ᐃᖅᑲᓇᐃᔮᑦᓴᑦ

ᐊᐅᓚᑦᓯᔨ− ᓄᓇᓕᕆᓂᕐᒧᑦ ᑐᑭᓯᒋᐊᕈᑎᒃᓴᓕᕆᔨᑦ ᐱᑐᒃᓯᒪᒍᑎᒃᑯᑦ ᖃᕆᑕᐅᔭᓕᕆᓕᔨᒃᑯᓪᓗ

ᐊᖓᔪᖄᖃᕐᓗᓂ ᖃᐅᔨᒪᑎᐅᔪᒥᒃ−ᓄᓇᓕᕆᔨᒃᑯᑦ ᐸᕐᓇᒃᑎᖓᓐᓂᒃ ᐊᐅᓚᑦᓯᔨᖓᓐᓂᒡᓗ; ᐋᖅᑭᒃᓱᐃᖃᑦᑕᕐᓂᐊᖅᐳᑎᑦ ᓄᓇᓄᑦ ᑐᑭᓯᒋᐊᕈᑎᒃᓴᓂᒃ (GIS), ᐱᑐᒃᓯᒪᔪᒃᑯᑦ ᖃᕆᑕᐅᔭᓕᕆᓂᕐᒥᒃ, ᑎᑎᖃᖁᑎᓕᕆᔨᓂᒡᓗ, ᐋᖅᑭᒃᓱᐃᓂᕐᒧᑦ, ᓴᓇᓂᕐᒧᑦ, ᐊᐅᓚᑦᓯᓂᕐᒧᑦ ᐱᓯᒪᓂᕐᒧᓪᓗ ᓄᓇᓕᕆᔨᒃᑯᑦ ᓄᓇᒥᐅᑕᓕᕆᔨᒃᑯᓪᓗ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓄᓇᓕᕆᓂᕐᒥᒃ ᑐᑭᓯᒋᐊᕈᑎᒃᓴᓂᒃ (IOLMIS), ᐊᒻᒪ ᓄᓇᖑᐊᓕᐅᕐᓂᕐᒥᒃ ᑐᑭᓯᒋᐊᕈᑎᒃᓴᓕᐅᕐᓗᒋᓪᓗ; ᓴᓇᓂᖅ ᐊᐅᓚᑦᓯᓂᕐᓗ ᓄᓇᓕᕆᔨᒃᑯᑦ ᓄᓇᒥᐅᑕᓕᕆᔨᒃᑯᓪᓗ ᖃᕆᑕᐅᔭᒃᑯᑦ ᑐᑭᓯᒋᐊᕈᑎᒃᓴᖏᓐᓂᒃ, ᖃᕆᑕᐅᔭᒃᑯᑦ ᐱᓕᕆᐊᕆᔭᐅᒍᑎᖏᓐᓂᒃ ᑐᑭᓯᒋᐊᕈᑎᖏᓐᓂᒡᓗ. ᖃᐅᔨᓴᖃᑦᑕᕐᓂᐊᖅᐳᑎᑦ ᓄᓇᖑᐊᓕᕆᓂᕐᒧᑦ ᑐᑭᓯᒋᐊᕈᑎᓂᒃ ᐱᓕᕆᐊᕆᔭᐅᔪᓂᒡᓗ ᓄᓇᕗᒥ ᒪᓕᒡᓗᑎᓪᓗ ᑐᓐᖓᕕᒃᑯᑦ ᖃᕆᑕᐅᔭᖁᑎᖏᓐᓂᒃ, ᐃᓗᓕᖏᓐᓂᒃ ᐱᓕᕆᒍᑎᖏᓐᓂᒡᓗ ᐱᑕᖃᖏᑦᑐᓂᒡᓗ ᐋᖅᑭᒃᓱᐃᖃᑦᑕᕐᓗᑎᑦ. ᐱᓕᕆᐊᖃᓪᓚᕆᖕᓂᖅ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓄᓇᓂᒃ ᐊᐅᓚᑦᓯᓂᕐᒥᒃ ᖃᕆᑕᐅᔭᒃᑯᑦ (IOLMIS); ᓄᓇᖑᐊᓕᐅᕐᓂᖅ ᓄᓇᓕᕆᓂᕐᒧᓪᓗ ᑐᑭᓯᒋᐊᕈᑎᒃᓴᓕᕆᓂᖅ; ᖃᕆᑕᐅᔭᒃᑯᑦ ᐱᓕᕆᐊᖃᕐᓂᖅ, ᐱᑐᒃᓯᒪᔪᓂᒃ ᑐᑭᓯᒋᐊᕈᑎᓂᒃ; ᐊᑐᐊᒐᓕᐅᕐᓂᖅ; ᖃᐅᔨᓴᕐᓂᖅ ᖃᐅᔨᓴᕈᑎᖃᖃᑦᑕᕐᓂᕐᓗ; ᐸᕐᓇᐅᑎᖃᕐᓂᖅ; ᐃᖅᑲᓇᐃᔭᖅᑐᓕᕆᓂᖅ; ᑮᓇᐅᔭᓕᕆᓂᖅ; ᑐᓴᐅᒪᑎᑎᓕᕆᓂᖅ ᐊᒻᒪ ᐱᓕᕆᒍᓯᓂᒃ ᑭᒡᒐᖅᑐᐃᓂᕐᓗ ᑕᒪᒃᑯᓂᖓ.

ᐊᐱᖅᓱᖅᑕᐅᒍᒪᔪᑦ ᐱᓕᕆᐊᒃᓴᒧᑦ ᑕᒡᕗᖓ; ᓯᓚᑐᖅᓴᕐᕕᖕᒥ ᐃᓕᓐᓂᐊᕌᓂᒃᓯᒪᒋᐊᖃᖅᐳᖅ ᓇᓗᓇᐃᒃᑯᑕᖃᕐᓗᓂ ᖃᕆᑕᐅᔭᓕᕆᓂᕐᒧᑦ ᐱᔾᔪᑎᖃᖅᑐᓂᒃ ᓄᓇᖑᐊᓕᕆᓂᕐᒧᓪᓗ ᖃᕆᑕᐅᔭᒃᑯᑦ ᑐᑭᓯᒋᐊᕈᑎᒃᓴᓕᐅᕐᓂᕐᒧᓪᓘᓐᓃᑦ. ᑕᓪᓕᒪᓂᒃ (5) ᐅᑭᐅᓂᒃ ᐱᓕᕆᓯᒪᓗᓂ ᑕᒪᒃᑯᓂᖓ, ᐱᖓᓱᓂᒃ (3) ᐅᑭᐅᓂᒃ ᐱᓕᕆᓯᒪᓗᓂ ᐊᑐᕐᓗᓂ ᖃᕆᑕᐅᔭᒃᑰᑎᓂᒃ ArcGIS Desktop,  ᐅᑭᐅᑦ ᒪᕐᕉᒃ (2) ᐋᖅᑭᒃᓱᐃᓂᖅ ᐱᓕᕆᐊᖃᐃᓐᓇᕐᓂᕐᒥᒡᓗ ᑎᑎᖃᖁᑎᒋᔭᐅᔪᓂᒃ. ᖃᕆᑕᐅᔭᓕᕆᔪᓐᓇᕐᓗᓂ ᑕᒪᒃᓂᑯᓂᖓ Windows ᐊᒻᒪ Linus ᖃᖅᑐᓂᒃ, ᐋᖅᑭᒃᓱᐃᓂᖅ ᐊᐅᓚᑦᓯᒍᑎᒃᓴᓂᒃ, ᖃᕆᑕᐅᔭᒃᑯᑦ ᐱᓕᕆᒍᑎᓂᒃ ᐊᐅᓚᑦᓯᓂᖅ, ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᒍᑎᓂᒃ ᐊᐅᓚᑦᓯᓂᖅ, vSphereᓂᒃ ᐊᐅᓚᑦᓯᓂᖅ. ᖃᕆᑕᐅᔭᒃᑯᑦ ᑐᑭᓯᐅᒪᔭᐅᔪᓂᒃ ᐋᖅᑭᒃᓱᐃᔪᓐᓇᕐᓂᖅ (VISUAL BASIC, C#,C++, AML, JavaScript, Perl). ᖃᐅᔨᒪᓗᓂᓗ ᐱᓕᕆᓯᒪᓗᓂ ᑐᑭᓯᒋᐊᕈᑎᓂᒃ ᑐᑭᓯᐅᒪᔭᐅᔪᓂᒃ ᖃᕆᑕᐅᔭᓄᑦ ᐊᑐᕐᓗᓂ HTML, Cold Fusion, JavaScript, ASP ᐅᕙᓘᓐᓃᑦ PHP. ᖃᕆᑕᐅᔭᓕᕆᔪᓐᓇᕐᓗᓂ (ᐊᔪᖏᓪᓗᓂ ᐋᖅᑭᒃᓱᐃᓂᕐᒥᒃ, ᐱᓕᕆᐊᖃᕐᓂᕐᒥᒃ ᓄᑖᖑᖅᑎᕆᓂᕐᒥᒡᓗ ᖃᕆᑕᐅᔭᓂᒃ ᐃᓗᓕᖏᓐᓂᒡᓗ). ᐅᖃᐅᓯᒃᑯᑦ ᑎᑎᖃᑎᒍᓪᓗ ᑐᓴᖅᑎᑎᒍᑎᖃᕈᓐᓇᕐᓗᓂ ᐱᓕᕆᖃᑎᒥᓂᒡᓗ ᑐᓴᐅᒪᑎᑦᓯᑦᓯᐊᕈᓐᓇᕐᓗᓂ. ᖃᐅᔨᒪᓗᓂ ᐃᓄᐃᑦ ᐃᓕᖁᓯᖏᓐᓂᒃ ᐱᖅᑯᓯᖏᓐᓂᒃ ᐅᑭᐅᖅᑕᖅᑐᒥᐅᓪᓗ ᐃᓅᓯᖏᓐᓂᒃ ᐱᒍᒪᔭᖏᓐᓂᒡᓗ; ᐱᔪᓐᓇᕐᓗᓂ ᐱᓕᕆᐊᕆᓂᐊᖅᑕᒥᓂᒃ ᐱᓯᒪᑦᓯᖏᓐᓇᕐᓗᓂᓗ, ᐱᓕᕆᕕᐅᑉ ᖃᕆᑕᐅᔭᒃᑰᕈᑎᖏᓐᓂᒡᓗ, ᑎᑎᕋᕐᕕᐅᑉᓗ ᑎᑎᖃᖁᑎᖏᓐᓂᒃ ᐊᑐᐊᒐᕐᓂᒃ ᑐᑭᑖᖅᑎᑎᔪᓐᓇᕐᓗᓂᓗ, ᒪᓕᓗᒐᕐᓂᒃ ᐱᖁᔭᖏᓐᓂᒡᓗ. ᖃᐅᔨᒪᓗᓂ ᓄᓇᕗᒥ ᓄᓇᑖᕈᑕᐅᓯᒪᔪᓂᒃ ᐊᖏᕈᑎᓂᒃ;  ᐊᔪᖏᑉᐸᑦ ᐃᓄᒃᑎᑐᑦ ᐃᓄᐃᓐᓇᖅᑐᓪᓗ ᐊᑲᐅᓂᖅᓴᐅᓇᔭᖅᐳᖅ ᐅᖃᐅᓯᕐᓂᒃ ᖃᐅᔨᒪᒃᐸᑦ ᐃᓕᓐᓂᐊᕈᒪᒃᐸᓪᓗ ᐃᓕᓐᓂᐊᕈᓐᓇᕆᐊᖃᖅᐳᖅ. ᐱᓕᕆᖃᑎᖃᕈᓐᓇᕐᓗᓂᓗ ᐊᔾᔨᒌᖏᑦᑐᓂᒃ ᐃᓄᖕᓂᒃ ᑎᒥᐅᔪᓂᒡᓗ, ᑕᒪᐃᓐᓂ ᒐᕙᒪᑯᓐᓂᒃ ᓄᓇᑖᖃᑕᐅᓯᒪᔪᓂᒡᓗ. ᑕᐃᒪᓐᓇ ᐊᔪᖏᕐᓚᒃᐸᑦ ᐊᑲᐅᓂᖅᓴᐅᔪᓐᓇᖅᐳᖅ.

ᐃᓄᐃᑦ ᐊᑎᖃᖃᑦᑕᐅᔪᑦ ᓄᓇᕗᑦ ᐊᖏᕈᑎᖓᓐᓂᒃ ᐱᓇᓱᖄᑕᐅᕐᕈᓐᓇᖅᑐᐃᑦ

ᐃᖃᓇᐃᔮᒧᑦ ᑮᓇᐅᔭᓕᐊᕆᓂᖓᑦ ᐱᒋᐊᕈᑎᖃᕐᓗᓂ $82,749.00 ᐅᑭᐅᒧᑦ (ᐊᔪᖏᓂᖓᓐᓄᑦ ᒪᓪᓕᒡᓗᒍ) ᐃᑲᔫᓯᐊᖅᑖᖃᑦᑕᕐᓗᓂᓗ ᐃᓐᓇᕐᓯᐅᑕᐅᓂᐊᕐᑐᓂᒃ ᐃᑲᔪᑏᑦ ᐊᒻᒪ ᐃᖃᓇᐃᔭᖅᑏᑦ ᓇᓪᓕᐅᒃᑯᒫᖏᓄᑦ ᐊᒻᒪ ᓄᖃᖓᒍᑕᐅᓂᐊᕐᑐᓂᒃ ᐃᑲᔫᑎᖃᕐᓗᓂ.

ᑐᙵᕕᒃᑯᑦ ᐃᑲᔫᑎᖃᖃᑦᑕᖅᑐᑦ ᐊᔾᔨᒌᙱᑐᖅᑎᒍᑦ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ ᐃᓚᒋᔭᐅᓪᓗᓂ ᐃᑲᔫᑎ ᑎᒍᓯᔾᔪᑎᒧᑦ ᐃᓪᓗᒥᒃ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎ $27,600.

ᖃᐅᔨᒋᐊᕐᕈᓐᓇᕐᑐᑎᑦ ᐃᑲᓇᐃᔭᑦᓴᐅᑉ ᐱᓪᓗᒍ ᖃᐅᔨᒋᐊᓪᓗᑎᑦ:

Cambridge ᐃᖅᑲᓇᐃᔭᖅᑐᓕᕆᔨᒃᑯ

ᓄᓇᕗᑦ ᑐᙵᕕᒃ ᑎᒥᖓ

ᑲᖏᖅᖠᓂᖅ, ᓄᓇᕗᑦ X0C 0G0

Telephone: 867 645 5440

Fax: 867 645 5414

ᐅᒃᑯᐊᕐᓂᐊᖅ: ᔪᓚᐃ 1, 2022

 

Download (PDF, 184KB)