ᐱᓕᕆᐊᒃᓴᖅ ᑕᑯᖅᓴᐅᑎᑕᐅᒃᑲᓐᓂᖅᑐᖅ
ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᒧᐊᒃᑎᑎᔨ
ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᕕᒃ
ᓄᓇᕗᑦ ᑐᙵᕕᒃ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ
ᑐᑭᒧᐊᒃᑎᑎᔨ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᖃᕐᓂᐊᖅᐳᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᓯᔨᓗᓂ. ᐱᓕᕆᔨᑖᕆᔭᐅᓂᐊᖅᑐᖅ ᐋᖅᑭᒃᓱᐃᓂᐊᖅᐳᑦ ᑎᑎᕋᕐᓂᐊᖅᐳᖅ ᐊᒻᒪ ᐸᕐᓇᐅᑎᒃᓴᓕᐅᕈᔾᔨᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᓯᕗᓕᖅᑎᓄᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂ. ᓯᕗᓕᕐᑎᒋᔭᐅᓂᐊᕐᐳᑎᑦ ᐱᓕᕆᐊᖃᐃᓐᓇᕐᓗᑎᑦ ᐱᕙᓪᓕᐊᑎᑎᓂᕐᒧᑦ, ᐱᕚᓪᓕᖅᑎᑎᓂᕐᒧᑦ, ᐋᖅᑭᒃᓱᐃᓂᕐᒧᑦ ᐋᖅᑭᐅᒪᑎᑎᖏᓐᓇᕐᓂᕐᒧᓪᓗ ᐃᓄᖁᑎᑦᑎᓐᓂᒃ ᐸᕐᓇᒃᓯᒪᒍᔾᔨᓂᑦᑎᓐᓄᑦ ᒪᓕᒡᓗᒋᑦ ᐱᓕᕆᕕᑦᑕ ᐸᕐᓇᒃᓯᒪᒍᑎᖏᓐᓂᒃ ᐊᒻᒪ ᑐᕌᓂᕆᔭᑦᑎᓐᓂᒡᓗ, ᐃᓕᖁᓯᑦᑎᓐᓂᒃ ᐱᖅᑯᓯᑦᑎᓐᓂᒃ ᐸᐸᑦᓯᓂᕐᒧᑦ, ᑐᕌᕐᓂᖃᕐᓗᑕ, ᐊᒻᒪ ᐱᒍᒪᔭᖅᐳᑦ ᐱᒋᐊᕐᓗᒋᑦ. ᐅᖃᐅᑎᖃᑦᑕᕐᓗᒋᓪᓗ ᖃᐅᔨᒪᔭᕐᓂᒃ ᑖᒃᑯᐊ ᐊᐅᓚᑦᓯᔨᑦ ᐊᒻᒪ ᑐᑭᒧᐊᒃᑎᑎᔨᑦ ᐱᕙᓪᓕᐊᑎᑕᐅᓂᖏᓐᓄᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐸᕐᓇᒍᑎᒋᓯᒪᔭᖏᑦ, ᐱᓗᐊᖅᑐᒥᒃ ᐃᓄᐃᑦ ᐱᔾᔪᑎᒋᓪᓗᒋᑦ ᖃᐅᔨᒪᑦᓯᐊᕐᓗᑎᑦ ᑐᑭᓯᐅᒪᑦᓯᐊᕐᓗᑎᓪᓗ ᓄᓇᕗᑦ ᑐᓐᖓᕕᒃᑯᑦ ᐊᐅᓚᓂᕆᔭᖏᓐᓂᒃ, ᐋᖅᑭᐅᒪᓂᖏᓐᓂᒃ ᐱᖅᑯᓯᑐᖃᓕᕆᓂᕐᒧᑦ ᐃᓕᖁᓯᑐᖃᓕᕆᓂᕐᒧᓪᓗ ᐃᖅᑲᓇᐃᔭᖅᑎᖃᕐᓂᕐᒧᓪᓗ, ᐊᒻᒪ ᖃᐅᔨᒪᑦᓯᐊᕐᓗᑎᑦ ᖃᓄᐃᓕᐅᖅᐸᓪᓕᐊᓂᖏᓐᓄᑦ ᐊᑲᐅᓛᒃᑯᑦ ᓯᓚᑎᑦᑎᓐᓂᓗ ᐃᖅᑲᓇᐃᔭᕐᓂᕐᒧᑦ ᐱᔾᔪᑎᖃᖅᑐᓂᒃ ᒪᓕᒐᑎᒍᑦ, ᐃᓄᓕᕆᓂᒃᑯᑦ, ᐃᓄᒋᐊᖕᓂᐅᔪᓪᓗ ᐊᒻᒪ ᓯᓚᕐᔪᐊᒥ ᖃᓄᐃᓕᐅᕈᑕᐅᔪᑦ ᑮᓇᐅᔭᓕᐅᕐᓂᕐᒧᑦ ᕿᑐᖏᐅᕈᑎᖏᓐᓄᓪᓗ.
ᐊᒻᒪ ᓄᓇᕗᑦ ᑐᓐᖓᕕᒃᑯᓐᓄᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᒍᑎᖃᕐᓗᑎᒃ, ᐸᕐᓇᒃᑲᓐᓂᕐᓂᐊᖅᐳᑎᑦ, ᐱᓕᕆᐊᖃᕐᓗᑎᑦ ᐊᑐᓕᖅᑎᑎᓗᑎᓪᓗ ᑕᒪᐃᓐᓂᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᐅᑎᐅᔪᓂᒃ ᐱᓕᕆᐊᒃᓴᓂᒡᓗ ᐃᓚᐅᑎᑎᓗᑎᑦ ᐱᕙᓪᓕᐊᑎᑎᓂᕐᒥᒃ ᐊᑐᐊᒐᕐᓂᒃ ᐊᒻᒪ ᐃᓕᖁᓯᕆᔭᐅᓂᐊᖅᑐᓂᒃ, ᐊᔭᐅᕈᑎᖃᕐᓗᓂ ᐃᑲᔪᕈᑎᖃᕐᓗᓂᓗ ᐊᓯᔾᔨᕆᐊᕈᑎᒃᓴᓂᒃ ᐱᓕᕆᐊᒃᓴᓂᒃ ᐱᓕᕆᐊᖃᕐᓗᓂ, ᐱᔨᑦᓯᕋᐅᑎᓂᒡᓗ, ᖃᓄᐃᓕᐅᕈᑎᓂᒡᓗ ᑐᓴᐅᒪᑎᑎᒍᑎᓂᒡᓗ.
ᐅᑯᐊᓗ ᐃᓚᐅᓗᑎᒃ, ᑖᒃᑯᐊᑐᐊᖑᖏᒃᑲᓗᐊᕆᓪᓗᑎᒃ: ᐸᕐᓇᖕᓂᖅ, ᐋᖅᑭᐅᒪᑎᑎᓂᖅ, ᑎᓕᓯᓂᖅ, ᐊᑐᓕᖅᑎᑎᓂᖅ ᐊᒻᒪ ᖃᐅᔨᓴᕐᓂᖅ ᐊᐅᓚᒍᓯᖏᓐᓂᒃ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕕᖓᑕ; ᐋᖅᑭᒃᓱᐃᓗᓂ ᖃᐅᔨᓴᖃᑦᑕᕐᓗᒋᓪᓗ ᑮᓇᐅᔭᑦ ᐊᑐᒐᒃᓴᖏᑦ; ᒥᐊᓂᖅᓯᖃᑦᑕᕐᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᕕᖕᒥ ᐃᖅᑲᓇᐃᔭᖅᑐᓂᒃ (5) ᑕᐃᒎᓯᖏᓪᓗ ᐱᓕᕆᔨᑦ; ᐱᓕᕆᔨᑖᕐᓂᖅ, ᐃᖅᑲᓇᐃᔭᖅᑎᑖᕐᓂᖅ, ᐱᓯᒪᐃᓐᓇᕐᓗᒋᓪᓗ ᐃᖅᑲᓇᐃᔭᖅᑎᑖᕆᔭᓂ ᐊᒻᒪ ᐃᖅᑲᓇᐃᔭᖅᑎᑦ ᐃᓕᓐᓂᐊᖅᑎᑕᐅᓂᖏᑦ ᖃᓄᑐᐃᓐᓇᖅ ᐱᓕᕆᑎᑕᐅᕙᒡᓗᑎᒃ; ᐊᑭᓕᖅᑐᖅᑕᐅᒍᑎᑦ ᐃᑲᔫᓯᐊᒃᓴᖏᓪᓗ ᐃᖅᑲᓇᐃᔭᖅᑎᑦ ᐱᓕᕆᐊᕆᓗᒋᑦ; ᖃᓄᖅ ᐱᓕᕆᓂᖃᕐᓂᖏᓐᓄᑦ ᐅᔾᔨᕈᓱᖕᓂᖅ ᖃᐅᔨᓴᕐᓂᖅ ᑎᑎᕋᕐᓗᒋᓪᓗ, ᐃᓕᓐᓂᐊᖅᑎᑎᖃᑦᑕᕐᓂᖅ ᐊᒻᒪ ᐱᑦᓯᐊᔪᓴᓂᕐᒧᑦ ᐊᔪᖏᓐᓂᕐᒧᑦ ᐊᐅᓚᑦᓯᓂᖅ; ᐱᓕᕆᐊᕆᔭᐅᔪᓂᒃ ᖃᐅᔨᒋᐊᖃᑦᑕᕐᓂᖅ ᖃᓄᐃᓕᐅᓕᕐᓂᖏᓐᓄᑦ ᐃᖅᑲᓇᐃᔭᖅᑎᑦ, ᓯᕗᓕᖅᑎᐅᓂᖅ, ᖃᐅᔨᒪᑎᐅᖃᑦᑕᕐᓂᖅ ᐊᒻᒪ ᐃᓕᓐᓂᐊᖅᑎᑎᓂᖅ ᑐᑭᒧᐊᒃᑎᑎᔨᓂᒃ ᐃᖅᑲᓇᐃᔭᖅᑎᒥᖕᓂᒃ ᖃᓄᐃᓕᐅᖃᑦᑕᕆᐊᖃᕐᓂᕐᒧᑦ; ᐃᖅᑲᓇᐃᔭᕐᕕᖕᒥ ᐋᓐᓂᖅᑕᐃᓕᒪᔪᓕᕆᓂᖅ ᐅᔾᔨᖅᑐᑦᓯᐊᕆᐊᖃᕐᓂᕐᓗ; ᐊᒻᒪ ᐃᖅᑲᓇᐃᔭᖅᑐᓕᕆᔨᑦ ᐸᕐᓇᒃᐸᒡᓗᓂ ᐊᐅᓚᑦᓯᓗᓂᓗ. ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᓪᓚᕕᖓᓂ ᐱᐊᓚᔪᒻᒪᕆᐅᕗᑦ ᓱᑲᑦᑑᓪᓗᑎᒃ ᐱᓕᕆᐊᕆᔭᐅᒋᐊᖃᖅᑐᑦ, ᑕᐃᒪᓐᓇᓗ ᖃᐅᔨᒪᑦᓯᐊᕆᐊᖃᖅᖢᓂ ᖃᓄᖅ ᐱᕕᒃᓴᖃᖅᑎᑕᐅᓂᕐᒥᓄᑦ,
ᖃᐅᔨᒪᑦᓯᐊᖃᑦᑕᕐᓗᒋᓪᓗ ᐱᓕᕆᐊᕆᔭᓂ, ᐅᔾᔨᖅᑐᑦᓯᐊᕐᓗᓂᓗ ᐋᖅᑭᐅᒪᓂᖏᑦ ᐱᖅᑯᓯᑐᖃᖏᑦ ᐃᓕᖁᓯᑐᖃᖏᑦ, ᐱᒍᒪᔭᖏᓪᓗ ᐱᓕᕆᕕᑦ ᐊᔾᔨᒌᖏᑦᑐᑦ ᐃᓗᐊᓂ, ᑐᑭᒧᐊᒃᑎᑎᔨᓪᓗ ᐱᒍᒪᔭᖏᑦ ᐊᒻᒪ ᒥᐊᓂᖅᓯᔨᑦ, ᐃᖅᑲᓇᐃᔭᖅᑎᑦ ᐊᒻᒪ ᐱᓕᕆᖃᑎᒌᒍᓯᖏᑦ. ᑐᑭᒧᐊᒃᑎᑎᔨ ᐃᖅᑲᓇᐃᔭᖅᑐᓕᕆᓂᕐᒧᑦ ᖃᐅᔨᒪᑎᒋᔭᐅᓂᐊᖅᐳᖅ ᐃᖅᑲᓇᐃᔭᖅᑐᓕᕆᓂᖅ ᐱᕙᓪᓕᐊᓂᕆᔭᖓᑕ ᒥᒃᓵᓄᑦ ᑖᒃᑯᓄᖓ ᐊᖓᔪᖃᐅᑕᐅᔪᓄᑦ ᐊᐅᓚᑦᓯᔨᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐅᓂᒃᑳᖃᑦᑕᕐᓗᓂ ᐃᖅᑲᓇᐃᔭᖅᑎᑦ ᐱᔾᔪᑎᒋᓪᓗᒋᑦ ᖃᐅᔨᓴᖃᑦᑕᕐᓗᓂᓗ ᓇᓗᓇᐃᔭᐃᖃᑦᑕᕐᓗᓂᓗ ᐅᖃᖃᑦᑕᕐᓗᓂᓗ ᐃᖅᑲᓇᐃᔭᖅᑎᖃᕐᓂᐅᑉ ᒥᒃᓵᓄᑦ ᐊᒻᒪ ᐃᖅᑲᓇᐃᔭᖅᑎᑦ ᐱᔾᔪᑎᒋᓪᓗᒋᑦ.
ᐱᓕᕆᔨᑖᕆᔭᐅᓂᐊᖅᑐᖅ ᓯᓚᑦᑐᖅᓴᕐᕕᖕᒥᑦ ᓇᓗᓇᐃᒃᑯᑕᖅᑖᖅᓯᒪᓗᓂ ᐱᓕᕆᐊᖃᕐᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᓯᓂᕐᒧᑦ ᐅᕙᓘᓐᓃᑦ; ᓇᖕᒥᓂᖃᕐᕕᖕᓂ ᐊᒡᓚᕕᓕᕆᓂᖅ ᐃᓕᓐᓂᐊᕌᓂᒃᓯᒪᓗᓂ ᐅᕙᓘᓐᓃᑦ; ᑎᑎᕋᕐᕕᖕᒥ ᐱᓕᕆᔨᐅᓂᕐᒧᑦ ᐊᔪᖏᓴᕐᓂᕐᒧᑦ ᐃᓕᓐᓂᐊᖅᓯᒪᓗᓂ ᐃᖅᑲᓇᐃᔭᖅᑐᓂᒃ ᐊᐅᓚᑦᓯᓂᕐᒧᑦ (ᒐᕙᒪᓂ/ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᖃᕐᓂᖅ). ᐃᖅᑲᓇᐃᔭᖅᑎᑖᕆᔭᐅᔪᖅ ᐱᖓᓱᓂᒃ (3) ᐅᑭᐅᓂᒃ ᐊᖓᔪᖃᐅᑕᐅᖃᑕᐅᓗᓂ ᐊᐅᓚᑦᓯᔨᐅᓯᒪᓗᓂ; ᐊᒻᒪ ᐅᑯᓂᖓ ᐊᔪᖏᓐᓂᖃᕆᐊᖃᖅᐳᖅ ᐱᔪᓐᓇᕐᓗᓂᒋᓪᓗ:
- ᐱᓕᕆᖃᑎᒋᔭᐅᑦᓯᐊᕐᓗᓂ, ᐃᖕᒥᓂᒃ ᐱᒋᐊᕈᓐᓇᕐᓗᓂ ᐃᑲᔪᖅᑎᖃᖏᓪᓗᓂ, ᐃᖕᒥᓂᒃ ᐃᓱᒪᒃᓴᓯᐅᕈᓐᓇᕐᓗᓂᓗ ᐊᒻᒪ ᐋᖅᑭᐅᒪᑦᓯᐊᕐᓂᕐᒧᑦ ᐊᔪᖏᓐᓂᖃᕐᓗᓂ;
- ᐱᔪᓐᓇᕐᓗᓂ ᐱᒋᐊᖅᑎᑎᒍᓐᓇᕐᓗᓂ ᐱᐅᔪᓂᒃ ᐊᑲᐅᔪᓂᒃ ᐊᐅᓚᑦᓯᔪᓐᓇᕐᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᓂᒃ;
- ᐊᔪᖏᓪᓗᓂ ᓇᓗᓇᐃᔭᐃᔪᓐᓇᕐᓂᕐᒧᑦ ᑐᑭᑖᖅᑎᑎᔪᓐᓇᕐᓂᕐᒧᓪᓗ ᐊᑐᐊᒐᕐᓂᒃ, ᒪᓕᒐᕐᓂᒃ ᐊᒻᒪ ᐱᖁᔭᖏᓐᓂᒃ;
- ᐊᑲᐅᓂᖅᓴᐅᒐᔭᖅᐳᖅ ᐃᖅᑲᓇᐃᔭᖅᑎᑖᕈᑦᑕ ᐅᖃᕈᓐᓇᖅᑐᒥᒃ ᑎᑎᕋᕈᓐᓇᕐᓗᓂᓗ ᐃᓄᒃᑐᑦ/ᐃᓄᐃᓐᓇᖅᑐᓪᓗ ᐱᔪᓐᓇᖏᒃᑯᓂ ᐃᓕᓐᓂᐊᕈᒪᑦᓯᐊᕆᐊᖃᕐᓗᓂ ᐅᖃᐅᓯᕐᓂᒃ;
- ᐅᖃᐅᓯᒃᑯᑦ ᑎᑎᖃᑎᒍᓪᓗ ᑐᓴᐅᒪᑎᑎᔪᓐᓇᑦᓯᐊᕐᓗᓂ;
- ᐅᓂᒃᑳᕈᓐᓇᑦᓯᐊᕐᓗᓂ ᑕᑯᑎᑎᔪᓐᓇᑦᓯᐊᕐᓗᓂᓗ ᑭᒃᑯᑐᐃᓐᓇᕐᓄᑦ ᐅᓂᒃᑳᕈᑎᒃᑯᑦ ᑕᑯᒃᓴᐅᔪᒃᑯᓪᓘᓐᓃᑦ;
- ᐅᔾᔨᕈᓱᑦᓯᐊᕐᓗᓂ ᐊᒻᒪ ᑐᑭᓯᐅᒪᑦᓯᐊᕐᓗᓂᓗ ᑲᓇᑕᒥ ᑭᒃᑯᑐᐃᓐᓇᐃᑦ ᐱᔪᓐᓇᕐᓂᖃᕐᓂᖏᓐᓄᑦ ᒪᓕᒐᕐᓂᒃ, ᑲᓇᑕᐅᑉ ᒐᕙᒪᒃᑯᖏᑦᑕ ᒪᓕᒐᖏᓐᓂᒃ ᓄᓇᕗᑦ ᒪᓕᒐᖏᓐᓂᒡᓗ ᐃᖅᑲᓇᐃᔭᖅᑐᓕᕆᓂᕐᒧᑦ ᐃᖅᑲᓇᐃᔭᖅᑎᓪᓗ ᐊᔾᔨᒌᒃᑎᑕᐅᒋᐊᖃᕐᓂᖏᓐᓄᑦ ᒪᓕᒐᕐᓂᒃ;
- ᖃᐅᔨᒪᑦᓯᐊᕐᓗᓂ ᐊᑐᐊᒐᓕᐅᕐᓂᕐᒥᒃ ᐊᒻᒪ ᖃᐅᔨᓴᕐᓂᕐᒥᒃ;
- ᐅᔾᔨᕈᓱᑦᓯᐊᕐᓗᓂ ᐱᓕᕆᐊᓂᒃ ᐱᔨᑦᓯᕋᐅᑎᓂᒡᓗ ᐊᒻᒪ ᐃᖅᑲᓇᐃᔭᖅᑎᑖᕈᓐᓇᕐᓂᕐᒥᒃ ᖃᐅᔨᒪᒍᑎᓂᒃ ᐋᖅᑭᐅᒪᒍᑎᓂᒡᓗ ᑕᒪᓐᓇ ᖃᓄᖅ ᐱᕙᓪᓕᐊᓂᕆᔭᖏᓐᓂᒃ.
- ᖃᐅᔨᒪᑦᓯᐊᕐᓗᓂ ᑮᓇᐅᔭᓕᕆᓂᕐᒧᑦ ᐊᐅᓚᑦᓯᒍᑎᓂᒃ ᐱᓕᕆᐊᖃᕈᓐᓇᕐᓂᐊᕐᓗᓂ ᐃᖅᑲᓇᐃᔭᖅᑐᓕᕆᔨᑦ ᐱᓕᕆᐊᖏᓐᓂᒃ ᖃᓄᐃᓕᐅᕈᓯᖏᓐᓂᒡᓗ ᐱᓕᕆᐊᖃᑦᓯᐊᖁᓪᓗᒍ;
- ᑭᒃᑯᑐᐃᓐᓇᕐᓂᒃ ᐱᓕᕆᖃᑎᖃᑦᓯᐊᕈᓐᓇᕐᓗᓂ, ᐱᓕᕆᖃᑎᒥᓂᒡᓗ ᐱᓕᕆᖃᑎᖃᑦᓯᐊᕈᓐᓇᕐᓗᓂ ᐊᒻᒪ ᐋᖅᑭᐅᒪᑦᓯᐊᕈᓐᓇᕐᓗᓂᓗ ᐱᓕᕆᕕᖕᒥᓂ,
- ᐱᓕᕆᖃᑎᖃᑦᓯᐊᕈᓐᓇᕐᓗᓂᓗ ᐊᒻᒪ ᐊᒻᒪ ᑲᑐᔾᔨᖃᑎᒌᖕᓂᖅ ᐊᔾᔨᒌᖏᑦᑐᓂᒃ ᑭᒃᑯᑐᐃᓐᓇᕐᓂᒃ ᑎᒥᐅᔪᓂᒃ, ᑕᒪᐃᓐᓂᒃ ᒐᕙᒪᒃᑯᓐᓂᒃ ᐊᒻᒪ ᓯᓚᑎᒥᐅᑕᖏᓐᓂᒃ,
- ᐃᒃᐱᒍᓱᑦᓯᐊᕐᓗᓂ ᓄᓇᓕᖕᓂ, ᒐᕙᒪᓕᕆᓂᕐᒧᑦ ᐱᓕᕆᐊᖃᖅᑐᓂᒃ ᐊᒻᒪ ᐃᓕᖁᓯᑐᖃᓕᕆᓂᕐᒧᑦ ᐱᖅᑯᓯᑐᖃᓕᕆᓂᕐᒧᑦ ᐱᒍᒪᔭᐅᔪᓂᒃ;
- ᖃᓄᑐᐃᓐᓇᖅ ᐱᓕᕆᔪᓐᓇᕐᓗᓂ ᓱᖏᐅᑎᓯᒪᒋᐊᖃᕐᓗᓂᓗ ᑕᐃᒪᓐᓇ ᐱᓕᕆᑎᑕᐅᓗᓂ;
- ᑕᒪᒃᑯᐊ ᑕᐃᒪᓐᓇ ᐊᔪᖏᔾᔪᑎᖃᕐᓚᒃᑐᑦ ᐱᓕᕆᔨᑖᕆᔭᐅᑐᐃᓐᓇᕆᐊᖃᖅᐳᑦ ᐃᓱᒪᒋᔭᐅᔪᓐᓇᖅᐳ.
ᐃᓄᐃᑦ ᐊᑎᖃᖃᑦᑕᐅᔪᑦ ᓄᓇᕗᑦ ᐊᖏᕈᑎᖓᓐᓂᒃ ᐱᓇᓱᖄᑕᐅᕐᕈᓐᓇᖅᑐᐃᑦ
ᐃᖃᓇᐃᔮᒧᑦ ᑮᓇᐅᔭᓕᐊᕆᓂᖓᑦ ᐊᔪᖏᓂᖓᓐᓄᑦ ᒪᓪᓕᒡᓗᒍ ᐊᒻᒪ ᐃᑲᔪᑏᑦ ᐊᑐᐃᕐᓇᐅᔪᐃᑦ ᑮᓇᐅᔭᓕᐊᖏᓐᓄᑦ ᒪᓪᓕᒡᓗᑏᑦ ᑕᒻᒪᑯᓄᖓ ᐋᕿᒃᓱᕐᑕᐅᑎᐊᕐᓯᒪᔪᒥ ᐃᖃᓇᐃᔭᕐᑎᐅᔪᓄᑦ ᐃᓐᓇᕐᓯᐅᑕᐅᓂᐊᕐᑐᓂᒃ ᐃᑲᔪᑏᑦ ᐊᒻᒪ ᐃᖃᓇᐃᔭᖅᑏᑦ ᓇᓪᓕᐅᒃᑯᒫᖏᓄᑦ ᐊᒻᒪ ᓄᖃᖓᒍᑕᐅᓂᐊᕐᑐᓂᒃ ᐃᑲᔫᑎᖃᕐᓗᓂ.
ᐃᖅᑲᓇᐃᔭᖅᑎᑦ ᐃᒡᓗᖃᖅᑎᑕᐅᓂᐊᖅᐳᖅ.
ᑐᙵᕕᒃᑯᑦ ᐃᑲᔫᑎᖃᖃᑦᑕᖅᑐᑦ ᐊᔾᔨᒌᙱᑐᖅᑎᒍᑦ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ ᐃᓚᒋᔭᐅᓪᓗᓂ ᐃᑲᔫᑎ ᑎᒍᓯᔾᔪᑎᒧᑦ ᐃᓪᓗᒥᒃ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎ $27,600.
ᖃᐅᔨᒋᐊᕐᕈᓐᓇᕐᑐᑎᑦ ᐃᑲᓇᐃᔭᑦᓴᐅᑉ ᐱᓪᓗᒍ ᖃᐅᔨᒋᐊᓪᓗᑏᑦ:
ᐃᖅᑲᓇᐃᔭᖅᑐᓕᕆᔨᒃᑯ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C 0G0
ᐅᖄᓚᐅᑖ: 867-645-5440
ᓱᑲᔪᒃᑯᑦ: 867-645-5414
ᒪᑐᔭᐅᓂᐊᖅᑐᖅ ᐃᖅᑲᓇᐃᔭᒐᒃᓴᖅ: ᕕᕝᕗᐊᕆ 10, 2023
LOCATION: ᑲᖏᖅᖠᓂᖅCLOSING DATE: February 10, 2023
