ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᓗᓂ ᑐᑭᒧᐊᒃᑎᑦᑎᔨᒧᑦ ᐱᕙᓪᓕᐊᔪᓕᕆᔨᒃᑯᓐᓄᑦ. ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᖅᑕᐅᕝᕕᒃ (IFR) ᐃᓚᒋᔭᐅᓪᓗᐊᑕᖅᐳᖅ ᓄᓇᕗᒻᒥ ᐊᖏᕈᑎᒧᑦ ᖃᐅᔨᒪᓕᕈᒪᒧᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓄᓇᕗᒻᒥ ᐊᒻᒪ ᒐᕙᒪᑐᖃᒃᑯᓐᓂ ᓂᐅᕕᖅᐸᓪᓕᐊᔾᔪᓯᖏᓐᓂᒃ. ᑲᔪᓯᑎᑦᑎᓂᖅ IFR−ᒥᒃ ᐱᒻᒪᕆᐊᓘᓪᓗᓂ ᐃᓚᒋᔭᐅᕗᖅ ᑲᔪᓯᑎᑦᑎᓂᐊᕐᓗᓂ ᑎᑎᕋᖅᓯᒪᓂᖓᓂᒃ 24−ᒥᒃ ᐊᑐᖅᑕᐅᔭᕆᐊᖃᖅᐸᒃᑐᓂᒃ ᐅᑯᑎᒎᓇᖅ, ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥ. ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᕆᓂᕐᒧᑦ ᑲᒪᔨ ᐱᓕᕆᖃᑎᖃᓲᖑᕗᖅ ᐊᑐᐊᒐᕐᓂᒃ ᖃᐅᔨᓴᖅᑎᒥᒃ, ᐱᕙᓪᓕᐊᔪᓕᕆᓂᕐᒥᒃ ᑲᒪᒋᔭᖃᖅᐸᒡᓗᓂ IFR−ᒧᑦ ᑎᑎᕋᖅᑕᐅᔪᓂᒃ ᐊᒻᒪ ᓄᑖᙳᕆᐊᖅᑕᐅᕙᓪᓕᐊᔪᓂᒃ ᐊᒻᒪᓗᑦᑕᐅᖅ ᓇᓗᓇᐃᖅᓯᕙᒡᓗᓂ ᐊᒃᓱᕉᑕᐅᓲᓂᒃ, ᑐᓗᖅᑕᕈᑎᓂᒃ ᐊᒻᒪ ᐱᕕᒃᓴᐅᔪᓐᓇᖅᑐᓂᒃ ᐊᒃᑐᐃᔪᓂᒃ ᐃᓄᐃᑦ ᓇᖕᒥᓂᕆᔭᖏᓐᓂᒃ. ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᖅᑕᐅᓂᕐᒧᑦ ᑲᒪᔨ ᖃᐅᔨᒋᐊᕐᕕᓪᓗᐊᑕᐅᖃᑦᑕᖅᑐᖅ ᐃᓄᐃᑦ ᓇᒻᒥᓂᖁᑎᖏᓐᓄᑦ ᓄᓇᕗᑦ ᑐᙵᕕᒃᑯᓐᓂᑦ, ᐱᔨᑦᑎᕋᖅᑎᓪᓗᐊᑕᐅᓪᓗᓂ ᐊᑎᓕᐅᖃᑕᐅᓯᒪᔪᓄᑦ ᐃᓄᐃᑦ ᓇᒻᒥᓂᖁᑎᖏᓐᓄᑦ. ᐱᒻᒪᕿᐅᔪᖅ ᑲᒪᒋᔭᕆᐊᖃᖅᑕᖓ ᐊᐅᓚᑦᑎᔨᐅᑉ ᖃᐅᔨᒪᒋᐊᕐᓗᓂ ᐃᓄᐃᑦ ᐊᐅᓚᑕᖏᑦ ᐃᓚᐅᖃᑕᐅᓗᑎᒃ ᓄᓇᕘᑉ ᒪᑭᐅᒪᐃᓐᓇᕈᑎᒃᓴᖏᓐᓂ ᐱᓗᑎᒃᓗ ᐊᖏᓛᖑᔪᓐᓇᖅᑐᒥᒃ ᐱᕚᓪᓕᕈᑎᒥᒃ ᐃᓚᐅᖃᑕᐅᓂᕐᒧᑦ ᐊᑎᓕᐅᖅᑕᐅᓯᒪᕝᕕᖕᒥ.
ᖃᐃᖁᔭᐅᓂᐊᕐᓗᑎᑦ ᐊᐱᖅᓱᖅᑕᐅᓂᕐᒧᑦ; ᐱᕙᓪᓕᐊᑎᑦᑎᔪᓐᓇᕆᐊᓕᒃ ᐊᒻᒪ ᐱᓕᕆᖃᑎᖃᑦᑎᐊᖏᓐᓇᕐᓗᓂ ᐃᓄᐃᑦ ᓇᖕᒥᓂᖁᑎᖏᓐᓂᒃ ᑎᑎᕋᖅᑕᐅᓯᒪᓗᓂ ᐃᓄᐃᑦ ᓇᖕᒥᓂᖃᕐᕕᖓᓂ. ᑕᑯᒃᓴᐅᑎᑦᑎᔭᕆᐊᖃᖅᐳᖅ ᐅᔾᔨᖅᓱᑦᑎᐊᕈᓐᓇᕐᓂᕐᒥᒃ ᐃᓗᓕᖏᓐᓂᒃ, ᐋᖅᑭᒃᓱᐃᔪᓐᓇᕐᓗᓂᓗ, ᖃᓄᐃᑦᑑᑎᑦᑎᔪᓐᓇᕐᓗᓂ ᐊᐅᓚᑦᑎᔪᓐᓇᕐᓗᓂᓗ ᑎᑎᕋᖅᓯᒪᔪᓂᒃ ᑲᔪᓯᓂᖃᑦᑎᐊᕐᓗᓂ. ᑎᑎᕋᕈᓐᓇᑦᑎᐊᕐᓗᓂ ᐊᒻᒪ ᑐᓴᐅᒪᑎᑦᑎᔪᓐᓇᑦᑎᐊᕐᓗᓂ, ᑐᒃᓯᕋᐅᑎᓕᕆᔪᓐᓇᑦᑎᐊᕐᓗᓂ/ᓄᑖᙳᕆᐊᖅᑎᑦᑎᔪᓐᓇᕐᓗᓂ ᐊᒻᒪ ᐊᑎᓕᐅᖅᑕᐅᓂᕐᒧᑦ ᐊᑐᐊᒐᓕᐅᕈᓐᓇᕐᓗᓂ ᓯᓚᑖᓂᙶᖅᑐᓂᒃ ᓇᖕᒥᓂᓕᖕᓂᒃ. ᐱᓯᒪᓗᓂ ᐱᐅᑦᑎᐊᖅᑐᒥᒃ ᐊᑐᖅᑎᐅᕙᒃᑐᑦ ᐱᔨᑦᑎᕋᕐᕕᐅᕙᖕᓂᖏᓐᓄᑦ ᐊᔪᕈᓐᓃᖅᑕᐅᓯᒪᔪᓂᒃ ᑕᑯᒃᓴᐅᑎᑦᑎᓪᓗᓂᓗ ᐊᔪᙱᓐᓂᖃᕐᓂᕐᒥᒃ ᐋᖅᑭᒃᓯᒪᓕᕈᑕᐅᔪᓐᓇᖅᑐᓂᒃ. ᖃᐅᔨᓴᕈᓐᓇᑦᑎᐊᕐᓗᓂ ᐊᒻᒪ ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓇᓱᒍᓐᓇᕐᓗᓂ. ᖃᐅᔨᒪᓂᖃᑦᓯᐊᖅᑐᖅ ᓄᓇᕗᒻᒥ ᐊᖏᕈᑎᒥᑦ ᓄᓇᕗᑦ ᑐᙵᕕᒃᑯᓪᓗ ᐱᓕᕆᐊᑦᓴᖏᓐᓂᑦ, ᐱᓗᐊᖅᑐᒥᑦ ᐃᓚᖓ 24.
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑏᑦ ᒪᓕᒃᑎᓪᓗᒋᑦ.
ᑮᓇᐅᔾᔭᒃᓴᓯᒋᐊᕋᔭᖅᑐᖅ $97,447.00.00 ᐊᕐᕌᒍᒧᑦ (ᐱᓕᕆᖃᑦᑕᖅᓯᒪᓂᖓ ᒪᓕᒡᓗᒍ) ᓈᒪᔪᒥᒃ ᐃᑲᔫᓯᐊᖅᑖᖑᕙᒃᑐᑦ ᐅᑯᓂᖓᓗ ᐃᖅᑲᓇᐃᔭᖅᑏᑦ ᐃᓐᓇᖅᓯᐅᑎᒃᓴᖏᓐᓄᑦ ᐸᕐᓇᐅᑎᑦ, ᑲᑎᙵᔪᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.
ᐃᒡᓗᒧᑦ ᐃᑲᔫᓯᐊᑦ $35,232.00
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓄᑦ, ᖃᐅᔨᒋᐊᕐᕕᒋᒍᒃ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖃᓘᑦ: 867-645-5408
ᓱᒃᑲᔪᒃᑯᑦ 867-645-3872
ᒪᑐᕝᕕᒃᓴᖓ: ᕕᕝᕗᐊᕆ 7, 2025
ᑐᕌᒐᕆᔭᕗᑦ: ᐃᓄᐃᑦ ᒪᑭᒪᓇᓱᐊᕈᑎᖏᑦ, ᐃᓅᓯᖏᑦ, ᐃᓕᖅᑯᓯᖏᓪᓗ ᖃᓄᐃᙱᑦᑎᐊᕐᓂᖏᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᕈᑎᒥᒃ.
LOCATION: ᐃᖃᓗᐃᑦ, ᓄᓇᕗᑦCLOSING DATE: February 7, 2025
