ᐃᖅᑲᓇᐃᔮᑦᓴᑦ

ᐱᓕᕆᐊᓄᑦ ᐊᐅᓚᑦᓯᔨ

ᐱᕈᖅᐸᓪᓕᐊᔪᒧᑦ ᐱᓕᕆᖃᑕᐅᒋᑦ ᐃᖅᑲᓇᐃᔭᖅᑎᑎᓐᓄᑦ
ᐱᓕᕆᐊᓄᑦ ᐊᐅᓚᑦᓯᔨ
ᓇᖕᒥᓂᖅᓱᖅᐸᓪᓕᐊᔪᓕᕆᔨᒃᑯᓐᓂ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐃᖃᓗᐃᑦ, ᓄᓇᕗᑦ
ᐊᖓᔪᖄᖃᕐᓗᓂ ᑐᑭᒧᐊᒃᑎᑎᔨᒥᒃ ᓇᖕᒥᓂᖅᓱᖅᐸᓪᓕᐊᓂᕐᒥᒃ; ᐱᓕᕆᐊᖃᖃᑦᑕᕐᓂᐊᖅᐳᖅ ᖃᐅᔨᓴᕐᓂᕐᒥᒃ,
ᐸᕐᓇᐅᑎᖃᕐᓂᕐᒥᒃ ᐊᐅᓚᑦᓯᓂᕐᒥᒡᓗ “ᐱᓕᕆᐊᒥᒃ” ᐋᔩᖃᑎᒌᖕᓂᕐᒥᒃ, ᐊᑐᓕᖅᑎᑎᓂᕐᒥᒡᓗ ᓇᖕᒥᓂᖅ
ᒐᕙᒪᖃᖅᐸᓪᓕᐊᓂᕐᒥᒃ ᐊᖏᕈᒻᒥᒃ (ᕈᓐᓂᒃ). ᐱᓕᕆᐊᖃᖃᑦᑕᕐᓗᑎᓪᓗ ᐊᔾᔨᒌᖏᑦᑐᓂᒃ; ᑐᓴᐅᒪᖃᑦᑕᐅᑎᓗᓯᓗ
ᑐᓐᖓᕕᒃᑯᑦ ᑐᑭᒧᐊᒃᑎᑎᔨᖏᓐᓂᒃ, ᓄᓇᓖᑦ ᐊᕕᒃᑐᖅᓯᒪᓂᖏᑦᑎᒍᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᑕᒪᒃᑯᓂᖓᓗ
ᓯᓚᑎᑦᑎᓐᓂ ᒐᕙᒪᐅᔪᓂᒃ ᓄᓇᕗᑦ ᒐᕙᒪᒃᑯᓐᓂᒃ, ᐃᓄᐃᑦ ᑕᐱᕇᑦ ᑲᓇᑕᒥ, ᑲᓇᑕᐅᑉ ᒐᕙᒪᒃᑯᖏᓐᓂᒡᓗ, ᓄᓇᓕᖕᓂᒃ
ᐊᓯᖏᓐᓂᒡᓗ ᐃᓚᒋᔭᐅᖃᑕᐅᒋᐊᖃᖅᑐᓂᒃ. ᐃᑲᔪᖃᑦᑕᕐᓗᑎᓪᓗ ᖃᓄᐃᓕᐅᕆᐊᖃᕐᓂᕐᒧᑦ ᐸᕐᓇᒃᓯᒪᒍᑎᒃᓴᓂᒃ
ᐋᖅᑭᒃᓱᐃᖃᑕᐅᖃᑦᑕᕐᓗᑎᑦ ᖃᓄᖅ ᐊᑐᓕᖅᑕᐅᒐᔭᕐᓂᖏᓐᓄᓪᓗ ᐃᓱᓕᕕᖃᖅᑐᓂᒃ ᐋᖅᑭᒃᑕᐅᒋᐊᖃᖅᑐᓂᒃ.
ᐃᑲᔪᖃᑦᑲᕐᓗᑎᓪᓗ ᑮᓇᐅᔭᖅᑐᕈᑎᒃᓴᖏᓐᓂᒃ ᐸᕐᓇᒃᑕᐅᓯᒪᔪᑦ ᐊᔾᔨᒌᖏᑦᑐᑦ ᐱᓕᕆᐊᒃᓴᐃᑦ, ᐃᓚᐅᓪᓗᑎᒡᓗ ᐊᖏᕈᑎᑦ
ᑮᓇᐅᔭᑎᒍᑦ ᐆᒃᑑᕈᑕᐅᔪᓪᓗ ᐱᓕᕆᐊᓄᑦ, ᐋᖅᑭᐅᒪᑎᑎᓗᑎᓪᓗ ᑲᑎᒪᑎᑎᖃᑦᑕᕐᓗᑎᓪᓗ ᑎᒥᐅᔪᓂᒃ
ᐋᖅᑭᒃᑕᐅᓯᒪᔪᓂᒃ. ᐱᓕᕆᐊᒃᓴᓂᒃ ᐊᐅᓚᑦᓯᔨ ᐃᑲᔪᖃᑦᑕᕐᓗᓂᓗ ᖃᓄᐃᓕᐅᕈᑎᒃᓴᓂᒃ ᐊᕐᕌᒍᑕᒫᖅᓯᐅᑎᓂᒡᓗ
ᐅᓂᒃᑳᓕᐅᖃᑦᑕᕐᓗᑎᑦ ᑐᓐᖓᕕᒃᑯᑦ ᑎᒥᖓᑦᑕ ᐱᕙᓪᓕᐊᓂᕆᔭᖏᓐᓂᒃ ᓇᖕᒥᓂᖅ ᒐᕙᒪᖃᖅᐸᓪᓕᐊᓂᕐᒧᑦ
ᐱᔾᔪᑎᖃᖅᑐᓂᒃ.
ᐊᐱᖅᓱᖅᑕᐅᓂᐊᕈᕕᑦ ᐱᓕᕆᐊᒃᓴᒧᑦ; ᖃᐅᔨᒪᒋᐊᖃᖅᐳᑎᑦ ᐱᓕᕆᐊᕆᓇᓱᐊᖅᑕᖏᓐᓂᒃ ᓄᓇᕗᑦ ᑐᓐᖓᕕᒃᑯᑦ
ᑎᒥᖓᑦᑕ, ᐊᒻᒪ; ᐱᓕᕆᐊᖃᖅᓯᒪᓗᑎᑦ ᐱᓕᕆᐊᓂᒃ ᐊᐅᓚᑦᓯᓂᕐᒧᑦ; ᐃᓱᒪᒃᓴᖅᓯᐅᕈᓐᓇᑦᓯᐊᕐᓗᑎᑦ ᐊᒻᒪ ᐊᒥᓱᓂᒃ
ᐱᓕᕆᐊᖃᕈᓐᓇᕐᓗᑎᑦ; ᖃᐅᔨᒪᓗᑎᒡᓗ ᐃᓄᐃᑦ ᑲᑐᔾᔨᖃᑎᒌᖏᓐᓂ ᓄᓇᓕᖕᓂᓗ ᐱᓕᕆᖃᑎᖃᓕᓂᐅᓗᑎᑦ;
ᑐᓴᐅᒪᑎᑦᓯᑦᓯᐊᕈᓐᓇᕐᓗᑎᑦ (ᐅᖃᐅᓯᒃᑯᑦ ᑎᑎᕋᖅᓯᒪᔪᒃᑯᓪᓗ), ᐱᓕᕆᖃᑎᖃᑦᓯᐊᕈᓐᓇᕐᓗᑎᒡᓗ ᑭᒃᑯᑐᐃᓐᓇᕐᓂᒃ
ᐱᓕᕆᐊᖃᑎᖕᓂᒃ ᐱᕙᓪᓕᐊᓂᕐᒧᑦ ᐊᔪᖏᓴᕐᓂᕐᒧᓪᓗ ᑕᐃᒪᓐᓇ ᐱᓕᕆᔨᐅᖃᑕᐅᔪᓂᒃ ᐱᓕᕆᖃᑎᖃᑦᓯᐊᕈᓐᓇᕐᓗᑎᑦ,
ᓄᓇᓕᖕᓂᒡᓗ ᐊᒻᒪ ᑲᑐᔾᔨᖃᑎᒋᔭᐅᔪᓂᒃ ᐱᓕᕆᐊᕐᓄᑦ.
ᐃᓄᐃᑦ ᐊᑎᖃᖃᑦᑕᐅᔪᑦ ᓄᓇᕗᑦ ᐊᖏᕈᑎᖓᓐᓂᒃ ᐱᓇᓱᖄᑕᐅᕐᕈᓐᓇᖅᑐᐃᑦ
ᑮᓇᐅᔭᓕᐊᖓ ᐱᒋᐊᖅᑳᕈᑎᖃᕐᓂᐊᖅᐳᖅ $110,336.00 (ᒪᓕᒡᓗᒍ ᐱᔪᓐᓇᕐᓂᕆᔭᖓ) ᐃᑲᔪᑏᑦ ᐊᑐᐃᕐᓇᐅᔪᐃᑦ
ᑮᓇᐅᔭᓕᐊᖏᓐᓄᑦ ᒪᓪᓕᒡᓗᑏᑦ ᑕᒻᒪᑯᓄᖓ ᐋᕿᒃᓱᕐᑕᐅᑎᐊᕐᓯᒪᔪᒥ ᐃᖃᓇᐃᔭᕐᑎᐅᔪᓄᑦ ᐃᓐᓇᕐᓯᐅᑕᐅᓂᐊᕐᑐᓂᒃ ᐃᑲᔪᑏᑦ
ᐊᒻᒪ ᐃᖃᓇᐃᔭᖅᑏᑦ ᓇᓪᓕᐅᒃᑯᒫᖏᓄᑦ ᐊᒻᒪ ᓄᖃᖓᒍᑕᐅᓂᐊᕐᑐᓂᒃ ᐃᑲᔫᑎᖃᕐᓗᓂ.
ᑐᙵᕕᒃᑯᑦ ᐃᑲᔫᑎᖃᖃᑦᑕᖅᑐᑦ ᐊᔾᔨᒌᙱᑐᖅᑎᒍᑦ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ ᐃᓚᒋᔭᐅᓪᓗᓂ ᐃᑲᔫᑎ ᑎᒍᓯᔾᔪᑎᒧᑦ
ᐃᓪᓗᒥᒃ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎ $27,600.
ᖃᐅᔨᒋᐊᕐᕈᓐᓇᕐᑐᑎᑦ ᐃᑲᓇᐃᔭᑦᓴᐅᑉ ᐱᓪᓗᒍ ᖃᐅᔨᒋᐊᓪᓗᑏᑦ:
ᐃᖅᑲᓇᐃᔭᖅᑐᓕᕆᔨᒃᑯ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C 0G0

ᐅᖄᓚᐅᑎᑖ: 8676455440
ᓱᑲᔪᒃᑯᑦ: 8676455414
ᒪᑐᕕᑦᓴᖓ ᐅᓪᓗᖅ: ᓯᑉᑕᐱᕆ 23, 2022

Download (PDF, 167KB)