ᐃᖅᑲᓇᐃᔮᑦᓴᑦ

ᐊᑐᐊᒐᕐᓂᒃ ᐊᒻᒪ ᐸᕐᓇᒍᑎᓂᒃ ᖃᐅᔨᒪᑎᒋᔭᐅᔪᖅ

ᐱᕈᖅᐸᓪᓕᐊᔪᒧᑦ ᐱᓕᕆᖃᑎᒌᑦ ᐃᖅᑲᓇᐃᔭᖅᑎᑎᓐᓄᑦ
ᐊᑐᐊᒐᕐᓂᒃ ᐊᒻᒪ ᐸᕐᓇᒍᑎᓂᒃ ᖃᐅᔨᒪᑎᒋᔭᐅᔪᖅ
ᒐᕙᒪᒃᑯᑦ ᓇᖕᒥᓂᖅᓱᖅᐸᓪᓕᐊᓂᖏᓐᓄᑦ ᐱᓕᕆᕕᒃ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐃᖃᓗᐃᑦ, ᓄᓇᕗᑦ
ᐊᖓᔪᖄᖃᕐᓗᑎᑦ ᑐᑭᒧᐊᒃᑎᑎᔨᒥᒃ ᒐᕙᒪᑦ ᓇᖕᒥᓂᖅᓱᖅᐸᓪᓕᐊᓂᖏᓐᓄᑦ; ᐱᓕᕆᐊᖃᕐᓂᐊᖅᐳᑎᑦ ᐃᑲᔪᖅᑐᐃᓂᕐᒥᒃ
ᐊᔾᔨᒌᖏᑦᑐᓂᒃ ᑕᒪᐃᑎᒍᑦ ᐃᓱᒫᓗᒍᑕᐅᔪᓂᒃ ᑐᓐᖓᕕᒃᑯᓐᓄᑦ. ᑲᒪᒋᔭᖃᖃᑦᑕᕐᓗᑎᓪᓗ ᖃᐅᔨᓴᖃᑦᑕᕐᓗᑎᑦ ᓇᐃᑦᑐᓂᒃ
ᐱᑕᖃᕐᓂᖅᓴᓂᒡᓗ ᐊᑯᓂᐅᔪᕐᓗ ᐊᑐᐊᒐᓕᐊᕆᔭᐅᕙᒃᑐᓂᒃ ᐱᔾᔪᑎᒋᔭᐅᕙᒃᑐᓂᒡᓗ ᑐᓐᖓᕕᒃᑯᓐᓄᑦ; ᑐᑭᓯᐅᒪᓗᒋᑦ
ᑐᓴᐅᒪᑎᑎᒍᑎᒋᔭᒋᓪᓗ ᑕᒪᒃᑯᐊ ᐊᑐᐊᒐᒃᓴᐃᑦ ᐱᔾᔪᑎᒋᔭᐅᔪᓪᓗ; ᐸᕐᓇᒍᑎᖃᕐᓗᑎᑦ ᐋᖅᑭᒃᓱᐃᓗᑎᑦ ᐊᑐᐊᒐᓕᕆᓂᕐᒧᑦ
ᑎᑎᕋᖅᓯᒪᔪᓂᒃ ᖃᐅᔨᓴᕈᑎᓂᒃ, ᐅᓂᒃᑳᓕᐅᖅᓯᒪᓗᑎᑦ ᑎᑎᕋᖅᓯᒪᔪᓂᒃ ᖃᐅᔨᒪᒍᑎᒃᓴᓂᒃ, ᐅᖃᓪᓚᐅᑎᒃᓴᖃᕐᓗᑎᓪᓗ
ᐊᒻᒪ/ᐅᕙᓘᓐᓃᑦ ᐅᖃᓪᓚᐅᑎᒋᓂᐊᖅᑕᕐᓂᒃ ᑎᑎᕋᖅᓯᒪᓗᑎᑦ; ᐱᓕᕆᐊᖃᕐᓗᑎᑦ ᓇᓪᓕᐊᖏᑦ
ᓯᕗᓪᓕᖅᐸᐅᑎᑕᐅᔪᒃᓴᐅᓂᖏᓐᓄᑦ ᑕᒪᒃᑯᐊ ᐱᖁᔭᐅᔪᑦ ᑐᑭᒧᐊᒃᑎᑎᔨᒧᑦ ᐊᒻᒪ ᑭᒡᒐᖅᑐᖅᑎᒧᑦ ᑐᓐᖓᕕᒃᑯᑦ
ᑲᑎᒪᑎᓪᓗᒋᑦ ᒪᓕᒡᓗᒋᑦ,
ᐊᐱᖅᓱᖅᑕᐅᓂᐊᕈᕕᑦ ᐱᓕᕆᐊᒃᓴᒧᑦ; ᐅᑯᓂᖓ ᖃᐅᔨᒪᒋᐊᖃᖅᐳᑎᑦ, ᐊᔪᖏᓐᓂᖃᕆᐊᖃᖅᐳᑎᑦ ᐊᒻᒪ
ᐱᔪᓐᓇᕆᐊᖃᖅᐳᑎᑦ: ᐊᑐᐊᒐᓕᐅᑦᓯᐊᕈᓐᓇᕐᓗᑎᑦ, ᐸᕐᓇᒃᓯᐊᕈᓐᓇᕐᓗᑎᑦ, ᖃᐅᔨᓴᕈᓐᓇᕐᓗᑎᓪᓗ
ᖃᐅᔨᓴᖅᑕᐅᖁᔭᐅᔪᓂᒃ, ᑎᑎᕋᕈᓐᓇᑦᓯᐊᕐᓗᑎᑦ ᐋᖅᑭᒃᓱᐃᓂᕐᒧᑦ ᐊᑲᐅᖏᓕᐅᕈᑎᓂᒃ ᖃᐅᔨᒪᑦᓯᐊᕐᓗᑎᑦ.
ᖃᐅᔨᒪᒋᐊᖃᖅᐳᑎᓪᓗ ᓄᓇᑖᕐᓂᕐᒧᑦ ᓄᓇᕗᒥ ᐊᖏᕈᑎᓂᒃ ᐊᒻᒪ ᑐᓐᖓᕕᒃᑯᑦ ᑐᕌᒐᕆᔭᖏᓐᓂᒃ, ᐊᒻᒪ ᐃᓄᐃᑦ
ᐃᒃᐱᒍᓱᒍᑎᒋᔭᖏᓐᓂᒡᓗ ᐊᑲᐅᖏᓕᐅᕈᑎᓂᒃ. ᕿᓂᖅᐳᒍᑦ ᐃᖕᒥᓂᒃ ᐱᕙᓪᓕᐊᑎᒍᓐᓇᖅᑐᒥᒃ ᐅᖃᐅᑎᔭᐅᖏᓪᓗᓂ
ᓴᓐᖏᔪᒥᒃ ᐱᓇᓱᐊᕈᑎᖃᕐᓗᓂᓗ ᐊᔾᔨᒌᖏᑦᑐᓂᒡᓗ ᐱᓕᕆᐊᖃᕈᓐᓇᖅᑐᒥᒃ ᐊᒥᓱᓂᒃ. ᐱᓕᕆᐊᕆᔭᐅᒋᐊᖃᖅᑐᓂᒡᓗ
ᐱᓕᕆᐊᖃᑲᐅᑎᒋᔪᓐᓇᕐᓗᓂ ᐃᓱᓕᕕᖃᖅᑐᓂᒃ, ᐊᒃᓱᕈᕐᓇᖅᑐᒦᓕᓂᐅᓗᓂᓗ ᐱᓕᕆᐊᒥᓂᒃ/ᐱᔭᕆᐊᑐᔪᓂᒡᓗ
ᐱᓕᕆᐊᖃᕈᓐᓇᕐᓗᓂ ᐅᓂᒃᑳᕈᑎᖃᕈᓐᓇᕐᓗᓂᓗ.
ᐃᓄᐃᑦ ᐊᑎᖃᖃᑦᑕᐅᔪᑦ ᓄᓇᕗᑦ ᐊᖏᕈᑎᖓᓐᓂᒃ ᐱᓇᓱᖄᑕᐅᕐᕈᓐᓇᖅᑐᐃᑦ
ᑮᓇᐅᔭᓕᐊᖓ ᐱᒋᐊᖅᑳᕈᑎᖃᕐᓂᐊᖅᐳᖅ $101,146.00 (ᒪᓕᒡᓗᒍ ᐱᔪᓐᓇᕐᓂᕆᔭᖓ) ᐃᑲᔪᑏᑦ ᐊᑐᐃᕐᓇᐅᔪᐃᑦ
ᑮᓇᐅᔭᓕᐊᖏᓐᓄᑦ ᒪᓪᓕᒡᓗᑏᑦ ᑕᒻᒪᑯᓄᖓ ᐋᕿᒃᓱᕐᑕᐅᑎᐊᕐᓯᒪᔪᒥ ᐃᖃᓇᐃᔭᕐᑎᐅᔪᓄᑦ ᐃᓐᓇᕐᓯᐅᑕᐅᓂᐊᕐᑐᓂᒃ ᐃᑲᔪᑏᑦ
ᐊᒻᒪ ᐃᖃᓇᐃᔭᖅᑏᑦ ᓇᓪᓕᐅᒃᑯᒫᖏᓄᑦ ᐊᒻᒪ ᓄᖃᖓᒍᑕᐅᓂᐊᕐᑐᓂᒃ ᐃᑲᔫᑎᖃᕐᓗᓂ.
ᑐᙵᕕᒃᑯᑦ ᐃᑲᔫᑎᖃᖃᑦᑕᖅᑐᑦ ᐊᔾᔨᒌᙱᑐᖅᑎᒍᑦ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ ᐃᓚᒋᔭᐅᓪᓗᓂ ᐃᑲᔫᑎ ᑎᒍᓯᔾᔪᑎᒧᑦ
ᐃᓪᓗᒥᒃ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎ $27,600.
ᖃᐅᔨᒋᐊᕐᕈᓐᓇᕐᑐᑎᑦ ᐃᑲᓇᐃᔭᑦᓴᐅᑉ ᐱᓪᓗᒍ ᖃᐅᔨᒋᐊᓪᓗᑏᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C 0G0

ᐅᖄᓚᐅᑎᑖ: 8676455440
ᓱᑲᔪᒃᑯᑦ: 8676455414
ᒪᑐᕕᑦᓴᖓ ᐅᓪᓗᖅ: ᓯᑉᑕᐱᕆ 23, 2022

Download (PDF, 168KB)