ᐃᖅᑲᓇᐃᔮᑦᓴᑦ

ᐊᑐᐊᒐᓕᕆᔨᒃᑯᑦ ᐸᕐᓇᓂᕐᒧᓪᓗ ᐱᓕᕆᕝᕕᐊ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐱᓕᕆᐊᒃᓴᖅ ᑕᑯᒃᓴᐅᑎᑕᐅᒃᑲᓐᓂᖅᑐᖅ

ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᒥᒃ, ᐊᑐᐊᒐᓕᕆᔨ−ᐃᓪᓗᓕᕆᓂᕐᒧᑦ ᐊᖏᕐᕋᖃᙱᑦᑐᓕᕆᓂᕐᒧᓪᓗ, ᐊᐅᓚᑦᓯᓂᐊᖅᑐᖅ ᐋᖅᑭᑦᓯᒪᔭᖏᓐᓂᒃ ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᐱᔪᒪᔭᖏᓐᓂᒃ ᐃᓪᓗᓕᕆᓂᕐᒨᖓᔪᓕᒫᓂᒃ ᐊᖏᕐᕋᖃᙱᑦᑐᓕᕆᓂᕐᒧᓪᓗ, ᑲᒪᒋᔭᖃᖃᓯᐅᑎᓗᓂ ᑖᒃᑯᑑᙱᑦᑑᒐᓗᐊᓂᒃ ᖃᐅᔨᓴᕐᓂᕐᒥᒃ, ᑮᓇᐅᔭᓕᕆᓂᕐᒥᒃ, ᐸᕐᓇᓂᕐᒥᒃ, ᐊᔭᐅᖅᑐᐃᓂᕐᒥᒃ. ᐱᓗᐊᖅᑐᒥ, ᐱᓕᕆᕕᐅᔪᖅ ᐃᑲᔪᖅᓯᒪᓂᐊᖅᑐᖅ ᑲᔪᓯᑎᑦᓯᓂᕐᒥᒃ ᐊᖏᕐᕋᑦᓴᓕᐅᓚᐅᖅᑕ− ᓄᓇᕗᒻᒥ ᐃᓄᐃᑦ ᐃᓪᓗᓕᕆᓂᕐᒧᑦ ᐊᐅᓚᔾᔭᐃᒋᐊᕈᑎᓄᑦ ᐸᕐᓇᐅᑎᓂᒃ (NIHAP).
ᐃᓪᓗᓕᕆᓂᖅ ᐃᓅᓯᕐᒧᑦ ᓈᖕᒪᖅᑭᔮᙱᔾᔪᑕᐊᓪᓗᐊᑕᖃᑦᑕᖅᑐᖅ ᐋᓐᓂᐊᖅᑐᓕᕆᓂᕐᒧᑦ, ᐊᒻᒪᓗ ᐱᔾᔪᑎᓪᓗᐊᑕᐅᔪᖅ ᒪᑭᒪᑦᓯᐊᕈᑎᓄᑦ ᐃᓅᓯᕐᒥ. ᐊᑐᐃᓐᓇᐅᑎᑦᓯᓂᖅ ᓇᓕᖅᑯᑦᓯᔪᓂᒃ, ᓈᖕᒪᑦᑐᓂᒃ, ᐊᒻᒪᓗ ᐅᓇᒻᒥᓇᖅᑐᓂᒃ ᐃᓪᓗᓂᒃ ᑕᒪᐃᓐᓄᑦ ᐃᓄᓐᓄᑦ ᐃᓗᓕᓪᓗᐊᑕᖓᓂᒃ ᑲᔪᓯᑎᑦᓯᔪᖅ ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᑐᕌᒐᖓᓂᒃ ᐃᓅᓯᕐᒧᑦ, ᐃᓕᖅᑯᓯᕐᒧᑦ, ᐊᒻᒪᓗ ᒪᑭᒪᔾᔪᑎᒃᓴᑎᒍᑦ ᖃᓄᐃᙱᑦᓯᐊᑲᓐᓂᖁᓪᓗᒋᑦ ᓄᓇᕗᒻᒥ ᐃᓄᐃᑦ.
ᐱᓕᕆᐊᖃᕐᓗᓂ ᑐᙵᕕᒃᑯᑦ ᐃᓪᓗᓕᕆᓂᕐᒧᑦ ᐊᖏᕐᕋᖃᙱᑦᑐᓕᕆᓂᕐᒧᓪᓗ ᑲᒪᒋᔭᖏᓐᓂᒃ, ᐊᑐᐊᒐᓕᕆᔨ − ᐃᓪᓗᓕᕆᓂᕐᒧᑦ ᐊᖏᕐᕋᖃᙱᑦᑐᓕᕆᓂᕐᒧᓪᓗ ᐱᓕᕆᓂᐊᖅᑐᖅ ᐅᔾᔨᓱᑦᓯᐊᕐᓗᓂ ᐃᑎᓂᖓᓂᒃ ᒫᓐᓇ ᐃᓪᓗᑭᑦᓴᕐᓂᕐᒥᒃ ᐊᒃᑐᐃᓯᒪᔪᓂᒃ ᓄᓇᕗᒻᒥ ᐃᓄᓐᓂᒃ, ᐱᓕᕆᐊᖑᕙᓪᓕᐊᔪᓂᒃ ᑐᙵᕕᒃᑯᓐᓄᑦ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐋᖅᑭᒋᐊᖅᓯᓂᕐᒧᑦ ᖁᐊᖅᓵᓇᖅᑐᒦᒍᑕᐅᓂᖓᓂᒃ, ᐊᒻᒪᓗ ᖃᓄᖅ ᑖᒃᑯᐊ ᐆᑦᑐᕋᐅᑏᑦ ᐃᕕᖅᑎᓯᒪᓂᐊᕐᒪᖔᑕ ᒫᓐᓇ ᐅᖃᐅᓯᕆᔭᐅᕙᑦᑐᓂᒃ ᐃᓪᓗᓕᕆᓂᕐᒧᑦ ᐊᖏᕐᕋᖃᙱᑦᑐᓕᕆᓂᕐᒧᓪᓗ ᓄᓇᕗᒻᒥ, ᐃᓄᐃᑦ ᓄᓇᖓᓂ, ᑲᓇᑕᒥ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᐊᒻᒪᓗ ᐊᕙᖕᒧᓕᖓᓂᖅᓴᒃᑯᑦ ᓄᓇᕐᔪᐊᖅ ᐅᑭᐅᖅᑕᖅᑐᖓᓅᖓᔪᓂᒃ.
• ᐃᓗᓕᓪᓗᐊᑕᖓ ᐃᖅᑲᓇᐃᔮᑉ ᑲᒪᒋᔭᖃᖃᓯᐅᑎᓗᓂ ᑭᒡᒐᖅᑐᐃᓂᕐᒧᑦ ᑐᙵᕕᒃᑯᓐᓂᒃ ᐅᑯᓇᓂ ᐱᔭᕆᐊᑭᓪᓕᑎᕆᔨᓂ ᐊᒻᒪᓗ ᑲᑎᒪᓂᕐᓂ:
o ᑐᙵᕕᒃᑯᑦ ᐱᖁᑎᕐᔪᐊᓕᕆᓂᕐᒧᑦ ᐃᓪᓗᓕᕆᓂᕐᒧᓪᓗ ᖃᐅᔨᒪᔨᑕᑦ ᑲᑎᒪᔨᕋᓛᖏᑦ (IHAC) ᐊᒻᒪᓗ ᐱᖁᑎᕐᔪᐊᓄᑦ ᐃᓱᕐᕆᐅᑎᓕᕆᓂᕐᒧᑦ ᐱᔭᕆᐊᑭᓪᓕᑎᕆᔩᑦ (ITWG)
ᒐᕙᒪᑦ ᐱᔭᕆᐊᑭᓪᓕᑎᕆᔨᖏᓐᓂ ᐅᑭᐅᖅᑕᖅᑐᒥ ᒐᕙᒪᖏᓐᓂ ᐊᒻᒪᓗ ᒐᕙᒪᑐᖃᒃᑯᓐᓂ, ᓲᕐᓗ:
▪ ᐃᓄᐃ ᑯᐃᓐ ᐱᓇᓱᐊᖃᑎᒌᑦ ᑲᑎᒪᔨᕋᓛᖏᑦ (ICPC) ᐃᓪᓗᓕᕆᓂᕐᒧᑦ ᐱᔭᕆᐊᑭᓪᓕᑎᕆᔩᑦ
▪ ᐱᖓᓱᓃᙶᖅᑐᑦ ᑲᑎᒪᖃᑦᑕᖅᑐᑦ ᐊᖏᕐᕋᖃᙱᑦᑐᓕᕆᓂᕐᒧᑦ ᓄᓇᕗᒻᒥ
▪ ᐊᓯᖏᓐᓂᒃ ᐊᒃᑐᐊᓂᓕᓐᓂᒃ ᑲᑎᒪᓂᕐᓂᒃ ᐃᓪᓗᓕᕆᓂᕐᒨᖓᔪᓂᒃ ᐊᖏᕐᕋᕕᒃᓴᖃᙱᑦᑐᓕᕆᓂᕐᒧᓪᓗ
• ᑎᒍᒥᐊᕐᓗᓂ ᐱᓕᕆᐊᒥᒃ, ᐊᑐᐊᒐᓕᕆᔨ − ᐃᓪᓗᓕᕆᓂᕐᒧᑦ ᐊᖏᕐᕋᖃᙱᑦᑐᓕᕆᓂᕐᒧᓪᓗ ᐋᖅᑭᑦᓱᐃᖃᑦᑕᕆᐊᓕᒃ ᐊᒻᒪᓗ ᐋᖅᑭᐅᒪᑦᓯᓗᓂ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᐊᒃᑐᐊᔪᑦ ᑎᒍᒥᐊᖅᑏᑦ, ᐃᓚᒋᔭᐅᓗᑎᒃ ᑖᒃᑯᑑᙱᑦᑐᑦ ᓄᓇᓕᓐᓂ, ᐊᕕᑦᑐᖅᓯᒪᓂᕐᒥ, ᐅᑭᐅᖅᑕᖅᑐᒥ, ᐃᓄᐃᑦ, ᐊᒻᒪᓗ ᑲᓇᑕᒥ ᐃᓪᓗᓕᕆᓂᕐᒨᖓᔪᓂᒃ ᑲᑐᔾᔨᖃᑎᒌᑦ, ᓄᓇᕗᑦ ᓄᓇᓕᖏᑦ, ᓄᓇᕗᑦ ᐊᒻᒪᓗ ᑲᓇᑕ ᒐᕙᒪᖏᑦ, ᐊᙳᑎᓯᒪᐃᓐᓇᕈᑎᓂᒃ ᐊᖏᔫᑎᓄᑦ ᐊᑐᐊᒐᕐᓅᖓᔪᖤᒃ ᐊᒻᒪᓗ ᐊᓯᔾᔨᑕᕐᓂᐅᔪᓄᑦ ᐊᒃᑐᐊᔪᓄᑦ ᐃᓪᓗᓕᕆᓂᕐᒧᑦ ᐊᖏᕐᕋᖃᙱᑦᑐᓕᕆᓂᕐᒧᓪᓗ.
ᐊᑐᖅᑕᐅᖃᑦᑕᓲᖅ ᖁᓛᓃᑦᑐᓄᑦ ᖃᐅᔨᒪᓂᖃᕆᐊᖃᕐᓂᕐᒧᑦ, ᐊᔪᙱᓐᓂᕆᔭᐅᒋᐊᓕᓐᓄᑦ ᐱᓇᓱᐊᕈᓐᓇᓯᐊᓂᕐᒧᓪᓗ, ᑎᒍᔭᐅᔪᓐᓇᓂᐊᖅᑐᑦ ᑖᒃᑯᐊ ᐅᑯᑎᒎᓇ:
• ᐃᓕᓴᕆᔭᐅᓯᒪᔪᒥᒃ ᓇᓗᓇᐃᒃᑯᑕᖅᑖᖅᓯᒪᓗᓂ ᐊᔪᙱᔾᔪᑎᒥᒃ ᖃᐅᔨᓴᕐᓂᕐᔪᐊᒧᓪᓗ ᐊᔪᙱᔾᔪᑎᒥᒃ ᐃᓚᖃᕐᓗᓂ ᑕᓪᓕᒪᓂᒃ (5) ᐊᕐᕌᒍᓂᒃ ᐱᓇᓱᐊᖃᑦᑕᖅᓯᒪᓗᓂ ᐊᑐᐊᒐᓕᕆᓂᕐᒥᒃ, ᐱᓕᕆᐊᒃᓴᓕᕆᓂᕐᒥᒃ, ᐱᓕᕆᐊᒥᒃ ᖃᐅᔨᓴᕐᓂᕐᒥᒃ, ᑐᑭᓯᓇᓱᐊᕐᓂᕐᒥᒃ ᐅᕝᕙᓘᓐᓃᑦ ᐊᒃᑐᐊᔪᓂᒃ ᑖᒃᑯᓄᖓ ᓄᓇᓕᓐᓂ, ᐊᕕᑦᑐᖅᓯᒪᓂᕐᒥ/ᐅᑭᐅᖅᑕᖅᑐᒥ, ᐅᕝᕙᓘᓐᓃᑦ ᒐᕙᒪᑐᖃᒃᑯᓐᓂ ᐃᖅᑲᓇᐃᔭᕐᕕᖕᒥ, ᐊᒻᒪᓗ ᐊᑕᐅᓯᕐᒥᒃ (1) ᐊᕐᕌᒍᒥᒃ ᐊᖓᔪᖅᑳᖑᓕᒻᒪᑦᓯᒪᓗᓂ.
• ᓈᖕᒪᒋᔭᐅᑉᐸᑦ ᐃᓕᓐᓂᐊᖅᓯᒪᓂᖓᒍᑦ ᐊᑐᓕᒻᒪᒃᓯᒪᓂᕐᒧᓪᓗ ᐃᓱᒪᒃᓴᖅᓯᐅᕈᑕᐅᔪᓐᓇᓂᐊᖅᑐᑦ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $126,736.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᓄᑦ ᐲᔭᐃᓂᖅ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.
ᑐᙵᕕᒃᑯᑦ ᐃᑲᔫᑎᖃᓲᑦ ᐊᔾᔨᒌᙱᑐᖅᑎᒍᑦ ᐃᓪᓗᒧᑦ ᐃᑲᔫᑎᓂᒃ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᓗᑎᒃ ᐃᓪᓗᒥᒃ ᑎᒍᓯᔾᔪᑎᒃᓴᒧᑦ ᐃᑲᔫᑎ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $27,600.
ᐊᑕᖏᖅᑐᒥᒃ ᓇᓪᓕᖅᑲᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᒃᑲᕐᓗᒍ;
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ X0C 0G0

ᐅᖄᓚᐅᑖ: (867) 645-5441
ᓱᒃᑲᔪᒃᑰᕈᑖ: (867) 645-5414
ᒪᑐᕝᕕᑦᓴᖓ ᐅᓪᓗᖅ: ᑎᓴᒻᐱᕆ 9, 2022
ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑎ ᐊᑐᕐᓗᒍ.

Download (PDF, 138KB)