ᐃᖅᑲᓇᐃᔮᑦᓴᑦ

ᐱᓕᕆᐊᑦᓴᓕᕆᔨ

ᐃᓄᐃᑦ ᐱᓕᒻᒪᓴᕐᓂᒃᑯᑦ ᐃᓕᓐᓂᐊᕈᑎᑦᓴᖏᑦ (ᒪᑭᒋᐊᖅᑕ)
ᓄᓇᕗᑦ ᑐᙵᕕᒃ ᑎᒥᖓ
ᐃᓂᖃᕐᓂᐊᖅᑐᖅ ᐃᖃᓗᐃᑦ, ᓄᓇᕗᑦ

 ᐆᑦᑑᑉᐱᕆ 31, 2026−ᒧᓄᑦ ᐃᖅᑲᓇᐃᔮᖑᓂᐊᖅᑐᖅ

ᑐᑭᒧᐊᒃᑎᑦᓯᒍᑎᖓᒍᑦ ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓᑕ, ᐃᓄᐃᑦ ᐱᓕᒻᒪᓴᕐᓂᕐᒧᑦ ᐱᓕᕆᐊᑦ, ᐱᓕᕆᐊᒃᓴᓕᕆᔨ ᐱᓕᕆᔨᐅᓂᐊᖅᑐᖅ ᕿᒥᕐᕈᖃᑦᑕᕐᓗᓂ ᑮᓇᐅᔭᓂᒃ ᑐᒃᓯᕋᐅᑎᓂᒃ, ᒥᐊᓂᖅᓯᓗᓂ, ᖃᐅᔨᓴᕐᓗᓂ ᐋᖅᑭᐅᒪᑦᓯᓗᓂᓗ ᐃᖅᑲᓇᐃᔮᓅᖓᔪᓂᒃ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᖏᓐᓄᑦ. ᑲᑎᒪᖃᑎᖃᖃᑦᑕᕐᓗᓂᓗ ᐃᖅᑲᓇᐃᔭᖃᑎᖃᖃᑦᑕᕐᓗᓂ ᑎᒍᒥᐊᖅᑎᓂᒃ, ᒐᕙᒪᓂᒃ, ᐱᓕᖕᒪᒃᓴᐅᑎᓄᑦ ᑯᐊᐳᕇᓴᓂᒃ ᐊᒻᒪᓗ ᐊᓯᖏᓐᓂᒃ ᐱᓕᕆᕝᕕᓐᓂᒃ. ᑖᓐᓇ ᐱᓕᕆᐊᖅ ᐊᐅᓚᓂᐅᔪᓄᑦ ᐋᖅᑭᑦᓯᒪᒍᑎᓂᒃ ᓴᖅᑮᖃᑦᑕᖅᑐᖅ, ᐆᑦᑐᕋᐅᑎᓄᑦ ᓇᓗᓇᐃᒃᑯᑕᕐᓂᒃ ᐊᒻᒪᓗ ᓴᖅᑭᖅᑐᓂᒃ, ᐋᖅᑭᓱᐃᔨᐅᓗᓂ ᐱᐅᓂᖅᐹᑎᒍᑦ ᓇᓗᓇᐃᖅᓯᒪᔪᓂᒃ ᑐᑭᒧᐊᒍᑎᒃᓴᓂᒃ ᐊᒻᒪᓗ ᐋᖅᑭᐅᒪᑦᓯᔨᐅᓪᓗᓂ ᐱᓇᓱᐊᖃᑎᒋᔭᐅᔪᓂᒃ ᐱᓕᕆᐊᒃᓴᓄᑦ ᐱᓇᓱᐊᖃᑎᒥᓂᒃ. ᑖᓐᓇ ᐱᓕᕆᐊᖅ ᑐᓴᐅᒪᑎᑦᓯᖃᑦᑕᓂᐊᖅᑐᖅ ᐊᒻᒪᓗ ᐃᓘᓐᓈᒍᑦ ᓇᓗᓇᐃᖅᓯᓯᒪᓂᒃᑯᑦ ᐃᑲᔫᑎᒃᓴᒥᒃ ᐃᓱᒪᓕᐅᕈᑎᓄᑦ ᐋᖅᑭᒋᐊᕆᖃᑦᑕᓂᕐᒥᒃ ᐋᖅᑭᒋᐊᕆᐊᓕᓐᓂᒃ ᐱᐅᓯᒋᐊᕆᐊᓕᓐᓂᓪᓗ ᐱᓕᕆᐊᒃᓴᓄᑦ ᐊᒻᒪᓗ ᐃᑉᐱᒍᓱᑦᓯᐊᕐᓗᓂ ᐱᓕᕆᐊᒃᓴᓄᑦ ᐊᑐᖅᑕᐅᔭᕆᐊᖃᖅᑎᑕᐅᔪᓂᒃ, ᓇᓗᓇᐃᕆᓯᒪᓗᓂ ᑲᔪᓯᐊᑦᓯᐊᖅᑐᒥᒃ ᑐᓂᐅᖅᑲᐃᖃᑦᑕᓂᕐᒧᑦ ᑮᓇᐅᔭᓕᑕᐅᒍᑎᓂᒃ ᓄᓇᓕᓐᓄᑦ/ᑲᑎᒪᔨᕋᓛᓄᑦ ᐱᕕᓕᒫᖓᒍᑦ ᐱᔪᒪᔭᐅᔪᑦ ᓴᖅᑭᖅᑕᐅᖃᑦᑕᖁᓪᓗᒋᑦ, ᒪᑭᑉᐸᓪᓕᐊᒍᑎᒃᓴᒥᒃ ᐊᒻᒪᓗ ᐊᖏᖅᓯᒪᓂᒃᑯᑦ ᑐᓂᓯᒪᑦᓯᐊᖁᓪᓗᒋᑦ ᐋᖅᑭᑦᑕᐅᓯᒪᔪᓂ ᐱᓇᓱᐊᒐᑦᓴᓕᐊᖑᓯᒪᔪᓄᑦ ᑎᑭᐅᑎᒍᑎᒃᓴᓂᒃ.

ᐊᐱᖅᓱᖅᑕᐅᔪᓐᓇᓂᐊᖅᑐᑎᑦ ᐱᓕᕆᐊᒃᓴᒧᑦ; ᐃᓕᓐᓂᐊᕌᓂᑦᓯᒪᓗᑎᑦ 12-ᒥ ᐃᓕᓐᓂᐊᕐᕕᐊᓗᒻᒥ 1-3 ᐊᕐᕌᒍᓂᒃ ᐱᓕᕆᓯᒪᓗᑎᑦ ᐊᑦᑐᐊᔪᓂᒃ ᑕᕝᕗᖓ; ᐃᖅᑲᓇᐃᔮᖅᑖᕋᓱᐊᖅᑐᖅ ᐋᖅᑭᒋᐊᓕᖕᓂᒃ ᐋᖅᑮᒍᓐᓇᑦᓯᐊᕆᐊᓕᒃ. ᓇᖕᒥᓂᖅ− ᐱᓕᕆᒋᐊᕈᓐᓇᕐᓗᓂ ᑲᒪᒋᒋᐊᓕᖕᓂᒃ ᐊᒻᒪᓗ ᐃᖅᑲᓇᐃᔭᕈᓐᓇᕐᓗᓂ ᐊᑦᓱᕉᓐᓂᖓᓇᖅᑐᒃᑰᕋᓗᐊᕈᓂ ᐊᑦᓱᕈᕐᓇᑐᒃᑯᓪᓗ ᐊᒻᒪᓗ ᐃᖅᑲᓇᐃᔭᖃᑦᑕᕐᓗᓂ ᐱᐊᓂᒃᓴᐅᑎᒋᒋᐊᓕᖕᓂᒃ. ᐱᓕᕆᒍᓐᓇᕆᐊᓕᒃ ᒐᕙᒪᓕᕆᓂᕐᒨᖓᔪᓂᒃ ᐃᑉᐱᓇᖅᑐᓂᒃ ᐊᒻᒪᓗ ᖃᐅᔨᒪᔮᖑᑦᓯᐊᕐᓗᓂ ᐃᑉᐱᓇᖅᑐᓂᒃ ᐃᓄᓐᓅᖓᔪᓂᒃ ᐱᓕᕆᔪᓐᓇᕐᓃᑦ. ᐃᖅᑲᓇᐃᔮᖅᑖᕋᓱᐊᖅᑐᖅ ᖃᐅᔨᒪᓂᖃᕆᐊᓕᒃ ᓄᓇᕗᑦ ᐊᖏᕈᑎᖏᓐᓂ ᑐᙵᕕᒃᑯᑦ ᐱᓂᐊᕐᓂᕋᐅᑎᖓᓂᒃ, ᐊᒻᒪᓗ ᒐᕙᒪᑐᖃᒃᑯᑦ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᐊᐅᓚᔾᔪᑎᖏᓐᓂᒃ ᐊᒻᒪᓗ ᑐᙵᕕᒃᑯᑦ ᑎᒥᐅᔪᖅ ᐊᐅᓚᑦᓯᔾᔪᑎᖓᓂᒃ. ᐃᓄᒃᑎᑑᕈᓐᓇᓯᐊᕐᓂᖓ/ ᐃᓄᐃᓐᓇᑐᓪᓘᓐᓃᑦ ᐃᑲᔫᑎᒻᒪᕆᒍᓐᓇᖅᑐᖅ.

ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ

ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $98,386.00  ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᑦ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.

ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $35,865.00 

ᐃᖅᑲᓇᐃᔮᖅ ᓇᓗᓇᐃᔭᖅᓯᒪᓂᖓᓂᒃ ᐱᔪᒪᔪᓐᓇᖅᑐᑎᑦ ᐅᕙᙵᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᖃᖏᕐᖠᓂᖅ, ᓄᓇᕗᑦ X0C-0G0

ᐅᖄᓚᐅᑖ: (867) 645-5408
ᓱᒃᑲᔪᒃᑰᕈᑖ: (867) 645-3872

ᒪᑐᕕᑦᓴᓕᒃ ᐱᓕᕆᐊᒃᓴᑦ: ᑏᓰᒻᐱᕆ 12, 2025

ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑦ ᐊᑐᕐᓗᒍ

Download (PDF, 106KB)

LOCATION: (English) Iqaluit
CLOSING DATE: December 12, 2025