ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᖃᐅᔨᒪᑎ−ᐃᖅᑲᓇᐃᔭᖅᑎᑖᖅᑎᑎᔨ
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ
ᐊᖓᔪᖄᖃᕐᓗᑎᑦ ᑐᑭᒧᐊᒃᑎᑎᔨᒥᒃ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ: ᐃᖅᑲᓇᐃᔭᖅᑐᓕᔨᒃᑯᓐᓄᑦ ᖃᐅᔨᒪᑎ−ᐃᖅᑲᓇᐃᔭᖅᑎᑖᖅᑎᑎᔨ ᐱᓕᕆᐊᖃᕐᓂᐊᖅᐳᖅ ᖃᓄᑐᐃᓐᓇᖅ ᐊᔾᔨᒌᖏᑦᑐᓂᒃ ᐊᒥᓱᓂᒃ ᐃᖅᑲᓇᐃᔭᖅᑎᑖᕐᓂᕐᒧᑦ ᐱᓕᕆᐊᓂᒃ ᓂᕈᐊᖅᖠᕈᑎᓂᒡᓗ. ᐅᑯᐊᖑᓂᐊᖅᖢᑎᒃ ᐃᓚᖏᑦ: ᐱᕙᓪᓕᐊᑎᑎᓂᖅ ᐃᖅᑲᓇᐃᔭᖅᑎᑖᕐᓂᕐᒧᑦ ᐸᕐᓇᐅᑕᐅᓯᒪᓂᐊᖅᑐᓂᒃ; ᐊᐱᖅᓱᕐᓂᖅ ᐊᒻᒪ ᐊᐅᓚᑦᓯᔨᐅᓂᖅ ᐃᖅᑲᓇᐃᔭᖅᑎᑖᕋᓱᐊᕐᓂᕐᒧᑦ ᐊᐅᓚᑦᓯᔨᐅᔪᓂᒃ. ᑐᓴᒐᒃᓴᓕᐅᖃᑦᑕᕐᓗᓂ ᐱᓕᕆᐊᒃᓴᓂᒃ ᑐᓐᖓᕕᒃᑯᑦ ᐃᓗᐊᓂ ᓯᓚᑖᓂᓪᓗ; ᐱᓕᕆᐊᒃᓴᒥᒃ ᐊᐃᑦᑐᐃᖃᑦᑕᕐᓂᖅ ᐊᔪᖏᑦᑐᓄᑦ, ᖃᐅᔨᓴᕐᓂᖅ ᖃᓄᐃᓕᐅᕈᑕᐅᔪᓂᒃ, ᑐᓴᖅᑎᑎᓂᖅ ᐱᓕᕆᑎᑕᐅᓇᔭᖅᑐᓂᒃ; ᖃᐅᔨᓴᕐᓂᖅ ᐱᓕᕆᕕᕕᓂᖏᓐᓂᒃ ᐱᓕᕆᔨᐅᓂᐊᖅᑐᑦ ᐊᒥᓲᖏᓐᓂᖅᓴᐅᓕᖅᑎᓪᓗᒋᑦ ᐆᒃᑐᖃᑕᐅᓚᐅᖅᑐᑦ ᐱᓕᕆᐊᒧᑦ, ᖃᐅᔨᓴᕐᓂᖅ ᖃᓄᐃᓕᐅᕈᑕᐅᓯᒪᔪᓂᒃ; ᖃᐅᔨᓴᕐᓂᖅ ᐃᓄᒃᑐᑦ ᐅᖃᕈᓐᓇᑦᓯᐊᕋᓗᐊᕐᒪᖔᑦ; ᐃᓕᓐᓂᐊᖅᓯᒪᓂᖏᓐᓂᒡᓗ ᐊᔪᖏᑦᑐᕐᔪᐊᑦ ᐃᓕᓐᓂᐊᖅᓯᒪᒍᑎᖏᓪᓗ ᐊᔪᖏᓐᓂᕆᔭᖏᑦ; ᐸᕐᓇᐅᑎᖃᕐᓂᖅ ᐱᓕᕆᔨᑖᕆᔭᐅᓂᐊᖅᑐᖅ ᐊᖏᕈᑎᒋᓂᐊᖅᑕᖏᓐᓂᒃ ᑐᓐᖓᕕᒃᑯᓪᓗ; ᖃᓄᐃᓕᐅᖅᓯᒪᒍᑎᖏᓐᓂᒃ ᖃᐅᔨᓴᕐᓂᖅ; ᑲᒪᒋᔭᖃᕐᓂᖅ ᖃᓄᐃᓕᐅᕈᑕᐅᓂᐊᖅᑐᓂᒃ ᐃᖅᑲᓇᐃᔭᖅᑎᑖᕆᔭᐅᔪᒧᑦ ᓄᑖᒧᑦ ᐊᒻᒪ ᓄᖅᑲᖅᐸᓪᓕᐊᔪᓂᒃ ᐊᐱᖅᓱᕐᓂᖅ.
ᐱᓕᕆᐊᖃᖃᑦᑕᖅᓯᒪᒋᐊᖃᖅᐳᑎᑦ ᐱᓕᕆᐊᕆᔭᐅᔪᒃᓴᓂᒃ ᑎᑎᕋᖃᑦᑕᕐᓂᕐᒧᑦ, ᐱᓕᕆᔨᓂᒃ ᖃᐅᔨᓴᕐᓂᖅ ᐱᓕᕆᐊᖃᕐᓂᖏᓐᓄᑦ ᐱᓕᕆᐊᕆᔭᒥᖕᓂᒃ ᑎᑎᕋᖅᐸᓪᓕᐊᖃᑦᑕᕐᓗᑎᑦ, ᐱᓕᕆᔨᑖᕆᔭᐅᕙᓪᓕᐊᔪᓂᒡᓗ, ᐊᑭᓕᖅᑐᖅᑕᐅᓂᖏᓐᓄᑦ ᑲᒪᒋᔭᖃᕐᓂᖅ, ᑲᑐᔾᔨᖃᑎᒌᓪᓗ ᐃᖅᑲᓇᐃᔭᖅᑎᓗ ᑲᑎᒪᖃᑎᒌᖃᑦᑕᕐᓂᖏᑦ/ᐊᐅᓚᑦᓯᖃᑕᐅᓂᖏᑦ. ᑐᑭᓯᐊᓗᑎᓪᓗ ᐃᖅᑲᓇᐃᔭᖅᑎᑎᓂᕐᒧᑦ ᖃᓄᐃᓕᐅᕈᑎᓂᒃ ᐊᒻᒪ ᒪᓕᒐᕐᓂᒃ ᐃᖅᑲᓇᐃᔭᖅᑎᑎᓂᕐᒧᑦ ᐱᔾᔪᑎᖃᖅᑐᓂᒃ, ᒪᓕᒐᓂᒡᓗ, ᐱᖁᔭᖏᓐᓂᒡᓗ ᐊᒻᒪ ᐊᑐᐊᒐᖏᓐᓂᒃ ᓄᓇᕗᑦ ᐊᑐᕐᓗᒋᓪᓗ ᖃᐅᔨᒪᔭᑎᑦ ᐱᔅᓂᔅᒧᑦ ᑲᑐᔾᔨᖃᑎᒌᓄᓪᓗ ᐊᐅᓚᓂᖏᓐᓂᒃ; ᐃᓚᐅᓗᒋᑦ ᐱᓕᕆᐊᑦ ᐊᐅᓚᑕᐅᔪᑦ ᐱᔨᑦᓯᕋᐅᑎᓪᓗ ᑲᑎᑉᐸᓪᓕᐊᔪᓪᓗ ᐃᖅᑲᓇᐃᔭᕐᓂᕐᒧᑦ ᐱᔾᔪᑎᖃᖅᑐᑦ ᐊᒻᒪ ᐃᓕᖁᓯᑐᖃᖃᖅᑐᓄᑦ ᑐᕌᖅᑐᑦ ᖃᓄᐃᓕᖓᓂᖏᓐᓄᑦ. ᖃᐅᔨᒪᒋᐊᖃᖅᐳᑎᓪᓗ ᐱᓕᕆᐊᖃᖅᓯᒪᓗᑎᑦ ᐃᖅᑲᓇᐃᔭᖅᑎᑖᖃᑦᑕᕐᓂᕐᒧᑦ ᖃᓄᕐᓗ ᐃᓕᖁᓯᖃᕐᓂᖏᑦ ᖃᓄᖅ ᑲᑎᖓᓂᖏᓪᓗ ᐱᓕᕆᐊᑦ ᑐᓐᖓᕕᒃᑯᑦ ᐃᓗᐊᓂ ᓯᓚᑖᓂᓗ. ᐅᖃᕈᓐᓇᕆᐊᖃᖅᐳᖅ ᑎᑎᕋᕈᓐᓇᕐᓗᓂᓗ ᐃᓄᒃᑎᑐᑦ/ᐃᓄᐃᓐᓇᖅᑐᑦ ᐃᓕᓐᓂᐊᕈᒪᒋᐊᖃᕐᓗᓂᓗ ᐃᓄᒃᑎᑐᑦ. ᐅᖃᕈᓐᓇᑦᓯᐊᕐᓗᓂ ᑎᑎᕋᕈᓐᓇᑦᓯᐊᕐᓗᓂᓗ ᑐᓴᒐᒃᓴᓂᒃ ᐊᐅᓚᑦᓯᑦᓯᐊᕐᓗᓂᓗ ᐃᒃᐱᖕᓇᖅᑐᓂᒃ ᑲᖑᓇᖅᑐᓂᒃ ᑐᑭᓯᐅᒪᒍᑎᒃᓴᓂᒃ ᒪᓕᒃᑲᓗᐊᕐᓗᓂ ᐊᑕᐅᑦᓯᒃᑯᑦ ᑲᖑᓇᖅᑐᓄᑦ ᒪᓕᒐᕐᓂᒃ.
ᐃᓄᐃᑦ ᐊᑎᖃᖃᑦᑕᐅᔪᑦ ᓄᓇᕗᑦ ᐊᖏᕈᑎᖓᓐᓂᒃ ᐱᓇᓱᖄᑕᐅᕐᕈᓐᓇᖅᑐᐃᑦ
ᑮᓇᐅᔭᓕᐊᖓ ᐱᒋᐊᖅᑳᕈᑎᖃᕐᓂᐊᖅᐳᖅ $96,997.00 (ᒪᓕᒡᓗᒍ ᐱᔪᓐᓇᕐᓂᕆᔭᖓ) ᐃᑲᔪᑏᑦ ᐊᑐᐃᕐᓇᐅᔪᐃᑦ ᑮᓇᐅᔭᓕᐊᖏᓐᓄᑦ ᒪᓪᓕᒡᓗᑏᑦ ᑕᒻᒪᑯᓄᖓ ᐋᕿᒃᓱᕐᑕᐅᑎᐊᕐᓯᒪᔪᒥ ᐃᖃᓇᐃᔭᕐᑎᐅᔪᓄᑦ ᐃᓐᓇᕐᓯᐅᑕᐅᓂᐊᕐᑐᓂᒃ ᐃᑲᔪᑏᑦ ᐊᒻᒪ ᐃᖃᓇᐃᔭᖅᑏᑦ ᓇᓪᓕᐅᒃᑯᒫᖏᓄᑦ ᐊᒻᒪ ᓄᖃᖓᒍᑕᐅᓂᐊᕐᑐᓂᒃ ᐃᑲᔫᑎᖃᕐᓗᓂ.
ᑐᙵᕕᒃᑯᑦ ᐃᑲᔫᑎᖃᖃᑦᑕᖅᑐᑦ ᐊᔾᔨᒌᙱᑐᖅᑎᒍᑦ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ ᐃᓚᒋᔭᐅᓪᓗᓂ ᐃᑲᔫᑎ ᑎᒍᓯᔾᔪᑎᒧᑦ ᐃᓪᓗᒥᒃ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎ $27,600.
ᖃᐅᔨᒋᐊᕐᕈᓐᓇᕐᑐᑎᑦ ᐃᑲᓇᐃᔭᑦᓴᐅᑉ ᐱᓪᓗᒍ ᖃᐅᔨᒋᐊᓪᓗᑏᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C 0G0
ᐅᖄᓚᐅᑎᑖ: 867-645-5440
ᓱᑲᔪᒃᑯᑦ: 867-645-5414
ᒪᑐᕕᑦᓴᖓ ᐅᓪᓗᖅ: ᒪᐃ 26, 2023
LOCATION: ᑲᖏᖅᖠᓂᖅCLOSING DATE: May 29, 2023
