓂᒃ ᐊᐅᓚᑦᓯᓂᕐᒧᑦ ᓈᒻᒪᒃᑲᔭᖅᐳᖅ ᐅᕝᕙᓘᓐᓃᑦ ᑕᐃᒫᓪᓗᐊᑕ ᐱᓕᕆᐊᖃᖅᓯᒪᒍᕕᑦ ᐊᔾᔨᒐᓚᖓᓂᑦ.  ᐱᔪᓐᓇᕐᓂᖃᑦᓯᐊᕆᐊᖃᕐᓂᖅ ᐃᖅᑲᓇᐃᔮᒧᑦ ᑖᑦᓱᒧᖓ ᐸᐃᑉᐹᖁᑎᑖᕆᔭᐅᓲᖅ ᑐᑯᒪᓪᓚᕆᑦᑐᒧᑦ ᐃᓪᓗᖁᑎᒋᔭᐅᔪᓄᑦ ᐊᐅᓚᑦᓯᔨᐅᓂᕐᒧᑦ ᐃᓕᓐᓂᐊᖅᕖᑦ ᓯᓚᑦᑐᓴᖅᕕᒃᑯᑎᒍᑦ ᐱᑖᕈᑕᐅᓲᖑᓪᓗᑎᒃ.  ᐱᓕᕆᐊᖃᖅᓯᒪᓗᓂᓗ ᐊᒻᒪᓗ ᖃᐅᔨᒪᑦᑎᐊᕐᓗᓂᓗ ᑕᒪᒃᑯᓂᖓ ᑮᓇᐅᔭᓕᕆᔾᔪᑕᐅᓲᓂᓪᓗ,  ᑮᓇᐅᔭᓂᑦ ᐊᑐᖅᑕᐅᔪᒃᓴᓂᓪᓗ ᓴᖅᑮᔪᓐᓇᕐᓗᓂᓗ ᐊᒻᒪᓗ ᐱᓕᕆᕝᕕᒋᔭᖓᑎᒍᓪᓗ ᐊᐅᓚᑕᐅᔾᔪᑕᐅᓲᓂᒃ ᖃᐅᔨᒪᑦᓯᐊᕆᐊᖃᖅᓱᓂᓗ.  ᐋᖅᑭᓱᖅᓯᒪᑦᓯᐊᖅᑐᓂᒃ,  ᑎᑎᕋᕈᓐᓇᕐᓗᓂ ᐊᒻᒪᓗ ᖃᐅᔨᒪᔭᐅᔾᔪᑕᐅᓇᓱᐊᕈᑎᓂᓪᓗ ᐱᔪᓐᓇᕐᓂᖃᑦᓯᐊᕆᖃᖅᐳᖅ ᐱᓗᐊᖅᑐᒥᓪᓗ ᐊᓚᒃᑲᐃᓯᒪᓂᖃᑦᓯᐊᕆᐊᖃᕆᓪᓗᓂ ᐱᔪᓐᓇᕐᓂᖃᑦᓯᐊᕐᓂᕐᒥᒃ ᐃᓘᓐᓈᒍᑦ ᐃᓪᓗᖁᑎᒋᔭᐅᔪᓂᒃ ᐊᐅᓚᑦᓯᔨᐅᓂᕐᒧᑦ ᑲᒪᒋᔭᐅᓪᓗᐊᑕᖅᐸᑐᓂᒃ,  ᐊᒻᒪᓗ ᓱᓕ ᐊᑐᓕᖅᑎᑦᓯᔨᐅᒍᓐᓇᑦᓯᐊᕐᓗᓂ ᐊᑐᖅᑕᐅᒋᐊᓕᓐᓂᑦ ᐊᒻᒪᓗ ᖃᐅᔨᒪᓇᓱᐊᕐᓗᓂᒋᑦ ᐃᖅᑲᓇᐃᔮᓂᑦ ᑲᔪᓯᑦᓯᐊᖅᑕᖁᓪᓗᒋᑦ.

ᐱᔫᒥᒋᔭᐅᓂᐊᖅᑐᖅ ᐃᓄᐃᑦ ᐊᑎᓕᐅᕐᑕᐅᓯᒪᔪᒥᑦ ᑕᕝᕘᓇ ᓄᓇᕗᑦ ᐊᖏᕈᑎᖓᒍᑦ.

 ᑮᓇᐅᔭᓕᐊᕆᔭᐅᓂᐊᖅᑐᖅ ᐱᒋᐊᕋᔭᖅᑐᖅ $ 125,769.00 ᐊᕐᕌᒍᑕᒫᑦ (ᓇᓕᒨᖅᑎᑕᐅᓂᐊᖅᑐᖅ ᐊᔪᓐᖏᓐᓂᖓ ᒪᓕᓪᓗᒍ) ᐃᓚᖃᕐᓗᓂ ᐃᖅᑲᓇᐃᔭᖅᑎᒧᑦ ᐃᑲᔫᑎᒃᓴᖅ ᐃᑦᑐᕐᓯᐅᑎᑖᕈᑎᒃᓴᓄᑦ ᐃᓚᐅᑎᑕᐅᓂᕐᒧᑦ,  ᑲᑎᓐᖓᔪᓄᑦ ᓇᓪᓕᐅᒃᑯᒫᑦᓴᐅᑎᓄ ᐊᒻᒪᓗ ᕿᑲᕆᐊᕐᓂᕐᒧᑦ ᐊᐅᓪᓚᓂᕐᒥᒃ ᐃᑲᔫᑎᓂᑦ.

ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᑲᔪᕐᓂᐊᕐᒥᔪᖅ ᐃᓪᓗᖅᔪᐊᕐᒧᑦ ᐃᖅᑲᓇᐃᔭᖅᑎᓄᑦ ᓇᒻᒥᓂᖅᑖᕋᓱᐊᖅᑐᓄᑦ ᑎᒍᓯᔾᔪᑎᒃᓴᒥᑦ ᐊᒻᒪᓗ ᐃᓪᓗᒧᑦ ᐊᑐᖅᑐᐊᕐᓂᕐᒧᓪᓘᓐᓃᑦ $ 27,000-ᓂᑦ.

 ᑕᑯᑦᓯᐊᕈᒪᒍᕕᑦ ᐃᓗᐃᑦᑐᒥᒃ ᐱᓕᕆᐊᒃᓴᐅᑉ ᐅᓂᒃᑳᓕᐊᖓᓂᑦ ᖃᐅᔨᒋᐊᕈᓐᓇᖅᑐᑎᑦ:

 ᐃᖅᑲᓇᐅᔭᖅᑐᓕᕆᔨᒃᑯᑦ

ᓄᓇᕗᑦ ᑐᓐᖓᕕᒃ ᑎᒥᖓ

ᑲᖏᖅᓯᕐᓂᖅ,  ᓄᓇᕗᑦ X0C 0G0

ᐅᖄᓚᐅᑎᒃᑯᑦ:  867-645-5440

ᓱᑲᑦᑐᒃᑯᑦ ᐊᐅᓚᑎᑦᓯᕕᒃᓴᖅ: 867-645-5414

ᐅᒃᑯᐊᖅᕕᒃᓴᖅ:  ᔫᓂ 24,  2022

Download (PDF, 36KB)